|
احححححححححححححححححححححححححححذر
ثم احذر تدخل امك بالموضوع 000تعرف المثل الي يقول بغيضه وجابت بنت 00اذا ماكنت نعرفه قلي وانا اشرحه لك |
مرحبا اخووووووووووي
يااخي يمكن نقاشكم كان حاد او جارح او زوجتك في شي كبير مضايقها لهدرجه انت تعوذ من ابليس وخلها اعصابها ترتاح وصدقني ماخلتك تاخذ بنتها الي في شي مقهوره منه انت اتركها وعطها وقت وانت بعد عيدحساباتك محد خالي من العيوب بس العبره بلي يخطي ويصلح غلطه مو يصر عليه والله يصلح بينكم ويهدي سركم لبعض ويطرح فيكم البركه تقبل مروري |
الله يصبرك ويعينك
واذا طريقتك في معالجة الأمور بهذا البرود راح تتعب وتشوف منها اكثر من كذااا بعد الزعل والطرد تتجرأء وترسل لك مسجات وتحسسك انك ماتهمها ولاسألت فيك ماادري ايش اقولك بس شكلك عاجبك الوضع كذاا اذا مااتخذت تصرف وعاجل وبرجوله وحزم راح تتمادى اكثر واكثر يعني تطردك وترسل مسجات عاااااااااااااااادي ...لو غيرها غيرت رقمها واستحت على وجهها بس زوجتك فيها من الوقاحه الشئ الكثير وماتشكر النعمه الي ربي معطيها وسفرتها من غير أذنك أهانه ثانيه لك وانت ولاهمك من جد اتمنى تتخذ حل وتتقدم في مشكلتك ونطمن عليك وعلى وضعك عايشه المشكله معاك من بدايتها حتى في البيت يسألوني عن آخر التطورات في موضوعك |
اخوي
برودك مثل ما قالت الأخت ، هو اللي خلاها تتمادى .. اتمنى الرجال يردوا عليك و يوضحوا ايش افضل طريقة في معالجة امر مثل هذا .. مهما وصلت بينكم الأمور ما توصل للطرد .. لإنه يدل على قلة عقل و تربية .. و إنت ساعدتها على الشئ هذا لإنك تاركها تعمل ماتشاء .. |
الله يكتب لك الخير ويعينك .. امرأة مستهترة جددددا و متمردة و الظاهر ان حتى اهلها زيها .. طننننشها ولا تضيع اللحظات الحلوة في حياتك بالتفكير فيها وفي مشكلتك واصل ابوك وامك و حاول تغير جو انت كمان و اهم شي لا تجعل مشاكلك تفوت عليك كنوووز رمضان بلغنا الله واياك وجميع المسلمون رمضان
|
الأخوة والأخوات اللي أشاروا إلى رضا أمي وأبوي علي ....أحب أطمنهم علاقتنا طيبة ولا فيها شيء بس كانت متوترة نتيجة لسوء التفاهم بخصوص المشاكل الكبيرة اللي صارت بين العائلتين ...أما الآن الحمد لله تمام .
الأخت الجليله والأخت روح الطير شكراً لكما على اهتمامكما بالموضوع ....ولكن أقول : تقولون عني بااارد ...أحب أطمنكم ...أن الأمور أراها تسير في مسارها الصحيح ...وأنا لو أبيها ترجع البيت فقط لمجرد الرجوع إلى البيت كان صار هذا الشيء من زمان وفي أي قت أقدر أخليه يصير هالشيء ...ولكن الأمر أبعد من ذلك ...أنا قاعد ألعبها صح ...أنا ما أبيها ترجع البيت بمفاهيمها السابقة ....أنا أبيها ترجع بمفاهيم أخرى اللي بها تكون حياتنا الزوجية مستقرة وآمنة ... بمعنى آخر أبيها ترجع إنسانة غير ... ولا أعتقد أن إصراري وحزمي في اتباع ما توصلت إليه من خطة في تحقيق ذلك الهدف الاستراتيجي بعد تفكير وتأمل عميقين في المشكلة وأبعادها المختلفة ....لا أعتقد أن ذلك بروود !! وموقفي الحالي هو في خدمة ذلك الهدف ...ولو ما تحقق هالشيء ... فلا آسف عليها ( من جد ) . وأحب أطمنكم إنها على وجل !! وترا مع كل اللي سوته تراها تخاف مني ..أنا فعلاً طيب ولا أزكى نفسي ولكن بعض مواقفي صلبة وهي تدرك هذا الشيء.. أخواني أخواتي ....لا أستطيع التعليق على كل مداخلة ... ولكن ثقوا تماماً أن أحمل كل مداخلة على محمل الجد وكلها في عين الاعتبار .. تحياتي لكم جميعاً ... |
أحب أضيف :
أن الكرة الآن في ملعبهم ...ويشهد الله أن ضميري مرتاح على ما قمت به .. ومروق المنجا على ما يقولوا >>>>>>> مو بروود بس ما أقدر أسوي شيء الآن لأن الكرة في ملعبهم. والآن فرصة حقيقة لي لقراءة نفسي من جديد ...ومراجعتها بخصوص علاقتنا الزوجية السابقة ...والوقوف على أخطائي وعيوبي ....والعمل على إصلاحها وتفادي وقوعها مستقبلاً .... فكما قالت الأخت الغربه مره...لكل مشكلة قصتين ...لذلك أنا عندي بعض الأخطاء والعيوب ...فيلزم علي إدراكها وتصحيحها .. اللي أبي أقوله : أني مرتاااااااااااح :28: تحياتي. |
ما شاء الله عليك :) الله يهنيك بعقلك ورزانتك ..
ما أقول بيوم هالجمعة المبارك غير الله يوفقك بمسعاك ويجمعك باللي تهنيك وتطيب خاطرك ... اللهم بلغنا رمضان على خير وبارك لنا في ساعاته ولياليه |
اخي الاخلاق
حبيت اقولك كم شغله من الممكن انها تفيدك الان انت قريب من اخوها هذا انصحك بالابتعاد عنه قدر الامكان لانه لو اخوها يلعب على الحبلين اكيد يعطي اخته كل يوم تقرير زوجك قال زوجك فعل انا اعتقد من الافضل لو انها سألته وهو قال ما ادري مايرد ما يتصل وذا تكلمو عن الاجتماع وضح انك مشغول واذا لزموا على الاجتماع قول اهم شي مايصير بالبيت الي طردت منه !! طبعا هالاجتماع مو الان يصير بعد فتره شووي يعني لايضر ان تشغل نفسك بعد رمضان او بعد العيد لان المسأله تحتاج وقت اكثر زوجتك الى الان مابدت تراجع نفسها وواضح هذا الشي من رسايلها مسألة بنتك تشوفها كل يومين انا من رأيي ان تضغط على قلبك وتقول لأخو زوجك ان البنت تقعد عندك يوم كامل بالاسبووع وبعدها خلها عند امها لان مسألة ان الزوج يجي كل يومين عند الباب عشان ياخذ بنته يحسس الطرف الاخر انك مربوط فيهم وماراح تروح بعيد واليوم هذا لو تقدر تكلم اخوك الي اصغر منك هو يتصل على اخو زوجتك ويروح لبيتهم ويجيب البنت يعني لاتخليهم يسمعون لك صووت انت كأنك بعالم ثاني بدوله ثانيه وذا سألوك وينك قل دنيا مشغووول بعدين نتفاهم زي كذا لان زوجتك ماراح ترتبك كثير فأنت قريب منها انت تجي كل يومين عند البيت وتكلم اخوها بأستمرار فهي معها حق لو حست انك للحين متعلق فيها فطبيعي انها تتمرد زياده وتسافر وترسل رسايل استفزاز هذي كم نصيحه ولكن عندي كم سؤال عشان ما اظلم البنت 1- انت تقوول ان زوجتك ماحافظت على اسرار بيتك وسببت مشكلة بين اخوها وزوجته الي هي اختك وشو الي قالته يعني شافت شي ببيت اهلك مثلا وراح وقالته لأهلها وتسبب بالمشكله ؟؟ هذا الي ابي افهمه 2 - اثناء النقاش بينك انت وزوجتك تقول حصل غلط من الطرفيين وش قلت !! يعني ابي اعرف وشو الاشياء الي ماسكتها ضدك انت والله يوفقك وعلى فكره ترا برمضان ما ابي اشووفك بالمنتدى :d امزح اخووي الله يستر عليك وييسر امرك ان شالله قصدي روح خذ عمره وغير جوو |
أنا بأجاوبك بعد إذن الأخ الأخلاق و الله يزيد في مقداره
يوم راح يزور اهله مع زوجته ، زوجته سلمت على امه و ابوه و ما سلمت على اخواته الإثنين ( علشان كذا نحن قلنا له مالها حق .. لإنه كان لازم تراعي وجوده أو وجود امه و ابوه عالأقل ) ثم اخواته و اللي وحدة منهم تصير زوجة اخوها ، قاموا بعد شوي من المجلس و راحوا غرفتهم يعني طنشوها ، و هي زعلت و راحت شقتها الأب عاتب البنات أظن .. و هم دافعوا عن نفسهم و الأخ الأخلاق دافع عن زوجته لكن زوجته ما تدري إنه كان يحامي عنها .. رجع البيت و زوجته اشتغلت محاضرة و شكوى و إنت و إنت و اهلك انتهى الموضوع بينهم .. و قامت زوجته و راحت نقلت اللي صار لأهلها و صارت مشاكل بين اخوها و زوجة اخوها وو كبرت الحكايةة ثم جات تقول لزوجها ، نحن مالنا دخل في أي مشاكل تصير بينهم و خلينا في بيتنا و هو كان مسافر والد الأخ الأخلاق تدخل في الموضوع علشان يحل مشكلة بنته مع زوجها و قام عاتب الأخ الأخلاق و قاله زوجتك هي السبب في المشاكل و كذا و الكلام اللي قاله الأخ الأخلاق موجود في مشاركته بالصفحات اللي في النص .. سامحوني عاللقافة ، بس الموضوع كل يوم أدخل و أتابعه |
اقتباس:
ردي بالأحمر أعلاه ..... وشكراً جزيلا على اهتمامك يا أخوي .. أخوي اونلي هيومن بعلق على السؤالين اللي سألتك أياهم :28: تذكر أنت قلت لي ما سجلت في المنتدى الا عشان تشارك في هالموضوع وأنك تتابعه متابعة شديدة يومياً ...قلت لك في عضو اسمه onlyhuman دايم أشوفه في الموضوع ...وقلت أنت أيه هذا أنا .. أنا لما كنت اشوف onlyhuman دايم في الموضوع شكيت قلت يمكن زوجتي ... وألحين بعد أشك يمكن أنت تعرفني ..أو إنك من طرف زوجتي .. تحياتي لك أي كان شخصك .. فلست بخائف كنت من كنت :26: لأني ما قلت إلا الحق ولا في شيء هنا أخاف أنه يطلع لها أو لأخوانها ... وأتمنى أن زوجتي بالفعل تتطلع على الموضوع من وراي.:d |
اقتباس:
كلامك صحيح .. وبالعكس مافي أي لقافه ...وهذا الشيء يريحني أن الناس فاهمه موقفي صح ... تحياتي لك وشكرا على المتابعة والاهتمام. |
اخووي الاخلاق
والله انا مجرد زائر للموقع وما اعرفك شخصيا واتمنى لو اعرفك لان معرفة الرجال مكسب اما بالنسبه لاخوك الصغير انا ما ادري اذا عندك اخ صغير بس فكرت ان الي يخدمك ممكن يكون اصغر منك يعني مو لايقه اقول لك قل لأخوك الكبير او ابوك هذا المقصد وعالعموم الاقتراح هذا اقترحه شخص قبلي انا اذكر سؤالك لي يوم قلت لا يكون انت onlyhuman حسيت انك تتمنى ان زوجتك تقرا الموضووع عالعموم لو ترسل لي رساله خاصه اقدر اعطيك اسمي الكامل لو تبي ورقم جوالي ^_^ انا مجرد متابع للموقع لكن الي شدني بقصتك انها متواجده كثير في مجتمعي وبعائلتنا فحبيت بس ادلو بدلوي عشان كذا مسنتر بموضوعك انا اقرا كثير لكن احس ان عندي خبره بهالموضوع :d اذا كنت مضايقك قلي اضف خشتي عادي :d |
اقتباس:
وبالعكس وجودك معي في موضوعي يشعرني بالارتياح ..ونصايحك لي بخصوص المشكلة فعلاً رائعة وكانت غايبه عن بالي ...فخلك مسنتر دائماً :22: وبالنسبة لسؤالي لك ليش ما قلت لي قول لأخوك الكبير ...أنا أصلا ما عندي أخوان أكبر مني ..وسؤالي كان مجرد مشاغبه :27: تحياتي, |
كل عام وانتم بخير
ورمضان كريم الله يسهل عليك اخوي الاخلاق ويسعدك دنيا وآخرة والله لو انا في نفس موقفك اقسم با الله تطنيش الى ابعد حد ولا التفت لها لين هي تجي وتعتذر بدون ما اروح انا واحفر في الموضوع اول شيء طردة وثاني شي اهانتك برساله ثالثآ راسائل استفزايه من عقل خالى من الذوق والادب وعدم الاحترام اخوي والله انا كل يوم تقريبآ ادخل واشوف وش صار عليك والاخوان والاخوات ما قصر الله يعطيهم العافيه على نصائحهم لك يعني با المختصر المفيد زي ما قال واحد من الاخوان خل واحد من اخوانك كل ويك اند يتصل على اخو زوجتك ويجيب بنتك لك وانت اسفهم لا تروح لبيتهم نهائيآ وخل الايام تجري وشف وش بيصير معك تطول او تقصر لا يهمك وخل قلبك قاسي من باعك بعه الا اذا اعتذرت لك عن طردها ورسالها السخيفه المستفزة واسال الله ان يلم شملك عاجلآ غير آجر بس يبيلك صبر وقوة قلب وخل الحنيه عنك شوي وشف مع مرور الايام وش بيتغير في زوجتك ونصيحه بلا اجتماع بلا خرابيط لأنهم ما قدروك حتى اخو زوجتك ما اعتذر عن طردها لك واكيد جاه علم با الطرد وبا الاخير طنش تعش تتنتعش وبين قوسين( من باعني بعته بارخص الاثمان) وتحليل بسيط اتوقع 200% ان زوجتك او احد له صله با الزوجه يدخل الموضوع عشان كذا واضح من رسائلها لك با الاستفزاز وقله الاحترام احترامي وتقديري |
القناص شكراً لك على الاهتمام ...
طول هل الفترة ما آلمني إلا شيء واااحد ( توه حصل الليلة ) تدخل عمي ( أخو أبوي ) و سؤاله لي إلى متى بتضلوا كذا ؟؟ >>> يعني الموضوع طالع برره ....وألحين فلان يدري وعلاتانه تدري ....وأنا كل شيء يصير إلا تدخل الناس في شؤووني الخاصة أو سؤالهم عن أشياء ما لهم شغل فيها ..... يقول يدري من زمااان ....... آآآه من شماتة الناس . |
آخر المستجدات :
أرسلت لي رسالة ما نصها : " بكره أخذ بنتك بأغراضها وإذا بغيت أشوفها قلت لأخوي يجيبها " ما أدري صرت والله أفكر بجد أني أرد عليها كذا: " أنتظري أتزوج زوجتي الثانية عشان تجي البيت وتربي بنتي " وأنا صادق فيما أقول . |
اقتباس:
لا ترد كذا اخووووووي اصبر هذا كله من حر مافيها لا ترد وخذ البنت وخل اهلها واهلك يشوفون سواياها يعني الكلام بيصير عليها هي الي رمت بنتها صدقني هي من صدمة التجاهل تسووي كذا تبيك تتكلم معاها تبيك حتى تهاوشها انت لاتفتح النقاش ابدا |
طيب وش أسوي ويا كلام الناس ؟؟؟
|
اقتباس:
الحل : الحقران ....التطنيش .....التجاهل .......الصد ....... الحقران ....التطنيش .....التجاهل .......الصد ....... الحقران ....التطنيش .....التجاهل .......الصد ....... النتيجة : راح تشوف المطافي في بيت اهلها ....قلبها شاب ناااااااار ..... النتيجة النهائية : زوجة رائعة مؤدبة مطيعة لزوجها ...تحت شورك :17::17::17: ============================= الله يصلح شأنكم |
اقتباس:
أختي ....بدت الناس تتكلم .....وأنا يصير ما يصير ولا تتكلم الناس |
اسمع اخوووي لا تتعب روحك بالنااس
اكيد زوجتك لها حول الشهر ببيت اهلها اكيد راح يتكلموون بس انت طنش والي يسألك لاترد عليه قلهم اي شي سكتهم يعني هذي خصوصياتك صدقني اريح لك انهم مايعرفون شي اما زوجتك اذا صارت البنت معك من الممكن انك تلمح لسالفة العرس بس مو لها لانها الان واضح انها معصبه وتبي نقاش وهواش لا تعطيها هالشي اذا قعدت البنت معك فتره وكذا تقدر تسووي تمثيليه على الجمييع بمعنى تكلم امك تدور لك عروس !! طبعا خلك جاد وهي راح يوصلها الكلام بس اهم شي مو الان اصبر وقت و لاتقولها انك بتعررس لان اللي يتكلم مايفعل هذا الي بتفكر فيه لكن لو سمعت انك من جد تدور على عرووس راح تليين بس مو الان كل شي بوقته حلو الشي الجميل عن هالتمثيليه انها لو مانفعت مع زوجتك تقدر تخليها واقع لانك ماقلت لاحد انك بتخووف زوجتك يعني انت رجل رميت بنتك بوجهك مرتين و زوجتك طردتك من بيت اهلها والله مايصير لهم وجه يكلمونك اطلب من امك انها تدور لك عرووس وذا قالت امك شي قلها الله يخليك يايمه هذا موضوع انا منتهي منه اذا مادورتي لي انتي بنت ناس وطيبه وحبوبه ترا بساافر واتزوج من برا :17: ومثل ماقلت لو مانفع فيها كمل طريقك راح تلقى امك بنت الحلال الي تسترك وتحترمك وعش حياتك والحين خذ بنتك والان فرصتك انك تتسلى فيها و تسافر فيها من دون ماتدري امها :26: صدقني وضعك كووويس بس تذكر سلاحــك الان الصبــر اصبر ياخووووووووي وان شاللــه ربي بيحللهــا |
اقتباس:
أخوووي ..ماعندي أحد يمسك بنتي ....أمي عندها ظروف تمنعها من مسك الأطفال ....وعندي أخت بس متزوجه وعندها 3 أطفال ....واختي هذي لو أطلبها عيونها تعطيني اياها وتحب بنتي وتمسكها عااادي وزوجها هم يحترمني ولا عنده أي مانع وبالعكس يحب بنتي >> بس أنا أستحي لان عندها 3 أطفال .. وثانيا: الناس بتقعد تسألها ليش بنت افلان عندك ...... أنا اقتلني ولا تخلي واحد جاهل أو نشرة أخبار او متطفل يسأل عن شؤوني الخاصة ...يجن جنوني هالشيء .. نعم لو كان السائل عاقل ويسسأل بهدف الإصلاح وتقديم المشورة وهو حافظ لأسرار الناس حتى لأقرب الناس له .. أفتح له قلبي واحب رأسه كمان ... بس هل هاللي يسألوا عقلاء ؟؟؟ |
اقتباس:
كلامك جميل زوجتك عاشت معاك سنين وتعرف هذا الشي فييك وبتحاول انها تستفزك عشان ترجعها هي تفكر ببالها انا ارسلت له رسايل وحاولت استفزه ومانفع طبعا هي بتخلي الاعتذار اخر حلولها لانها مثل ماتقول فاهمه الكرامه غلط اكيد فكرت بالحل هذا لانها تعرف انك ماتحب ان الناس يتكلمون عن بيتك فتحاول انها تلوي ذراعك انت خلك اذكى منها وخذ البنت بصدر رحب وكأن في راسك اشياء ثانيه يعني لاتقول لاخوها ليه ولا ترسل لها رساله هي تبي تشووف ردة فعلك بمعنى اوضح تبيك تتورط فيها وتحرجك قدام الناس عشان تضطر انك ترجعها وهذا من اسوء الاشياء الي تستخدمها الزوجه ضد زوجها والاغلب ان خواتها او احد نصحها قال خليه يتورط فيها عشان يعرف قيمتك وكذا تعرف تفكير الحريم اما مسألة وين تحط البنت هذا يبيلها تفكير من عندك اذا لقيت حل مناسب صدقني راح تلوي ذراعها وتحرجها بشكل كبيير انت شووف اذا فيه شغاله ببيت اهلك انقل انت و بنتك هنااك هالموضوع ماعندي خبره فييه انت ادرى مني بس لازم تلاقي حل لا ترد بنتك خلها معك افضل لك عشان سالفة العررس تضبط عشان يصير عندك اكثر من سبب انك تسووي التمثيليه الي تكلمنها عنها:d |
اخي الكريم بعض الضروف تحتم علينا ان نكون شديدين... يعني انت انسان طيب ومسالم لذلك الناس تقدر تتعدى حودها معاك وتتجرأ وتسأل لو انك شديد وحازم الناس ما تقدر تكلمك بخصوصياتك ..تدري ليش لانها تخاف من ردت فعلك الناس عارفة شنو ردت فعلك ...انت طيب ... خلك حازم ...ادري صعب عليك ...بس لازم .... ان الله لا يغير ما في قوم حتى يغيروا ما في انفسهم .... لا بد من التغير ..التغير الجذري ... الحزم..الشدة في بعض الامور ... خل بنتك عند اختك اطلب لاختك شغالة تساعدها ...اصبر راح يتغير الحال الى الاحسن ان شاء الله ...... |
اقتباس:
أول ما طردتني رمت بنتي ....بعد 10 أيام جاها أخوها قال لها البنت تكون عندك ..فاتصل فيني قال جيب البنت ..وديتها ...ألحين صار على المشكلة 25 يوم تقريباً ...أرسلت لي رسالة تقول فيها : " أخذ بنتك بأغراضها وإذا بغيت أشوفها قلت لأخوي يجيبها " أخوي OnlyHuman9 والأخوة والأخوات اللي متابعيين المشكلة : ما رأيكم أقلب الطاولة عليها وأرسل لها هالرسالة : " قولي لأخوك اللي جابها لك " ؟؟؟؟؟؟؟؟؟ |
عندي لك رأي أتمنى يكون مناسب لك ولمشكلتك
اتفق مع أحد أخوانها اللي ترتاح له ويسعى للإصلاح وقل له أنا أريد أن أجتمع مع عمتي (والدة زوجتك) وحاول أن الإجتماع يكون مفاجئ ومايكون له استعداد من جهتم حتى لاتشحن الصدور والعقول وإذا جلست مع والدة زوجتك فهمها المشكلة من وجهة نظرك وليست من وجهة نظر زوجتك ولك الخيار في توصيل المشكلة هل تكون حازم او هادئ هل تريد توصيل رسائل مبطنة او رسائل صريحة على سبيل المثال قل لها للصبر حدود ولن ينفعها الندم إذا تزوجت عليها أو حملت لقب مطلقة ودع الباقي على والدتها الأم مهما كانت لاتتمنى خراب بيت ابنتها زوجتك حالتها صعبة 1- عنيدة 2- كبرياء سلبي 3- دلع العائلة أفسدها بدليل اتصالها على أهلها في كل كبيرة وصغيرة 4- تتعمد استفزازك 6- لاتحترمك ومسألة ارسال الرسائل لك أتوقع انها تريد استفزازك حتى تعرف مايدور في رأسك لانك مطنشها وفي نفس الوقت هي تفكر فيك |
اقتباس:
ولكن التواصل هو الشي الي تتمناه تبي منك اي شي حتى لو ترسل لها تسب تبي منك فقط ردة فعل توضح انك زعلان فرحان متضايق ردت فعل توضح انك مازلت تحبها وتبيها انا من رأيي انك تاخذ البنت لان هذي فرصه جتك على طبق من ذهب استغلها ولكن لا تجي انت تاخذ البنت ارسل اخوك يجيبها خل زوجتك ماتدري عنك شي ولا كأنك موجود بالدنيا اخوي انا قلت هذا الحل وادري انه صعب ومتعب ولكن صدقني الحلول الصعبه والطويله تعطيك النتايج الافضل انت قلت انك تقدر تجيب زوجتك لبيتها اليوم بس ودك انك تغيرها وتخليها تحترمك اذا هذا طلبك فاستقبل بنتك واشغل روحك بالشهر الكريم وبعده سو التمثيليه الرمضانيه :17: |
أخوي OnlyHuman9 :
ما شاء الله عليك كلامك جميل .....ولكن ما أبي بنتي تتعب وياي ...بنتي ما تقدر تفارق أمها ...إذا بتجلس معاي دايم تقول ماما ... لو برد عليها بهالرسالة " قولي لأخوك اللي جابها لك " يحتمل أمرين .. 1- إذا كانت هي صادقة أنها تبيني آخذ بنتي ...فراح تكلم أخوها ....وأخوها مستحيل بيقبل لها بهالشيء وراح يوقف ضدها ... وهذا موقف عملي واضح منها يثبت لأخوها تصرفاتها ....فيقطع علي مشوار طويل...وبكسب أخوها أكثر وأكثر وهذا اللي أبي .طبعا كسب أخوها هدف تكتيكي .. 2- إذا كان تكتيك منها ومناورة ....فقد ألجمتها ...لأنها مستحيل راح تكلم أخوها ..( ويمكرون ويمكر الله و الله خير الماكرين ) >>>> وبكذا بتعرف أنها ما تقدر تلوي ذراعي ...اللي ما قدرت تلويه إلى الآن ...ومعصي عليها تلوي ذراعي ...الحر يبقى حر . والله ما راح ترجع البيت الا بتهشيم كبريائها الكاذب ...ونعيش أنا وياها بحب وسلام اللى ما راح يصير في ظل وجود ذلك الكبرياء الكاذب.. |
طيب لو تطلع أشاعة انك خاطب !!!
. |
اقتباس:
فكرة يجدر التأمل فيها ...ولكن يظهر أن أمها تعتبر نفسها خصم لي بغض النظر عن مشكلتي مع ابنتها ...تعتبرني خصم لأني فرد من أفراد العائلة المتخاصمه مع عائلتها ...إذا كنت متابع المشكلة من البداية تعرف تفاصيل الخلاف ... يعني أحسه صعب أنها بتتقبلني ...ناهيك على أن ابنتها طردتني أمامها وهي لم تنبس ببنت شفه ...يعني أنا ما بتقبلها .. ولكن رأيك يبقى محل تأمل. تحياتي. |
اقتباس:
وهذا حل ثاني |
اقتباس:
فيها مخاطرة !! |
فيها مخاطرة ؟؟!!!
على أختك وزوجها مثلا؟ بس لاحظ طلع أشاعة مجهولة المصدر لاتبين انها منك او من بيتكم وانت في نفس الوقت قاطع علاقتك واتصالك معهم حتى هي تنتبه و تثور الغيرة ويصحى العقل |
اقتباس:
|
طع شوري وكمل تطنيش
اليوم رسايل وبكرة اتصال هي والله أعلم تقصد التحرش فيك من ناحية ومن ناحية أخرى(أهم من الأولى) تبي البنت نقطة ضعفك بما أنها عارفة انك ماراح تقدر تتحمل تربية البنت لكن طنش أذن من طين وأذن من عجين |
اقتباس:
محل تأمل . |
الاخ
الاخلاق من وجهة نظري زوجتك تبي اي رد منك تبي اي كلمه منك يبدو ان سكوتك اثار عندها الفضول تبي تعرف انت وش ناوي عليه من رأيي طنش ولا ترد ولاتجيب البنت واذا اشتقت لبنتك ارسل لاخوها ودك تشوفا وبعدين ارسل لاخوها يرجعها بس انت لايصير بينك وبينها اي كلام ولاتتكلم مع احد بوضع البنت رمضان جاي واكيد صعبة عليك تكون البنت معك عشان كذا لاترد عشان ماتعطيهم فرصة يعرفون انو انت مافي مجال تاخذ البنت واذا اصرو هم قول انك اذا اخذتها مالها رجعه نهائيا لبيت امها وحاول تجيب خدامه حبشيه وحطها عند امك بس مشي كلامك عشان زوجتك تفهم انو المرة ذي انت ناوي على هدف وبتحققه وتتأدب تحيااتي |
اخوووي الاخلاق
انت واضح انك انسان تحب الخصوصيه بحياتك وماتحب ان الناس يتكلمون في حياتك عشان كذا تحاول تختار الحلول الاكثر هدوء عقلانيه وهذا شي جيد لو كنت تتعامل مع انسان عاقل اعذرني على كلمتي لكن زوجتك مراهقه انت الان ربي عطاك فرصه تقدر تاخذ البنت وتعطي زوجتك دررس ماراح تنسااه ابدا اذا البنت معك رح بعد فتره لأمك وقل لها تدور لك بنت الحلال و مو لازم تخطب ولا تكلم احد يعني بس مسألة ان اهلك يدورن لك هذي تكفي ولا تكبر الموضوع انت ما اغلطت بشي اذا كلموك اخوانها قلهم انا زوجتي طردتني من بيت اهلها ورمت بنتي بوجهي !! وش تبغوني اسووي اقعد عند باب بيتكم !!! ولا اقعد اشتغل مربيه !! صدقني ماراح يقولون لك الا معك حق يابو فلان عالعموم هذا رأيي وذا ما حبيت تسوويه رجائي لك وهذا اهم من اي شي انك ماترد على زوجتك ابدا ابدا قريبا راح تتغير لهجة زوجتك من رسايل الاستفزاز والتكبر الي رسايل العتااب وبعده الى رسايل الاعتذار اذا ماحبيت تسووي تمثيلية العرس على الاقل لاترد عليها |
الأخت الكريمة درولادا ....الأخ الكريم OnlyHuman9 ......شكراً لكما على إبداء وجهتي نظركما ...ويبدوا أنكما على نفس الرأي ....
لكني أحتاج أراء أكثر ؟؟؟ >>>>>>> بخصوص الرد رقم 354 أعلاه . الأخت رولادا و الأخ OnlyHuman9 : رأيكما محل اهتمام وتأمل ....فشكرا لكما مرة أخرى , تحياتي. |
| الساعة الآن 02:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©