|
اخوي الاخلاق
اذا ما حصل منها ومن اهلها خطوة جـــبارة جبارة جدا واعتذااار وتصحيح جذري فوا الله ثم والله انك ما تستحقها (الزوجة) انت ماشفت الحياة لسة من البداية افضل لك ولاتلوم نفسك ابدا بل خليك مرتاح ان جميع المحاولات اللي عملتها من اجل بنتك ولكن مافي نتيجة الاستخارة والاقدااام فورا والله ان الاعوجاج والصفات اللي فيها شي صعب ولا تقول لي ان هيا الان بدات تتصل وترجع وتتحسن هذا مو شي ايجابي هذا شي مو بصالحها يعني بعد كل هالمدة عرفتانها غلطت والله مشكلة ياخي |
خلوكم محضر خير
هناك بنت بينهم تستحق التضحيه لاجل عيونها ضحي اخي والله غمره من بنتك وابتسامه بالدنيه وما فيها |
انا استغــرب من الي يقوول ضحي عشان البنت !!!!
اذا يهمك مصلحة بنتك فلا ترجـع زوجتـك الا بشروطك وبعد اعتذاار والا راح تعيش انت وبنتك حياه متعبـه |
حقيقه الشـد الاخير الي حصل من الاعضاء
هو بعد شفنا مواضيع قديمه للأخ الاخلاق حقيقه انصدمت ولو تلاحظون حدة الاراء بدت بعد مانزلو روابط لمواضيع قديمه |
بصراحة الله يعينك على موضوعك خارج المنتدى وعلى آراء الأعضاء هنا
أنا وأنا بس متابعة دخت من كثر الآراء والكلام أتمنى إنك تاخذ راحة من كل شي وتلجأ لربك وتدعيه يخير لك الخيرة المباركة وإنت أعلم الناس بنفسك وطبيعة حياتك مع زوجتك وتفكيرها لأني برغم كل اللي سوته أحس إني فاهمة شخصيتها مادام الأساس الحب موجود فكل ماتفعله هو طبيعة لتربيتها المدللـه بيت أهلها وطبعها اللي ممكن مايعجبك لكن داخلها طيبه وحنونه وأنا متأكدة من ذلك لا أقول اتركها على كيفها .. لأ احزم معها وخلي فيه حدود حمراء ماتتجاوزها مشكلاتكم وأهمها الأهل ماتوصلهم خصوصياتنا لأنه اللي صرتوا فيه الحين كله بسبب تدخلاتهم وووووالله ماأحد راح يخسر إلا إنت وإياها أعرف إنك تقدر بلحظة تطلقها وتتزوج غيرها لكن ماراح تنبسط لأنك بكل بساطة تحبها وتبيها وحتى هي تبيك وتحبك لكن الشيطان شاااااااااااااطر الله يكفينا وساوسه رجاءً وأقولها لك من كل قلب إذا كلمت رد عليها وكلمها بطريقة غير عن اللي تعودتها منك وقلها كل اللي في قلبك بحزم خلها تعرف غلطها وإنك مو مستعد حتى تجيبها للبيت تكلم أخوانها وتجتمع معك وتعتذر لك وإذا رجعت تفهمها بإنه أي تدخل منهم أو هي تروح لهم ماراح تتنازل بعدها صدقتي بتخاف وبتهابك وبتقضب أرضها أنا قرأت كل مواضيعك الماضي ملفك صار تحت المجهر وأحس إني عرفت جزء من شخصيتك ومنها المرأه تبحث عن الكلام تحب اللي يتكلم معها مافي مانع حتى لو تعيد بعض الحكايات أهم شي إنها تحس إنك حاب الكلام معها وإنت قليل كلام ممكن هالشي مضايقها كثير لكن كاتمة ومواقف فوق مواقف حتى لو هي بسيطة من نظرة الرجل إلا إنها عند المرأه مهمه وتعني لها كثيييير علشان كذا اقولك كلمها الحين وحط النقط على الحروف خلها تفهم وش أنت تبي ووش ناوي عليه والباقي كله عليها تعتذر لك وترجع هي مثل ماطلعت وانت قلت ماراح اجيبها لو راحت بيت اهلها وخالتك عارفه هالشي السكوت الآن مامنه فايده لأنك خلاص طنشتها بنظرها هي لأنها متوقعه منك تجيها من رابع يوم مو تطول مثل الحين حياتكم لكم أنتم وسعادتك تخصكم أنتم يكفـــــــــي بعد ومشاكل وبما إنك ماتبي الناس تتكلم ليش طولتها ؟ اجزم وتكلم وعلمها كل اللي تبيه والله ِ الدنيا ماتسوى وأنت كرحل بيدك تغير كل شي وتحط حد للي مايعجبك زوجتك غلطت أكيد واتوقع الآن حست بغلطها دق الحديد وهو حامي مثل مايقولون قلها كل شروطك وراح ترضى وترجع صدقني الله يكون في عونكم الوضع وأنا بس أتابع تأزم عندي كيف هي وأنت الله يسخرلكم لبعض ويخلي لكم القمر مرتاحة ومبسوطة مع والدينها .. |
اقتباس:
إيــــــــــــه يضحي علشان عياله وعلشان حياته وراحته أوكـــي أنا معك لازم كل شي له حد ويضع له شروط ويكون حازم في التعامل وبكل احترام لكن صدقني 11 يوم ماشاف بنته شي يضيق الصدر ويكتمه بعد الله يهدينا ويهديكم يارب ويصلح كل حال . |
اقتباس:
والله اني مع هذا الراي حاول تقنع وتغسل يدك منها مو كل اعوجاج يقوم ولا كل سلوك يتعدل:( |
اقتباس:
اخته هي السبب...بس الاخ الاخلاق سرد مشكلته بالعكس... واناابصم باالعشره ان زوجته بريئه لكن من النوع الي يغلط عليهاياويله منها..ومشكلتهاحقوده ماتسامح الي مخالفني في هذا الكلام ويبي يعرف اناكيف اسنتجت ان زوجته بريئه ولهاحق في الي تسويه انامستعده اسرد مشكلة الاخ الاخلاق باالترتيب من البدايات..اذا هو مايبي يشرحهابشكل واضح |
اقتباس:
لماتكون عندك في البيت راح تعتذرلك على الي صار... شوف الرساله الي راسلتهااختك لهامليانه اهانات ومن دون سبب مع ذلك زوجتك ماطلبت الاعتذارفقط اكتفت باالحقدعلى اخواتك وامك واتمنى تجاوبني على سؤالي هل هذي المره الاولى تطلع من بيتهازعلانه وماترجع بسهوله؟ الايام الي ضربتهافيهاايش كان ردة فعلهاطلعت من بيتهااو بقيت؟ |
مساء الخير اخي الاخلاق .. بصراحة انا صرت ادخل كل يوم تقريبا بس ابغي اعرف واتطمن شو صار في موضوعك وادعي لك الله يصلح ما بينك وبين زوجتك وانا بصراحة اتفق كثير مع كلام الاخت صعبة المنال وبصراحة خطوة ايجابية منها انها اتصلت وانا رأئيي مثل الاخت صعبة المنال اذا اتصلت مره ثانية كلمها ورد عليها وحسسها مثل ما قالت انك مب مثل اول وانك زعلان وهي طبعا تدري انك زعلان بس لما الكلام يكون بينك وبينها بيكون غير وطبعا لو كلمتها خلك عند شروطك انا في رايي ان شروطك في انها تتغير اهم من الاعتذار حتى لو هي اتصلت وما اعتذرت مباشرة اكيد بتعتذر من خلال كلامها معاك وانا اشوف مادام في خيط ايجابي امسكه ولكن استفيد منه بحكمة واسال المستشار اللي تتعامل معاه وعلى فكرة مثل ما قالت اختي صعبة المنال ترى زوجتك اتحبك بس تصرفاتها نتاج تربيتها والتربية شي مكتسب والشيء المكتسب ممكن يتغير صدقني اتحبك والله يجعل ما بينكم المودة والرحمة
|
| الساعة الآن 05:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©