|
رد: طفلي ومايعانيه
حبيبتي ملكة ،، طهور ان شاء الله وربي يمن على طفلك الجميل بالصحة والعافية وطولة العمر وياارب تشوفيه دكتور جامعي وحواليك أطفاله ( ما راح اقول متزوج اربع نسوان عشان مايزعلون خواتي 😜😆) ...
عزيزتي ،، ممكن انصحك ببعض مراكزنا ومشافينا اذا تحبي تزوريهم كزيارة والسبب زيادة حالات التوحد عندنا وزيادة الوعي عنه .. شفت عدة حالات منها حالة مستحدثة ومنها اللي يكونا مولودين بها .. اهم نقطة هي ابعاد اي مسبب لفقد التركيز اهمها الاجهزة ،، ركزي على الدواء اللي اخبرتك عنه العزيزة انلمتد .. لا تيأسي وواصلي مع طفلك وباذن الله راح تشوفين بذرة تعبك بابنك ،، حالات كثيرة بمتابعه الاخصائي وبتركيز الام والاب يتطورون بشكل ملحوظ ويدمجون بالمدارس من اول سنة ولا يفرق بينهم وبالعكس بيئة المدرسة تساعدهم بشكل كبيير .. ابنك قارب ال 3 سنوات معناه من السنة القادمة باذن الله تقدري تدخليه روضة كمستوى أول وثكون مع من هم بسنه على مقعد دراسي ، لاتخافي عليه فقط اخبري المعلمة بحالته ، الكلام انتي ابتدي فيه ( كالراديو ) |
رد: طفلي ومايعانيه
اقتباس:
ان شااء الله أمره يكون هين .. حاليا استمري على اللي انتي فيه . ووديه الحدايق وشوي شوي بتحسن وضعه . لو فيه حد صغير بعمر 10 سنوات او 14 و يتم يلاعبه. . هالعمر احسهم يعرفون يلاعبون الصغار ..و يندمجون .. تعرفين بنتي لاني في بيت ريلي و كلهم كبار .. كنت اروح بيت اهلي وهم ماشاء الله وايد وحشرة من ادخل لين اطلع وهي تصييييح وتصاارخ بسم الله كانه فيها شي . و كله بروحها .. وتخاف .. مرة وديتهت معاي المركز وحده تقول لي ينتج طبيعيه ؟!! بعدها تميت في بيت اهلي 3 اسابيع .. بنتي تغيرت واايد .. احتكت فيهم وتعودت عالربشة و الاختلاط بالناس وخصوصا انه البيت شعبي كانت تطلع وتلعب و اخوي عمره 15 و الصغيرة 13 .. فكانوا معاها دايما .. الحمدلله من بعدها انفكت عقدتها .. حالة ولدج غير .. لكن البيئة وااايد تأثر على الطفل . هي مهارات يتعلمها الطفل .. والحمدلله يتعلمون بسرعه الله يوفقج ويقويج .. ويحفظ لج ولدج |
رد: طفلي ومايعانيه
في شي خطر في بالي
مجرد خاااطرة مااعرف لو ينفع .. مرة سمعت انه في مركز فالشارقة يعالجون بالحجامة و الطب البديل . وشفت فيديو عالجو طفل كانت يتحرك بطريقة لا ارادية .. فيه كهرباء زايدة من الاجهزة وتعافى . فأنتي تأكدي من التوحد .. و بعدها شوفي لو الحجامة تنفع .. |
رد: طفلي ومايعانيه
اميره من عمر طفلي بالشهور الاولى وانا اطلعه واوديه
عالعموم كل الي انتي ذكرتيه قمت بالعمل عليه يااميره طفلي الله يحفظه سبق واوردت السمات التي يمتلكها وهذي السمات عالميه ثابته للتوحد لست انا ولا اي ام وضعها هذا الطب الي عملها وعرضت ولدي على خمس استشارين كل استشاري بمستشفى واطلع مشاوير طويله وابحث عن الافضل مهما كلفني يحب بيت اهلي ويحب اخوي الي عمره سبع سنوات واختي الي عمرها 13 ماعنده مشكله معهم لكن بالحضانه يلعب لحاله ورافض الاندماج اذا دخلت مكان فيه اطفال يرفض حتى النظر فيهم لما الاعبه مايناظر فيني ولا يقلد لعبي لما اسولف له يرفض الجلوس ولا حتى النظر لي يرفرف كثير ويركض ع رؤؤس اقدامه مرتبط ببطانيته مهما سافرت او جيت لازم فيها ووبفمه مايستغني عنها وقت النوم اميره السمات كثيره انا اتجاهي على شي محدد ولا ابي اتشتت فتقل جودة عطائي |
رد: طفلي ومايعانيه
بااذن الله في زيارتي القادمة سااخبره بالدواء
ام مريمي سمعت ان مراكزكم من المراكز الرائده في هذا المجال والاردن ولبنان بالاضافه لامريكا والمانيا وفيه دوله اخرى اوكرانيا لكن تدخلها جراحي الخلايا الجذعيه مخيفه الاقدام عليها الله يجزاك خير |
رد: طفلي ومايعانيه
حبيبتي ملكة الله يطمنك عليه ..
أعيدي اختبار السمع .. |
رد: طفلي ومايعانيه
حلو انك بدأتي بالبحث والعلاج وهو عمره صغير..
في جامعتي هنا في امريكا معانا يدرسون شباب وشابات فيهم توحد وبعضهم فيهم متلازمة داون وماشاء الله يتخرجوا ويشتغلوا والسبب الإهتمام فيهم من سن مبكرة ..اهتمي باختيار مدرسته أو المركز اللي يروح له ..وبحميته الغذائية والله يوفقكم يارب .. |
رد: طفلي ومايعانيه
اقتباس:
وتخطيط لعصب السمع وكان سليم الله يسمع دعاك |
رد: طفلي ومايعانيه
اقتباس:
ماشيه على اكل صحي لكن مو الحميه الي يسوونها لاطفال التوحد الي هو حمية دان لان طفلي سليم من الزئبق والزرنيخ وايضا من التحسس الهضمي من القمح ومشتاقته والحليب والمشتقات لكن قللت جدا كميات الحليب واللبن اصبحت اعطيه حصه وحده فقط حليب طبيعي مو البودره لان البودره سم للاطفال بش ممكن تجاوبين ع سؤالي هل هم الان عايشين حياتهم الاجتماعيه طبيعي لهم اصحاب زوجات ايضا كيف بالنوبات الغضب ولدي كثير تجيه نوبات غضب متعبه له مايوقف الا ووجه بقع حمراء خصوصا منذ انفصالي عن والده قبل رجوعنا |
رد: طفلي ومايعانيه
اقتباس:
أود التطرق لمسألة مهمة ومفيدة ، الا وهي الخدمات أو الشؤون الأجتماعية تقدم الكثير من الخدمات التي قد يجهلها البعض أو يعتبرها من غير المستحقين ولكنها حق من حقوق الطفل المصاب بمرض مزمن او نوع من الآضطرابات او المتلازمات. فأنصحك بعد عمل التقييم الأسبوع القادم في مستشفى التخصصي أن تطلبي تقرير عربي - أنجليزي يخص حالة طفلك الصحية وأخر للخدمات الأجتماعية لصرف مستحق شهري على حسب ونوع المرض وشدته ، ولا تخجلين من هالشي ابد هذا حق لطفلك. حنا درسنا في مدارس وتوفرت لنا كتب بالمجان الحمدلله وغيره كثير ، هالأشياء كتعويض. فالحكومة مشكورة تكفلت بتوفير بعض الخدمات منها العاملة المنزلية و سيارات خاصة لذوي المريض و سمعت مؤخراً انها تنقل الملكية لذوي الطفل. |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©