رد : سيدة الموقف ،، محتاجة استشارتك بقصتي مع أهل زوجي ..
 

قريت قبل شوي كلام ( لكل شي حد )

الدنيا كل فتره و الثانيه لازم تصدمنا بصدمات و الصدمات احيانا تكون قويه وايد لدرجه الواحد وده يموت و لا يعيش هالحياه...

.
.

صادقة و الله ..
انا الحياة مظلمة قدام عيوني، عمري ماكنت باليأس هذا ..
كل ماقلت خلاص هانت، جاتني مصايب اعظم

.
.

المهم بارجع لموضوعي ..

زوجي من زمااااان و هو يوعدني، يسفرني و يمشيني لو اقرب مدينة لمدينتنا
و لا مرة وداني .. و كل مرة يتحجج بمليون حجة و انا خلاص مخنوقة

اكثر من 3 مرات تكون عندهم مناسبة لاهله برة في مدن تانية، و كل الحجج تختفي
و يقدر يروح و يحضر و اسكت و ما اتكلم

مع العلم انه قبل لا اقاطعهم كان هو من حاله، يرفض يروح مناسباتهم ..
و امه تتهمني اني انا اللي حرضت ولدها و انا مالي علاقة

هذا كله و انا ساكتة ..

.
.

اخر مرة قلت له معليه، مو معنى اني ما اكلم اهلك خلاص انت تسافر و تتركني هنا ..
اذا بتروح اي مناسبة لهم، انزل معاك و حطني بفندق او اي مكان ..
بس باسافر معاك و قاللي طيب، و كذاب بيضحك علي عقلي

المهم .. مثل ماقلت قبل .. انه يطلع نفسه البريئ المظلوم
و ينسى كل كلامه و كل اللي صار قبل

اليوم يقولي انا مالي دخل بينكم، انت اللي قطعتيهم لوحدك و بدون سبب
قلت لي مو انت اللي كنت تقول بعدي عنهم، و انا اصلا طفشان منهم ووو الخ
يكذب و يقول لي ( ايوة عشان ارتاح من مشاكلكم )

قلت له سبب مشاكلنا كانت ( انت )

يقولي كان ممكن تطنشيهم ..

قلت له اصلا بعدي عنهم ريحك انت، لاني لو متواصلة معاهم دحين
كان ابوك عرف كل اخبارك و كان كل مرة سالني و انا ما اكذب

.
.

مثلا زوجي كذب علي اهله و قال لهم انه كان في الغربة ( يدرس بكالوريوس تاني سنة )
بس وقف دراسته عشاني رجعت، و صدقوه

كذااااااااب .. ما بدأ بكالوريوس حتى .. و رسب في السنة التحضيرية

يبغى يطلعني دحين انا المسئوولة عن مقاطعتهم و نسي كل شي

هذا طبعه من زمان، طالع على مين طبعاً ؟؟؟؟ :(

رد : سيدة الموقف ،، محتاجة استشارتك بقصتي مع أهل زوجي ..
 

شوفي أنا اتعلمت انه مافي شي يستاهل أزعل نفسي وأمرض عشانه انتي وصحتك أولى شي بالدنيا ماتفتحي مع زوجك ملفات قديمه وتزعلي عليها لو شوما كانو أهله لو حكيتي عنهم رح يزعل ولو صار موقف بينك وبينهم وازعجك إحكيله اياه بس وانتي عامله فيها بريئة يعني ماتحسسيه إنك بتشكي وزوجك بنجبر يسايرهم بس انتي مو مجبور لإنه بتعامل معك بأريحية وعارف عقلك واعي ورح يتقبل مو مثلهم مابستوعبوا شي

رد : سيدة الموقف ،، محتاجة استشارتك بقصتي مع أهل زوجي ..
 

ام عبودي

مو حكاية ملفات قديمة، بس اكتشفت انه كلامك صح ..
انهم يمثلوا عليه بانهم مساكين و يحبوني و الدليل ( تعزيتهم لي )

بس الحقيقة، اني بعد العزا تواصلت مع كل وحدة من اخواته و حاولت ابدأ
افتح صفحة جديدة، بس كل وحدة عملت موقف معاي و حكاية و كنت مرررة
ذوق في ردي عليهم و محترمة جدا معاهم .. بس في الاخير طنشت
و ماقلت لزوجي اللي صار بيني و بين كل وحدة و لا اهتميت،
لانه ما هزني ردة فعلهم .. مع اني حكيت لاختي اليوم و اول مرة احكي
و قالت بجد ما يستحوا .. ( الحركات اللي عملوها بعد العزا )

بس كان من المفترض احكي له عشان يكون عنده خبر بكل شي

المهم انا بحاجة للسفر باي طريقة و هو كل مرة يوعدني و يسافر
و ما يسفرني

و اصلا برة السعودية ماني قادرة اسافر عشان جواز سفري بحاجة لتجديد
و هو ياجل كل مرة، فكنت محتاجة للسفر و بقووووووة تعبانة مرة

ضغوطات تجمعت، مرض امي و حمل و ولادة و موت امي
و زوجي جلس بدون وظيفة تقريبا 8 اشهر و بعد العزا
باسبوع بديت دوامي و ضغوطات العمل و الاحساس بالغربة
بسبب العيش في الخارج فترة، و تاني يوم العزا تواجهني
مشاكل غير متوقعة من اقرب الناس و كل شي تجمع
و تقصير شديد في العبادات مع النونو الجديد و كل شي

و تويي اللي بديت اجازتي و اتنفس و استوعب تدريجياً
غياب امي و اللي شغلت نفسي عنه بالعمل

كنت بحاجة لفترة استجمام

محتاجة اروح للكعبة ..

*

رد : سيدة الموقف ،، محتاجة استشارتك بقصتي مع أهل زوجي ..
 

سافرت و جالسة عند اختي كم يوم، و هي الوحيدة اللي صاحبة القلب الحنون
و اعتبرها مثل امي .. و زوجي حس اني تعبانة مع الضغوطات و بارتاح عندها

محتاجة لفترة نقاهة و استجمام

المهم

محتاجة لدوافع و طاقة ايجابية، تشجعني على اني ابدأ ارسل لحماتي رسايل
و ابادر بخطوة .. مو عشان احد ..
بس لانها ( أم ) .. ثم بعدين ( ابوه ) لانه شديد العناد و انا عنادي أشد منه ..

بس اخواته ما راح اتواصل معاهم ابدا.. *

رد : سيدة الموقف ،، محتاجة استشارتك بقصتي مع أهل زوجي ..
 

خطوة اني افكر بالمبادرة ..

يعود الفضل فيها لله ثم ( لكم ) ..

لاني بديت اخرج الطاقة السلبية، و الذكريات السيئة من عقلي الباطن ..
و اذا خرجتها، راح ارتاح .. و تخف الجروح و تتعالج تدريجياً باذن الله

رد : سيدة الموقف ،، محتاجة استشارتك بقصتي مع أهل زوجي ..
 

رد : محتاجة استشارتكم بقصتي مع أهل زوجي ..
 

هههههههههههههههههه لقيت واحده هبله مثلي ( لا تزعلي هذي مزحه ) انا طيبه وما احب المشاكل بس انتي طيبه زياااااااده ,,

مع احترامي

الله يعيننا ويلزمنا الصبر عليهم ويعوضنا خير يا رب ,,

رد : محتاجة استشارتكم بقصتي مع أهل زوجي ..
 

هذا خطئك من البداية يوم قاطعتيهم
ألحين المبادرة بتكون صعبة و حتى تقبلهم لها صعب
كان من المفترض مع كل حركاتهم تواصليهم اقلها في المناسبات و ماتقطعيهم مرة وحدة
لأنهم اعمام عيالك و اهل زوجك و اي شي يصير بينه و بينهم تلقائيا بيقولون انك السبب
لانه بعد ماتزوج صار كيذا .. و هو ولدهم و مهما صار بينهم يضل ولدهم و انت الغريبة
و حتى ولدهم - زوجك - بيطلع نفسه قدامهم و يحط عليك الغلط

رد : محتاجة استشارتكم بقصتي مع أهل زوجي ..
 

أمنيات

أنا ما سألت ، خطائي أو مو خطائي ..
و أنا ما أخطأت .. لإني ما أنتظر إنه أحد يعطيني رأيه ( هل أخطأت أم لأ )
لإني عارفة نفسي و عارفة أنا إيش عملت ..

و لا يهمني إني أرجع أواصل ناس ( أنا غريبة بالنسبة لهم ) ..
لإني كذا أنا مرتاحة و زوجي مرتاح و ( لو رجع الزمن ، راح أرجع و أقاطع من جديد )..

و أعمام عيالي أو جيران عيالي أو إيش ما كانوا لعيالي .،
مو معناته إني أضيع عمري عشانهم ( دام إني ما أغضبت ربي )
و أولادي ما أمنعهم عنهم و لا زوجي ..

أنا ماتزوجت ، علشان أكون ( خدامة ) أو أحد ( يستعبدني ) أو يقلل من مقداري ..

لو ما يبغوني زوجة لولدهم ( فأنا ما غصبت أحد يجي يدق باب بيت أهلي ) .. صح و لا غلط ؟
أمي ما جابتني و تعبت علي هي و أبوي ، عشان أخدم ناس ( أغراب ) <-- مو حضرتك تقولي هو ولدهم و أنا الغريبة .. :)

خلاص خليني أنا الغريبة ، و يا دار ما دخلك شر .. :)

.
.

و أنا وقت فكرت - حالياً - إني أرجع أواصل ( مو لإني غلطانة ) ..
و كلامي واضح ، و ماني مستعدة أعيد اشرح ..

فرجاءً ..
اللي بيدخل و يقرأ ( نفسه ) .. لا يتعبني ..

.
.

بإختصار ..


أنا ماني بحاجة لأهل زوجي، و لا بحاجة لرضاهم و لا لأي شخص ما يقدرني و يبحث عن زلاتي .،

و شكراً لردك ، مع إنه ردك ( يناقض نفسه تماماً ) ..

و ماني فاتحة الموضوع عشان ( أناقش ) شي انتهى ..
و إيش ( كان المفترض ) ..

لإني ماني ندمانة على أي تصرف أو قرار اتخذته ( سابقاً ) ..
و هم يستاهلوا ( الأكثر ) ..

و لو ما تقبّلوا ( مبادرتي ) .. فيكون ( أريح ) لي .. :14:

رد : محتاجة استشارتكم بقصتي مع أهل زوجي ..
 

أم محمد ..

طيبتي ما كانت هبل ..

كنت كل مرة أعطي فرصة ، و أحسن الظنّ ..
و أكبّر عقلي ..

.
.

بس وقت وصل الموضوع لدرجة إني أتضرر ، و حياتي الزوجية تنهدم أمام عيني ..
و أنا بقمة ( الضغوطات النفسية و الجسدية ) ووو إلخ ..

كان لابد من وضع ( حدّ ) و ايقاف المهزلة ..
بدون ما أنزل من قيمة نفسي ( أمام نفسي )..