منتدى عالم الأسرة والمجتمع

اقتباس:

المشاركة الأصلية كتبت بواسطة HHL (المشاركة 3485607)

اهلين اختي روان ..

صح كلامك والله ..
بس كيف والله كيف
ودي والله اصير كذا بس ماني قادرة اصبر
يعني اغراض البيت مايشتريها الا متى انسان مرة بارد
مااقولك انه مقصر بس انه عجاز بهالامور
يعني مثلا تخيلي لي اكثر من اسبوعين اقول له ابي سمك مشتهيه سمك
تخيلي سمك! شفتي هالشي التافه ؟ وكل شوي يقول بكره بكره ..
لين رحت انا وشريته بنفسي .. وش الحل مع هالنوعيه .. احرم نفسي عشانه عجاز ومزاجي؟
وغسالة الملابس لها حول الشهر خربانه كل شوي اقول له صلحها صلحها نبي ملابس محتاجه لبنتك ملابس نظيفة ,, اغسل على يديني واحيانا ارسلها للمغسلة , وما صلحها الا لما جلست وزنيت وعطيته الجوال وقلت دق عليهم اللحين يجون دامك فاضي واصريت وماتحركت لين دق .. ودق وجو وصلحوها وهو منزعج .. وش الحل ؟
حاولت اكلمه ياروان لكن اعرفه مارح يفهمني وزوجي من النوع اللي يقلب الطاولة عليك .. ومابي افتح مواضيع كذا خصوصا الامور المادية اشوفها حساسه جدا .. ابي اتعامل مع الامر بذكاء بدون مابي له انزعاجي لاني عارفته مارح يفهمها الا بخل

قلتي المشكلة وقلتي الحل .
هو عارف لما خربت الغسالة انك بتتصرفين وفعلاً تصرفتي : غسلتي الملابس بيدك + ارسلتيها للمغسلة !
فليه يصلحها وبيكلفه فلوس وانتي قادرة انك تتصرفين ؟

الحل برأيي هو انك انتي نفسك توازنين امورك ، القناعة مهمة لك وله ومعروف الاشياء الكمالية الزوجة تشتريها يعني تشترين الاساسيات كل شهر بالف من السوبر ماركت وزعلانة عشانه ما اشترى مواعين كشخة ؟!

مثلاً راتبك 6000 ادخري 3000 بحساب ثاني وقوليله انك داخله بجمعية مع الموظفات ،
وباقي الراتب قسميه بطريقة عادلة ، مثلاً الف لك والف لبنتك والف اشياء كمالية ..

الاغراض الناقصة قوليله حبيبي فيه اغراض ناقصة .. وبس .. اذا جاء ومالقى غداء بسبب انه ما تقضى للبيت بيعرف ويضطر يتقضى
خربت الغسالة ولقى ملابسه مكومة فوق بعض اضطر وصلحها ..

لا تبخلين ع نفسك وبنفس الوقت وازني امورك هذاك جربتي الكرم والسخاء ومابان بعينه فجربي شيء ثاني

اذا طلب فلوس ساعديه عادي بس بشرط تكون من ضمن مصروف الكماليات اللي هو 1000 عدا ذلك ارفضي بتحسر يعني يوه حبيبي والله اتمنى لو معي الخ

وضحي حالتك المادية بدون ذكر فلوس الادخار نهااائي لا تحسبينها

الله يكون بعونك