منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   تهددني بأخيها (http://www.66n.com/forums/showthread.php?t=143353)

gloomy eyes 29-09-2007 08:28 AM

أخي لاند كروزر
أنا بنت أوكي
أحب زوجي يفطر معاي على طول والاجتماعات العائليه المفروض ياأخي ما تزيد عن مرتين في الاسبوع
وهي ما قالت تبي تفطر معاك الا لأنها تحبك وتبي تاخذ راحتها في بيتها مع زوجها
يعني توكلك وتوكلها تجلس جنبك.....الخ
اتصل عليها وعطها كلمتين حلوين واخذ لها وردتين
ومستحيل بتجيب طاري اخوها مره ثانيه
واعذروا المرأه لأن عقلها ناقص ولا تحاسبها أو تحاسب امها على كلمه
وبلييييييييييييييييييييييز لطف اسلوبك مع زوجتك وبتملكها
وسلامتكم

الاخت الفاضلة
آمل منك مراعاة صيغة التخاطب مع الرجال

بحور الشعر 29-09-2007 08:56 AM

طبعا انت غلطان..

بديت بالغلط..على الاقل وتلفظت عليها..المفروض تفطر معها وتأكلها بيدك بعد

ليتك تقرا بسيرة الحبيب صلى الله عليه وسلم ولطفه مع زوجاته رضي الله عنهن

على طول افترضت فيها سوء الظن !

ليه مارديت بود وقلت..حبيبتي ودي افطر معك..بس مضطر اروح واوعدك بعدين او كان جلست لأن توكم معاريس

ويوم انتقدت بنات عمك كان قلت ياليت ياغاليه ماتجيبين سيرتهمن عشاني وتحملي اللي يجيك لخاطري

يعني خل عندك اسلوب..

واكيد بتستفزع باهلها..لأنك للأسف مااحتويتها وحسستها إنك واحد من اهلها..محتقرها
وحاس بداخلك ان لك فضل عليها..وحتى السفره والهديه تقول ماتحلم فيها !

ترى مالك فضل عليها (إن أحسنتم أحسنتم لأنفسكم)

والأعضاء اللي ردوا ..اتبعوا قول المصطفى صلى الله عليه وسلم(ليس الخبر كالمعاينة)..

كونوا عون على الخير..

الله يهديك..

فهد - الجبيل 29-09-2007 10:38 AM

ياقلبي انت ياللاندكروزر

وش هالمشكلة العويصة.


بس تصدق لفت نظري شلون عندك خدامة وانت يادوب لسه متزوج على كلامك في موضوعك الأول ..


الله يعينك يارب و ( يزوجك ) قول امين .

مشكلتي اصدق 29-09-2007 12:12 PM

اقتباس:

المشاركة الأصلية كتبت بواسطة abuaziz
يا اخوة ويا اخوات هناك مشكلة جوهرية في المنتديات فنحن نسمع من طرف واحد وفي الغالب تكون المشكلة لسه طازجة والاخ والاخت في عصبيتهم وربما لوسمعنا وجهة النظر الاخرى لتغير رأينا خذوا مثال على ذلك رأي الزوجة
"يا اخواتي زوجي يعايرني ليل نهار بأنه اشفق علي ولم يطلقني لعدم اقتناعه بجمالي وان لم يكن لفظا فبالنظرات حتى كرهت نفسي وكرهته معي فهو دائما يتجنب النظر الي واخواته وبنات عمه يعايرنني تصريحا او تلميحا بأنه اجمل مني حتى اصبحت حياتي عذاب في عذاب وانا من كنت مدللة في بيت اهلي وختمها في يوم المشكلة عندما قال لي ان من هي في دمامتي لا يحق لها ان تطلب اي شيئ فانصحوني ماذا افعل وان لم اعد استطيع ان اتحمل هذا التعذيب النفسي اليومي ومن من؟ من زوجي وفارس احلامي الذي طالما حلمت ان يمطرني بكلمات الغزل والحب فهل ابقى عنده وأكبر في كل يوم 10 سنين من الهم والحزن انصحوني"
اسف على الاطالة ولكن هذا رأي محتمل للطرف الغائب لعله يغير من نصائحنا لأخونا الذي آمل ان لا يتسرع وياخذالنصيحة من اي احد
فحتى رسول الهدى صلى الله عليه وسلم حذر من ان ياتيه خصم فيكون قوي الحجة فيقضي له فانما هي قطعة من النار ان شاء ان يأخذها أو يتركها



لا تصب بنزين فوق النار هداك الله واصلح بالك

بإختصار يا اخ لندكروزر
ومن الأخير
ياليتك في هذا الرمضان بالذات كونه اول رمضان لزوجتك وياك تكون عطيتها كم يوم لها ولك لوحدكم
ومن نفسك تجي هالحركه
صحيح اجتماعات الاهل على العين والراس ولكن هي توها عروس وجديده وياليتك حسستها إنك ميزت رمضان هذا لها بأنك خصصت لها كم يوم معك لوحدكم
ومو مشكله باقي الايام اجتمعوا...
واكيد ومما لاشك فيه الاهل بيقدرون هالحركه منك

ثانيا صعبه ياخوي كلمتك مابقى الا انتي...والله ثقيييييييييييييييييله
انت ياخوي اللي اخذتها من بيت اهلها...مو هي اللي جتك وتزوجتك..وخلاص احنا نسينا شغلة الجمال القليل..لكن انت يا اخي اخذتها من اهلها اذن اكرمها...الكلمه ذي تحسسها انها دخيله عليكم كعائله..وتزيد من الفجوه بينها وبينكم
وتخليها تتخيلك معهم في كفه وهي في كفه لوحدها...حاجه تخوف والله

ثالثا خذها مبدأ لما هي تعصب انت ترخي...ولما انت تعصب وهي تعصب اجل اوقف النقاش مباشرة وقول لها اذا روقنا يصير خير
وعلمها هالمبدأ انه وقت الزعل مافيه كلام ابدا
( انا حطيت نفسي بمكانك انت...كان يوم قالت خلك معي اليوم نفطر سوا ..اتناقش شوي وبهدوء افهم منها ايش هالطلب المفاجيء..بدون ما احط لها خيارات للاجابه..ما اقول تعبانه؟ دايخه؟ مالك نفس؟

.... لا ....

اسكت واسمعها وش تبي تقول
ان قالت ودي نفطر سوا اليوم..اطالعها وبحنيه اقول لها ليش لا ...ارفع السماعه واعتذر من الاهل...بيعذروني..يا اخي الوزارات وهي وزارات فيها شي اسمه ظرف اضطراري ..وفي جمييييييع الدوائر الحكوميه والاهليه شي اسمه اجازه اضطراريه..ما وقفت على فطور تكرمها فيه..لكن اتفق معها ثاني مره من الليله اللي قبل تعطيني خبر..ومافيها شي اذا انت بادرت بهذا الشي لها ...

ان قالت تعبانه دايخه...اقول لها تعالي على نفسك وارفعي راسي بجيتك معاي وحسسيني انك تحبين مرافقتي ولو فيك هالتعب البسيط...خلها تستحي من هالاعذار االواهيه
ان قالت مالي خلق ..اقول لها احنا مو عزابيه سوا ..متى ماطقت في راسك مالك خلك تجلسين..تعالي وعايني من الله خير ومالك مني الا نتسحر برا...بس خلاص احنا الحين مشتركين في الالتزامات..جملي علي واجمل عليك...

ان جابت سيرة بنات عمي وانهم ما يحبونها..اقول لها تعوذي بالله من الشيطان...واتركي عنك الوساوس..وتونا ما امدانا بهذا الظن الله يهديك...وعطيهم فرصه وانتي عطي نفسك فرصه وتعرفوا على بعض..وحتى ان شفتي منهم شي ..ابيك تطلعين احسن منهم وادفعي السيئه بالحسنه..حسسها انك عاقد عليها امال وانك ماتبيها تخذلك ابد..

(لكن عموما والله يا اخي كثرة الاحتكاك بين الاهل والزوجه احيانا تولد شرار...يعني حتى الرسول عليه الصلاة والسلام اوصى بمباعدة بيوت الاقارب نوعا ما ...لأن الشخصيات تختلف والاطباع كذلك...الا ما يكون فيه سوء فهم او غيره ...خصوصا انه يطلق عليها الان لقب عروس..العين عليها وعلى شخصيتها...الكل يبي يعرف مين هذي الجديده اللي جت..وهي يمكن مرتبكه..خايفه...اللي هو ..ولكن حالها حال اي عضو جديد..لسا يعني عودها طري,تحملها شوي)

انت لو سويت ما سبق ذكره ما كان وصلت انها تقول مالك الا اخوي

لي عوده

مشكلتي اصدق 29-09-2007 12:16 PM

بعض الناس جايين يخربون عليك يا لاندكروزر
ومو انت بس
يخربون على غيرك
خلك ذكي وتصرف صح

وقت(ن) مضى 29-09-2007 01:29 PM

ابداً اخوي
انت اللي سويته كان صح 100% ..
ونصيحتي لك لا تتصل عليها و اقطع العلاقه معها الين هي تعتذر ..
نصيحة مجرب وانت بكيفك

سيد الرجال 29-09-2007 01:34 PM

انت بدأت بالخطأ عندما عاملتها وعنفتها بأسلوب غير لائق

وهي اخطأت بشكل اكبر واعظم عندما ذهبت لبيت أهلها بدون اذنك واقحمت اهلها في المشكلة

أرى ان تتصل بها مباشرة وتتفاهم معها بهدوء وتكون رجعتها للبيت مشروطه بعد تدخل أهلها مرة أخرى وعدم خروجها من البيت بهذه الصورة مقابل تعهدك بحسن معاملتها .

AIM 29-09-2007 01:36 PM

انصحك بحكم الله ( امساك بمعروف او تسريح باحسان )
انصحك ان لا تصعد الموضوع اكثر
وان تعامل انسابك بكل احترام وتقدير
وان تتحمل وتصبر ....... والله مع الصابرين

فهد - الجبيل 29-09-2007 03:15 PM

اقتباس:

المشاركة الأصلية كتبت بواسطة لندكروزر
لأنهم يرتاحون اذا شافوني ودايم اذا افطرت عند الرياجيل اروح داخل عشان ادخن ويجبون لي عصير

........انا مو ذنبي اذا بنات عمي اللي هم خواتي من الرضاع يغلوني واغليهم

....لندكروزر


:( :(

القــانته 29-09-2007 04:10 PM

اقتباس:

المشاركة الأصلية كتبت بواسطة فهد - الجبيل
:( :(

شوف هي اكيد شافت حركات غيره ومكر من بنات عمك والا ماكان سوت كذا ليش يجيبون لك عصير وزوجتك موجوده اسالني عن هذي الحركات المقصوده منهم هم غيرانين منها ويبغون يستفزونها رجاء لاعاد تعطيهم وجه وخليك رسمي عشان ما يتمادون زياده ويخربون بيتك


الساعة الآن 05:00 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©