|
مادري ليه متحمسين تدافعون عنها وكن اخونا احمد فعلا ظالمها!!
اخواني واضح ان البنت تعودت على انه ساكت لها ويمشي لها لي شي لدرجة انها صارت تصرح له انها ما تبيه وان عدم رغبتها فيه مو عين !! وتحس انه المفروض يتقبل ويجي يتغدا معها من بكرا وكانه ما صار شي !! اتحدا واحد منكم يا رجال ولا وحده منكم يا حريم هنا يصرح لها زوجها او تصرح لح زوجته بانها ماتبيه وتمشون الموضوع عادي وتاكلون سوا من بكرا بكل اريحيه!! معليه ياخواني كل شي له حدود والرجال له طاقه وله مشاعر صحيح اني ما ارشح الطلاق لكن والله ماقدر الومه.. والله اني ممكن اتحمل الضرب والمشاكل لا قدر الله ولا اقدر اتحمل شريكي يقولي "تراني مابيك" وانا عارفه انه مب متحمل عيشته معاي ويتغصب القعده معي وعلى اساس انه محسود ولكن يجي يصرح لي بان سبب عدم رغبته فيني ماله علاقه بالحسد!! اذن له علاقه بايش؟ يعني بصريح العباره انا مو طايقك !! الله لا يجيب هاليوم مادري وش ممكن يصير فيني.. ياناس خلوكم منطقيين بحلكم للمشاكل مب دايما تغليط صاحب المشكله هو الحل.. انا اشوف الطلقه ولو انها مبالغ فيها ولكنها درس لها لازم تفهم انها تمادت وتخطت الحدود وان الصبر له حدود وان الحب مهما كان كبير لا يرضى بالاهانه ولا بالذل.. اخوي نصيييييييييحه بما انك طلقت لاااااااااازم تجفى لاااااااازم تتخذ موقف صارم لاااااااازم تزعل وتوصل لها ان الكلمه ما مرت عليك بالساهل وانك لا يمكن تنساها وانك مو مضطر تعيش مع شخص ما يبغاك ولا يطيقك!! منت ملزم تغير شخصيتك وحياتك وكل شي عشان سواد عيونها وتنتظرها تتقبلك يوم من الايام.. لازم هي تشوف هالجانب الرجولي منك وصدقني احس انها بتتغير وبتتفاجأ بقوة شخصيتك وغالبا بتندم لان عادة بني ادم ما يحس بقيمة الشي الا اذا فقده.. لا ترد على اتصالات ولا رسائل بشكل نهااااااااااائي وحتى لو تعبت ولا داخت انت منت ملزوم فيها هي تاركتك ورايحه بيت اهلها بسلامتها ولاهيب طفله تضرب عن الاكل وتدوخ عشان تجي تركض لها!! اخوي اتركها لين يرجعون اهلها ويعرفون السالفه واذا تواصلو معك بلغهم برسالتك انك ما عندك استعداد تعيش مع انسانه ماتبيك وان الكلمه اللي قالتها ما مرت عليك بالساهل وان الموضوع منتهي وصدقني بتنهبل لين ترجع لك.. |
انا انصح انكم تكثروا من الرقية الشرعية واقرؤوا قران على الماء ورشوه في اركان البيت كله ممكن حد عامل عمل سحر تفريق والشيطان بينكم اذكروا الله وبالدعاء كل همومك تتحل باذن الله واتمسك بزوجتك بما انها رجعت وانهى موضوع الخطبة بكلام لطيف وربي يوفقكم
|
لاحول ولاقوة الابالله اصلح الله احوالكم
ارسل لها رابط قصتك هنا اليها وسوف ترى كيف سوف ترد اليك بأذن الله |
اقتباس:
كلامك عين العقل يابحلة حتى أنا كمان شايفه إن ردة فعله طبيعيه اليوم تقول له انا مااحبك ومشكلتي ماهي عين واليوم الثاني تقول له ببرود تعال اتغدى معاي وكأن هذا رجال ماعنده مشاعر وعزة نفس وكرامة هي ماحبته اوكى بس على الأقل تحترم مشاعره لأنه هو يحبها وبعدين الرجال دخل البيت من الباب وخطبها وتزوجها وماشاء الله ماقصر معاها في شئ أنها ماحبته وماجى مفصل تفصيل على مافي راسها فهذه مو مشكلته هو وانما مشكلتها هي لأنها تسرعت في الموافقة عليه وبعدين طالما هي متأكده إن مشكلتها ماهي عين ولا حسد فخلاص تاخذ قرار واضح وصريح من انها تكمل معاه بمايرضي الله بدون كل الخرابيط اللي هي قاعده تسويها او تطلب الانفصال وترد عليه مهره وبلاش لعب الأطفال هذا بالمناسبة يابحلة أيش معنى اسمك من زمان وانا ابغى اسألك |
خواتي اللي يقولون ردة فعله طبيعية !! ردة فعله طبيعية في انه يطلق بنت ما صارلها شهرين متزوجة ؟ شهرين طبيعي ترفضه أنا كنت أطفش من زوجي أول فترة وبعدين صرت أعشق تراب رجوله :d أما عن أحمد فيا خساااارة ياخوي تقول عن نفسك متحمل وما متحمل الين كونت نفسك !!!! اذا انت شريكة عمرك ما تحملت كم كلمة منها , وعذرا قلبي تراها لبقة غيرها تصارخ وتلعن جدفك وتهج لبيت أهلها بكل قلة أدب وما تطيق شوفة وجهك يعني البنت جالسة تحاول |
وشي ثاني الحين هو تصرفاته طبيعية يوم انه رايح يخطب على زوجته وهم معاريس وما بعده مكمل على الأقل نص سنة !! أي وحدة فينا تحط نفسها مكان الأخت , عروس تزوجت بسرعة لافيه ملكة طويلة تهيئها نفسيا وبكر والحياة الزوجية جديدة عليها وما حست بانسجام مع زوجها ( وهذا شي طبيعي ) وآخر شي يروح يخطب عليها !!! وفوق هذا يا أخ أحمد مديت ايدك عليها وضربتها كف على وجهها وهي ما تكلمت ولا قالت شي وعذرتك في واعتبرت نفسها مخطئة مع ان خطأها ماظن يستحق كف على وجهها لانه غير مقصووود , يعني ان البنت خيرة ولا فيها مكابرة بس المسألة مسألة وقت أتمنى الموضوعية في الحكم |
اقتباس:
أتمنى من أي أحد يعلق على الموضوع أن يكون عنده أمانه كافية مع نفسه وما يحملها أثم ..على الأقل راجعوا مواضيع البنت بالأول وتعرفوا على شخصيتها الحقيقية قبل ما تحكموا عليها بأنها قاعدة تتدلع ومحتاجة حزم وما ادري شنو . انتو عارفين أنه الانسان بمثل هذه المواقف يكون حساس لكل كلمة تنقال وما خلى أحمد انه يشيل عليها بنفسه وما تحمل كلمتها من بعد ما كان متحملها بالأول إلا بعد بعض المشاركات التحريضية . أتمنى تتذكروا اننا مو قاعدين نتكلم عن مسلسل ... هذي حياة ناس ,,, بنت بتتطلق .. وعيلة بتنهدم .. ورجل بيترك حب حياته .. ما يستاهل كل هذا شوية جهد وتحمل من الحبيب .. زواجهم كله على بعضه ما تجاوز الشهرين .. الله لا يبالكم بموقف تكونوا فيه خارجين عن طوركم وتقولوا كلمة تندموا عليها واللي أمامكم ما يسامحكم مهما حاولتوا معاه ... سبحانك يا ربي يا غفار .. تغفر لنا واحنا عاملين بلاوي مو مثل البشر وقلوبهم الحجر استغفرك يا ربي وأتوب اليك |
الماضي الدفين وبيتا وش فيكم كذا معصبين ؟ أنا ماعلقت على طلاقه وخطبته الثانية أنا اتكلم عن زعله من كلامها وهم في السيارة وبعدين يابيتا انتي تقولين إنها مو متأكده من مشاعرها طيب كيف تفسرين كلمتها هذه له وفي السيارة بكل قواة عين تقول تعبي ماله دخل بأني مابيك!! أذا هي تعرف مصدر تعبها تتكلم بصراحه معاه وبعدين أنا قرأت موضوعها وشفت كلامها هي تقول ماقدرت تحبه لإنه كثير مزاح طيب ايش المطلوب منه يعني ؟ يبدل جلده وشخصيته عشان يعجبها ؟؟ وتقول إنه شخصيته ضعيفة قدامها طيب كمان ايش المطلوب منه ؟ يكفخها كف الصباح وكف بالليل عشان ترتاح يعني ؟ على فكرة أنا مو موافقة على تسرعه في الطلاق والخطبه مثلكم لكني ماأحمله كل الذنب في الموضوع مثلما قاعدين تسوون معاه |
البحله بالنفس + عفراء
كلامك صح ما عليه غبار بس لو ان زوجته ما فيها شي كان قلنا من حقه لكن هي تعبانه وقد قالت له انا مدري وش فيني والشيخ قال انها محسووده وحلها بسيط ودايم المحسودين تلقينهم يقولون حكي خارج عن ارادتهم وما يهتمون وصدقوني بعيدين بتقول مدري كيف كنت اقولها واخونا احمد كافح وصبر الله يجزاه خير وصبر لكن على اخر المشوار لم يتحمل لانه كان يضغط على نفسه وفجأه انفجر البركان لكن نقول لك تريث واسترخي وتعوذ من الشيطان واذكر الله و فكرر في حالتها و حالتك لاني ابصم لك انها بدأت تتغير وتتعافى انتظر مستجداتك |
يا اخوات الرجال في مشكله نبي لها حل وننصحه ونوجهه للطريق الصح
ما نبغى نلوم احد منهم رجاااااااااااااااء |
اقتباس:
وش الشي اللي سوته زوجته علشان تستاهل طلاق ؟؟ احنا كلنا كنا معاه لغاية ما طلق ساعتها أنا غيرت نظرتي له تماما |
خبر ازعجنا كثيراً تكلمت كثير عن حبك لها وين راح كل هالحب لمجرد كلاام هي مااتوقع تعنيه هي تعاني وانت لازم توقف معها بدال ماتكون عليها ولو ماتبيك ماتصرفت هالتصرفات،،
راجع حساباتك واستخير والله يصلح الحال فيما بينكم ويبعد عنكم كل حاسد . |
حرام عليك يااحمد طلقتها عشان كلمه .؟ ولا سالتها اجل من ايش ؟
طلقتها وخليتها لوحدها بالبيت بصدمتها ولا احد عندها ..!؟ ماتحس انك استعجلت كثير ماتحس طلقتها بلحظة غضب ..؟ كلنا نزعل ونتهاوش وننقهر ونبكي بس مو على طول نطلب الطلاق .؟! فيه زوجات تسوي اكثر بكثير من اللي سوته زوجتك ولهم سنوات زواج وانت من بس من هالفتره وتفكر تخطب ومن كلمه طلقتها ..؟ الله يهديك ويصلحك .. وهي الله يكون بعونها |
اقتباس:
صددددددددددددمه ماتوقعت ابدا ابدا ...! زوجتك محسوده وقالها الشيخ وبديت انت ببداية الطريق للحل !!! ومن كلمه وهي محسوده !!!!!تطلقها لاتقول انا اصبر !! لا والله ماصبرت ع علاجها للاسف زوجتك لم تجد مسانده منك بوقت تحتاجك فيه ... وابعطيك خبر الان رجعت زوجتك للصفررررررررررررر بتنسد نفسها عن كل كل شيء ....! حتى الرقيه بتتعب اكثر واكثر الله لايسامح ابليسك !! ابد ماتوقعت يااحمد من كلمه لاتصبر هذه هي الحياه الزوجيه مشاكل ضغوط كم كلمه تجرح وتجرح نعاتب نزعل !!لكن لنهايه للحب ننضحي ونسامح ونمرر لو ان كل زوج مثلك يطلق من كلمه .. ماكان بقى بيت زوجي الا وهو مهدوم ...! تصرفك مليون بلمئه خاااااااااطىء .....بمجرد تفكير بلسبب اللي استدعى الطلاق ....(زوجتك ماكانت تستاهل الطلاق ابدا ..يام نلقى ونرى من ازواج وزوجات شكاوى بهلمنتدى ! كلام احيانا للقذف والعياذ بالله وادهى واتهام ولكن تنحل الامور بلصبر والتروي والحث عن حلول ...). الان زوجتك متعبه وبتسمع بذلك . لاحول ولا قوة الا بالله . مع احترمي لك لست بلزوج الكفىء ...لان سبب الطلاق لايقنع حتى المجنون .! |
:: |
اقتباس:
|
زوجته تقول ماحبته يعني الاجابه واضحه تمام الوضوح الحب من الله ماهوب بكيف الانسان |
اقتباس:
مالي داعي هالمشاركه انتبهي لا تسعين بخراب بيت |
اقتباس:
اذا كان الكلام من فضة فالسكوت من ذهب |
اقتباس:
لا تنه عن خلق وتأتي مثله .. عار عليك اذا فعلت عظيمُ .. الاولى تقولين هالجمله بصوت عالي لنفسج |
الله يصلح حالكم ..
اشوف ان الحل الوحيد انك تقولها السبب الحقيقي لكل اللي صار وهو انك قرأت موضوعها عنك هنا وترتب عليه كل اللي صار من ضرب..... وبعد.... وخطبه.... وطلاق.... لازم تعرف السبب عشان تعذرك وتفهم احساسك لازم تعرف انها كانت امنيتك من سنين لااااازم تقراء كلامك هنا عشان تفهمك صدقني هذا الحل الوحيد لاتضيع الوقت بمعناه ممكن تنتهي بساعه اذا فهمت السبب الحقيقي وفهمت ايش في قلبك ارسلها رساله انا قريت موضوعك وادخلي المنتدى اقراءي كلامي .....والله يختارلكم الخيره ويكفيكم اعيون خلقه ويرد كيد كل من ارادكم بسوء في نحره. |
اقتباس:
ما تتفقي معي انه المسألة تاخذ شوية وقت ؟؟ روحي قسم المقبلين على الزواج وشوفي كم موضوع نازل تقول فيه الخطيبة انها ما تعودت للان على زوجها مع انه صارلهم 3 شهور أو 4 شهور مملكين .. ومن يوم الشوفة للأخ أحمد للان ما مر 3 شهور ... يعني وضعهم عادي وزاد عليه انه البنت فيها عين .. انا مو فاهمة ليه الأغلب يتغاضى عن هذي النقطة وكأنه العين ما انذكرت بالقرءان ؟؟؟؟؟؟؟؟؟؟؟؟ |
السلام عليكم ورحمة الله وبركاته ..
الله يعين الجميع يارب ماراح اتحامل لا عليك ولا ع زوجتك يمكن هذا خير لكم والكل يعرف ايش يحتاج من الثاني بس فيه عتب بسيط لك اخوي لما قلت انها سوت غداء هي بدت تحاول تشيل الحواجز بينكم بس انت الله يهديك ماحاولت تفهمها تسرعت بحكمك لان الكلمه كانت مأثره فيك اكثر من اول عموما اخذ وقت راحه وراجع امورك طلقه وحده تكفي لا تتسرع اكثر من كذا وباقي عليكم انتم بالبدايه شهرين ماتكفي انا اعرف اثنين ابتعدوا عن بعض من غير انفصال كانت عند اهلها وهو تزوج وحده ثانيه بس ماطلقها لمدة 7 سنوات وسبحان الله ارجعوا لبعض وعايشين والكل متقبل الثاني اكثر من اول ويحاول يسعده ماقدر اقولك اصبر لان مافيه احد يعرف ظروفك بس بقولك تجنب تتصرف وانت في حالة غضب و اتمنى لك اخوي انت وزوجتك السعاده والذريه الصالحه وربي يبعد عنكم الشر |
يارب يفرج همكم ويردك لبعض ردااااا جميلا
|
نسال من المولى عزوجل ان يجمع شملكما عاجلا غير اجلا
ويسخر زوجتك لك ويسخرك لها الحياة الزوجية في السنوات الاولى لا بد ان تمر من مواقف وازمات عصيبة لكن بالصبر والدعاء ان شاء الله سوف تتغلبان على هذه المشاكل كان الله في عونكما اخي الكريم. |
ماقرات كل الردود و المشاركات
بس هي من العنوان عضوه بهلمنتدى يعني معقوله ما شافت الموضوع و احتمال تكون مسجله و بتشارك باسماء ثانيه |
ماتقدر تحل اي مشكله ونت بهذا التسرع ..
انت رجال وبيدك العصمه لزوم تدرس اي قرار قبل التنفيذ موبهذا السرعه بنت راحت عند اهلها تضربها والله حرام وهي ماتعودت ممكن كان فهمتها باالمعروف وليس بضرب كرمال الحب والله انقهرت يوم قلت طلقتها ايش هذا كيف بالله بتعيش حياتك ونت كذا بسرعه تتخذ قرار الله يهديك وترجعو لبعض اول مشاركه اكتبها كنت اتابع الموضوع عن بعد بجد حزنت عليها |
هي صارت صريحه بطولة اللسان هذا من بعد الرقيه ..وانت صرت ماتتحمل برضه من بعد الرقيه
شفت كيف اثار الرقيه..استمروا عليها واعتقد ان بعد الرقيه دايما تنتكس الحاله بس بعدها يتم الشفاء باذن الله اخ احمد رجع زوجتك واصبر عليها تراها مسيره مو مخيره يعني عدم تقبلها لك من الحسد او النفس بعد ماتتشافون باذن الله شف كيف راح تحبك من نفسها.. لاتخلي الشيطان يتغلب عليكم وبما ان الطلاق بيدك رجاء عليك بالصبرثم الصبر واذا حسيت انك معصب او اغضبتك اخرج من البيت... رجعها وكملوا جلسات عند الشيخ...هي استفرغت الحين باقي انت لو استفرغت الله يكرمك اعتقد يتم الشفاء باذن الواحد الاحد..لان النفس فيك انت احتمال كبير |
اقتباس:
بس الحمدلله انها طلقه وحده ويقدر يرجعها..الخوف من ان تنقلب الموازين ويصير هو مايبيها وهي تبيه..لكن ا ان شاء الله مايصير الا الخير |
كل الي ردوا جزاااكم الله كل خير
واعذروني ماقدر أرد على المشاركات واحد واحد الماضي الدفين بالله عليك تتوقعين رجل عاقل بيسمح لزوجته تدخن!! تتوقعين وحده مثل زوجتي بترضى بسيجارة!! هي مومتقبله شئ مني لامزح ولاغيره وتفسر كل شئ على حسب مزاجها نعم أنا أعترف بأني متسرررع وماعاد صرت أتحمل شئ أعترف أني أخطأت بضربها أعترف أني أخطأت بخطبة بنت عمي أعترف أني أخطأت بطلاقها في لحظة غضب يمكن الطلاق هوالحل الأمثل لكن وقتي فيه كان خطأ لاحول ولاقوة إلابالله |
معليش اخوي...رجع زوجتك واستمروا في الرقيه...معروف المشاكل بتزيد وفت العلاج وراح تكونون في حرب مع الشيطان اللعين لكن صدقني النهايه سعيده.ولايتغلب الشيطان عليكم ...انت عارف انه الي يصدر منها مو بكيفها ولا بارادتها غصب عنها..صدقني فيه شي يسيرها..
|
احمد الاعتراف بالحق فضيله وانت اعترافاتك اول الحلول
ارجع زوجتك واستمروا في الرقيه لان بدأت تزداد العين فيكم وقت الرقيه ومعروف تكثر المشاكل والشد والجذب لذالك خلك مثل زوج اختي لما كانت تعبانه اي شي تقوله او تسويه يضايقك اعتبرها مجنونه ولا تاخذ بكلامها لانها ماتدري والشي مو بيدها خاصه انها تقرا وتكافح العين لازم تفرررغ اللي في نفسها الله يزيدك حلم وصبرا ويثبت ويا جبل ما يهززك ريح انتظررك تبشررنا برجعتكم |
الله يرشدكم للصواب ويلهمكم الصبر انت وزوجتك
أعتذر أخي على كثرة مداخلاتي لكن صدقني والله انه أمركم يهمني وشاغل بالي .. مع انه عندي شوية مصاعب على عدة أصعدة بالبيت لكن تفكيري إنشغل بهمكم أكثر من همي طول اليومين اللي مضوا . أحب أوضح لك نقطة أخي الكريم لاني ما أعرف معلوماتك عن منتدانا وقوانينه ويمكن تظن اننا صديقات لزوجتك بصورة خاصة .. وعلى فكرة هي من عمر بنتي الصغيرة :) ومع اني أعجبت بزوجتك وبأخلاقها وطريقة تفكيرها لكني ما كلمتها ولا كلمتها الماضي الدفين بشكل منفرد أو بوسائل اتصال خاصة فهذا ممنوع بالمنتدى عندنا .. ممنوع طرح أي وسيلة اتصال خاصة أو كتابة أي معلومة ممكن تؤدي لاتصال خاص .. كل معرفتنا بها عن طريق مواضيعها الثلاث اللي طرحتهم هنا . من خلال مواضيعها قدرنا نفهم مدى نضج تفكيرها وطيب شخصيتها وتميزها عن باقي البنات وهذا منبع اهتمامي وحبي لها اللي خلاني أسهر أدعي لكم بصلاح الحال أغلب الليلة الماضية .. أخي .... مافي طريقة يوصل فيها موضوعك ورأيك لها غير انها هي تدخل المنتدى وتقرأ الموضوع ... طبعا في امكانية انها دخلت المنتدى لكنه احتمال وارد وليس أكيد وبالتالي أتمنى ما تعتمد على ايصال أي فكره لها من خلال الموضوع .. اللي صار صار لكن سهل اصلاحه ... تقدر ترجعها لذمتك بدون تدخل أحد لانها لا زالت بالعدة . أعطيها وأعطي نفسك فرصة ... ضروري يمر شوية وقت على تواصلكم قبل ما تقدر تحكم انت أو هي على مشاعرها تجاهك .. ضروري جدا تكملوا الرقية عند الشيخ وخلها تروح العمرة وبعدها اجلسوا مع بعض وارجعوا تفاهموا وقتها . الان ركز على موضوع الرقية ... ومن بعدها نفكر بالخطوة اللي بعدها . يا ربي يا كريم تريح بالهم وتجمع قلوبهم على الخير وتلهمهم الصواب عاجلا غير اجل يا كريم |
لا حول ولا قوة الا بالله
والله خنقتني العبرة عندما قرأت مستجداتك بالطلاق وشعرت بصدمة وحزن شديدين يا اخي ما بدي زيد همك فوقه كمان هم لكن معليش تحمل واكسب الثواب بصبرك على ما ابتليت زوجتك بدأت تتغير وتنفتح صحيح بدأ انفتاحها عليك بازعاجك لكن صدقني مو بايدها هذا من اثار الرقية وستكون اشد وطأة لو تركتم الرقية في نصف الطريق رجعها اخي وبين لها مقدار حبك واهتمامك بها وانها غالية على قلبك وانك تتمنى منها المثل انت ما زلت في وقت تصليح غلطك فلا تجعل الطلقة الاولى تصبح ثانية والله اشعر بالاسى والضيق الشديدين بسبب ما تمرون به، فلا تبخل علينا نحن اخواتك واخوانك في المنتدى ان تسمعنا الاخبار المفرحة والمريحة لك ولزوجك اجلس مع نفسك وفكر بذهن صاف وتوكل على الله واجعل نيتك في ارجاعها عاجلا غير اجل نسأل الله عز وجل ان يختار لكما الانسب ويفرج هميكما عاجلا غير آجل يا رب |
اخ احمد ان شاء الله تكون وصلت لحل يرضي الطرفين
|
لا حول ولاقوة الا بالله ..ماكان ودي بالنهاية الحزينه ..
صحيح كلمة ا(انا تعبي باني مابيك) وصحيح الموضوع اللي كتبته (ماحبه) يجرررح بقوووووه ,,حطيت نفسي مكانك بتدمع عيوني دم بدل الدموع ,,واكيد تصرفاتك من صفعها على وجهها وطلاقها ناتجة من قوة الالم اللي بقلبك ومن قوة الحزن اللي بصدرك.. وعارفه ان طلاقك ما جاء ألا بسبب الضغط النفسي اللي تعاني منه ,,انت تعاني ومن الخطأ اننا نحمل الغلط كله عليك .. توي مخلصة قارية موضوع العضو (حياة أفضل) حياته اتعس من حياتك بفرق ,, حب عروسته حب مخلص , ضحى من اجلها وبذل الغالي والنفيس علشانها , عيشته بعذاب نفسي رهيب زود على حياة الغربة اللي عايشها ,, اوقات ما يكون معاه فلوس تكفيه لوجبته ووجبتها فيشتري لها ويخلي نفسه , شكاكه وتتلفظ بالفاظ سوقيه بانه راعي بنات ومغازل , مرة مدت ايدها عليه وصفعته كف ومره كسرت اواني المطبخ ومره كسرت الجولات ومرة تدق على صاحبه علشان شي تافه وانواع قلة الادب , وجرب معها كل انواع الاصلاح ودلعها دلع وصبر وصبر واخرتها ترسل رساله اكرههك اكرههههك اكرهههك << اشد من كذا ما فيه... وبعده ترسل طلقني وتتلفظ عليه ,, كتم الآم الحسرة وماحب يفضحها قدام امه واهله كله على واثرت المشكله على نفسيته ودراسته ,, بعدها تقرب لربه واستخار وارتاح لقراره .. هو صراحه من حقه يطلق وحرام عليه يعيش مع وحده اللهم ياربي لك الحمد ,,,, لكن أنت زوجتك ما سوت ربع اللي سوته فيه زوجتك خلوقه ومحترمه وومع انك صفعتها كف جت واعتذرت لك ,, ورحت وخطبت وكسرت قلبها بس مشكلتها قلبها مو بيدها الرسول قال (هذا قسمي فيما املك فلا تلمني فيما لااملك ) استثنى المحبة القلبيه لانه شئ خارج ارادته ..ومع ذلك حاولت بنفسها لو ماحاولت نقول يمكن .. الدعوى ماتستاهل الطلاق والله ماتستاهل ,,, بس يبيلكم شوية صبـــر يبدو لي زوجتك قبل الزواج متخيلة فارس احلامها وحاطه له مواصفات وعليه عاشت عمرها وبنت احلامها عليها وحبت هالشخصيه على بالها بيكون زوجها نفس هالمواصفات, ويوم اتزوجت تعارضت شخصيتك مع الشخصية اللي بانيتها في احلامها .. ارجع اقولك يبغالك شوية صبر ,, يمكن تحتاج سنه سنتين على بال ما تحبك , وعلى بال ما تمسح هالشخصيه اللي حاطتها براسها .. |
وبعدين من هي اللي بتحب زوجها علطول ؟؟؟؟مافيه الا القلة القليلة ..
وياكثر البنات اللي بتقول ماحبيت خطيبي او زوجي بالبدايات .. شف هالموضوع بقسم المقبلين على الزواج http://www.66n.com/forums/showthread.php?t=222149 يعني لو كل واحد شاف موضوع خطيبته او زوجته ..وش بتكون ردة فعله ؟؟؟ فأنت خذ الموضوع ببساطة خلك ريلاكس,, وخل الموضوع عاااااااادي جدا ,,, متى ما حبتك حبتك .. لاتغير لا من طبايعك ولا من شخصيتك هي بتحبك يعني بتحبك بس محتاجة وقت.. ترى انت مو أول ولا أهر واحد زوجته ما تحبه بالبدايه .. وارجع اقولك بتحبك ,, وبتصير هالسالفه من ذكريات الماضي:25: وبتذكرونها وبتضحكون عليها:27: |
انا ارى ان الرقيه ستفيدكم ان شاء الله
يعني انت لاتهمل نفسك وهي لابد اهلها يهتمون ويدونها للشيخ الراقي وان شاء الله مافيها الا العافيه ومع ذلك فالقران يهدي النفوس ويطمئنها اما الشئ الثاني ف ياجماعه لاتحطون كل اللوم والغلط من الزوج انسان محترم عصامي ماشاء الله مزوح طيب له اسمه ومكانته بين الناس وشخصيه حبوبه يعني هالانسانه وش تبي بالضبط نفسي افهم يعني؟؟؟؟؟؟؟؟ وانا هنا لا اؤيد انفصالهم بل ارى في الطلقه قرصة اذن لها حتى تستيقظ وتعرف قدر النعمه اللي ربي اعطاها اياها وان شاء الله يااخي الفاضل احمد ترجعون لبعض وتكون لك نعم الزوجه لكن تثيقل واصبر وان شاء الله رب العالمين ربي يفرجها |
السلام عليكم
كل مافي الامر هذا من عمل الشيطان والرقيه مثل ماقال الاخ نسيم الوسم. هذا سحر احد ساحرها او معطيها عين والعين مذكورة يمكن صج تحبك لكن مو مكتوب لكم تعيشون ويا بعض. خلك ويا بنت عمك لان الاهل عزوه ولا طحت اهما يشيلونك ويعينونك والغريب طول عمره غريب وربي يسعدك وين ماكان نصيبك ويوفقك والدعاء زين. |
يا نااااااااااااس ياعالم هي فيها عين
ليه نحط اللوم عليها وهي تعبانه واللي قاعد يصير خارج ارادتها هي تدري ان اللي تسويه غلط بس ما تقدر تمنع نفسها .. هذي العييين وهذا الحسسد لاتقولون وتفسرون على كيفكم وانتم ما جربتوا العين والعذاب اللي معها شعور زوجته تبيه وتحبه بس فيه شي يمنعها واذا ما عرفت تجلس تبكي مثل ما قال قدروها لو شوووي احمد الى الان انتظرك تبشرنا برجعتكم |
| الساعة الآن 12:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©