|
رد : الوالد يرفض أن يزوجني
يجب التحري الشديد في مسألة الزواج
كونك متأخرة قليلا افضل من زواج فاشل قد يتبعه طلاق تخسرين به زوجك ووالدك قد يكون من قال ان الرجل لا يصلح للزواج مطلع على امور لم تطلعي عليها يراها اساسية في كون الرجل ليس اهلا للزواج كالمحافظة على الصلاة على سبيل المثال يمكنكم الاستفسار عن الاسباب التي لا تجعله كفؤا للزواج ممن نقل لك هذا القول اسأل الله ان ييسر امرك ويفرج كربك. |
رد : الوالد يرفض أن يزوجني
لازم تحاولين تكتشفين سبب رفض ابوك لكل الخطآب
|
رد : الوالد يرفض أن يزوجني
السلام عليكم ورحمة الله وبركاته ..
ما شاء الله تبارك الرحمن .. ابوي مثل حالة ابوك .. :( صدقيني هو يبغالك الزين مو قصده انه يكون ديكتاتوري .. ويشوف انه هو اللي جابك لهالحياة و رباك ووصلك لهالمرحله ومن حقه يختار لك شريك الحياة اللي يحس انه يرتاح يسلمك له .. يمكن يكون اخير لك هالشيء قبل ان تقدمين على اي خطوه استخيري وادعي ربي كثير في جوف الليل .. ان كان في هذا الشاب خير لك يكتب لك نصيب معه وانا كان لا يبعده عنك ويعوضك بمن هو احسن.. وصدقيني لو كان لك نصيب مع هالشاب راح تاخذينه غصب عن الجميع .. |
رد : الوالد يرفض أن يزوجني
حسن السجايا.. كثير من اللي ابوي رفضهم ،، تسوجو وجابوا اطفال واللي طلع بعثه مع زوجته يكمل دراسته،، واللي حاله صار فوق،،،
يعني محد كامل... وفيه ناس اشكالهم ناجحين ووضعهم ممتاز واقرب للمثاليه،،، بس تلقينهم يورون نجوم الليل في عز الظهر لزوجاتهم.. ديانا روز.. اكيد ابوي يحبني ويبي احد يستاهلني.. انا من جيل وهو من جيل ثاني،،، ونظراتنا للحياة اختلفت |
رد : الوالد يرفض أن يزوجني
فيه تطور بالموضوع... بنت اخت الخاطب طلبت من امي رقمي واضافتني بالواتس اب.. وقالت لي عن تمسكهم فيني وان اخوها مستعد يلبي طلباتي... وبعد يومين ارسلت لي مسج من اخوها لي،،، يسلم ويقول (( هل انتي موافقه علي وتبيني والا لا؟ لاني ناوي انشب لابوك لين اتززوجك..اذا انتي متردده علميني عشان اختصر الطريق)) وارسل مسج يقول فيه ((الناس اللي سالتوهم عني من الجماعه ... وكتب اسباب الخلاف اللي بينهم ...)) وبعد يوم،، طلبت مني صورتي وقالت هي بتشوفها لحالها.. ارسلت لها صورتي وارسلت لي صورتها وصورة امها واخواتها وصور الخاطب.. وقالت لي عادي اوري اخوي الصوره او لا؟ بعد تردد قلت اوكيه،،، الرجال رد بمسج وقال ارسليه لها (( انا بحياتي ماشفت اجمل منك.. ووعد اني اتزوجك اصلا كنت ابيك لصفاتك والحين بتمسك فيك اكثر)) للعلم انه هو احلا مني بكثيررر ماشاء الله واخواته جميلات جدااا.. وكمان ارسل(( اختاري اي حي تبين تسكنين فيه واختاري موديل السياره واللون اللي تبين تركبينه)) عرفت من اخته انه ناوي يغير السياره..كانه يدري اني احب السيارات واهتم بموديلاتها.. ووووش رايكم؟؟؟؟؟؟؟؟؟؟؟ احس اني تعلقت فيه مره... واحس اني غبيه...لاني ما رفضته وارتحت واحس ما ابي اضيع هالفرصه ابدااا |
رد : الوالد يرفض أن يزوجني
حبيبتي الحين قلبج و عاطفتج بيشتغلون... اقطعي علاقتج معاه لانج مب ناقصه تعلق فيه....
عن تجربه... الرجل شااااااطر في بيع الكلام.... و خااااصة للي يبي يخطبها و يعرف كيف يعلقها..... فاقطعي العلاقه لان ابوج اصلا مب موافق فما تعتبر خطبه لسه.... هي مشروووع خطبه فقط.... |
رد : الوالد يرفض أن يزوجني
أسال الله ان يفك ازمتك ويحقق حلمك
ياحبيبتي ابوك يبغاله سياسه لا ضغط ولا غيره يبغاله تكتبين ماتشعرين فيه بين الناس ورغبتك انتي اذا كل اللي حوليك تدخلو ولا فاد لازم انتي توقفين على رجليك وتقولين انا ابغى الستر حق من حقوقك هذا اكتبي له رساله بطريقه استعطافيه واشكي حالك له ووضحي كل شي وقولي له ان رايه يهمك بس وش رايك بحالتي ووو كل اللي فقلبك اكتبيه وارسليه له اتمنى من الله ان تنحل هالمشكله عاجل غير اجل تحياتي... |
رد : الوالد يرفض أن يزوجني
ياحياتي اقسم بالله حاسه بمعانتك
اختي مرة بهالموضوع بس ابوي كان متفهم نوعا ما وما اعترض كثير دام ان العريس يدري انك تبينه خلاص وكلي امرك لله بينشب لابوك حتى يوافق بس باقي الدور عليك حاولي تتكلمي ووقفي كلامك مع العريس ترى مو حلوه يعني خليك ثقيله وحيويه مو يقول ذي دفشه ما صدقت على الله يارب يارب يارب ياكريم مايمر هالاسبوع الا ووالدك وافق |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©