رد: صار دقيق ويحاسب على كل شيء..
 

رجعت البيت .. وبانتظار ماستسفر عنه الساعات القادمة..

رد: صار دقيق ويحاسب على كل شيء..
 

ستسفر عن كل خير بإذن الله

نظفي البيت وبخريه وجهزي ملابس الدوام وجهزي اكل خفيف واستقبليه بابتسامة..

وحظر الواتساب خلي نفسك مادريتي..

واضبببببببطي اعصابك وردودك..
الله يبعد عنكم الشيطان يارب

رد: صار دقيق ويحاسب على كل شيء..
 

نظفت البيت وبخرته .. تصدقي .. كنت حاطه صورة العرض حقتي في الواتس قبل أسبوع يمكن مكتوب عليها (مدللته لأني أميرته) .. وواحدة من زميلاتي في الدوام كانت دايم تشتكي من زوجها وجفافه العاطفي .. قالت لي أميرة مين ها وتغمز لي وتضحك .. والله أحس قلبي وجعني .. أختي نبهتني لصور العرض تقولي ترى الناس تحسد أنتبهي تحطي صور عرض تبين إن زوجك يحبك ويهديك أو من هالامور .. الله يكفينا شر الحسد..

رد: صار دقيق ويحاسب على كل شيء..
 

مع احترامي لنبض الدان

أشوف انه ماله داعي انك تبخري وتستقبلي زوجك بابتسامة لأنه بيعرف ان تطنيشه و أسلوبه الجاف معاك جاب نتيجة وراح يظل يستخدمه معاك على طول

استقبليه عادي لا مبوزه ولا متبسمه

رد: صار دقيق ويحاسب على كل شيء..
 

استغربت الحركة!!

أصحابه عزاب وللا متزوجين؟

اعتذر على الخروج عن الموضوع

رد: صار دقيق ويحاسب على كل شيء..
 

متزوجين
ويشتكون من زوجاتهم
وكان يقول لي اذا سمعت مشاكلهم عرفت قيمتك

رد: صار دقيق ويحاسب على كل شيء..
 

المشكلة فيك يا لست كغيري وليست في زوجك

انتي ماعندك وسط يا تهتمين بزوجك اهتمام مبالغ فيه يا تزعلين منه زعل قوي وتصعدين الموقف بشكل مبالغ فيه

تعلمي تتحكمين في مشاعرك!

على فكرة نظرتك للزواج غير واقعية عشان كذا تنصدمين وتتحسسين من زوجك بزيادة اذا أخطأ في حقك وما تلتمسين له العذر

أشعر انك تكلفين زوجك بما لا طاقة له به وهو مش عارف كيف يرضيك عشان كذا صار يطنش وماعاد يدور رضاك

رد: صار دقيق ويحاسب على كل شيء..
 

نفس كلام أختي بالضبط .. تقول استقبليه عادي .. وهذا إللي راح أسويه .. البيت بقوم فيه لانه مكان راحتي وأنا احب يكون بيتي نظيف ومبخر .. أما هو فبستقبله عادي جدا..

رد: صار دقيق ويحاسب على كل شيء..
 

حاليا قاعدة أفكر في السيناريو المقابل .. لو أنه مارجع الليلة وظل عند أهله كم يوم كيف راح أتصرف عشان الدوام .. هل أكلم أخوي وأخليه يوصلني؟؟ ولا أخلي أهلي بعيد عن الوضع وأكلم زميلتي وأقولها تمرني بعد استئذان زوجي طبعا برسالة نصية؟

رد: صار دقيق ويحاسب على كل شيء..
 

أشعر أن هذا الفعل (بخصوص ارسال السنابات لأصحابه) لا يليق برجل!

عموما يمكن زوجك فتح على نفسه باب وصاروا أصحابه المتزوجين يتنافسون مين زوجته تدلعه وتهتم فيه أكثر وصار يقارن.. يعني انقلب السحر على الساحر :d

ويمكن ما أصابكم عين أو حسد.. الله أعلم

رد: صار دقيق ويحاسب على كل شيء..
 

مشكلتي الوسط هذا ياأشغلتني ماني قادرة أوصل له..ولا قادرة أغير نظرتي للزواج.. ومثل ماقالت أم دان الوضع عندي ياأبيض ياأسود..

رد: صار دقيق ويحاسب على كل شيء..
 

الله يكفيني شرهم
ويهدي زوجي
ويبطل يسمع للناس
ويحترم خصوصياتنا




لست كغيري
ارسلي له مسج:
توي داخلة البيت.. وحشتني



بس

رد: صار دقيق ويحاسب على كل شيء..
 

صعب جدا ياكنافة خآصة إني ماني عارفة بيجي الليلة ولا لا..

رد: صار دقيق ويحاسب على كل شيء..
 

أحس لازم تعطيه خبر انك رجعتي البيت

رسالة عادية: (أنا رجعت البيت) وخلاص

رد: صار دقيق ويحاسب على كل شيء..
 

فعلا للحياة الزوجية خصوصية لا يجب أن يطلع عليها أحد

رد: صار دقيق ويحاسب على كل شيء..
 

وإذا ماكان راجع من الاساس وش راح أستفيد .. عموما إذا مارجع الليلة راح اعطيه خبر برسالة يكلم السواق يجي ياخذني الصباح أو استأذنه أداوم مع زميلتي وصلى الله وبارك..

رد: صار دقيق ويحاسب على كل شيء..
 

احبه حاولي تتصرفين بعفوية ، بدون التفكير الزايد

ارسلي مسج وخلاص رد مارد عادي ..
وحتى لو مارد عادي منتي اول متزوجة يسحب عليها زوجها 😂 شعار المتزوجات لا يأس مع الحياة ولا حياة مع اليأس 😂😂

رد: صار دقيق ويحاسب على كل شيء..
 

شكله ماهو جاي .. الى الان لا حس ولاخبر..

طيب أرسله وش أقول؟

هل أقوله إذا ماهو جاي يكلم السواق يجيني الصباح؟ أو أعطيه خبر بس إني في البيت؟؟

رد: صار دقيق ويحاسب على كل شيء..
 

ارسلي له ماقالته لك كنافة بالضبط ،، الكلمة الاخيرة هي اللي راح تخليه يرجع !

سؤال خارج النص ،، ليش تراجعتي عن قرارك وموقفك السابق ؟ تحسين في خطأ عندك ؟

رد: صار دقيق ويحاسب على كل شيء..
 

لا .. بس اللي صار منه ماهو مبرر للطلاق ..

أرسلت له" السلام عليكم.. إذا منت جاي كلم الباص يمرني الصباح "

رد: صار دقيق ويحاسب على كل شيء..
 

احبه ،، عالجي مسألة تسرعك في رد الفعل والحكم على زوجك ..
الله يوفقكم ويسخركم لبعض ان شاء الله

رد: صار دقيق ويحاسب على كل شيء..
 

هذا رده "وعليكم السلام . جاي بالطريق وبكره بكلمه هو او غيره يوديك ويجيبك وعلى حسابك "

يعني قد ماساعدته وقد ماوقفت جنبه وبالاخير يقول على حسابك.. وين الرجولة بس!!!

أفكر أرجع السيارة اللي طلعتها للبنك وأريح رأسي من أقساطها .. وكلن يعرف واجبه وخلاص..

رد: صار دقيق ويحاسب على كل شيء..
 

لست كغيري رد علية وقولي
ان شاء الله وبارك الله فيك ولما يوصل استقبلية عادي ولا كان صار اشي

رد: صار دقيق ويحاسب على كل شيء..
 

بصراحة أحبه
تعاملينه كأنه يشتغل عندك
ماحس في عندك تلطف بالطلب أو تودد
يعني تركتي الاسلوب الحلو انا في البيت اشتقت لك
وكتبتي له أنا في البيت اذا منت جاي كلم السواق يمرني الصباح

يعني بعبارة أخرى أنت غير مهم تجي ولا ما تجي
المهم دوامي أوصله !!!

فرد عليك لا جاي وراح يوديك غيري وع حسابك استفزاز لك

تأني يا أختي ووتعاملي بدلع ورقة

رد: صار دقيق ويحاسب على كل شيء..
 

ياأختي حاضرني في الواتس عشان مايكون بيننا تواصل .. ومافكر يسأل عني ويطمن .. وتبيني أرسله رسالة رومانسية عشان يحس إني أجري وراه .. أنا راح أقوله إن شاء الله يصير اللي تبي ..

رد: صار دقيق ويحاسب على كل شيء..
 

وشلون أرسلتي له أنتي ؟ شال الحظر ؟

رد: صار دقيق ويحاسب على كل شيء..
 

لا .. بس أرسلت له نصية .. وحتى لو شاله ماراح أرسل إلا نصية

رد: صار دقيق ويحاسب على كل شيء..
 

الله يفرج همك ويشرح صدرك أدري إن وضعك صعب بس صدقيني إنه من الشيطان دخل بينكم تعوذي منه وأكثري الإستغفار .

رد: صار دقيق ويحاسب على كل شيء..
 

شفتي "الوسط" اللي أحكي عنه متمثل في ردي اللي قلتلك عليه (أنا رجعت البيت)

لا فيه أحبك ومشتاقه لك عشان لا يكبر راسه ولا استفزاز عشان لا يحقد عليك

انتي عندك كبرياء وعزة نفس زايده مثلي بالضبط عشان كذا فاهمتك

مو هاين عليك تقولين له كلام حلو وهو مزعلك (من حقك وعشان كذا نصحتك ماتقولين له مشتاقه لك) لكن أكبر خطأ انك تستفزينه

انتي برسالتك وضحتي له انه الدوام أهم عندك منه

رد: صار دقيق ويحاسب على كل شيء..
 

انت ما قدرتي الرجولة حقته لما كان يوصلك بنفسه
و يدفع للسواق بنفسه


و اقساط السيارة هو ما غصبك تدفعيها له
نسيتي كلامك لما قلتي أساعده لوجه الله ؟


ترى هو مو سواق عندك

رد: صار دقيق ويحاسب على كل شيء..
 

ياخوفي ان زوجك أخذ فكره انك تساعدينه ماديا عشان تملكينه وتتحكمين فيه

عشان كذا أعلن التمرد

رد: صار دقيق ويحاسب على كل شيء..
 

احبه

انت تدري بداخلك انه أسلوبك منفر لزوجك
و ما عندك ثقة بنفسك ابدا و الثقة معدومة بنفسك

سلاحك الوحيد هو راتبك و فلوسك
و تحسبي انه بالفلوس راح تربطي زوجك و تمتلكيه

لكن جالسة كل يوم
تهدمي طوبة طوبة طوبة من حياتكم بيدك و بنفسك

رد: صار دقيق ويحاسب على كل شيء..
 

أذكر كلمة قالها أحد الأعضاء أو العضوات عيت تروح من بالي

الرجل ماتقدر تملكه المرأة ولو بملايين الريالات

رد: صار دقيق ويحاسب على كل شيء..
 

لا والله ماأبي أملكه بفلوسي .. وبالعكس أحتقر نفسي إذا كنت كذا .. ولا عمري ترى فكرت أملكه أو أخليه يحبني عشان فلوسي ..بس هو للاسف كل ماله يثبت إن حبه لي عشان فلوسي .. وقفاتي معه ودعمي له مو شرط بالفلوس .. من جد حالي معه صار صعب .. وصعب مرة .. أنا بحاجة حنانه واحتواءه .. ليش يقسى علي!! ليش يعاملني كذا وأنا والله أبدا ماني زي مايتصورني ..

رد: صار دقيق ويحاسب على كل شيء..
 

لا تحطين بينك وبينه حاجز وكرامه تبين حنانه وإحتوائه روحي بكل بساطه ونامي بحضنه ألغي كل الحواجز الي بناها الشيطان بينكم طيعيني يابنت روحي الحين ليه تعذبين نفسك روحي بحضنه وإرتاحي وريحيه

رد: صار دقيق ويحاسب على كل شيء..
 

وإذا رحت يالوفاء مابيقول نفع معها الحظر والجفاء والبعد!!! ماأبي يظن إن هالاساليب هي اللي رجعتني ورغبتني لحضنه..

ثم هل بيتقبلني؟؟.. زوجي عمره ماحظرني في الواتس زي هالمرة يعني إن الوضع مو سهل بالنسبة له مع إنه هو الغلطان لما رفض يوديني المستشفى فطلبت من أخوي ولا كان يبيني أموت من الالم!!

رد: صار دقيق ويحاسب على كل شيء..
 

لا تتكلمين ولا تنتظرين منه كلام سوي الي قلت لك وبس وإنسي الي فات لأن طول الزعل مو زين لك وله ، سامحيه إذا ما سامحتيه من تسامحين قولي اللهم إني عفوت عنه لوجهك الكريم .

رد: صار دقيق ويحاسب على كل شيء..
 

تعرفي وانا الان بقمة مشاكلي مع زوجي
والله العظيم اقول لك
قولي الحمدلله ربي رزقك زوج لا هو راعي سفريات ولا سهر
ولا خيانة ولا يشرب ولا يتعاطى

احمدي ربك على العطاء الي اعطاك
ربي منعم عليك وانتي جالسة تبكبكي وتبغي زيادة
يابنت الحلال والله مأحد مرتاح بدنياه
وربي اذا اخذ يعطي !!
واذا اعطى اخذ !!

لا تنظري لطرف السيء بحياتك
وانظري لطرف الجميل بحياتك تسعدي

اقسم بالله غيرك يتمنى عيشتك
ولا تقارني نفسك بغيرك
اسمعي مني لا تقارني حياتك بغيرك لانك لاتعلمي عن شي ناقصهم
مأحد مرتاح بالدنيا
وربي خلقنا بهذه الدنيا لعبادته ويبتلينا حتى يرى كيف احنا صابرين على البلا
اذا ابتليتي لا تجزعي
مع اني اشوف مشاكلك كلها فلوسي وفلوسي
يابنت الحلال افصلي واجلسي بالبيت اذا انتي تهيني زوجك علشان الفلوس

تعرفي يأحبه انتي عودتي رجلك على العطاء
وهو تعود واعتبرها شي عادي اذا قالك عطيني
او انتي حاسبي السواق
وعلى فكرة كثير موظفات اعرفهم عندهم سواق وخدامة
وهم يدفعو لهم الراتب
ترى مو بس زوجك يقول ادفعي
كل زوج موظفه يكلفها زوجها بهذا الشي لانها هي من طلبت
وبعدين وش الحركه الغبيه تسحبي السيارة ومدري ايش ؟!
دامك رضيتي تحملي نتائج رضاك
ولاتتعاملي مع زوجك الند بالند

والله يعينك على مبتلاك

رد: صار دقيق ويحاسب على كل شيء..
 

أنا قلت شكله هو أخذ فكره انك تبين تملكينه بفلوسك والدليل اذا كنتي راضيه عنه غمرتيه بالعطاءات المادية واذا زعلتي منه سحبتيها وذليتيه عليها

والدليل فكرتك قبل شوي لما قلتي شكلك بترجعين السيارة البنك.. ترا حتى لوما نفذتيها يكفي انها وضحت طريقة تفكيرك وقناعاتك

والأفكار والقناعات تترجم الى أقوال وأفعال

انتبهي لنفسك وغيري طريقة تفكيرك

انتي مشكلتك مشكلة فكر :d

رد: صار دقيق ويحاسب على كل شيء..
 

قلنا لك من أول ، انتبهي على زوجك ..
لإنك انت تبعديه عنك بيدك .. بتهديداتك و إذلالك له بفلوسك و عطائك له ..

و جالس يصير الآن اللي حذرناك منه .. و هذه هي البداية ، هروبه من المنزل لأي حجة ..
و أخاف إنه يبدأ يستغنى عنك و ينفصل عاطفياً عنك ، و لا سمح الله ممكن يلاقي وحدة تهتم فيه ..

و انت بزيادة الآن تنامي بعيد عنه ..

.
.

انتبهي على بيتك و زوجك ..