|
رد : ممكن أكتب شيء
[QUOTE=مهره;2828958][QUOTE=لجين الحزينه;2828949]
كيف يعني ما تدرين! فهميني إذا أنا فاهمة غلط. طيب نغير الصيغة.. كيف يعني (ما بتسوين شي) إذا خالد ما خلاج تشوفين امج؟ .. يعني بتسلمين أمرج لله وبتكونين زوجة مثل العالم وبتعطين خالد اللي يباه عقب الشهرين؟[/ انا والله ما قدرت كل ما يلمسني خالد او يجي صوبي أحس نفسي بموت من الخوف ما أقدر حتى أبوي قالي حاولي بس ما قدرت كل ما أذكر شو سوا فيني أقول لا مب مخليته يجسني , موضوع أمي خلاص بنساه بس مب على طول |
رد : ممكن أكتب شيء
لجيييين خالد جالس يحسب لك شهرين ويحاول يتقرب منك من الحين ويسوي كل شي لك عشان مايلوم نفسه لو تركك وانت لو مابديتي من الحين ماراح تقدرين بليله وضحاها لازم تتأقلمين من الحين ..كفايه السنتين اللي راحت يالجين مو شايفتها كثيييييييير حتى اي شخصين عايشين مع بعض لو اخوان ماراح يتحملون الصمت والتجاهل وهم ساكنين بنفس المكان..تأكدي ان كل شي وله نهايه اما سعيده او حزينه وانت بيدك تنهين الموضوع بسعاده
|
رد : ممكن أكتب شيء
هو غلط بس خلاص مابيعيد نفس الغلطه..ليش مو راضيه تسامحينه..!؟
|
رد : ممكن أكتب شيء
[QUOTE=لجين الحزينه;2828961][QUOTE=مهره;2828958]
اقتباس:
|
رد : ممكن أكتب شيء
اقتباس:
أنا قلت له سامحتك بس من داخلي مب قادره أول ما أشوفه أتذكر كل شيء |
رد : ممكن أكتب شيء
لجين في شو تفكرين؟؟؟ اتمنى انج تراجعين نفسج....
لجين العالم اللي عشتيه مع ابوج مب حقيقي.... انتي شفتي جزء بسيط يوم تزوجتي خالد... و بعدج ما شفتي العالم الحقيقي... العالم الحقيقي تعرفين متى بتشوفينه... يوم ابوج بيموت... يوم بتحسين ان الظهر اللي مستنده عليه راح... ما يعرف هالشعور الا اللي فقد الأب... الأبو سند و ظهر يا لجين للي مب متزوجه... المشكله انج متزوجه بس تبين تعيشين دور العازبه الغير متزوجه و لهالسبب ما تسمحين لخالد يكون سندج و ظهرج... تبين تستغلينه بس في الوصول لأمج!!! لأنج جبانه و ما عندج استعداد تدافعين عن نفسج قدام ابوج... فتخلين خالد في وجه المدفع و هو وافق الفقير بس مع هذا ما رحمتيه... يوم ابوج بيموت يا لجين و تتلفتين حولج و تلاقين خالد مب موجود و اخوانج و خواتج لاهين في حياتهم... و خواتج ينادون امهم "يمه" أخييييييييييرا.... ذيج الساعه بس بتعرفين العالم الحقيقي.... |
رد : ممكن أكتب شيء
[QUOTE=مهره;2828967][QUOTE=لجين الحزينه;2828961]
اقتباس:
|
رد : ممكن أكتب شيء
اقتباس:
لا أبوي ما راح يخليني بروحي لا مستحيل لانه يحبني هو قال جذي يوم سافر قالي برد وبكون وياج وبساعدج لا ما راح يخليني خلاص مب كاتبه شيء |
رد : ممكن أكتب شيء
أبوي ما راح يموت لانه ربنا يدري أنه ما عندي غيره لا لا تقولين أنه بيموت لا تقولين هو صج تعبان بس قالي بيتعالج وبيرجع بسرعه |
رد : ممكن أكتب شيء
بصراحه يا لجين انا ما اظن ان خالد سوا شي عود... يمكن كان دفش معاج علشان يثبت رجولته فقط.... و انتي مشي جديد بالنسبه لج و رجل أكيد خفتي... و هالشي كل وحده تمر فيه في بداية زواجها و طبيعي جدا.... و الكل يرجع يمارس حياته الزوجيه بشكل طبيعي بعدين بعد ما يفهم الطبيعه الجنسيه للشخص الثاني... انتي بس مخليه هالشي الشماعه اللي تعلقين فيها اخطائج... لأنج لو كنتي جاده كنتي تحاولين تحلين المشكله... على الأقل انج تروحين عند دكتور للمشاكل السلوكيه... او كنتي تشوفين حلول ثانيه مثل الكريمات اللي تخفف الألم...
|
رد : ممكن أكتب شيء
حبيبتي لجين...قلتها قبلج.. ابوي ما بيموت... قلت ابوي ما بيموت بعدني صغيره... ما يصير يموت... ممنوووووووووووووع يموت... ابوي بيعيش...
بس مااااااااااااااااااااااااااااااااااااااااااااااات يا لجين.... ابوي ماااااااااااااااااااااااااااااااااااااات... مااااااااااااااااااااااااااااااااااااااااااات قدامي.... مااااااااااااااااااااااااااااااااات و خلاني و راح... سندي و ظهري مات.... يا شكثر تحطمت بعده... بس هذه الحياه... كلهم يموتون... |
رد : ممكن أكتب شيء
انا دلوعته و ما يصير يهدني و يسير... ما يصير يموت... لازم يعيش... بعدني ما تزوجت... ما شاف عيالي... ما بيحضر عرسي... ما يصير يموت... كنت اصرخ و اقول ممنوووووووووووووووووع يموووووووووووووووووووت...
بس مااااااااااااااااااااااااااااااااااااااااااااات مااااااااااااااااااااااااااااااااااااااااااااااااا اااااااااااااااااااااااااااااااااات |
رد : ممكن أكتب شيء
أنا ما أقصد انه بيموت الحين... انا اقصد ان كلنا بنموت في النهايه... و لازم تستندين على خالد... لاززم تخلين خالد ظهرج و سندج يا لجين... لأن ابوج عاجلا او أجلا راح يموت... متى بيموت.... ربنا وحده يعرف هالشي... بس لازم تعرفين ان الحياه مع ابوج غير.. فكري بعقلج شوي...
|
رد : ممكن أكتب شيء
لجيييييين كلنا صار لنا مثلك بدايه الزواج وتأثرنا وكرهنا االموضوع لكن ماحطينا حواجز مثلك بينا وبين ازواجنا ويمكن البعض تزوج وهو اصغر منك بسنوات كثيره بس قدروا يتجاوزون اللي صار لهم .ويمكن البعض صارلهم اقوى من اللي خالد سواه لك . ...راجعي نفسك يالجون وعيشي حياتك
|
رد : ممكن أكتب شيء
بارك الله فيكنّ يا عضوات.. أرجو الاستمرار مع الأخت لجين... وأعتقد أنه لا ينبغي لنا كرجال أن نشارك في هذا الموضوع أبداً؛ لأن القاعدة تقول "لا يفهم النساء إلا النساء" |
رد : ممكن أكتب شيء
كلامي موجه لزوج لجين
زوجتك مو حاسة بالأمـــــان..ومع الأسف انت ما ساعدتها بشكل صحيح قد ينفع هالأسلوب مع امرأة ثانية...ولكن مع لجين وأمثالها لاء زوجتك يا خالد جدا جدا رقيقة وتأثر فيها الكلمة وحتى النظرة في بعض الأعضاء يستغربون من لجين ويقولون اشفيها هذي..؟! لجين من النوع الحساس وأي فعل أو قول تأثر في روحها غصبا عليها كيف تبونها تعطي زوجها حب وحنان..اذا هي أصلا فاقدة هالشي من داخلها أبوها ما قدر يعوضها عن أمها..في بنات عاشوا بعيد عن حضن الأم ونجحوا في حياتهن لكن مع لجين...لاء والسبب لأن الإناث مو سوا في اللي تقدر تتكيف وتعيش..وفي اللي تحاول وتنسى وفي اللي تظل واقفه مكانها مو قادره تتقدم خطوه يا خالد انت وحدك المسؤول عن زوجتك..مو أبوها ولا أخوها ولا عمها زوجتك اذا تبيها ساعدها من الحزن اللي غيم حياتها مهلة الشهرين خطأ..زوجتك مو محتاجة مهله زوجتك بحاجه أن تزرع بداخلها الثقة بالنفس ومواجهة الحياة اذا هي تبي تشوف أمها..فلازم تشوف أمها حتى لو الأم ما تبي تشوفها خوفا من المشاكل اللي يمكن راح تصير أبوها ماله حق يمنعها..والله حرام هالشي ابي أسألك..إنت من داخلك تأيد قرار المنع ما أعتقد..والدليل إنك أخذتها بنفسك تشوف أمها..بس لما عرف أبوها ما قدرت تواجهه وخفت إنه ياخذها منك وعندك استعداد تخليها تشوف أمها..في مقابل إنها تسمح لك بحقك اسمح لي يا أخوي..هذا تصرف أناني منك البنت تعبانه..وما تقدر..هالشي غصبا عليها ليش مو راضي تفهمها..! هي ماتقدر تواجهه وتقوله أبي أشوف أمي..تخاف يزعل عليها أو حتى يعاتبها بس إنت تقدر تواجهه بدالها وتخليها تشوف أمها بالعلن مو بالسر حتى لو أمها قالت لك ما أبيها..لجين بنتها ولها حق في إنها تزورها اسبوعيا اللي يصير فيها مايرضي الله ورسوله..حرام والله ربي بيحاسبكم عليه ويسألكم أختي لجين أعتذر عن الإطالة...ـوأصيج باللجوء الى الله وكثرة الصلاة على النبي والاستغفار في أمــــــــــــــــــــــــــان الله |
رد : ممكن أكتب شيء
[QUOTE=لجين الحزينه;2828972][QUOTE=مهره;2828967]
اقتباس:
طيب .. ليش مصرة ان خالد يخليج تشوفين امج؟ انتي تعرفين مكانها .. سيري شوفيها بنفسج وخلاص. |
رد : ممكن أكتب شيء
حبيبتي لجين
الله يخلي لك الوالد ويحفظه ويطول بعمره ويشفيه ويارب يرجع بالسلامه وتقعدين وياه وتسولفين براحتك بس اهدي حبيبتي .. وفكري بهدووووء وبعقلك لا تنفعلين وازني الامور وفكري فيها .. وفكري بكلام اخواتنا .. كل كلامهم محبه لك ورغبه منهم بسعادتك وكللللللللللللنا معك .. ما نتركك الله يسعدك ويفرج همك يارب |
رد : ممكن أكتب شيء
جزاكم الله خير اخواتي ,, حقيقه جهد منكم واضح سوف نبقى قليلا متفرجين يا لجين نحن الرجال وندع النساء تفهم النساء اكثر,, بس عندي طلب صغير انا قلبي عورني صدقوني اخواتي واخواني من كثر الاسأله ما عمري تعبت هالكثر في موضوع من تواجدت الى الان في هذا المنتدى,, الان نبقى قليلا متفرجين ماشاء الله كل هنا اخواتنا وامهاتنا عندهم خبرات كثيره ولا يفهم النساء كما قال اخي البليغ الا النساء,, :) لا اله الا الله |
رد : ممكن أكتب شيء
ياحياتي انتي من جد ارحمك ... ليش مايموت بابا ؟؟ الرسول وهو الرسول مات ...
ياقلبي انتي ربي يحبك من جد اقول هالكلام كل الظروف في مصلحتك الى الان جدك منعك من امك >>>>> ابوك صار ام واب , زوجة ابوك تنازلت عن اسمها , جدتك امك جدتك مااااااتت >>>>> كنتي مخطوبة لخالد يعني تمهيد لحياتك الثانية تزوجتي خالد>>>>انتي تاركته على جنب وهو الى الان صابر عليك المهلة باقي عليها شهرين خالد يستخير في الطلاق بابا تعبان ياتقلبين الظروف لصالحك وتكسبين خالد لان ابوك ماراح يدوم لك ,,, او تخسرين الاثنين معا انصحك بما ان رمضان قرب .. تشترين هدية مصحف وتكتبين عليه اسمك واسم خالد .. وسجادة وبخور وتهدينها لخالد ( لاتقولين مااقدر,خلي السواق يشتريها ) وخلي هذي البداية ومو لازم تعطينه مواجهه ..خليها في الغرفة مفاجاة >>>لاتقرا ياخالد :d:d:d:d ابدي معنا خطوة خطوة .. |
رد : ممكن أكتب شيء
عزيزتي لجين ... الواضح انك تعاني من حاجتين >>> مسألة والدتك <<< + >>> أول تجربة حميمة في حياتك <<< برأيك كيف ممكن تتغلبي عليها ؟؟ أنتي حاولي وخالد أكيد راح يحاول واذا مانفعت المحاولات لازم شخص" خبير" يتدخل في الموضوع.. . . يكفي اهدار للوقت .. |
رد : ممكن أكتب شيء
اقتباس:
الا شي كبير و مش طبيعي أيش دفش و ما دفش و إثبات رجولة و كلام ما يصير ؟؟؟ و البنت مو إنسانه و لها إحساس انا عارفة من البداية انه هذا هو الموضوع الرئيسي و هو العقدة و ان الام مجرد حجة و اصلا دا الموضوع يمكن يكون هو سبب احتياجها لامها يمكن مو أكيد اللقاء الاول مهم جداً جداً في حياة كل بنت فرجا لا نتهاون بالموضوع و نعطي الاخ عذر و هو بنفسه قال كنت سامع نصائح ربعي عشان اكسرها من البداية و هذا انت يا القوى كسرتها و أيش بعدين ؟؟؟؟ انا ما أحرض و لا حابه اخرب بس أبغى احدد المشكلة الاساسية و نقدر حجمها البنت طبيعي تخاف حتى لو ما تعرضت لموقف فكيف و هي متعرضه لشي كبير و هي اللي كانت مهيئة نفسها و تحاول تكسر خوفها و يجئ واحد مو فاهم و يصدمها من اول مرة و يعطيها انطباع سئ ؟؟؟ انا ما لومك يا لجين حتى لو حلف لك أكيد ما تصدقي لكن ما يمنع تجربي مرة وحده وان عادها بنفس الطريقة روحي و لا ترجعي له انتي جربي أكيد انه تعدل و عرف غلطته و كوني أقوى من كذا و أدرى ان الخوف مو بيدك بس حاولى و شجعي نفسك على انك بتجربي يعدها او لا و ما ظن يعيدها ادبتيه بما فيه الكفاية :d:d |
رد : ممكن أكتب شيء
لجين حبيبتي تعوذي من شياطين الانس والجن وأكسبي رضا الله سبحانه وتعالى بإرضاء زوجك وأصبري تنالي خير الدنيا والآخره
لاحول ولا قوة الا بالله العلي العظيم |
رد : ممكن أكتب شيء
والله الموضوع تعبني انا !
حبيبتي لجين ! انتي بس ماخذه موقف من خالد و هالشي مسبب لج نفور منه ! ف انا اقول حق بو خليفه .. وديها لدكتوره نفسيه خل تفضفض ^^ بما انها تبغي تتكلم ف الدكتوره النفسيه بتعطيها الأريحيه فالكلام وفي نفس الوقت بتضمن انه هالكلام مابيطلع من حدود الغرفه اللي بتكون فيها ويا الدكتوره.. اول شي بادر بهالخطوه وصدقني بتشوف فيه تحسن .. وهي بروحها بتسمع نصايح الدكتوره و عسى خير .. :) |
رد : ممكن أكتب شيء
والله الموضوع تعبني انا !
حبيبتي لجين ! انتي بس ماخذه موقف من خالد و هالشي مسبب لج نفور منه ! ف انا اقول حق بو خليفه .. وديها لدكتوره نفسيه خل تفضفض ^^ بما انها تبغي تتكلم ف الدكتوره النفسيه بتعطيها الأريحيه فالكلام وفي نفس الوقت بتضمن انه هالكلام مابيطلع من حدود الغرفه اللي بتكون فيها ويا الدكتوره.. اول شي بادر بهالخطوه وصدقني بتشوف فيه تحسن .. وهي بروحها بتسمع نصايح الدكتوره و عسى خير .. :) |
رد : ممكن أكتب شيء
لجين حبيبتي بما إنك الحين بتأجلين موضوع امك الحين حتى امورك مع زوجك تزين هذا كمان حل زين لك تدرين ليش اول شئ تكسبين لك شخص يعينك ويساعدك ويوقف معاك طبعا انا اقصد زوجك هو الوحيد اللي الحين يقدر يوقف في وجيه الناس اللي حرموك من امك وابعدوك عنها طبعا انتي اول شئ لازم تضحين وتقدمين تنازلات علشان يتحقق لك اللي في بالك ومنها معاملتك لزوجك تغيرينها للأفضل ثانيا تحاولين انك تحملين لأنه لو حملتي وخلفتي طفل راح تطلعين كل العاطفة اللي بداخلك لهذا الطفل هذا اولا ثانيا لما تصيرين ام راح تكونين اكثر قربا من امك بحكم إنها صارت جدة وعندها حفيد وما اغلى من الولد الا ولد الولد وراح تغير رأيها ونظرتها لك وتعاملها معاك ثالثا زوجك راح يكون أب ويحس بمعنى الأبوة ويحس بالشئ اللي انتي انحرمتي منه ويقدر يواجه الكل ويحارب الكل علشانك ولأنه عارف وش كثر انتي انحرمتي من حنان امك ومن حضنها شوفي يالجين فاقد الشئ لا يعطيه اذا بغيتي خالد يحس فيك ويحس باللي انتي تعانين منه جيبي له طفل من لحمه ودمه خليه يحس بغلاوة الضنى وراح يعذرك حينها لأنه بيجرب هالإحساس اما انك تجلسين على هذا الحال اللي ماراح يفيدك ولا راح يتحسن وضع حياتكم انتي لازم تسعين للإصلاح والحلول من نفسك من داخلك مو تنفذين حلول واصلاحات بضغوط الوالد عليك انتي الحين إمرأة متزوجة ولك قرارك وكلمتك وماتحتاجين اي شخص يوجهك المفروض خلاص من نفسك تسوين الشئ اللي تشوفينه يصلح لك وينفع لك في حياتك اما إنك تجلسين حبيسة للأفكار والصراع الداخلي والعزلة عن الناس والإبتعاد عن زوجك هذا خطأ كبير اللي تسوينه وهذا اسمه انهزام من الواقع اللي عايشة فيه الحين وزوجك يحبك ويبغيك زوجته وحبيبته وام عياله يالجين وصابر عليك كل هالمدة علشان الحب اللي يحمله لك في قلبه فأنتي كوني عند حسن ظنه واسعديه وريحيه لو بغيتي انتي ترتاحين وتوصلين للي تريدينه وتخرجين من دار الكآبة والحزن لدار السعادةوالفرح ناظري حولك وحواليك وشوفي كل الناس عايشين في حياتهم وسعداء وانتي اكلك الهم والحزن والتفكير ارحمي نفسك وارحمي زوجك يا لوجين لو سمح الله وصار لخالد شئ وانتم على هالحال ماراح تسامحين عمرك مدى الحياة على تقصيرك معاه وحرمانك له من حقوقة وراح ضميرك يعذبك طول ما انتي عايشة حياتك يالوجين انتي ليش تناظرين للجانب السلبي في خالد دائما ليش ما تحاولين تشوفين الجانب الإيجابي فيه وفي تعامله معاك شوفي مميزاته واخلاقه وتعامله معاك الأشياء الحلوة والصفات الزينة اللي في زوجك ليش ماتعززينها في داخلك وتخلين الإيجابيات تطغي على السلبيات وتخففين التوتر اللي بداخلك وتشيلين الأفكار السلبية والخوف والقلق اللي انتي تحسين فيه الحين لوجين لو انتي فعلا تحبين خالد لازم إنك تضحين لأن اي حب ما نضحي من اجله هذا لا يسمى حب كل اللي عملتيه للحين مايسمى تضحيات الحب الصادق والحقيقي يحتاج تضحيات اكبر من اللي إحنا جالسين نقوله بكثير فكري يالوجين فكري بعقلك مو بمشاعرك ولا عواطفك
وقدري ظروف زوجك ووضعه الحالي وصبره عليك وافترضي يالوجين ان زوجك وقف في وجه الكل وتزاعل معاهم وقاطعهم علشانك انتي الوحيدة يعني خسر اهله واعمامه علشان رضاك بالمقابل فكري ايش انتي راح تعوضينه عنهم وانتي تعاملينه بهذا الأسلوب وهاذي الطريقة الجافة لوجين الحياة اخذ وعطى مثل مانبغى ناخذ لازم نعطي ونضحي مثل ما غيرنا يعطي ويضحي لجين الأخوات هنا ماقصروا معاك الله يجزاهم خير الباقي الحين عليك انتي بالنسبة لزوجك يالجين ماقصر معاك وقال انه مستعد للي تبغينه بس إنك تتغيرين وتعاملينه مثل ما كل زوجة تعامل زوجها انتي ارضيه علشان هو يرضيك ترى هذا زوجك وله حق عليك ولا تقارنين زوجك بالوالد او بأحد من إخوانك الزوج مكانته اكبر واعلى يالجين إقرئي وتثقفي بهذا الخصوص وخليك زوجة ناجحة وبارعة في الحياة انتي ماينقصك شئ يالوجين وكوني لزوجك أمة يكون لك عبدا اللي تبغى زوجها يحبها ويلبي لها كل رغباتها ويحقق لها كل احلامها ولايرد لها طلب تصنع المعجزات علشان تكسبه وتمشيه على كيفها طفل وهو طفل صغير لما ننهره ونحرمه من لعبته يعصب ويطفش وما يطيعك لو طلبتي منه شئ لاكن لو مدحتيه ودلعتيه واعطيتيه افضل شئ يحبه تلاقينه متعلق فيك واي شئ تطلبينه منه يقول لك ابشري والرجل هو رجل لاكن في داخله قلب طفل جربي اسعدي زوجك ولو للحظات وراح تشوفين الفرق والمردود الإيجابي من هاذي الحظات راح يتأثر وتشوفين منه شئ عمرك ماشفتيه من يوم زواجك لاكن خلي عندك جرأة وقوة في داخلك علشان تسوين له شئ يرضيه هذا وأسأل الله ان يشغف قلبك حبا وعطفا وطاعة لزوجك ويجعلك له قرة عين ويصلح لك حالك في حياتك انتي وزوجك اللهم آمين |
رد : ممكن أكتب شيء
تدرون ايش الفرق بينها وبين فجر الهوى
فجر كان سبب معاناتها امها وقسوتها عرقلت حياتها ولجين سبب معاناتهؤ عدومجود امها وموقفه حياتها الى ان تلقى امها وتفضفضلها حبيت انبهك حطي احتمال ان امك ماحتكون زي اللي راسمتها بخيالك يمكن عصبيه يمكن شرانه يمكن ويمكن مو بالضرورة تكون الحضن الحنون اعانك الله وفرج همك وهموم المسلمين معاناتك صغيرة مقارنه بمايعانيه المسلمين من حروب وتشريد هوني عليكي الامر يكفي الامان والاسلام والصحه ويجب شكر النعم |
رد : ممكن أكتب شيء
اختي الفاضله لجين
هل جربتي سماع الرقيه الشرعيه؟؟ لربما هي نفس تمنعك من التواصل مع زوجك لان وضعك ابدا غير طبيعي انتظر ردك بارك الله فيك؟؟ أعانك الله وأنار بصيرتك |
رد : ممكن أكتب شيء
السلام عليكم جميعا
حياك الله أخت لجين ماعاش من يغلط عليك أختي... حشيمتنا لك واجب ومن معزتنا لأخونا أبوخليفة يالجين اذا ودك تفضفضين لأمك ومو محصلتها _ الله يجمعك فيها على خير عاجلا غير آجل - عندك البنات في المنتدى, اعتبريهم خواتك واكثر, وماشاء الله عليك باين انهم يحبونك كثير بصراحه من عرفت المنتدى أول مرة أشوف مشاركة تتعدى هالصفحات كلها بيوم !!!! أختي لجين.... = اذا مشكلتك أمك... أمامك أمرين: 1- تعيشين حياتك مثل حالتك ألحين في دوامه, مع أحزانك ومع نفسك, .... وبالنهاية تخسرين اللي حواليك وماتكسبين شي!! 2- تمشين على نصايح اللي يبون لك الخير, تطيعين زوجك وتعطينه حقه, وتكونين لك أسرة , وتطورين من نفسك - تقرأين كتب , تحفظين القران (اذكر ابوك طلب منكم ساعه كل يوم لقراءة القران)...الخ - , ساعتها بتكونين محل ثقة الجميع, وبتتكون لك شخصيتك, وبتكون لك هيبة عند اقاربك, وبتزورين أمك لانك وقتها قد المسؤوليه . = اذا مشكلتك سببها بداية الزواج .... طبيعي اذا زوجك مسك يدك تتذكرين الأمور السيئة ..... لكن إذا اعطيتي زوجك (الآن) الحق الشرعي , واصبح يمارس الأمر معك بالطريقة المباحة شرعا, وبطريقة خالية من العنف, تـنـطبع -بإذن الله - في ذهنك الصورة الحسنة... بعدها اذا مسك يدك ماراح تخافين لأنك بتذكرين الأمور الحسنه =من اليوم حطي ببالك تعطين خالد حقه الشرعي, مو بسرعه...لا , بالتدريج انت تخافين من هالشي عااااادي كل البنات صار معهم كذا .... لكن زوجك ان شاء الله بيتعاون معك. = يالجين .... يقول الله تعالى : (ومن أعرض عن ذكري فإن له معيشة ضنكا ). تفسير الأية: أن اللي يبعد عن ذكر الله تصير حياتة (ضنك) تعاسة وكآبة.. طاعة الله هي السعادة ... أحرصي على صلاتك بوقتها, واحرصي على أمور دينك كلها .... = يالجين .... وضعك كاسر خاطرنا , والكل هنا يبي يساعدك, اذا كلامنا قاسي ترا مو القصد ان احنا نزعلك ,,,, احنا نبي لك التوفيق والسعادة ـــــــــــــــــــــــــــــــــــــــــــ أخي أبو خليفة..... اعذرني اذا تجرأت شوي بالحكي, بس الوضع ماينسكت عليه, أخوي .... ليش ماتعطيعها حبوب منع الحمل ؟ لأنها ماتبي تصير ام -فترة مؤقته بس وقبل الجـ عطها حبوب مهدئة واستعمل (.....) عشان ال أ ل م <<ان شاء الله فهمت الله يصلح حالكم عاجلا غير آجل |
رد : ممكن أكتب شيء
ذكرتيني بنفسي كنت اتضايق اذا ابوي قال كل نفس ذائقة الموت واجلس ابكي
اتضايق اذا قالي جعلي ما اذوق يومك وانجن يروح يغير الدعوة ويدعي اذا ما اموت الا وانا دافنك وارتاح كان يهديني ويقولي خلاص اذا مت باخذك معي واصدق واسكت اذا ادري ان الموت حق بس فكرة اني ما اشوف ابوي بحياتي صعبة علي لكن الحين الله يرحمه توفى وعشت حياتي بطولها وعرضها والحمد لله ناجحه في حياتي ومرتاحه واضحك ولا انغلقت على نفسي نتشابه في الحساسية انا حساسة مره وانتي حساسة ابوي حنوون معي وانتي ابوك حنون بس انتي ابوك منعك من الناس عشانك حساسة !! وابوي الله يرحمه طلعني للناس وخلاني اروح لكل مكان معاه عشان اتعود على الحياة الخارجية مايبيني حساسة هالكثر حتى كنت اتضايق منه اذا صرخ علي يقولي لازم تتعودين على القسوة موب كل شي تبكين على طول محد بيطبطب عليك ويمسح دموعك اذا بكيتي يوم شفت حالك حمدت ربي ان ابوي كان حازم معي وانه طلعني للحياة الحقيقة آخذ واعطي مع الناس اهزئ واتهزئ :D الله يرحمه كنت في البداية معك وكنت ألوم فلان وعلان ليه قاسين معك لكن بصراحة انتي ماتبين حالك يتغير ماتبين تكونين سعيدة لدرجة سميتي نفسك لجين الحزينة خالد غلط في البداية بس خير الخطاؤون التوابون وخالد تاب الله يتوب عليه ولا قالك ابي كل شي بسرعة هو يمهد لكل شي ترى بعد شهرين ماراح تتغيرين فجأه على فكره و موضوع امك خالد ماله دخخل فيها امك قالت مابي اشوفك ، لاتدخلين خالد بالمشكله هذي تمنعين خالد يكون الأول بحياتك ولا تبين تكون الكلمة الأوله له وفي موضوع امك تبينه يفزع و يعارض ابوك ويدخل بمشاكل ؟! ولا تحطين ببالك ان خالد يرضى بجمال بس مافيه احد يرضى بزوجة منظر مايقدر يلمسها حتى الجمال بدون ما يدعمه اخلاق ماينبغى اللي يحب و مالقى تفاعل يبرد ويبتعد وترى خالد قال بدى منسوب الحب يقل !! انتبهي لحياتك ولخالد __ خالد اذا انفصلتوا لاتحط ببالك انك ظلمتها هي للأسف ظلمت نفسها بنفسها وترى بنات الششيوخ في الأمارات كثير وكل وحده تقول الزود عندي حسب ونسب وسنع وذرابة وادب واخلاق وجمال !! شو تبا اكثر من جذي !؟ اتمنى لكم حياة حللوه واتمنى انك يالجونه تتغيرين عشان نفسك اول بعدين عشان خالد |
رد : ممكن أكتب شيء
اقتباس:
أختي لجين .... أنا مطلق عشت مع طليقتي تقريبا خمس سنوات كانت من عائلة راقية عندنا بالسعودية, بنت شيوووخ وجميلة ووووو... بس العناد والطبع اللي مايعجبني خلاني أكرها, بس ما كرهتها بسرعه .... لا كرهتها بالبطيء كنت اشوفها جمييييله أما عيونها ونظراتها كانت بالنسبة لي حكاية ثانية ....ومع الوقت - وبالبطيء كمان_ صرت أشوفها شيفه !! مليت من تصرفاتها, مليت من صراخها ورفعة صوتها علي, وأمور كثيرة مارضت تعدلها... على فكرة .... كنت أقول نفس كلام خالد ... ماراح احصل بجمالك!! ألحين أدور لي على زوجه ثانية.....بس ماااابي جميلة تدرين لية؟ عندي ردة فعل من الجمال ...., ماااا أبي أتزوج جميييله .... الجمال مو كل شي يالجين أنا أول مرة أتكلم عن طلاقي بالمنتدى, بس أبي تعرفين يا أختي أن الجمال مو كل شي. |
رد : ممكن أكتب شيء
ما لك الا حل واحد يالجين
انطرحي بين يدي الله وفضفضي له بكل اللي بخاطرك واكثري من الاستغفااار وراح تتحسن حياتك وراح تتشافين من كل ماتعانين منه من الم نفسي وراح تنفرج لك ابواب كانت مسكره ( كزيارة والدتك مثلا ) ولاتنسين مناجاة الله في الثلث الأخير من الليل والمحافظه على جميع الصلوات في وقتها والإكثار من قراءة القرآن وتدبر معانيه ابحثي عن قصص الاستغفار واقرأيها |
رد : ممكن أكتب شيء
كلنا دللولنا آآآآآآآآآآخر دلع وكلنا كنا انقول مستحيل نخسر هالدلع من ابونا بين يوم وليله !! شو يضمننننننننج يا بنت الناس ... اذا ابوي ما كان فيه شي وموتته كانت فجأة وجدامي ما كان يروح ويتعالج وكانت معاملته معاي مثل ما ابوج معاج الله يطول في عمره ,,, بس هذا اكبر غلط اللي تجازين فيه الريال هو شو يخصة اذا ابوج دللج ولا لا ؟! ريال حاله حال باجي الرياييل فديتج ومثل ما قالت مهره { عايبنج تعيشين دور الضحية } ومع هالمسكين خالد ... |
رد : ممكن أكتب شيء
طيب انتي اسالي نفسك مافي اجمل منك مثلا
شوهالتفكير الله يهداك انتي لازم تراجعين معالج نفسي لازم تسوينفرمته لعقلك اللاوعي الطب النفسي اللحين تطور وفيه تقنيات تعالجك منهالاموراللي متعبتك اتمنى لك حياه سعيده |
رد : ممكن أكتب شيء
الله يعينك على نفسك ، مليت و أنا ما شفتك
الله يعينك يا أخي خالد وقبل ما تفكر في موضوع الأولاد فكر في أهليتها تكون أم صالحة و سوية و قدوة |
رد : ممكن أكتب شيء
أنت ماحاولتي تساعدي نفسك من الأساس..
كل شيء بأوله صعب..أنت بالأول حاولي تزرعين أفكار إيجابيه.. ولا تقولين ماقدر ومادري..مادري.. خليكي صريحه مع نفسك.. والجمال ماراح ينفعك..إحرصي على الرقيه وقوي الوازع الديني عندك.. وربك بيفرجها لك إن شاء الله.. |
رد : ممكن أكتب شيء
لجين خلي صلتك بربك قويه وقومي الليل صلي صلاه الوتر والله ثم والله ووالله راح تحصلين الراحه
تكلمي وفضفضي لربك وانتي ساجده لاترفعين من سجودك الا وقايله لربك كل الي بقلبك وبعدين يالجين ربي ميزنا بالعقل عشن نعرف الصح من الغلط .. بالله عليك الي تسوينه اتجاه زوجك صح ؟ اجلسي مع نفسك وسئلي نفسك هالسؤال .. ترى الدنيا ماصفت لاحد ونا اختك ان ماعشتيها الحين ماراح تعشينها بعدين ... والقرار لك وانتي حره |
رد : ممكن أكتب شيء
لجين محتاجة استشارة نفسية بنصحك لوجه الله لازم نفسيتك تتحسن اما باللجوء لله والعبادة والقيام والصلاة بوقتها والاستغفار خليه على لسانج والصدقة وحسن الظن بالله
او زوري طبيبة نفسية تساعدك |
رد : ممكن أكتب شيء
انا الصراحه تعبت من القراءة – ردودج سلبيه، مافي تجاوب فعال، لازم نحن نخمن عنج،
تستزف الطاقه و تسبب القنوط و الياس. لدرجه الواحد ما يبي يقرأ او حتى يرد. انا ما اقصد التجريح لجين، فلا تزعلين تقريبا العضوات قالول كل اللي كنت ابي اقوله بطريقة احسن من طريقتي انتي ما تبين نصح / ارشاد بالزواج بس،،، بكل شيء الصراحه. احس ما عندج هويه لازم تطورين في شخصيتك، وتعرفين اللي لج و اللي عليج، وشو تبين و شو ما تبين و تكونينلج اهداف بالحياة و تتحملين المسؤولية عن تصرفاتج و قراراتج وتفكيرج و كل شيء واهم شيء تتحملين مسؤولية نفسج،، لازم تدرسين و تشتغلين و تشوفين الناس كيف عايشه و تكونين صداقات. ماشيء يتم بهذه الدنيا،، لا بابا ولا ماما، ولا زوج، ولا اخوان، ولا خوات، ولا اهل، ولا الاصدقاء ولا حتى العيال حتى البيزات ما اتم، اليوم عندج، باجر عند غيرج مالج الا الله و نفسج اقولج هالكلام علشان تستعدين،، ما تعرفين باجر شو مخبي، " إن الله لا يغير ما بقومٍ حتى يغيروا ما بأنفسهم " صدق الله العظيم اقري هالرابط يمكن يفيدج على الاقل تعرفين شو تبين و تحطينه بجملة مفيده لان اسلوب القطاره هذه ما ينفع: http://www.66n.com/forums/showthread.php?t=214686 |
رد : ممكن أكتب شيء
يزاج الله خير اختي روعه عالرابط..... لجين لو صدق تبين تتغيرين اقري الموضوع اللي في الرابط هذا بيفيد حالتج
احنا نتكلم علشان مصلحتج.... محد راح يفيدج بعدين... و مثل ما تحبين ابوج لازم تحبين ريلج خاصة انه مب مقصر معاج في شي... الدنيا مب دايمه لحد....* يا ليت اخوي خالد يطمنا عالوضع عنده لاني احس ان احنا شحناها البارحه وايد و حاصرناها... بس اخوي خالد هذا لمصلحتها.... لازم لجين تفهم الواقع مب الخيال.... |
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©