Beta2
أشكرك كل الشكر على أهتمامك وأفكارك

بأنك أنت تحبيه ممكن يميل قلبه لك فهل أشعرتيه بأنك تحبينه وتغاري عليه <<<< غيرة دلع مو غيره عصبية ونكده .
يدري أني أحبه و احترمه و اقدره أما الغيررررره ماتت من زمان
المو اقف الي صارت لي معاه قتلت الغيره و الغيره تكون حلوه لما الزوج يفرح ان زوجته تغار عليه مو مثل زوجي لما أغار عليه يعصب ويقلب الدنيا علي تخيلي في بدايه الزواج يوم شافني أغار عليه جلس يعاند فيني شوفي هذي متينه شوفي هذي جسمها حلو شوفي بشره هذي شوفي عبايه هذي عليها ذووق وشوفي وشوفي ماخلى حرمه ماعلق عليهاصار فيني قهرر لا حد مابطلت أغار وهنا ماتت الغيره الله يرحمها

بتفكري تصارحيه ؟؟؟ أتوقع انه جلسه هادية تكلميه فيها وكأنك صديقته مو زوجته ممكن توضح لك أمور كثير وتساعدك
لا تلمحي لعلاقته وانها لا زالت مستمرة لكن تكلميه بموضوع حبه لك .. ابدئيها بأنك تحبيه وانه هذا هو سبب رجوعك له لكنك حاسه انه قلبه مو معاك بدليل انه قال لك انه واثق فيك لكنه ما يحبك ... واسأليه ليه ما يحبك ؟؟ ناقصني شي ؟؟ .. أدري انه مافي علاقة بينكم وانا واثقة فيك لكن يمكن قلبك لا زال متعلق فيها شوي أو الذكريات مانعتك يكون في أحد بدالها بقلبك الحين .. قوللي ليه ما تزوجتها ؟؟ وايش اكثر شي عجبك فيها ؟؟ يمكن اذا عرفتي هذي المعلومات تستفيدي منها بكسب قلب زوجك

طريقه حلوه وروعه تصلح مع اي زوج في الدنيا الى زوجي يعني لما أبداء في أي موضوع أكتب الكلام الي أقوله عشان ما أقول شي اندم عليه وبدين أتكشخ والبس وشموع ووحركات لما أقول أول كلمه يفهم الموضوع من أول كلمه و يستخدم الهجوم وهو يكمل الموضوع يعني قصدك اني اخون يعني قصدك اني مقصر معاك ويأكلني وانا بأول سطر من الورقه الي كتبت ماكملت كلامي أبغاه جلسه هاديه تنتهي بنكد ونطلع من الموضوع وانا مأخذت لاحق ولا باطل
جربت طريقه ثانيه الدموع
أجلس أبكي أقول يمكن يرحمني وفعلا طريقه حلوه يجلس معاي وهو ساكت يسمعني لما أخلص وبعدين اكون اسعد انسانه في الدنيا بس لانه سمعني
وجربته أكثر من مره وبعدين صارت متأثر عليه الحين لما يشوفني أبكي يقول نــــــــــكد ويروح ويخليني
الطريقه الثالثه
أكتب في رساله كل الي أبغاه ورسلها لجوالـــــــــــــه وبرضوه طريقه فاشله ماجابت نتيجه
الطريقه الرابعه
كلمت أمه وطلبت منها تتدخل في الموضوع وكلمته وقال مو من حقك تدخلين أحد من أهلي حتى لو كانت أمي قلت طيب راح أكلم أهلي قال لا مايحتاج خوذي أعراضك وروحي لهم أنا مو بحاجتك
أتوقع انه زوجك عاطفي واذا شعر انه ممكن يعيش معك قصة حب يتجاوب معك أكثر ويترك قصة الحب اللي بالحرام اللي عايشها الحين خاصة انه لها وقت والزمن كفيل ببرود العاطفة
هو مو عاطفي عقلاني وانا عكسه عاطفيه الحين صرت أحاول أفكر بعقلانيه عشان أكسبه
كنت أتنمى أن قصه العشق تنتهي بس الي أشوفه العكس

ماذا كان موقف أهلك لما تركك عندهم سنتين عقوبة على كلمتك ؟؟
هل عرفوا سبب العقوبة؟
هل عندك اخوان عاقلين و حكيمين ؟


يا اختي ما في شي اسمو يخليكي معلقة طول عمرك ، في قاضي شرعي بخلعك من زوجك و بخليه يطلقك غصب عنه
هذه ليست ورقة لصالحه و لا تخافي منها
و كما قالت احدى الاخوات تريثي الآن بموضوع الانجاب حتى يظهر لك مستقبل علاقتك معه
وأرى ان كان زوجك مستمر بالخيانة أو/ و لا يصلي ولا يؤدي حقوقك الشرعية من مسكن و طعام و وطء فارفعي أمرك للقاضي و اخلعيه
يعوضك الله خيرا منه !

أول شي أحب أوضح اني ماشيه معاك لأني فهمت انه الطلاق بالنسبى لك خيار غير مطروح .. ما تفكرين فيه وبالتالي بساعدك باللي طلبتيه ومو من حقي أحاول أقنعك تطلبي الطلاق لأنك تعرفي ظروفك أكثر مني وهذا قرار لك مطلق الحرية فيه .
وأحب أقول اني فرحانة في شجاعتك وصبرك ومقدرة مقدار الضغط اللي انت فيه ومقدار ايمانك الذي أحسبه عندك حتى توصلي للقناعة اللي عندك ...

أحترمك وأكبرك

موضوع العلاقة الخاصة صار تافه عندك لكنه مو تافه عنده ... ولازم نستغله :)

الحين أعطيتيني معلومة جديدة نقدر نستفيد منها ... البنت من بلد اخر يعني ما يقدر يتواصل معها جسديا .
وصدقيني نكهة التواصل الحقيقي تختلف عن نكهة التواصل بأي طريقة ثانية .. أدري انهم يتواصلوا بتليفون أو كام أوغيره لكن انت غييييييييييير .

الحين فكري معي ... هو شنو ياخذ منها ؟؟؟ ... ياخذ مدح وياخذ كلام عشق ويمكن جنس (خلينا نسميه جنس اتصالاتي ) .. أعطيه المدح وأعطيه كلام العشق . خل يمل من كثرة الرومانسيات منك ومنها .
هي بصفها الحلاوة اللي يضبفها الشيطان على كل شي حرام وانت بصفك حلاوة التواصل المباشر فإذا تساويتي معها بالفائدة اللي يستفيدها منكم الثنتين بالنهاية بيتركها . هذا أملنا :)

بالتالي لا تقوليلي انه يعرف انك تحبيه ... لازم تقوليها دايما وتذكريه فيها دايما حتى لو صدك بالأول لانه يشعر وكأنك ضد حبه مثل شعور الطفل تجاه زوجة الأب .. يحسها تبي تاخذ مكان الأم فيهاجمها بدون ذنب
كيف زوجة الأب الذكية تكسب أبناء زوجها ؟؟؟ تتحملهم وتحسن لهم الى أن يتقبلوها . صح ؟

لاتحاولي تسيئي لها بشكل مكشوف نهائيا لانه راح يكون أول المدافعين عنها .. لكن ازرعي الفكرة بعقله بشكل غير مباشر وخليه هو اللي يوصل للنتيجة بنفسه . مثل قصة المادة وقصة الحلال .. تقدري تظلي تعيديها بطرق مختلفة الى أن تتركز بعقله الباطن .

حتى لو قلت كلمة وبدأ بالهجوم فانت الحين عارفة متى يهجم وهجومه غير مفاجئ لك يعني تقدري تواجهي هجومه بهدوء وتمسكي أعصابك وتقولي ... لا حبيبييييييي بصوت ناعم غنج ,,, ما قصدتك أبد يا عمري ... أنا قصدي في ناس .. مو أنت ولا أي أحد بالذات .. بس أشوف حواليني بالمجتمع في ناس يبيعوا مشاعرهم عشام الفلوس .. تخيل قرأت بالنت عن بنات يتسلطوا على شبابنا الخليجيين بس عشان فلوسهم :eek:.. تنزل فيه كلام غزل وتعمل قصة حب وهو مسكين مصدقها ويرسل لها ويصرف عليها يظن انها تحبه عن جد !!!!!! ما ألوم هذول البنات .. حرام يمكن محتاجين وأهلهم ما عندهم فلوس . ولا ألوم شبابنا .. يعني كيف الواحد يقدر يفرق ؟؟؟ صعب ... ألوم الفقر اللي حاد هذول البنات يسووا كذي .

صدقيني حتى لو عصب بوقتها بيظل كلامك يدور براسه بكل مرة يرسل لها فلس.

وحاولي أي معلومة تعرفيها عنها تستغليها لصالحك

الحين نجي لموضوع العلاقة الخاصة :)

لا تطلبيه وما دام صار شي تافه بالنسبة لك فما راح تكون صعبة عليك .. خليك السهل الممتنع ... موجودة أمامه وبكل جمالك وأنوثتك ودلعك .. تحرشي من بعيد لبعيد .. بمشيتك .. بإنحنائتك وانت تتناولي شيء من الأرض .. بملامستك جسمه وكأنه بدون قصد اذا حاولتي تتناولي شيء من الخزانه اللي هو واقف قدامها ... ببوسه على السريع .. أو ضمة سريعة وقت طلعته من البيت .. لكن خلي تعبير وجهك خالي .. ولاااا كأنك تقصدي شي ... وأكرر لا تطلبيه نهائيا ...
مافيها زعل لانه هو ما يطلبك .. بالعكس انت فرحانة ومثل الفراشة بالبيت .

لكن اذا طلبك وهذا ممكن ياخذ أسابيع أو شهور الى أن يتحقق لا تمتنعي ... بالبداية لا تظهري لهفتك لكن لا تمتنعي ... وعند ساعة الجد أبدعي ... طلعي كل لهفتك وكلام واهات وخل يشوف الفرق بين الشي الحقيقي وبين الاتصالاتي .

كمان لا تنسي دعواتك له ... ادعي له دعوة حلوة كل ما صارت مناسبة .. عند طلعته من البيت وعند رجعته .
يمكن هو يشعر انه أهله بصفك وهذا يعطيه شعور وكأنكم ضده ... وصلي له معلومة انك تحبي أهله لانهم أهله يعني عشانه هو . طبعا لانهم أخلاق ووووو لكن أولا وقبل كل شي لانهم من ريحته .

طبعا أولا وأخيرا ... الدعاااااااااااء . الدعاء ... ما يفرجها الا ربك هو مقلب القلوب :)

نسيت شي :)

في حاجة ثانية تجذب الرجل .. تجذبه الانثى اللي تحتاجه ..

تقدري مثلا وهو طالع من البيت (( حتى لو كنتم متخاصمين وقال لك كلام يزعلك )) .. ناديه . فلان .. وحطي يدك على ذراعة تحت الكوع بلمسه خفيفة وقوليله .. ترى بيتك ما يسوى شي بدونك ..

تقدري ترسلي له لما يتأخر .. اشتقت لك .. ممكن لما يرجع يعصب وليش ترسلي أو كذا .. قولي له اااااه بس من قلبي .. هو اللي متعبني .. يقوللي ما يقدر يعيش من دون ما يشوفك . وروحي عنه .. لا تنتظري جوابه .

اذا قال لك انك ما عندك كرامة أو أي شي بهالمعنى .. قولي له .. عندي كرامة بس قاعدة أصبر نفسي وأقول اصبري يا بنت يمكن بيوم من الأيام يحب قلبك مثل ما قلبك يحبه وقومي واطلعي
ممكن يقول لك ,,, لا . لا تصبري .. ما راح يتحقق أملك .. قولي الله كريم واتركيه .

قوليله وأنا من لي غيرك ؟؟ انت أهلي وناسي كلهم .. كرريها بكل مناسبة .. مثلا اذا كنت مريضة أو تعبانه اطلبي منه يساعدك واذا تذمر قوليله وأنا من لي غيرك ؟ اذا جلست تشوفي تلفزيون اطلبي منه يجلس معك وقوليها .. اذا طلبتي منه يوصلك مكان .

طبعا مو من مصلحتنا يشوف أنك من غير حيلة أو يظن انك معتمدة عليه كليا لكن حاليا بنقول هذا الكلام وبعد فترة كل التصرفات هذي راح نغيرها وراح نغير كل الكلام بعد فترة شهرين أو 3 لما يبدأ يتغير ويلين قلبه أو على حسب التطورات اللي تصير .

حاولي تكوني صلة خير بينه وبين أهله .. ساعديه بتحسين وضعه ... استمري بمحاولتك تحسين وضعه الديني .. هذي كلها أشياء هي ما تقدر عليها .

أنتي السبب الرئيسي لأنك خضعتي له


بإختصار حالتك هذي هو يسعى لها من زمان وحصل عليها
(أمرأة : ترى وتسكت لاتطلب لاتفضح دمية في البيت، تخاف الطلاق)


بإعتقادي لن ينفع أي حل معه إذا لم يهده الله


.....................

أنتي خايفة من الطلاق أم التعليق؟؟

إذا كان الطلاق فهذا شأنك تريدين أن تبقي زوجة أو بمعنى أصح ضل زوجة ولا مطلقة

أما إذا كنتي تخافين من التعليق فهذا غير صحيح هناك محكمة وقضاة وشرع

لاحول ولاقوة الا بالله

عليك بالدعاااء والاستغفاااار

الحين مأجله فكره الطلاق جالسه أحاول محاولاتي الاخيره يمكن الله يهديه
صدقيني مو من صالحي أني أوصل السالفه للمحكمه راح يلف ويدور ويخلي الموضوع من صالحه وراح تطول السالفه بالمحكمه وراح يكرهني أكثر وطلاقي منه سهل جدا الطريقه الي راح أستخدمها في طلاقي منه مفكره أطلب تدخل أهلي وأهله لانه يحترم الناس اكثر من أحترامه لي و لاني يوم حاولت أشكي لأمه قالت لي يابنتي هو ميؤس منه دايم أنصحه من وراك وقول له عامل زوجتك با الحسنى بس هو الله يهديه مايسمع أنتي حاولي تصبرين وذا ماقدرتي ((( الله يعوضك بشخص يحترمك ويقدرك ))))) وهوالي راح يندم
فكرتي راح أقول لأمه أني أبغى الطلاق وراح تقنعه أنه يطلقني


الحمدالله هو شخص محافظ على الصلاه
تسلمين غاليتي على عذب المرور
دمتِ بألف خير