|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
يوجد لدي سوأل يدور في عقلي
في بدايه قصتك قلت لنا ان والد الفتاة مريض نفسي شافاه الله وينام 24 ساعه من الحبوب التى يتناولها وكيف الان تقول اقابل والدها ورحب بي هل تشرح النقط هذه لو سمحت |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
الله يستر بصراحه الولد بخوف
وشو اختي تنشغل عني ومن هالحكي ولازم تمسك نفسك وتمسك أعصابك موكل من قالك كلمه مديت يدك وبطحته اذا تبيها جد لازم تتنازل وتتغاضي ع عن بعض الامور لا تقول كرامه بس دامك تبيها تحمل كل شب يصير |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
انا مقبل على خطبة بنت
بس يوم قريت في موضوعك ان المسئلة يمكن تتطور لكفوف وتوقيف وشرطة عزالله خفت |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
قصتك كل مالها تزداد غرابه انت جيتها بطريقه غريبه وهم عاملوك بطريقه غريبه لكن الله يسهل
بس اخوي مادام ان ربي منعم عليك وفلوسك زايده ماشاء الله تبارك الله ليه ماتتصدق ع بعض الشباب المسؤولين ع عوايلهم وماعندهم وظايف ع الاقل بتحط فلوسك في ناس تستحقها وبتكسب اجر مو تعطيها اخو اللي بتخطبها بس عشان تكسر عينه وتحسسه ان لك فضل عليه ويا اخي ماله داعي تتعمق بالتفاصيل مثل ماقالولك الاخوان المنتدى عام وكلن يشوفه ياليت تطلب من المشرفات حذف المشاركات اللي فيها توضيح لاصلك واصلها |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
انت غلطت يوم مديت يدك
البنت يمكن تخاف منك اذا درت انك مديت يدك ع اخوها وبعدين تري الزواج مو غصب كل شي بجي بالتفاهم والحلول الحلوه فكر بعقلك مو بقلبك اذا ربي كاتبها لك راح تاخذها بس اهم شي انك تاخذها بدون كسر خشوم وتكفيخ لا تخلي الحب هذا يتحول الي تحدي انا خطيبي جلس خمس سنوات وهو يخطبني ويمكن اكثر وبالاخير تملكنا وزواجنا بعد 25 يوم بس كلنا فكرنا بعقل يوم تحدينا الكل خطيبي قبل خاطبني وهو طالب وأهلي كان لهم وجهة نطرهم انو البنت لك بس بعد التخرج ومن حق اهلي يخافون علي ويختارون لي شريك حياتي بعد صحيح الرأي الأوربية والأخير لي بس حلو اخذ راي إخواني أخواتي أبوي امي كلهم راح ينفعوني واقولها لك لو خطيبي مد يده ع اخوي استحاله ارضي فيه كزوج لان اللي مااحترم اهلي ولا راح يجي يوم يمد يده علي ويمكن يجلس يقنعها بهالفكره تري لا تلوم اخوها باي ردة فعل تشوفها منه لان رفض وانت مصر ويمكن هو له وجهة نظره انت المفروض تكسبه وتبين انه رجال بتصرفاتك اللي المفروض تكون بكل رجال مو تمد يدك وتسدحه واحنا من قبل قلنا لك لا تروح للمعرض خلاص الأبوا راح يجلس مع ولده ويتفاهم معاه ولا تنسي انو فيه تحاليل وامور كثيره يمكن يصير فيه تطابق ويمكن لا بس انت مره تبين لنا انك ساكن بالجنوب وفالاخير وديت أبوها لابوك ليه أبوك وقتها بالرياض وبعدين كيف تبيهم يوافقون عليك كذا ع طول بدون مايسالونه عنك انا استغربت انهم طلعوا بنتهم وهم مايعرفونك اصلا انا عن نفسي استحاله اطلع لشخص اهلي ماسالوا عنه ولازم قبل أبوي وإخواني يجلسون معاه بعدها اذا أخذت رايهم فكرت ادخل وبعدين تري احيان الاخوا يعرف اذا هذا الرجال يناسب لأخته ولا لا انت حاول انك ماتنشب لهم وتعطيهم وقت يسألون عنك ويفكرون ولا تستعجل تري كل تأخيره فيها خيره وانا أختك لا تجلس تخلي أبوها ياخذ منك موقف مو حلو واذا ع قولتك أبوها مريض نفسي ومو في عقله والولد تري يقدر يحطك براسه ويسوي امور كثيره بما أنو الابو مريض ويصير اخوها هو ولي أمرها لاتجلسون تاخذون المواضيع تحدي عيال ومن اللي كلمته تمشي ولا تعود نفسك كل شب تبيه تحصله وان الزواج مأتم صدقني خيره لك ولها يمكن انك تحبها بس ماتقدر تسعدها الزواج مو بس حب ورومنسبه وانت الحين في فترة المراهقة المتاخره يصبر لين تطلع من هالمرحله وتدخل مرحلة الرشد وتهدا مشاعرك وتنضج صدقني لمارتدخل هالمرحله مشاعرك كلها راح تتغير يمكن تحبها ويمكن تضحك ع نفسك بعد والله يكتب اللي فيه الخير |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
انا مع كل كلمه قالتهاااااااااااا ونعم الراي والله
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136 )
اقتباس:
بس عشآن يشفى لازم ينآم اكثر عشآن كذآ يآخذ حبوب منومه وينآم كثير واكيد يوم جيت اقآبله بيصحونه اهله الحبوب مآتفقده تماماً عن الوعي لكنها تخليه ينآم اقتباس:
بس لا يغلط علي لو انك بدآل البنت اتحداك لو تزعلين قد مآتفرحين ب الي سويته الولد غلط واخذ جزاه هذآ مهآيطي شآيف نفسه لازم يهجده احد ولا بيتمآدى اكثر اقتباس:
اقتباس:
ان شآءالله بإذن الله اي والله غلط تفكيري وحقدت على نفسي حتى :29: اقتباس:
جد حاجات كثيره غلط بحآول اعدلها بإذن الله اقتباس:
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اخر مآحصل دق علي يوسف
يكلمني ويخبص في كلامه يقول يبغى يشوفني يتكلم معي وجه لوجه قلت انا وانت بس ؟ قال ايه قلت طيب تعال البيت ولا اجيك انا قال لا نتقآبل بمكان عام قلت لا والله مآلي ححيل حاآول فيني يقول جايب معه شي يبي يوريني اياه يآخذ رأيي قلت تعال طيب البيت واعطيك رأيي قال لا بمكان عام احسن قلت اجل جب ابوك معك ابي اكلمه بعد انا >> مآبيه بلحاله قال لا ابوي مشغول قلت طيب تعال البيت ابوي يبي يشوفك قال لا فكنا مشغول انا بس ابي اقآبلك شوي اتكلم معك واروح عييت انا قلت خلهآ مره ثآنيه وبكرة انا اكلمكك رحت بيتهم العصر وقفت برآ انتظره طقطقت عالجوال شوي ثم جآ نزلت له قلت هلا يوسف ها وش تبي قآل لا ولا شي قلت وش ولا شي جيتك من اخر الرياض وتقول ولا شي ؟؟ قآل يآخي قلت لك اقابلك مب تجي هنا قلت خلاص هذآ احنا تقآبلنآ قآل ادخل تقوهوينا شوي ويسولف طبيعي قم قآل قم نصلي ونرجع وتعش معنا قلت لا والله مشغول جيت اشوف وش عندك بس وبرجع قال الله يستر عليك شكيت مبدئياً ب شي ورآه مآدري وش هو كلمت خويي الي يعرفه قال خذ حذرك يمكن نآويك دقيت على ابوه ابي اكلمه واشوف وش صآر تكلم مع يوسف ولا لا مآيرد ارسلت له كولمي اذا قآم بيدق علي |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
تصرف ذكي منك أنك ماطاوعت تقابله لحالك ورحتله ببيته ونرجع ونقول خلك جذِر منه..
أشوف الي عليك الحين انك تكلم والدها وتجلس جلسه تحدد وضعك أذا سمح لك تملك عليها حاليآ تمام التمام أذا راي أخوهاهو الي مشى بأنك تأجلها بعد شهر شوري انــــــك تبتـــــــعد عنهم ذا الفتره ويكون الوعد يوم الملكه.. وحبذا لو ترجع كندا منها تشغل نفسك لين يجي الموعد ومنها تبتعد عن أخوها والمصادمات الي يمكن تصير.. |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
انتظره يكلمني اذا قآم لا مآقدر ارجع كندا ثم اجي بعد شهر تعب والله :( شكلي بسآفر للديره اتمشى منهآ اغير جو ومنها اخذ هوا طبيعي ومنها اقهركم :25: |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ههههههههه الديره الديره بس اهم شيء تبتعد عنهم..
الله يسهل أمرك يارب.. |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ياسر تتحمل كلامي شوي...
في حال تمت الملجه... ارجوك انك تثقف نفسك عدل في امور الحياه عامه... لأني بكل صراحه احسك... معليش اعتبرني اختك الكبيره اوكي... بكل صراحه احسك مهبول و خفيف و تظن الفلوس تشتري كل شي في هالدنيا... وسع مداركك يا خوي... و ثقف نفسك عدل في طرق التعامل مع الناس... و خفف عصبيه.. و امسك نفسك عند الغضب... السموحه منك... |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
هههههه لاعادي خن اعلمكم شي سمعتي عندكم اني مليونير ولد نعمه بالحقيقه لا ابوي متقآعد وهو عقيد رآتبه على قده يالله يكفي الاسره كآمله انا واخواني مسوين تجآرة بالبسس فآتحين 3 محلات ونبيع بالمحلات وعن طريق النت محنا كآشآت سآلفة البسه هذي تنآزلت عنها شريتهآ ابيهآ تخلف وتجيب كتآكيت واربيهآ فترة وتجيب كل وحده 5000 كذآ بس اهديتها اهل البنت هديه لا تليق بمقآمهم الكريم > نفسي اهديهم اككثر والله تجآرتنا عاديه بس الححمدلله فيهآ رزق عموماً اخلاقي وتصرفآتي مب مثل مآ تتصورون سآلفة المعرض كآنت قهر وعصبيه بدآخلي فرغتها فيه لانه سبني بأي حق يسب ؟ ليته يمزح حتى لا قالهآ بجد وقدام نآس كثير لو سكتت عنه تعتبر اهانه لي غير كذآ سآلفة ان بالفلوس اجيب كل شي واني كل شي ابيه لازم يصير لا هذآ مو عندي كتآبتي مآتعبر عن الي اسويه والله اني مب مثل مآتقولون > طبقة متوسطه لكن عندي استعداد اخسر عشآنهآ مآعندي اي مشكلة بخصوص هالشي حتى سيآرتي اوريون شريتهآ من المعآرض بعد ماعدمت كورلا كانت معي وسلامتكم |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ماشآءالله بدآيت القصههَ روووعههَ حبيتهاا
الله يوفقك وتكون من نصيبككَ يَ آخووي :30: |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
كنت بقولك يمكن الولد من النوع المهايطي الي اذا حصل عين حمرا أنعدل بس موقفه الأخير انه يبي يقابلك بمكان عام ولوحدك يخوف وكأنه ناوي لك شي بس لاتنسى أحفظ الله يحفظك حافظ على الأذكار ولا تنسى دعاء الخروج من المنزل أبدا والله الحافظ
ابو البنت واضح انه طيب مره بس شخصيته مو قوية خصوصا قدام ولده على العموم اذا الله كتبها من نصيبك رح تاخذها غصبا عن أخوها الله يوفقك ويهدي سرك ويكتب لك الخير وين ماكان |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ايش فيكم يا جماعة تكذبوا الولد خلوه يكمل قصته انا ماشوفها خيالية ولا شيء..........الله يتمم له على خير اما قولوا خيرا او اصمتوا
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
تذكروا يا اخوان الحديث (لا تحاسدوا ولا تناجشوا ولا تباغضوا ولا تدابروا ولا يبع بعضكم على بيع بعض وكونوا عباد الله إخوانا المسلم أخو المسلم لا يظلمه ولا يخذله [SIZE="7"]ولا يكذبه [/SIZE]ولا يحقره التقوى ههنا - ويشير إلى صدور ثلاث مرات - بحسب امرئ من الشر أن يحقر أخاه المسلم كل المسلم على المسلم حرام : دمه وماله وعرضه )
|
رد : مشروع خطوبة .. لكن الوضع مختلف وغريب مستجدات بالرد ( 52 _ 86_115 )
اقتباس:
مو كفايه البحث والتحري الللي مسويه بعد جاي تسال عنها في المنتدى تقريبا كل اسرارهم العائليه صرنا نعرفها مع اسامي الاخوان والقبيله ماناقص الا نسال ونحصلهم ماخليت شي باقي بس تكتب وصف البيت! قلت لك اطلب من المشرفات يحذفون كلامك المتعلق بقبيلتها ومو شايفته انحذف انا متاكده انها لو تشوف هالموضوع بترفضك ع طول بدون تردد وعندي احساس كبير ان كل هذا مجرد مشاعر مراهقين مؤقته شفت شي وعجبك وحبيت تمتلكه بالطيب ولا بالغصب وبمجرد مايصير في يدك تمل منه ويمكن تبيعه |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ياسر لو سمحت تحفظ باساميهم بس باقي تقول اسمها
وبعدين اخوها خلك حذرمنه وخل أمك تتواصل مع أمها احسن لك والله يكتب اللي فيه الخير |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
الله يهديه الولد مخوفني كثيير آآمين ويآك اقتباس:
اقتباس:
وشكرآ على ردك اقتباس:
شآكر لك على هالرد اقتباس:
يآ مشرفآت احذفوآ كل الرودود الي فيهآ معلومات عن العآئلة لاهنتم وشكراً اقتباس:
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
توني صحيت ولقيت مكآلمة من ابوهآآ
ورسآلة منه يقول دق علي دقيت وسلمت وعلمته ب اللي حصل قآل لا تقآبله احسن لك قلت ليه قال مآيندرى عن هالولد وش ورآه حتى انا اخاف على نفسي منه الله يصلحه قلت له يآعم ولدك مآله شغل انت ابو البنت و ولي امرهآ انت موآفق والبنت موآفقه وش نتنظر ؟ قآل مآننتظر شي قلت طيب خن نتوكل على الله و نعقد القرآن قآل بس يآولدي اخاف يسوي شي هالولد قلت له الدنيآ مب فوضه فيه شرطة لو تعرض لك ولا تعرض لي بيآخذ جزاه ومع احترآمي لولدك ترآه خبل فيه حركات مهآبيل قآل ادري و ضحك قلت طيب وش رآيك يوم الاربعآء الجآي ؟ قآل خن اشوف البنت وارد لك خبر بكرة قلت اوكي الله يسهل يآآآآآآآآآآآآآآآرب *********** بالنسبه للقفطات علممآء النفس الذيآبه : ) سكت لكم كثير : ) وتكذيبكم لي معنآه عدم احترآمكم لي والاحترآم فرض على كل عضو هنا وانا محترم كل وآحد ووحده فيكم لكنكم مآ تحترموني وتجرحون بكلامكم اقتباس:
اقتباس:
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ماإعليك واإصل مايقى الا خطوتيين
يحزن الشايب بس ننتظر الاربعاء ونشوف وش يصير؟؟ |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
طيب مافيه تحاليل ؟؟
عقد قران على طول والتحاليل اقل شي10ايام الين تطلع |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
حتى هو مآ قآل شي :S بقول له بكرة اذا رد الخبر الله يستر ودي يجي بكرة الحين :o |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
لا تنسي التحاليل بس تري الشيخ مايملك الا بها
وبعدين يااخوي لازم يجي أبوك ويخطبها رسمي وتكونين واضحيين من البدايه اذا انت عندك شروط او أهي عندها شروط يااخوي لازم تعمل بالأصول اذا اهلها ماحكوا انت اعمل المتعارف فيه دق وقل انا جاي انا وابوي وشوف كيف تكون شروطهم واتفقوا ع كل أموركم وبعدين اطلب التحاليل وبعدها حدد الملكه اذا صار كل شي اوك ابفهم اهلك وين دورهم بالموضوع امك تري هذا زواج زواج لازم تفكر قبل اي شي لا تعذب بنت الناس معك وتخلي العجله تكسر قلوبكم والله يكتب اللي فيه الخير |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
وقسسسم ب الله كنت حآس وخآيف ان بيصير شي مثل هذآ قلت يمكن محجوزة بس يحجزونهآ ليه ؟ مآعليهآ مخآلفآت شكل جوزيف بيه ورى الموضوع الله يهديه قدمت بلاغ انها مسروقة , الله يسستر عموماً مثل هالأشيآء تلخبط المخ تعدم التفكير ويخلي التفكير يركز بكيف يخطب البنت بعجله لا تلوميني والله مخي مربوط ب سيخ بس بإذن الله خل يقوم ابوي واكلمه والحين بدق على امي واقول لهآآ شكراً على ردك |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ماقول الا الله يوفقك ويكتب لك الخير والزوجه الصالحه
انتبه لاتصغر بعين اهلها بسبب مشاكلك مع ولدهم |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
شوف اخوي لا تجبر نفسك اكثر من كذا
لا تخليه يدمرك ويدمر مستقبلك تري ماتدري يمكن خيره لك اذا الحين سرق سيارتك أخاف بكره يحط فيها شي يتهمك بشي اكبر لا تجلس تستهين بهالشي وصدقني ان تزوجت اخته ماراح تعيش بسلام راح تتعب وتكره حياتك وبالاخير راح تكون مصيركم الانفصال فكر بعقلانيه اكثر وإذا صار هو للسارق خله يكتب لك تعهد انه مايعترض لك انت ماخفت انه يمسك أبوك أو إخوانك ويقولهم إحنا موراضيين بهالزواج أخاف تروح تخطب رسمي انت وأبوك ويطردكم وأتوقع أبوك ماراح يرضي بهالشي صحيح باقي كم خطوه بس الموضوع تعقد اكثر وصار يخوف اكثر لا تخلي العجله تتحكم فيك فكر قبل اي بعقل ويمكن مو هو اللي سارقها بجد الله يعينك |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
:25::25:
قصه اقرب للخيال بالتوفيق للجمييييييييع |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
ان شآء الله اقتباس:
بديت اتكآسل تو ابي ادق عليه هونت قلت مب لازم حسيت ان الوضع خخلاص مآدري ليه وكلامك بعد عزز لي اكثر شكلي خلاص بوقف والله يعين اقتباس:
ويآك ****** لقوآ سيآرتي ب حي السويدي بالريآض عند ثآنويه بنآت رحت فتحتها مآفيهآ الا العآفيهه لكن الشنطه فيهآ مقآضي :S كبده ومرتدلا وحليب مفقوع نظفتهآآ ورتبتهآ وانا رآيح للبيت انفقع الكفر الي قدآم وانا مآشي 130 تقريبآ ركبت الاستبنه وفحصت الكفرآت كلهآ ممسوحهه شكل احد فحط بهآ وانا اخبر واحد رآعي هالحركات من جماعتهم يفحط بس حآليآً ب البيت مقعد صآر له حآدث مروري كان ب المستشفى مآظنهم ورآ الموضوع عموماً للحين مآرد الابو ولو رد بقول له الوضع كذآ مآيمشي بدون موآفقة ولدك يمكن تسسير مشآكل بيننا وحاجات مآلهآ دآعي وبحاول اكنسل الموضوع والله يعين والححمدلله على كل ححآل |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
بديت ارضى ..
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
ترضى عن ايش ..
يعني حسيت انه اعجاب مؤقت ولا وشو .. |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
والله تعبت واحس اني انفخ ب الهوآء مآ اشوف اي نتيجه للي اسويه واخوهآ هذآ خآيف منه مآبي اعذب البنت معي دلني انصحني بسوي كل كلامكم ب الملي عطوني طرق او حلول والله لاسويهآ ارشدوني |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
أخوي... لنفرض ان قصتك حقيقيه...
ما يجوز تعطينا كل تفاصيل العائله بالضبط عن كذا فرد من أفرادها... و أكثر من مره الأعضاء نبهوك و مع هذا تذكر تفاصيل... ياخوي ما يصير هالكلام... |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
اقتباس:
|
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
مسز داني, بنت ناس^_^, توفي وفيصل
^ لي سآعة انتظر ردودكم :$ :D |
رد : مشروع خطوبة .. لكن الوضع مختلف وغريب مستجدات بالرد( 52 _ 86_115_136_ 1
من عندي اقول
الله يعوضك لان هذا زواج مو يوم وليله وبالمستقبل يصيرون خوال عيالك .....فمن هذا اوله ينعاف تاليه ... وجهة نظري ...وبالتوفيق |
رد : مشروع خطوبة والوضع غريب مستجدات بالرد 115_136_ 150_181
ايه ياخــــوي كذا نبيك مو كل شيء نبيه نحصله!! وناخذه بالغصيبه!!
انت اسلوبك بالبدايه كان كويس بس تصرفك تالي مع أخوها عقد الأمور،، على العموم مثل ماذكرو الأخوان هذا وهج اعجاب ،،واندفاع مراهقه.. أذا تم الرفض النهائي تقبل الموضوع وانسحب بهدوء بدون تهور.. وتأكد انها خيره.. وأذا انت عندك فراغ وماتقدر تصبر لين تكفي دراسه غيرها من البنات واجد خلي أمك تدورلك لأن مثل ماذكرت هو مجرد فراغ وعاطفه متى ماأشبعتها مع غيرها راح تنساها وتضحك على نفسك.. |
رد : مشروع خطوبة والوضع غريب مستجدات بالرد 115_136_ 150_181
احسن شي انك تبطل هذا زواج والا وشو واللهمافي جمال يستاهل هذا التعب كله ويسرقون سيارتك بعد بكره تتزوجها تتزاعل انت وياه كلل دقيقه والثانيه اخوها ناشب بحلقك والا يسوي لك حزام ناسف
لو منك اتصل ع الاب اقول الله يرزقكم باللي احسن مني وانت روح كمل دراستك وارجع بعدها فكر بالزواج ولاتنسى احفظ الله يحفظك |
رد : مشروع خطوبة والوضع غريب مستجدات بالرد 115_136_ 150_181
اقتباس:
وكلامك صحيح والله بخآف على عيالي منه والله اقتباس:
لا مآبي اتزوج هونت كرهت الزواج : ( **** الحقيقه سويت حركه بآيخخخخه والله اني استحي وانا اكتب مآدري كيف ابدأ كنت مخطط انشب لهل البنت لو اقعدد ورآهم سنين وكنسلت البعثه حركه غبيه وقآعد اتحسف عليهآ لحد يقول غلطان , ادري والله ادري >> اكره سن المرآهقه الله يجبرني ويعيني اقتباس:
الحمدلله على كل حال مآبكلمهم ولا بقول لهم شيء والله يعين |
| الساعة الآن 11:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©