|
اقتباس:
شوفي الخاطب واسمعي كلامه بحضور محرم ان عجبك ودخل دماغك خير وبركه وان ما عجبك بلغيهم بالرفض بعد التفكير ، ولك مطلق الحق شرعيا في رفضه حتى لو كان افضل أهل الارض الزواج من رجل ذا خلق ودين امر محـبب لكن ليس مفروضا على الفتاة رجل بعينه لانه ليس الوحيد الذي يملك هذه الصفة ، فهي صفة تجتمع مع بقية الصفات التي تختارها الفتاة |
السلام عليكم ,,,حبيبتي وشلكِ بالحب على بالك سهل والله لترقدين على دمعتك
وتصحين عليها,, الحب نار يخليك مثل المجنونه تحسبينك راح تعيشين بجنه !!؟؟ لا لا لا لا لا والف مره أقولك لا [أحمدي ربك انك لسه مادليتي طرقيه اساليني انا أوله لذه وأخره نار جهنم قليله عليه !!] :19: |
قشطة البحرين شخبااارج
والله صدقيني انا سجلت الحين بس عشانج حتى ارد عليج لن انتي كاتبه موضوعي مو موضوعج هههههههه انا مثلج بالبحرين وتقريبا بعمرج اصغر شوي وهذا كل تفكيري اني آخذ شخص احبه او عالاقل اقتنع فيه مية بالمية ويعجبني من اول نظرة اشوفه اقول ايييه هذا هو نصيبي بس ماكو شكككثر دخلت مقابلات( طبعا احنا نقصد النظرة الشرعية بس بعض الاعضاء الله يهداهم عبالهم خلوة وشي حرام مدري ليش العقد هذا زواج لازم اشوفه ويشوفني وأسأله بعض الاسئلة المهمة جدا جدا جدا وعلى اساسها يمكن يكو ن الرفض او القبول) المهم اني دخلت يمكن 8 مقابلات ولا شفت الرجل المناسب يعني عادي مو شرط يعجبج لكن هذا مو يعني اني اوقف نصيبي انتظر الحب لالالالالالا انا مو معاج يا خيتي لنه بصراحه شباب هالزمن نادر ما تلاقين يحبون من قلب وثاني شي الشيخه انا كنت انظر اولا واخيرا المنظر الخارجي والشكل الجميل الحسن بس والله والله والله يا كثرهم الحلوين وهم قليلين ادب وذوق واخلاق بس مو معناتها تختارين القبيح ( لا احبذ اذكر هالكلمة) لا في اكيد اشكال تجوز لج بعد هذا خلق الله العظيم اللي كرم الإنسان ما في احد بشع اللي مو حسن بالمنظر اكيد حسن بالجوهر والعكس علشان جذي انا قررت اخلي الشكل على جنب شوي مو يعني استغني عنه تماما ولكن ما اخليه اولوياتي والحب يجي بعدين والله صج ويكون احلى من ما يكون تدرين من كم يوم وافقت على آخر شخص بالمقابلة مدري ليش عشان الكل مدح فيه بس يوم رحنا نفحص الفحص الطبي وشفته استغفر الله حسيت شي جاثم على قلبي كرهته بدون سبب ورجعت افكر والحين خايفه اقولهم غيرت رايي بحاول الليلة اقولهم قبل موعد نتيجة الفحص لني اذا شخص مو مقتنعه فيه من البداية بتكون ح ياتي عذاب ادخلي وشوفيه واسأليه هذي الأسئلة ولا تنسين شي اسمه الكامل , عمره,مستواه الدراسي,, المهني,, شلون علاقته بأهله وبالناس وبربعه,, شنو طموحه شنو هواياته ,,هل يعاني من مشاكل صحية نفسية او جسدية.؟ هل انت منفتح تقبل اني اعمل واسوق سيارة واكمل دراستي؟ هذا اذا تبين طبعا .. شنو المواصفات اللي تحبها بشريكة حياتك؟ هل مدخن اولا اذا يهمج طبعا ؟ عندك مكان اسكن فيه واذا ما عندك الحين بتوفره لي بعدين؟ هلون يعني اسألي اسأله مهمة حتى تكونون اثنينكم بالصورة وخلج بطبيعتج اهم شي بدون تصنع والله يوفقج يااااااارب واذا فيه خير الله ييسره لج واذا شر يبعده عنج يارب سوري طولت عليج |
اقتباس:
بس انتي جوفي طريقتها شلون تبيني انا اغير عاداتنه وتقاليدنه وانا شكوو اهلي على راسي وهي تشوفني مرتبكه من جذي فقد اعصابي خلاص شفته وبقولكم اشصار |
اقتباس:
كلامج كله صح بس مانقدر نغير عاداتنه ولو انا مابرضى ادش مقابله اهلي لازم انتي دخلتي فهيا حرام وحلال وشرع خب مابقعد معاه بروحي وبنسكر الغرفه |
اقتباس:
وشكله كان اوكي مقبول بس عيونه صغيره :( بس ما تكلم وايد شلون بعرف اسلوبه يعني بس ربع ساعهوهذي المده قليله وقال لي انه مايحب الدراسه وصراحه ماحسيت منه تشجيع عشان دراستي يعني قال اوكي كملي دراستج بس مو على بعض عشان مو تنشغلين عن البيت مادري ماحسيت فهمته وماصار الحب الي من اول نظرررررررره ياربي متحيره |
اقتباس:
مادري والله خيو كراه سالفت الزواج من يجيبون طاريه انعفس ويوم المقابله جنه يوم انتحاري مع انه هذه مقابله رقم عشره يمكن نسيت رقم جم وايد بس كل مره يصير اصعب واخاف اكثرر وماكان يسولف وايد سوالفه عاديه يعني كنت ابي واحد مثقف مو يقول لي ماحب الدراسه من جذي ماكملت مادري محتاره واهلي قاهريني اقول لهم قولو رايكم معاي يقولون هذي حياتج احس نفسي بدوامه محد يساعدني على القرار |
اقتباس:
دي نظرة شرعيه فقط للراحه النفسيه والقبول المبدئي مين قال لازم حب لاحول ولا قوة الا بالله استخيرى الله افضل |
اقتباس:
صديقاتي اغلبهم جذي مو مثلي داشه مقابله وطالعه من مقابله نفسيتي تعبت من مقابلات وخطبات فاشله كاني بضاعه كل يوم يدقون الباب ويجون يشوفوني ولا شخص من مقابله شلون بعرفه شلون بحبه؟ والمقابله كانت هاديه ماحسيت بالحب الي من اول نظره شكله عادي ماحسيته قال شي جديد او شي يلفت انتباهي او يجذبني عن وظيفته وعن اهله كان ودي بشخص مثقف مادري ماحسيت عرفته للحين واهلي محيريني مايرضون يقولون رايهم وياي :( |
اقتباس:
انا يمكن هذه رقم عشره مادري تعبت نفسيتي كله مقابلات واهني فهمو غلط خلوه او شي وهالاسئله كله تبخرت من الخوف نسيت كل شي تخيلي المقابله بس ربع ساعه ماحسيت نفسي عرفته عدل ومحتاره اقول الى اهلي قررو معاي مو رضين يعطوني رااااااااي تعبت نفسيتي وماحسيت الحب الي من اول نظره يعني انا اقصد اني مقتنعه وافكر فيه وانه هو خلاص هذه نصيبي هذه كله ما حسيت فيه دشيت غريبه وطلعت غريبه ماحسيت انسجام صار :( وخايفه اجازف واقول اي وبعدين مانسجم معاه .. والحين شلون اشبسوين مع الي خاطبج؟:26: ملقوفه انا |
| الساعة الآن 01:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©