|
اقتباس:
هذا الذي ألاحظه ... |
اقتباس:
هذه التضحية تعتبر قبول بالذل ودوس على الكرامة لدى كثير من الأراء هنا . |
انا متأكد
ان الان دخلت انت وزوجتك مرحلة الاصلاح لكن ركز اخوي هذا من اهم المراحل من الممكن انك ماتستفيد شي لو تسرررررعت اعرف انك مشتاق لزوحتك وبنتك لكن الامور تحتاج صبر ولا تنسى سالفة وجودك عند باب بيتهم لاتنساها وذكر اخوها او خل المستشار يكلمه بخصوص هالشي وبخصوص الوقت المحدد لك يعني يوم بالاسبوع او زي كذا |
أختي الكريمة أطياف الرياض ..
شكراً على المشاركة ... أختي ما رأيكِ ( وما رأي الأخوة والأخوات ) في الفكرة التى طرحتها في الرد رقم 465 صفحة رقم 47 ؟ تحياتي |
بخصوص أنك ترسل على الجوال ..
فلاترسل نهائياً في هذا الوقت ,, أنا حدثتك عن مرحلة سابقة ,, إنما الآن تغيرت أمور كثيرة ,, == هل تعلم .. زوجتك في حاجة إلى الوعي كثيراً وتحتاج إلى من يوجهها ,, ويجب عليها أن تتعلم ثقافة الإعتذار وتعتذر لك عن خطئها الفادح بطرد زوجها من منزلها ,,, هذا الأمر الذي لايفعله كريم الأصل والأخلاق مع الغرباء فكيف به يكون مع أقرب الناس وهو الزوج؟ صدقني أنني تأثرتُ من أجلكَ كثيراً ومهما كان مستوى الغضب فلايصل إلى مستوى الطرد وكأنك عدواً لها وليس زوجها ,, ولاحول ولاقوة إلا بالله |
رسالة عتاب فيها مخاطرة
ممكن يحسسها أنك متمسك بها وإلا لما أرسلت تعاتبها ونرجع للعبة الفار والقط وممكن العكس تحس أنك بايعها وكأنك تقول لها هذا ماجنته يداك وفي كلا الحالتين لانريد أيٍ من الرسالتين أن تصل لها خاصةً أن زوجتك تمتاز بالعناد والمكابرة فعندما تصلها الرسالة بمفهومها الأول قد تتعامل معها بالمكابرة وعندماتصلها بمفهومها الثاني قد تتعامل معها بالعناد عدم وضوحك لها سيجعلها تراجع نفسها فما الداعي إذن للرسالة بينما تنيجة الرسالة ليست مضمونة وقد تهدم جميع ماوصلت له فلماذا المخاطرة موفق |
أخي الأخلاق
تأمل معي بعد إجتماعك الأخير بأخوتها أرسلت زوجتك رسالتين الأولى مباركة بالشهر والآخرى جس نبض الرسالة الثانية مضومنها أنها لا تمانع في الصلح وقد بعثت بملاحظاتها وتستفسر منك إن كانت وصلت لك أم لا وعندما لم ترد على رسالتها اتصلت بك لاشك أن إخوتها قد عاتبوها بعد أن عرفوا منك سؤ تصرفاتها وأخبرها أن حياتها الزوجية على شفا جرف هار وهذ ا سر تغير لهجة الرسائل بين عشية وضحاها أخوانها عقلاء وانت أظهرت حزمك في الحديث معهم لذلك تغيرت وتبدلت رسائلها من رسائل إستفزازية إلى رسائل أكثر إحتراما وتعقل لأن أي استفزاز منها سينهي حياتها الزوجية لكنها مازالت لم تبدي أسفها يعني بالعربي في رأسها حب منطحن لذلك لا نريد تستعجل في التفاعل معها والأخذ والرد وكأنك كنت تنتظر منها المبادرة بل نريد أن تشعر أنها كانت ستخسرك للأبد رسالتها الثانية غير واضحة الملامح هي ترغب في الصلح ولكن لاتريد التنازل والإعتذار لاترد على اتصالأتها أبدا عندها ستلجأ للرسائل مرة أخرى حتى نعرف ماذا يدور برأسها فالرسالة تعطيك مجال للتفكير بعكس المكالمة ايضا لابد أن يكون التطنيش مقنن فلا نريد هاأن تصل لمرحلة اليأس فتبدأ في التخبط لكن الوقت لايزال مبكر لتفاعل معها أربع أيام لا شيء أعطها وقت أكبر لتعرف خطأها وتعود نادمة وحتى ذلك الحين أشغل نفسك بما ينفعك واستغل هذا الشهر الفضيل لعل الله أن ييسر أمرك موفق |
اقتباس:
من اللي قال لك طلقها ؟؟؟؟؟الأعضاء قصدهم تأدبها وتعلمها وتربيها تحترمك وتقدرك وتعرف واجباتها وحدودها معك اذا تعلمت وتأدبت معك وقدرتك وعطتك هيبتك واحترمك هذا اللي أبغاه انا والأعضاء اللي لهم نفس الرأي ......واذا بدأت تتعدل فهذا شي ايجابي كلنا نأيدك على أنك ما تخرب اللي بديته مو على طول من أول تجاوب منها تروح تنطل وجهك عندهم واعذرني على أسلوبي فوالله أنه من القهر اللي فيني..... خلها تتعلم وتنكوي ويلعب التفكير براسها الين تعرف إن الله حق بعدين رجعها وتكون استفدت أنت وأياها من المشكلة ..... أما اذا ما تعدلت وكابرت وشافت نفسها عليك ولا قدرتك وعطتك أحترامك ( وأحترام أهلها لك من أحترامها لك واذا شافوها ما تحترمك ما راح يحترمونك لا رجالهم ولا حريمهم بدليل عدم اعتراضهم على الطرد ) فذيك الساعة أقول دور لك غيرها وحدة تقدر الحياة الزوجية ....الله يصلح حالكم ويوفقكم .أخوك أبو نواف |
السلام عليكم
اخوي الاخلاق موضوعك اشغلني جدا ولكن اعذرني بصراحة اذا استطعت الاستمرار في المتابعة والرد ... اجدك لا تستطيع تغيير نفسك بتاتا !!! في الوقت اللي تقول انك راح تتركها خلاص وتتزوج غيرها ترجع وتقول ارسل لها رساله عتاب ؟؟!!!! وبعدين ايش تبغى من الاعضاء يحللوا راسايلها علشان ايش ؟؟؟ اجدها راسائل عادية جدددددا بين اي زوجين الردين الاخيرين لك قمة التناقض فتقول انك مو على استعداد للتضحية عشان ابنتك وبالتالي العودة الى زوجتك وبعدين في الرد اللي بعده علطول تقول وش رايكم في رسالة عتاب لها !! يااخي انت الان ماشي صح واترك عنك الرومانسيات الزائدة التي لاتغني ولاتسمن من جوع في هذه المواقف ... هذي المواقف يبي لها حزم ... اتركها لاترد عليها ..تدري ايش راح تسوي ؟؟؟ راح تتعذر في بنتك وانها تعبانة فتعال خذها للمستشفى وماادري ايش ... هذا العذر اسرع عذر للوحدة اذا بغت ترجع لزوجها بدون تنازل ...فيجي الزوج يركض عشان بنته وتنصلح الامور بينهم ...لكن اذا صار هالشي لاتروح لهم بل ارسل احد اخوانك حتى يقوم بالواجب واذا سأوا عنك او قالوا ليش فلان مايسوي وماادري ايش ؟؟ خله يقول لهم ماله داعي يجي وينلطع عند الباب او ينطرد من البيت ... خليك ثابت على موفك دايم وطبعا هذا الكلام اللي قلته في حاله انها تبي تتعذر باي شي علشان تكلمها ..ولازم الشخص اللي ترسله لهم تقول له يقول هالكلام يعني لازم احد يحط يده معك ولاتقول ماودي احد يدري خلاص الكل صار يدري اعذرني اذا قسيت عليك شوي ولكن احنا بنات ونفهم حركات بعض .. وحدة من قريباتي زوجها طيب جدا والله اذا زعل عليه تنظنشه وتسوي نفس حركات زوجتك والله كنت استغرب صبره عليها !!! بالاخير صار يتكلم قدامها عن زواج المسيار وان كل اصحابه صاروا يتزوجون ويقول لها عن قصصهم وهي صارت تغار عليه ووتغيرت تماما لدرجة ماصارت تجي وتزعل عند اهلها !! الله يوفقك ويسهل امرك |
اخي الكريم
خير ما فعلت عدم الرد علي الاتصال .. ولا ترسل لها رسايل عتاب ولا غيره اذا كان غرضك ان تعرف بما اخطات فما قلته لاخوانها بالاجتماع كفي و وفي ماله داعي لان اخوانها نقلوا لها الصوره اشغل نفسك بالشهر الكريم واكثر من الدعاء وان شاء اله يحالفك لحظه اجابه ملحوظه ما حد قالك طلق و تزوج باخري الكل ينصحك بالحزم والتطنيش لمصلحتك انت وزوجتك وبنتك لحياه افضل بالنسبه لاشاعه العرس اري شخصيا الوقت غير مناسب تماما .. استفيد اخي من وضعك الحال كما قلت لك سابقا انت بموضع لا تحسد عليه لا تخربه |
| الساعة الآن 10:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©