|
حبيبتي روح عقيقة ولدك
مسؤوليته هو حتى لو ما كان موظف .. لازم يشيل معاك شوي.. اعرف مصاريف الولاده كثيره وإذا معاك لا تقصرين على نفسك بس مو لدرجة ما يدري عن شيء .. ما ادري احس لازم تعتمدين عليه |
تولدي بخير وعافيه يا رب
اهتمي بنفسك وصحتك والبيبي اهم شي وعندك فترة النفاس وزوجك خليه يتحمل مسؤوليه معك هو الاب |
:* روح الطير تقعين في غلطة فادحة تقع فيها معظم الموظفات بنات الأصول إلي يبغوا المركب تمشي بسلام :* الزوجة الموظفة تساعد زوجها وهذا أمر جميل ودليل على نفس جميلة لكن بماذا أساعد زوجي..؟!! هل اشيل عنه كل شيء حتى يعتاد على أن أكون مسؤولة ومن واجبي أن أتحمل كل الحمل وهو متفرج ومرتاح..؟!! لا طبعاً الموظفة بنظرتي المتواضعة تساعد في الآتي فقط لاغير * راتب خادمتها * تشيل عن الزوج حق ملبسها ومكياجها ومستلزماتها *تساهم في ملابس أطفالها وأحتياجاتهم وبين الفينة والأخرى تجعله يساهم معها فيما يخصهم * تدفع فاتورة جوالها *تتكفل بالهدايا إذا بتهدي أحد يقرب لها * * * غير هذا على الزوج وواجب عليه العقيقة يدفع حقها ولايناقشك فيها ولاتتدخلي فيها يدبر عمره الكهرباء / التلفون / الإيجار / مؤونة ومشتريات البيت من غذاء وأدوات نظافة تكاليف الولادة والمستشفى عليه / :* أما إذا ما بدأتِ بدفع كل شيء وهو متفرج سيعتمد ويتكل وربما لن يعمل لأنك تقومين بالعمل وموفرة كل شيء حتى لو ظروفه صعبه المساعدة بعقل أما الإتكالية الزايدة عليكِ فأرفضي هذا الأمر :* الآن أنتظري لحد ماتقومي بالسلامة بعدها ضعي النقط على الحروف :* :* |
الله يهديك ياروح شدعوة بتغلطين يوم إنك تفكري كذا
شبقيتي يسويه زوجك الحين المفروض التكاليف عليه مو عليك إنتي ضحكتيني يوم طلب هدية في ولادتك الأولى حسسني إنه هو اللي شال البيبي 9 شهور وعانى ألم الولادة خخخخخخخخخخ اقري كلامك الأخت سيدة الموقف |
الصراحة،، الغلط غلطي انا ..
كنت اقصد العقيقة الثانية لولدي اللي عمره 4 سنوات .. مو النونو اللي جاي بالطريق عندي مشكلة بنفسي و لازم أصلحها : ( باتفضى لها بعد الولادة ان شاء الله .. استحي اطلب من زوجي و لو طلبت شي، ضميري يأنبني كثييييييييييير و أحزن عليه و لو جاب لي شي بسيط، افرح به و احسه شي كبييييييييير و احس لازم أردها له الغلط غلطي اعترف، و كمان جلوسي مع امي الفترة الاخيرة، بيزيد الشي هذا فيا لانه طبع ورثته من ابوي و امي.. مانحب نطلب شي من احد و نعطي و امي عندها عزة نفس بشكل مو طبيعي و حتى مرة قالتلي بنت خالتي، نحن ايش مضيعنا غير عزة النفس هذه ؟؟؟ و احسها تضرني بمواقف كثيرة .. |
بعد كل هدا مستغربة ليه زوجك مايحب الأطفال ومو شايف انه النونو الجديد هدية
حبيبتي زوجك ماتعب في شي انتي اللي شايلة عنه كل حاجة بالتالي ماراح يحس بقيمة الطفل لانه ماتعب فيه لازم تحمليه المسؤلية معاك عشان يحس بالانتماء العائلي ويلتصق فيك وفي أولاده وأقولك شي ماتزعلي الرجل يعشق المرأة اللي تتدلع عليه وتطلب منه أما اللي عندها كرامة وعزة نفس فهي مستغنية عنه بنظره وأقولك شي كمان الرجل متعته في الصرف على من هي تحت جناحه وإذا كانت هي مستغنية عنه فهو بكل ببساطة راح يدور عن أحد ثاني يصرف عليه عشان يحس برجولته هدا كلام زوجي مرة قال لو انتي مستغنية ببساطة أصرف على أحد ثاني أمي مثلا أو أختي وأنا أقول في نفسي أو زوجة ثانية أو عشيقة خخخخخ الله يقومك بالسلامة يارب |
روح حبيبتي بجد ماينفع كذا..
سيدة الموقف كلامها 100% |
يكفي ضناك هديه ونعمه من رب العالمين
هديه تسوى الدنيا ومافيها راح تهدينه قطعه من قلبك وهذا يكفي ويزود ومعوشره الله يعينك عليك با المشي وهذا.. والله يقومك بسلامه |
| الساعة الآن 11:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©