|
اقتباس:
طولي باااااالك شوي وهدي نفسك يا وخيتي بصراحة انا استغربت من كلمة خايفة من الاستخارة!!!!!!؟؟؟ وخيتي من الألطف والارحم والأعرف بالصالح لك واللي فيه الخير مو رب العالمين؟ شلون اجل تخافين من الاستخارة بالعكس الاستخارة كلها خير ورااااااحة واطمئنان وفيها تفويض كامل للي خلقك وخلق العباد انه يتولى أمرك بعدين تعالي هنا يعني شلون شيخ يسوي لك الخيرة؟ الاستخارة الانسان يسويها لنفسه وما فيه احد بيكون احرص عليك من نفسك يالغالية عموما يا قلبي لا تضيقين صدرك ولا شي اذا تبين شيخ تستشيرينه فيه الشيخ محمد بن صالح المنجد عنده درس يومي بعد صلاة الفجر بتوقيت المنطقة الشرقية بالسعودية .. وهذا رابط للموقع اذا فتحتيه روحي للبث المباشر بتلاقين خانة مكتوب فيها (ارسل سؤالك حول المحاضرة) .. اكتبي سؤالك وارسليه للشيخ طبعا ما يشتغل الرابط الا بوقت البث http://islamicaudiovideo.com/ وكان عندك برنامج البالتوك للمحادثة .. الشيخ المنجد عنده غرفة هناك ينقلون نفس الدرس وبعد الدرس يجاوب على كل الاستفسارات والاسئلة. ولو تبيني اسأل لك انا ما عندي مانع بس انتي صيغي لي السؤال بالضبط وحطيه لي هنا وانا اجيب لك الرد بتسجيل صوت الشيخ .. وش تبين بعد؟ آمري وكلنا ان شاء الله بنخدمك باللي نقدر عليه بس نبي دعواتك الله يشرح صدرك ويزيل همك وكربتك عاجلا غير آجل |
اقتباس:
بسم الله الرحمن الرحيم جزاكِ الله خيرا الأخت الفاضلة زواجك من الأساس بني على بعض الأخطاء منها التسرع لم تتأكدِ من تحمل الزوج للمسؤولية وأهم شيء لدوام المعاشرة الزوجية وللبعد عن الطلاق هو الاستقلال عن الأهل وأنت بكلامك الأخير وضعت الحل المناسب الجميع ينصحون باستمرار الصبر منك، والإكثار من الدعاء لك وله ولا مانع وأضيف وزوجك بحاجة لتربية وتهذيب بعدة وسائل ويمكنك وضع هذا الحل موضع التنفيذ مع شيء من التضحية وسوف تحل مشكلتك بالإبتعاد عن الأهل والتقليل من الاختلاط بهم مع الإضافات أو الحلول السابقة وتذكري قول الله تعالى: (وَمَن يَتَّقِ اللَّهَ يَجْعَل لَّهُ مَخْرَجًا {65/2} وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا {65/3}). وشكرا. |
حبيبتي الموضوع مو محتاج كل هالتعقيدات و لا تشيلين هم ......
الخلاصه ببساطه هي........... 1- طالما انه ميت عليك و متحسف لا تتنازلين عن ابسط و اعظم حق لك و هو بيت شرعي( يعني تطلعون عن اهله)...و تبين نصيحتي لا تكلمينه ...من المفروض انك زعلانه عليه...شلون تردين على مكالماته...خلى كلامه يصير مع والدك...لان بصراحه كلام امك صح....اتصل عليك وضحك على عقلك بكلمتين بعدين اسمحيلي انت الظاهر من النوع اللي يلين من نص كلمه!!!!!.....قولي لابوك شروطك وهو يقولها لزوجك....لاتردين على مكالماته...صدقيني راح يكلمج باسلوب يخليج تشيلين اغراضج و تروحين له.......و علشان قلبج ما يحن و تردين عليه سكري جهازج النقال((خليه يستوي عدل و يعرف قيمتج))... اقعدي بينج و بين نفسج و فكري بحياتج معاه قبل لا تجين لاهلج......طالعي حياتج من زاويه اخرى...راح تكتشفين انها عباره عن ... 1- اهانات 2-خلافات 3-نكد 3-بخل....(في الماده و الجنس) وهذا فعلا يأكد نظريتي ان اي رجل بخيل بالفلوس بخيل بالجنس.....هذا رأيي 4-انتي عايشه مع طفل ومثل ما قال الاخ همام ...يبيله تربيه...او بالاصح اعادة تربيه و تأهيل دوسي على قلبج شوي.. و شيليه من مخج طول الفترة اللي انتي فيها عند اهلج....و الغرض من هذا الشيء مثل ما قلت لج من قبل انه يعرف قيمتج و يعرف انج مرة ثقيييييييله و عند كلمتها....و لا تخافين ابوج لو كلمه مراح يطفشه..... بعدين في شي حبيت اقوله لج من قبل بس الاخ همام سبقني....فعلا زواجج كان مبني على غلط بالاساس....اقصد انج تزوجتي واحد كنتي تعرفينه من قبل...بس يالله اللي صار صار و انشاء الله خيرة..........والله انه سالفتج مثل اختي بالضبط....بس اختي طولت في بيت اهلي يمكن 3 اشهر....و السبب انه زوجها كان طفل لا بل رضيع......واهله يتدخلون بكل كبيره و صغيره...حتى ولده ما كان يلعبه و لا حتى يشيله......واخرتها الحمد لله الحمد لله....طلعوا بشقه و هي الحين مرتاحه و نفسيتها تعدلت و الله حتى وجهها تغير و تقول انها الحين تعيش ايام ما عاشتها و هي عروس.....حتى من الناحيه الجنسيه و الماديه...تغير حييييييييييييل... صدقيني الله بيعوضج خير على صبرج.....و ما تضيق الا تنفرج بأذن الله.....بس انتي وسعي صدرج....و هونيها....ولما ترجعين لزوجج غيري من نفسج شوي و من شخصيتج...ما اقصد للاسوأ بس حاولي تتصرفين بشكل ناضج اكثر صدقيني راح يحترمج و ما ياخذ الا برايج ... والله يوفقج و يكتب لج اللي فيه الخير دوووووووووووووووووووووت |
اختي ضمير تعبان
اقولك او اطلب منك انك ماتسكتي عنه وتشتكيه عند كبار الرجال اللي عندكم او يتدخل بعض من المشايخ ويردعوه على عدم احترامه لكي والتقليل من شأنك لان الصنف اللي كذا لازم احد يردعه ويوقفه عند حده ولا ترى مابيصير لك طيب من وراه بكره بتصيرين أم وينقصك جنب اطفالك ولا يكون لك شخصيه جنبهم ولا جنب الناس ويقلل من مقدارك لا لاتسكتي ولا تصبري عليه واقرأي قران والادعيه فهي تهدي النفسيه والبيت كثير ان شاء الله يهدى بالك ويطيب خاطرك |
السلام عليكم ورحمة الله وبركاته وشاكرة لكم اخواني واخواتي تفاعلكم معاي واعلمكم بااخر الاخبار اللي حصلت وابيكم تسددوني ان اخطيت سويت باللي قلتوا لي عليه وهي الاستخارة وسويتها مرتين الاولى طلعت لي (( منهي عنه وسيئة جداً )) والثانية (( منهي عنها لكراهة الاسباب )) وخليت وحدة من المعروفات بتدينها وقلت لها ابيج تسوين لي خيرة وسوتها وطلعت (( منهي عنها لسوء الحال )) ... وزادت حيرتي اكثر واكثر هل اطيع امي واتطلق والا اختار الخيرة (( الخيرة فيما اختاره الله )) فقمت وكلمت احد الشيوخ المعروفين برجاحة العقل والتفكير الطويل الاجل في حل القضايا الاجتماعية ... وعلمته السالفة كلها من اولها لاخرها واني شلون محتارة بالطلاق ومحتارة كيف ارضي امي ... فرد علي : أول شئ المشاكل الزوجية موجودة في كل بيت ولاتخلى منها الا مارحم ربي ان كان الزوج يسكر ويحشش ويفعل القبائح والى ماذلك .. لكنه صغير ولسه ماتحمل مسؤولية زواج واولاد ... وقال لي دام ان زوجج بعده صغير وكلمه توديه وكلمة تجيبه فاانتي حطي اول شرط (( الشقة )) وتكون بعيدة عن بيت اهلج وبيت اهله ان رضى كان بها وترجعين بعد على شروط ومنها (( النفقة .. المعاملة والكلمة الطيبة ومايدخل احد بالمشاكل ابداً .. لأن مهما صارت مشاكل بين الزوجين تزول ولاكأن شئ صاير بعكس لما يتدخل احد الاهالي سواء كان اب او ام فالمشكلة تزيد وتصير حقد وبغضاء بينهم بالعكس لما الزوجين يحلونمشاكلهم بينهم وبين بعضهم (( وجعلنا بينهم مودة ورحمة )) فالله ينزل السكينة والرحمة بينهم ولو وش كانت اسباب المشكلة وان اسباب المشاكل بين الزوجين ولو وصلت عشرتهم للعشرين سنه هي اختلاف النفسيات وقال لي خلي كلام امج على عينج وراسج وقومي كلمي زوجج بطريقة حلوة ولاتثيرينه وقولي له تبيني ارجع معاك .. طلعني بشقة وتكون بعيدة وانا متأكدة اني راح استقر اكثر لأني بااحس بالخصوصية اكثر والاستقرار معاه وان نظرة امي لزوجي ماهي الا نظرة بشرية يعني ماهي آيةمنزلة وان امج أخذت ابوج وهو انسان طيب ومسالم فلما شافت تصرفات زوجج تغير عليها الامر وصارت تفكر ان كل الرجال زي ابوج .. خلصت كلامي مع الشيخ وقمت وكلمت زوجي و هو بغاها من الله انه يشوف رقمي عنده فقلت له عندي كلام معاك بخصوص علاقتنا ... وماابيك تقول لي انتي سويتي وفعلتي وانت سويت وفعلت وحطيت وشلت لأن هذا الكلام هو يسبب لنا مشاكل وان هذي حركات بزورة ... وقالي قولي وانا لج .. وقلت له تبيني ارجع لك ونعيش مستقرين انا وانت وعيالنا نطلع بحالنا بشقة وتكون بعيدة عن اجواء اهلنا ونبي نعيش مشاكلنا بروحنا بدون تدخل احد ولانوجع راس احد .. وتكلمت معاه وهو ساكت وجبت طاري الاجار والصرف وقل له مستعدة اني اعيش معاك لو على خبز حاف بس نعيش مستقرين ومستعدة اساعدك اول مااشتغل ولاراح ينقصنا شئ بس يبغالنا نفكر صح ونرتب امورنا عدل وترى اللي يدخل عليك خير والله ولاراح تحس بنقص بس انت شيل البخل من راسك بس قال لي .. انتي ارجعي معاي شقتنا وتالي يصير خير .. فقلت له شوف .. ترى انا تنازلت كثير واثبت لي هالمرة انك تبيني وبعدك تحبني ومتمسك فيني ونطلع برى ونكون حياتنا من جديد بس انا مالي استعداد اني ارجع ذاك الجحيم مرة ثانية ولامستعدة نرجع لمشاكلنا من اول وجديد وقال لي صعبة ومدري شنو ... ومن هالكلام فقلت له لاترد علي الحين انت فكر وتالي كلمني علشان اكلم ابوي واقوله قرارنا ان احنا نفكر بلانفصال بشقة بروحنا ..... وحسيت انه اقتنع وعلى الله بس مااحد يحوس براسه ويخرب كل اللي قلته له وحسيت انه مسكين والله وكسر بخاطري يسمعني ولاقال لي شئ وفيه طيبة مو طبيعية بس المشكلة انه يتأثر باللي حواليه وقلت له فكر بالموضوع بروحك ولاتدخل احد .. وهذا كل اللي صار وابي اشوف وجهة نظركم شاكرة لكم احساسكم فيني وتفاعلكم معي .... أختكم أم نور |
خيااااااااااااااااااااااااااااااااله
عن سالفة مسكين سبحان الله كلهم مساكين لين ما ياخذون الي يبوانه , المهم خليش على رايش ولا تتخلين عن طالاباتش , بعد خذيه وعزميه على المطعم أكون فخم يعني غالي أشويه وطرحي عليه نفس الشرواط , خليه أحس أن الماده مو كلش في حياتك , حسسيه أبقيمته في حياتك , ولا تردين أبسرعه خذي وقت كافي حتى يحس أشويه مثل ما قلتي بعده أصغير بيتغير يوم يكبر , والله يوفقك طمنينه عن أخبارك... :22: :22: |
طيب حبايبي ماقلتوا لي وش اسوي .. ساعدوني باارائكم .. ادري اني ثقلت عليكم بس وش اسوي من فرج عن اخيه المؤمن كربة من كرب الدنيا فرج الله عنه كرب يوم القيامة |
اقتباس:
بسم الله الرحمن الرحيم جزاكِ الله خيرا الأخت الفاضلة أم نور أو ضمير تعبان ومن كلامك يظهر أنك لم تقرأِ مشاركتي السابقة وهي على كل حال متفقة مع كلام الشيخ صاحب الاستشارة والأمر الثاني يظهر أنك لا تعرفي معنى الاستخارة فما معنى الاستخارة ؟ وما حكمها ؟ ودليلها ؟ وكيفيتها ؟ وماذا يفعل بعدها ؟ وماهي التنبيهات الواردة بشأن صلاة الاستخارة ؟ معنى الاستخارة طلب الخير من الله سبحانه وتعالى فيما أباحه لعباده بالكيفية المأثورة عن رسول الله صلى الله عليه وسلم .. وهذه الكيفية هي أن يدعو المستخير بدعاء الاستخارة بعد أن يصلي ركعتين من غير الفريضة .. حكمها الاستخارة سنة بالإجماع .. دليلها ما أخرجه البخاري في صحيحه بسنده عن جابر رضي الله عنهما قال : عن النبي صلى الله عليه وسلم قال : إذا هَمَّ أحدكم بالأمر فليركع ركعتين من غير الفريضة - أي يصليهما سنة بنية الاستخارة – ثم يقول : اللهم أنى أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر ، وتعلم ولا أعلم وأنت علام الغيوب اللهم إن كنت تعلم أن هذا الأمر - يجوز أن يسمى حاجته أو يكتفي بنيته والله أعلم بها - خير لي في ديني ومعاشي وعاقبة أمري ( وعاجل أمري وآجله ) فأقدره لي ويسره لي ثم بارك لي فيه وإن كنت تعلم أن هذا الأمر شر لي في ديني ومعاشي وعاقبة أمري ( وعاجل أمري وآجله ) فأصرفه عني وأصرفني عنه واقدر لي الخير حيث كان ثم رضني به. للتوسع ارجعي لهذا الرابط http://vb.66n.com/showthread.php?p=208053#post208053 الاستخارة ودورها في تعلق المكلف بالله تعالى وحده http://vb.66n.com/showthread.php?p=208053#post208053 |
اللي كنت بقوله سبقني فيه اخوي همام الله يجزاه خير
فعلا اختي لازم تطبقين الاستخارة صح وانا قلت هالشي في رد سابق بس شكلك متوترة ومو مركزة بالردود الله يخفف عنك ويهون عليك ويوفقك ويسعدك بانتظار اخبارك والبشرى بحل المشكلة |
| الساعة الآن 03:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©