المشاركة الأصلية كتبت بواسطة زهـرة الـرمـان (المشاركة 3351074)

والله ياقلبي هو بيضارب دبانة وجهه عشنو فااااضي واجازة وعاد تعرفي لمن رجالنا يكونو فاضيين كيف
يضاربو دبانة وجههم
ما الومك والله
انا زوجي لمن اخد اجازة شهر وربي طلع عيني من المشااااكل واسباااب تافههه ججججداً
وكم مرة يقول لي روحي لاهلك ماعاد ابغاكي وكانت تكبر المشاكل
بسبب ((( الفضاااوة )))
لكن لمن يرجع لطبيعة عمله وشغله راح ترجع ان شاءالله حياتكم طبيعية واحسن من قبل
صدقيني يا اختي والله المشاكل تافهه جداً وماتستدعي لطلاق
هيا مجرد تراكمات فقط لا غير

المشاركة الأصلية كتبت بواسطة الوفاء11 (المشاركة 3351134)

هذا المفروض ياحبيبتي لأنك أنتي

الأنثى وهو الرجل ليه تاخذين دوره ؟

هو المسؤول عن الصرف عنده وإلا

ماعنده هذي مشكلته . راتبك لك

إستمتعي فيه تسوقي إلبسي

أحسن لبس والباقي وفريه لك .

لا تنتظرين الحب والدلع من

أحد أنتي حبي نفسك ودلعيها .

المشاركة الأصلية كتبت بواسطة منار ~ (المشاركة 3351167)

الله يصلح مابينكم عزيزتي المشكله لاتستدعي الطلاق أبداً يمكن زوجك إنفعل بسبب تراكمات في نفسه جربي تضغطين على نفسك وتسوين محاوله أخيرة لإصلاح مابينكم البسي وتزيني وإستقبليه بود وقوليله خلينا ننسى الكلام اللي قلناه لبعض عشان الحب اللي بينا وإجلسوا جلسة رايقه واتفقوا ان كل واحد فيكم يكتب سلبيات الثاني في ورقه ك نوع من التفريغ ورغبه في الاصلاح بعدين تبادلوا الاوراق وتناقشوا بهدوء حول السلبيات يمكن أحياناً كثيرة الكبت يولد الانفجار من ابسط المواقف عشان كذا حاولي تشوفين ايش اللي منفره منك؟ أسلوبك ف الكلام او عدم تغافلك ع بعض الأمور أو عاطفيتك ؟بعدين حولوا واكتبوا الإيجابيات وباذن الله معاها راح تسترجعون مواقف جميله بينكم

المشاركة الأصلية كتبت بواسطة جرحي الدامي (المشاركة 3351178)

ردودك شوي حادة ..لازم يااحبه تردي عليه في كل شي ..خذي لحظات صمت ..في مواقف زي كذا عشان تعدي ..يني حلوة كذاكلمه منك كلمة منة وتفرحو الشيطان عليكم،.يعني لو بررتي وقلتي له بحسن نيه موقصدي زي مابررتيلنا مو احسن من كلمة ماراح اطلب منك ومدري ايش.شوفي انا صار لي موقف بسيط مشابه تقريبا .عملت لزوجي ولي بكوب ورقي شاي لاني كنت توني غسلت وشطبت في المطبخ وتعبانه حسيته ماعجبه😄وقالي اعمليه بكوب عادي وانا اغسله هههه قلت ظنيتك عادي عندك خلاص ماعاد اسويلك فيه باسويلك بزجاجي وانا اغسله ههههه وش دعوة ..وبصراحة حسبت باحراج 😂 وما صعدت الموقف ولا عطيته ردود منرفزة ..لانه تافه الموضوع ..في المواقف كبري عقلك وخلي السفينة تمشي لا تحاولي تغرقيها زيادة الفترة هذي مالك الا الدعاء والاستغفار ..ودعاء الهم والحزن قوليه ومالك غير تفرج باذن الله..استعيني على زعل زوجك بالله وحاولي تتحركشي فيه من فترة للثانية

المشاركة الأصلية كتبت بواسطة شاطى الراحة (المشاركة 3351182)

مع هذا الرد بكامل تفاصيلة
واضيف دئما في مواضيعك تاخذين دور الضحية
والمظلومة صفة يكرهها اي زوج..لم تغيري من
نفسك ..اتوقع لو كنتي عند زوج غيرة كان الطلاق
حاصل من السنة الاولي لان الرجل لا يعيش بنكد
اذا تريدين ان تحافظي على حياتك الزوجية ابدى
رحلة التغيري من الان حسني صورتك عندة
انا اتكلم لاني اطلعت على كل مواضيع
لديك حساسية مفرطة وضنون تخالف الواقع
ومااقول الا عسى ربي يعينة بصبر
ولا يحرمة الاجر

المشاركة الأصلية كتبت بواسطة × الرسمي × (المشاركة 3351190)

لا جديد

كالعادة.. ترمين كلام.. ثم تتزاعلون.. ثم تتعب نفسيتك.. ثم تدورين حل.. ثم ترضخين بالنهاية عشان ترتاحي... وهكذا تستمر الحياة .


أعانك الله

المشاركة الأصلية كتبت بواسطة روح الطير (المشاركة 3351191)

مع بنت الكرام

و شاطئ الراحة

و الأخ الرسمي

.
.

انت ما تنظري لتقصيرك معاه ، و تعتقدي إنه راتبك و وظيفتك و وقوفك المادي معاه
( كفاية عليه ) ..

هو يبغى زوجة فرفوشة ، مو زوجة تعطيه أوامر و تكلمه كأنه - ولدها - ؟

تكلمتي بدون قصد ، لكن كان ممكن تحليها بشكل أفضل ..

.
.

يعني ما فكرتي في زوجك ، حبيبك ، جالس جوعان لوحده و ياكل لوحده
و بدل ما تقولي له أي كلمة تطيب خاطره ؟

تقومي تفكري في الصحن ؟ و في نفسك ؟

يعني حتى السفرة تبغي يستخدمها .. مو عشانه هو ..
عشان نفسك ..؟؟؟؟

.
.

زوجك معاه الحق إنه يزعل ، و إنت ما تفهميه و ما تعرفي تتعاملي معاه
و بنفسك راح تخربي بيتك

و لا تقولي ما اهتميت بنفسي عشانه و عشان نبني حياتنا ووو إلخ
هذا كلام الافلام الدرامي ، ماحد منعك تحرمي حالك .. و لا ترمي باللوم عليه

ما راح اطبطب عليك و أنا شايفتك تخربي حياتك بنفسك
و للاسف ما تستفيدي من نصايح الأعضاء و العضوات
و كل مرة تخربي بيتك اكثر و اكثر ، لحد ما يضيع زوجك من يدك

المشاركة الأصلية كتبت بواسطة فاكهة الشتاء (المشاركة 3351193)

أحبه للحين ما تغيرتي
السيناريو اللي كتبه الاخ الرسمي هو سيناريو حياتك بالضبط

واستغرب منك تبيعين بسرعة
يعني يرمي كلمة عتب بسيطة ترمين أكبر منها

بدأت أميل الى أن أن الموضوع ليس خلل في الشخصية او التعامل
أنما وكأنك أصلا لا تحبين زوجك
ولربما مستكثرة نفسك عليه
وموافقتك عليه ورضاك بحاله لازم مقابلها أطنان من المداراة والترضية والتدليع من جهته !