|
اخوي رجل.. الطريقة التقليدية ماهي الأفضل
بالعكس والله تحير البنت والرجل معا.. وتحطم بعد يكفي انك تتقدم لوحدة ماتعرف غير شكلها بس وتصرفاتها وطبعها ماتعرفها الا بعد الزواج!! وهي بعد ماتعرف عنك غير اسمك ووظيفتك وشكلك بس!! وروحك وتصرفاتك ماتعرف عنها ولاشي مع انها مهمة جداا ولها دور قوي في الجذب لكننا مجبرين عليها ( الطريقة التقليدية )بحكم تفكير رجالنا << هذا رأيي |
أنا ضد الطريقة التقليدية وأتمنى إلي يتزوجني يعرف طريقة تفكيري وأعرف طريقة تفكيره
دون خدش لإسلامي أو لاهلي أو للشرع لكني بالنهاية ما أقدر أخرج عن الطريقة التقليدية لأن الرجل نظرته للمرأة بمجتمعنا واحدة أتمنى لو كان فيه طريقة ما تخدش أي تعاليم الإسلام تخليه يعرفني بوسط أهلي وفرحتهم واقدر أعرف طريقة تفكيره..بس بمجتمعنا صعب .. لكن ببلدان أخرى تجد الفتاة قد يعر ف الشاب طريقة تفكيرها من خلال عملها وإنجازاتها وهي بقمة الإحترام وبحجابها ويقدم على الزواج منها وهو يعرف من سيتزوج ولم؟؟ عموما الله يكتب ما فيه خير..بالهاية بظرف هذه العقلية وهذا الوضع لن نقبل سوى بالطريقة التقليدية |
مخملية كل البنات يتمون يتزوجون واحد عارفين تفكيره .. بس لاتنسين انك سعودية:d
وتفكير رجالنا ..مايحتاج اقولك هههههههه انتبهي لاتتوهقين امشي مثل الناس وبس الشكوى لله وترى العمر يمشي اذا جا واحد يسوى ويستاهل توكلي على الله |
شوبارد
سعودية ذكرتيني!! بغيت أنسى.. مو هاذا إلي صاير...بالنهاية أنا نفسي ما رضى غير تقليدي لإن رجالنا تفكيرهم مهما تحضر خطأ..لوحتى كانت تكتب بمنتدى للدعوة غار عليها وظن فيها السوء.. ولوحتى الطريقة كانت مثلها مثل الخاطبة راح يلاقي فيها عذروب عشان كذا تقليدي هو الأفضل..خصوصا لمجتمعنا الله ييسر أمورنا ...الشكوى لله صدقتي |
ان طاعك الزمان والا طيعه
هذي طبيعه الرجل الشرقي ترفض النوع هذا من الزواج وتأصلت في نفوسهم طريقه الزواج التقليدي وماتغيرت ولا راح تتغير ولو بعد مليون سنه لكن عندي ملاحظه للي يقول انه اخلاق البنت وطبعها وتفكيرها ماتعرف من خلال كتابات في المنتدى وهذا يسبب فشل الزواج ... حتىفي الزواج التقليدي زواجات كثيييييره فشلت بسبب ان الطرفين مختلفين في الأفكار والطبائع والرغبات واشياء كثيره .. مع انهم كلهم مايكون فيهم عيب لا من ناحيه الأخلاق ولاالدين ....يعني مثل ماقالت شوبارد في ردها اقتباس:
ولاتنسون ان الكمبيوتر والنت الحين داخل في بيوت كثيره وبنات كثير وشباب يتعاملون مع النت والمنتديات يعني مو معقول كلهم مايصلحون للزواج ..... والله اتمنى من كل قلبي لو تقبل الشباب الفكره هذي ...والله بصراحه مااشوف فيها شي غير اننا ماتعودنا عليها .... واللي انا مستغربه منه من الكثير انهم يتوقعون ان موضوع الزواج هذا راح يكون بالخفيه عن الناس ... الزوج مو ارتباط بين شخصين فقط لا .. الزواج رابطه بين عائلتين كاملتيييييييين ... ايش اللي يمنع الشاب لو عرف بنت اعجب بتفكيرها واخلاقها ( حتى لو قلتوا كتاباتها مو دليل ولا مقياس الأنسان يفترض حسن النيه ويتوكل علىالله ) ورغب بالزواج منها يعرض عليهاالفكره ...( ولاتنسون انه طبعا راح يكون فيه تفاهم واتفاق بين الشاب والبنت وخصوصا على الجوانب الماديه من مهر وخلافه ( الي تشيلون لها هم كبير ياشباب) والبنات كثير منهم يرضون بالقليل في الوقت اللي اهلهم الله يسامحهم يطلبون الكثير والبنات كثير عندهم استعداد يتحملون ظروف الشاب). ويطلب منها رقم احد الأقارب ويسأل عنها وعن اهلها ... ترا كل اناء بما فيه ينضح ...ولو كان في البنت او الشاب عيب كبير بالأخلاق او السمعه والله يبين .. واذا تأكد واخذ راحته بالسؤال وتقدم اكيد اهل البنت بيسألون .. يعني يصير الموضوع بين الأهل .... والرجال يعرفون الرجال ... والنساء يعرفون النساء والطيور على اشكاله تقع .. والطيبون للطيبات ...ومساله ان الشاب يخاف انه يشك فيها بعدين .. اقول ان الشيطان يجري في ابن ادم مجرى الدم ..وكما في الحديث ( ان ابليس يضع عرشه على الماء ثم يبعث سراياه فادناهم منه منزله اعظمهم فتنه ..يجي احدهم فيقول فعلت كذا وكذا .. فيقول .. مافعلت شيئا .. ثم يجئ احدهم فيقول ..ماتركته حتى فرقت بينه وبين امرأته ..فيدينه منه فيقول ..نعم انت ) |
اقتباس:
ياليت قومي يسمعوووووووووووووووووووووووووووووووووووووووووووون :21: :21: :21: بس رددوا وياي...........ياليل مااطولك ذكرتني هالسالفة بسالفة جوالات الجيل الثالث بما فيها من كاميرا وبلوتوث... كان معظم عايلتنا يعيب على واحد من قرايبنا استرى لحرمته هالنوع.......وطايحين فيه محشات وانه مو رجال والى اخره الحين والله العظيم نفس اللي سبوه مع بناتهم وحتى اليهااااااااااااال هالجوالات على 1000 و 2000 ريااااااااااااااااااااااااال السالفة سالفة عادات........ز يعني صدقيني لو اغلب الناس مشوا بهالطريقة كان معظم المعارضين طبقوووووووووها يعني.. معاهم معاهم....عليهم عليهم |
اقتباس:
^ ^ ^ أختي شو بارد اذا الطريقه التقليديه ماتنفع أجل وش الطريقه اللي تنفع ؟؟ <<<سؤال تدرين وش الهم اللي شايله بعد الزواج أخاف ماتطلع مثل الصفات اللي أبيها او ماتكون قريبه من تفكيري مع ان الصفات اللي ابيها تكون بشريكة حياتي معقوله(( صفات داخليه )) مب ظاهريه .. بس برضوا اخاف حظي يطلع بايخ .. عاد حظي بها الدنيا مايحتاج " من وين ماصديت متردي " ومع هذا مقتنع قتناع تااااااام ان لايوجد طريقه افضل من الطريقه التقليديه .. الا اذا كان عندك طريقه توافق الشرع تحيتي لك |
أخي الفاضل .
أحترم كلامك و رأيك الذي لاغبار عليه ... المشكلة تكمن فيمن حولك من الرجال والنساء هل سينمق ألفاظه وتزيين ألفاظها لأجل أن يقال لهم نعم الاختيار ما أخترانا ... أجد الكثير هنا من يكتب قصصا ويدعي أنها مشاكلة ...والله وحده الذي يعلم أنه كاذب وفيه دلائل واضحة ...لكن ياليت قومي يعلمون أن كل كلمة مكتوبة سيسألوا عنها يوم القيامة ..... أعتقد أن الفكرة هذه لن تنجح مادام الزيف والخداع قابع في بعضنا .... ومشكلة ماراح نتحرى المصداقية فيهم .. كل الشكر وجزاك الله كل الخير .. وربي يرزقك الزوجة الصالحة التي تعينك على فعل الخير وتدلك عليه |
اقتباس:
يابعد قلبي... يااخي تركي بن محمد يتكلم :30: :30: اهو نفس الكلام اللي قلته لاهلي.......لو صار وكانت البنت بعيدة عني فكريا وعاطفيا... المهم مو مثل اللي ابي ^^^ الصفات الداخليةاهم 100% بالنسبة لي ؟؟؟؟؟؟؟؟ :24: وش اسوي؟؟؟؟؟؟ دلونا تكفووووووون |
انا مع الراى ان الاهل هم المشكلة لن يتفهموا فكرة الزواج عن طريق النت ولكنها طريقة فعالة وتعتبر طريقة بحث واسعة اكثر من الاهل والاصدقاء ولكن على ما اعتقد سوف تظل مرفوضة فى المجتمع العربى لفترة طويلة قبل ان تصبح طريقة معتادة مثل الطرق الاخرى للزواج
|
| الساعة الآن 05:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©