|
بعيدا عن المثاليات
موقفك لا تحسدين عليه .. لكن لو مكانك ما اتحرك من بيتي .. لاني بقعد اكل في نفسي الييييين ما اشوفه واشفي غليلي منه .. انتظريه وقولي كل اللي عندك .. وقبلها كوني متعوذه من ابليس وقارية ايات من القران عشان ربي يشرح صدرك ويطرح القبول في كلامك اللي راح تقوليه .. وان اعتذر ووعدك بعدم تكرارها وحاول مراضاتك بشتى الطرق وباحساسك تاكدتي من صدقه .. فاقبلي العذر .. واطوي هذه الصفحة من حياتك .. الله يهدي سركم ياااااااااارب .. |
حبيبتي شوفي الي صار بزعل بس ماتروحي بيت اهلك بس يجي بتتفاهمي معاه وانت هلأ ثائرة من جوة
يمكن هما راحو بدون تخطيط فماحب يقلك عالتلفون مشان يفهمك بس يرجع عرواق يعني ماحب تصير زعلة وبالنسبة للضحك الي سمعتيه مش شرط ابدا يكون سمعهم اعتقد زوجك لو عندو غيرة مستحيل يعمل هيك من باب غيرة عليكي فما بظن انو سمعهم بس هوة يمكن ضحكو عشان بقول الدمام بدل البحرين مش شرط يكونو سمعوكي وضحكو عليكي او ممكن واحد من الاصدقاء قال شي بضحك او نكتة على زوجك وصارو كلهم يضحكو سوا لاتتعجلي وانتظري بس يجي افضل موفقة |
1 - لا تخرجي من البيت علشان تفرحي الشيطان ،،
أدري إنك محروووووووووووووووقة و حاسة بك ، بس إذا زوجك معطيك الإذن بالخروج من البيت فاخرجي مثلا أنا لو طلعت من بيتي ، خلاص عارفة إنه زوجي معطيني الإذن أخرج وقت ما أبغى و أنا من حالي يوم أرجع أو أطلع بأقول له أنا فين ؟ 2 - احتمال أصحابه يضحكوا من شئ آخر مثل ما قالوا الأعضاء 3 - اللي قالت لك الكلام ، أحيانا وحدة ما تقدر على زوجها فتقوم تحرض التانية على زووجها انتبهي 4 - استفيدي من الموقف من أجل تنفيذ مصالحك شغلي (كيد النساء) يا غالية 5 - سهره مو شرط يكون في مكان لا سمح الله سيئ بس قولي له ، هذا الشئ بينك و بين ربك مو أنا اللي أحاسبك (بس عشان تذكير بالله) ماحد يلومك ، إنت عملتي بأصلك بس استفيدي من الموقف من أجل تنفيذ مصالحك |
سفر الزوج من غير زوجته اكبر غلط وخاصة السعودية ديرة محافظة وخارجها الدنيا غييييييييييييييييييير والله فتن ومصايب والشباب اذا راحوا ماهم رايحين لااماكن طاعة اقلها بيقعدون يبحلقون للطالعة والنازلة وهذي حلوة وهذي واااو لا غض بصر ولا غيره بس الله الهادي |
لوكان في مكان سيء ماكان رد عليج من الاساس!!
لكن موقف لا تحسدين عليه .. لاتخلينه يسافر بروحه !! ويتعذر باذية الاطفال!! |
اول شي مالك حق تطلعين من بيتك ..
الشي الثاني يمكن لو حصلتي احد ينورك ما اتوقع راح يصير الزعل هذا كله ، وما راح يمارس دعاره ، يا اختي احسني الظن بزوجك ، بعدين البحرين مو كلها دعاره ، البحرين فيها مجمعات وسينما ومقاهي ، يعني مو شرط يروح لمراقص وفنادق ودعاره .. الشي الثالث انتي من حقك تزعلين ولا نختلف على هالكلام ، لكن زوجك ما قال لك انه مسافر للبحرين علشان ما يطيح في هالموقف والزعل لأنه كان عارف انك راح تزعلين وعارف انك ماخذه تصور ان البحرين ما يروح له الا واحد بيمارس الدعاره والشراب , فلذلك ما خبرك تقدير لك وكان خايف انك تفكرين تفكير غلط .. عموماً هونيها وهي تهون وازعلي بس ما يوصل الزعل الى خروجك من بيتك لبيت اهلك ، لان لو حصل زعل بينك وبينه وخرجتي لبيت اهلك صدقيني راح يكون الحق معه لانك أولاً اتهمتيه بأنه كان يمارس أمور مخله بأخلاقه وأدبه ولا وثقتي فيه ، ثانياً لأن الرجل ما ارتكب امر يستدعي أنك تروحي لبيت أهلك ،وكان عندك علم بسفره وكنتي موافقه ولا عندك اي اعتراض وهو سافر سواء للدمام أو البحرين .. زبدة الكلام أتوقع لو انه جاك خبر انه طلع من الدمام إلى الأحساء أو الجبيل ما اتوقع راح يكون حصل هذا الزعل لكن علشانه راح للبحرين ، هنا ثارت ثائرتك وما عرفتي تتمالكي نفسك وراح تفكيرك على طول انه يمارس امر غير أخلاقي خصوصاً أن الوقت كان متأخر وما راعيتي أن فيه زحام شديد في البحرين في الإجازه وأن فيه غير المراقص وفنادق الدعاره امور كثييييييره فلذلك حكمتي على زوجك هكذا بسبب نظرتك السوداويه للدوله المجاوره وبسبب نظرتك السوداويه لزوجك وتفكيرك الضحل الذي جعلك تسيئين الظن بزوجك ولعلمه بتفكيرك وطريقة تفكيرك اضطر انه يخبي عنك ، والا ليش صديقتك هذي علمتك بأنهم هناك ؟؟؟ لأنها معطيه زوجها الثقه الكامله ولأن زوجها يعرف انها ما راح تفكر بشكل سلبي .. وفقك الله |
شوفي حبيبتي صلي لك ركعتين وادعي من كل جوارحك انو ربي يبعد عنو رفقاء السوء ويخليه دايما في جنبك وعلى فكرة
انتي مثلا لما يكون بكرة راح يجي اليوم روحي لاهلك وخلي البيت مزين بالشموع والبالونات الخ .... واكتبي على باب غرفة النوم كان نفسي استقبلك انا بس لولا خداعك ماراح ينفع خلي اصحابك يستقبلوك بدالي . وانتي شوفي كيف راح يعض اصابع الندم اه نسيت وكمان حطي قميص نوم من الي بحبك تلبسيه فوق السرير والله راح يندم كثير وكمان لاتنسي الكيك فوق الطاولة .وربنا يهديه ويهدي جمييييييييييييييييييع الازواج . |
اقتباس:
.. هلا أختي ( بياعة الورد 2010 ) .. .. لاا يالغاليه , انا ما طلبت منك اعتذار ,, وما كنت اقصد شيء .. بس غرت على ( البحرين ) ,, خصوصا انه صارت مضرب للاشياء الا مو زينة ,, والكل صار يشوفها بلد لممارسة الدعارة وشرب الخمر ,, ,, مع انها والله يشهد على كلامي , بلد ناسها محترمين , وعارفين ربهم , ويخافونه , ويتقونه ,, ,, بس شنو انقول ( الله على الظالم ) ,, ولتعلمي عزيزتي ,, الشعب كله يرفض هذة الممارسات ,, ويرفض ان تقام على أرضه مثل هذه الاماكن القذرة ,, .. عزيزتي ,, نصيحة لوجه الله ,, لا تتركي بيتك ,, اما اذا قصدتي انك تزورين اهلك , وتغيرين جو ,, مسموح لك ,, روحي وزوريهم , وغيري جو ,, بس انك تروحي بيت أهلك زعلانه ,, لا ما نرضى عليك ,, انتي اختنا ,, ونحبك ,, ,, ونتمنى لك الخير , والسعاده , والراحة والاستقرار .. .. لذلك تعوذي من أبليس ,, وفكري زين ,, قبل أي خطوة ,, واذا رجع زوجك ,, أستقبليه ,, واحسني استقباله .. .. وبعد ما يرتاح ,, كلميه ,, بكل صراحة ,, وقولي له كل الا خاطرك تقولينه له ,, وقولي له عن تصرفه معك .. .. وعدم احترامك امام أصدقائه .. .. الله يوفقك ,, ويسعدك , ويريح بالك .. ولاتنسي تطمنينا عليك .. |
اختي ماانصحك تروحي بيت اهلك ولاترسلي الرساله يمكن تكبر براسه ويعاند اذاجاء بالسلامه عاتبيه عتاب محب وفهميه انك متظايقه ويارب يصلح حالكم ويذهب عنكم كل شر اميييييييين
|
اشكر كل من نصحني وشاركني همي
وابشركم ان المشكلة انحلت ولله الحمد:) بس قبل اقول كيف راح اوضح نقطة وهي اني مستحيل اشك فزوجي لكن الشلة اللي معاه متاكدة انهم رايحين فيها :( السالفة ومافيها اني جوالي خدمة موجود:25: ورحت لبيت اهلي وخلييت كل الاستعدادات على حالها طبعا زوجي رجع بنفس اليوم اللي طلعت ودق علي اكثر من مرة مارديت من بكرا صحتني امي تقول قومي ردي على زوجك يدق على جوالي انا خفت تنكشف السالفة قدام امي وفتحت الجوال ورديت طبعا هو كالعادة ركبني الغلط وهو منزه عن الغلط قلتلة انا عااااااااادي ان شاالله تروح للمريخ لكن لا تكذب علي وتضحك شلتك قالي امزح معك ودقيت عليك بقولك لقيته مغلق وهم يضحكون على شي ثاني وبدا يذكرني باشياء قديمة وتااااااااافهه لابعد الحود زعلتة فيها وعاقبني وجرمني ايام بسبتها واعتذرتلة عنها وسامحني قلتلة خلاص هذا شي قديم وانت سامحتني بعد ما عتذرتلك اللحين جاء دورك تعتذر قال وش اعتذر علية ما خطيت اخر شي قلتلة خلاص طيب وش تبي داق انا تعبانة وراسي صاكني ومو ناقصة وانتهت المكالمة بعد شوي ارسلتلة ان فية حلا وفطاير فالثلاجة خفت انه مادرى وقاعد ميت من الجوع :24: بعدين ارسلي رسالتين حلوات ومارديت لاني كنت تعبانه من راسي وكنت ابي اروح للمستشفى اخذ ابرة يوم جا الليل حسيت بضيق مايعلمة الا الله وقعدت ابكي الى الفجر خصوصا اني ما قدر اشكي لحد وارسلتلة رسايل عتاب واني ضاااااااااايق صدري ورسايل مؤثرة يوم صحيت لقيته مرسلي رسايل كثرة وقالي متى بترجعين ورحت لبيتي بنفس اليوم يعني نمت ليلتين عند هلي بس انقهرت انه ماجابلي هديه لا انا ولا العيال :29::29::29: لكن اهم شي المياه رجعت لمجاريها وتصافينا الحمد الله وخلاص توووووووووبه رجلي على رجلة |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©