رد : ارجوكم ابي حل لمشكلتي مع زوجي..
 

هلا بك عاشق الجواهر..
ومشكور ع النصيحه بس زوجي اذا رضا علي احسه يحبني مره وما يرفض لي طلب وكذا مره اهنته وجبت اخوي الي من ابوي عشان يطلع له ويقوله البنت ما تبيك طلقهااااا وقاله اطلع من بيتها وطلع قدامي من البيت يعني وش اكبر من ذا الفرصه الي جته لوه مايبيني على قولتك كان استغل الفرصه وطلقني وليش قاعد معي 8 سنوات واذا تراضينا وسالته قالي لوني ما ابيك ما قعدت معك طول هالسنين كان على طول طلقتك وما تحملتك بس هو دايم يكرر علي يقول احترميني ولا تزاعقين بوجهي ولا تجرحيني بالكلام
ونا اعترفت اني عصبيه ومو بكيفي عصبيتي من سو تعامله مع المشاكل ما يعرف يدير الامور..
الله يهديك شايفني ناقصه شك انا الان صرت اشك بنفشي ياليتك مارديت على موضوعي ولا دخلت..

رد : ارجوكم ابي حل لمشكلتي مع زوجي..
 

حبيت ابشركم اني اليوم سويت انجاز بحياتي دقيت على وحده من صحباتي لي 5 سنوات ما شفتها ورحبت فيني وحسيت بسعه صدر عمري ماحسيتها من قبل حسيت ان الدنيا انفتحت قدامي وحسيت انو الدنيانورت بعيني قبل كنت احس اني عايشه بظلام دامس ..
هذا كله بفضل الله ثم انتوووملاانكم شجعتوني لااني كنت خايفه قبل من ردة فعل الناس تجاهي اذا رجعت لهم بعد غيبه ..
ياربي يا حبيبي انك تسعد وتوفق وتيسر امور الي دخلو وواسوني ونصحوني ووقفومعي بمحنتي الله لا يضيع لكم مجهود ان شاء الله ويجزاكم الجنه ..
رحت اكلمها بالمجلس وسكرت الباب علي وتقولي بنتي انو انتي لما رحتي تكلمين بالمجلس بابا قاعد يتسمع عليك ويقولي اصصصص ....تخيلو قاعد يتجسس على مكالمتي ..وش قصده..؟

رد : ارجوكم ابي حل لمشكلتي مع زوجي..
 

الي يصير لي اليوم شي مو طبيعي مشاعر مختلفه العصر صحيت وقريت رساله الاخ الي يقول زوجك مايبيك افهميها عيشي حياتك وخليه هو بعد يعيش حياته ؟؟؟؟
اكتئبت من رسالته مررره ...
وبعدها جا الفرج كنت اقلب بجوالي ولقيت رقم صاحبتي الي قلت لكم لي عنها 5سنوات وكلمتها ونشرح خاطري وكتبت لكم وقتها على طول ..
وعلى اذان العشاء والله العظيم الذي لا اله الا هو اني ما كذبت ولا زودت ولا نقصت بالموضوع وحده من حريم اخوان زوجي لي عنها سنتين ونقطعت يوم تها وشت مع سلفتي الثانيه الي قلت لكم كانت صديقتي مره واعز من خواتي دقت علي اليوم تسال عن اخباري وفرحت مررره بمكالمتها وقالت بزورك انشاء الله اخر الاسبوع سبحان الله الي فرج همي بيوم وليله ..
وكانت تقولي ادق عليك بثابت ويرد زوجك ويصرفني تخيلووو..
ويوم شافني اليوم اكلم واتصالات عصب تعصيب مو طبيعي وصار يضرب عيالي ويصارخ وكنت قايله له بروح السوق بس ما سكرت منها الا الساعه 9 وعيا يوديني احسه وهو يكلمني شيطان انقهر مره من شكلي واسلوبي ليوم ..
اضاهر انه يبي يموتني بالحيا وبيعزلني عن الناس هذا الي بينلي من حركاته..
اللهم لك الحمد وشكر على كل شي صار لي اليوم ..
والله يفرج هم وضيقه كل الي دخلو ودعووو لي ووقفو معي ..

رد : ارجوكم ابي حل لمشكلتي مع زوجي..
 

لي رجعة للموضوع
بس فيه شي مستعجل بفيدك فيه
زوجك شرقي يحب الوضوح
احذري من حركات التقفيل والغموض
راح يقلب عليك ويسويها لك
قوليله تصدق كلمت زميلتي من 5سنوات مرررة فرحنا ببعض
ترا تعصيبته من الغموض اللي صار هو مايتحمله

والا انتظريه يردها لك ويقفل على نفسه ويكلم وقتها بيجن جنونك

واسأل مجرب ولا تسأل طبيب

رد : ارجوكم ابي حل لمشكلتي مع زوجي..
 

نبض الدان والله انك صادقه على طول سوا حركه تقهر طلع من البيت الساعه 9 وماجاء الا 10 وبعدها تعشى وطلع لدوامه وهو عارف اني ادقق على طلعاته ومكالماته يبي يشككني فيه حافضني وحاقرني بنفس الوقت... انا قاصده اهبل فيه والله اني حاقده عليه حقد دمر نفسيتي بدون رحمه شايفني وحيده ولا عمره حن علي بالعكس قاعد يتلذذ بتدميري حسبي الله ونعم الوكيل فيه امي تقولي اكيد فيه احد لاعب بعقله ومعطيه دروس وقايله احسن دوا للمره انك تهجرها وتقهرها بصدك ..حسبي الله ونعم الوكيل على الي يحرشه ضدي ..
بعدين هو عارف اني اكره حركات اذا دق الجوال قام او ما يرد قدامي كان ما يسويها قدامي ابد بعد هالمشكله سواها كذا مره بيقهرني يقاله ..

رد : ارجوكم ابي حل لمشكلتي مع زوجي..
 

السلام عليكم اختي سارة

قرأت موضوعك بتمعن و كتبت موضوع خاص لحل مشكلتك (من وجهة نظري )

ارجو الاطلاع واتمنى لك الفائدة

http://www.66n.com/forums/showthread.php?t=235642

وشكرا

رد : ارجوكم ابي حل لمشكلتي مع زوجي..
 

ابو الوئام ..
مشكور ما قصرت مو ضوعك جدا واقعي ومفيد ..
انا بديت اثقف حالي واقرا عن كيفيه التعامل مع هالكائنات الغريبه الاطوار ..
بس المشكله اني اذا تعبت على حالي ومالقيت من يقدر هالتعب..
يعني بالعربي زوجي له مبادء مستحيل يغيرها انسان يحس انو هو الصح وانا الغلط..
انسان روتيني عمره ماكسر روتينه من 8 سنين نومه بمواعيد وقومته بمواعيد حتى بالا جازات وسفر ..
كنت اتمنى يكسر الروتين ويقولي وش رئيك نطلع نتمشى بالليل والجو هادي اذا قلت له ليش ما تكسر الروتين ونسهر على فلم ..
احسه مايتقبل انو احوس نظامه ايام الاجازات عنده نفس ايام الدوام..

رد : ارجوكم ابي حل لمشكلتي مع زوجي..
 

وكذا مره اهنته وجبت اخوي الي من ابوي عشان يطلع له ويقوله البنت ما تبيك طلقهااااا وقاله اطلع من بيتها وطلع قدامي من البيت
^
^

دحين مين الغلطان هنا ؟؟؟؟؟؟؟؟؟؟؟؟

اسلوبك تراه غلط x غلط

انت تبغي زوجك خاتم بيدك و هو رافض الشي هذا

امشي مع نصيحة الاخ عمران و ارجعي اقري من جديد
و راح تستفيدي*

رد : ارجوكم ابي حل لمشكلتي مع زوجي..
 

السلام عليكم
أنا جديدة العضوية معكم بهذا المنتدي وبصراحة لفت انتباهي رسالة الأخت الي صارت عائشة ثمان سنوات بمشاكل مع زوجها، اول شي أنا حبيت انصح الأخت الفاضلة انك انت عمود البيت الذي يرتكز عليه أمور الأولاد والزوج فانا في رأي انك انت في ايدك كل الحلول بس لو تركزي وتفكير بشكل منطقي واضح من رسالتك انك تحبين زوجك بس هذا مايكفي لازم عزيزتي انك تهتمي بجوانب كثيرة منها وفري لبتيك جو ومناخ يرتاح فيه زوجك مثل انك تتزيني لزوجك تجهيز الأكل الي احبه لا تخلي حياتك بس نزاع ومشاكل حاولي تكسبي زوجك ورجعيه للبيت وللأولاد تحتويه بحنانك بكلامك الحلو بصحبتك الطيبة انت زوجه وأم حفظي علي بيتك قبل لا يفوت الاون وتتحسفي عليه رجعي زوجك للبيت واضح ان هو كمان احبك لان ما تزوج عليك للان . ولا تخلي الزعل بينكم ايطول لا تخليه أينام الا او هو راضي وأخيرا ليس الأسف والترجي الوسيلة الوحيدة لترضي زوجك في أفعال تخليه يرضي عليك ويرجع لك راضي بدون كلام غيري حياتك تصرفاتك وأسلوبك وخلي بيتك جنة عشان أسرتك وعشان ترتاحي الامور بايك انسي الزعل والنكد ورجعي زوجك بحنانك وجمالك زوجك محتاج تفهمه رجعي حياتك كلها لشهر عسل وصدقني زوجك محتاجك
والله يهدي كل الأزواج ويصلح الامور
سومة

رد : ارجوكم ابي حل لمشكلتي مع زوجي..
 

مشكوره سووومه على هالكلام الحلو والنصيحه الله يجعلها بميزان حسناتك ماقصرتي حبيبتي وراح اعمل بكلامك..