المشاركة الأصلية كتبت بواسطة ملَك شادي (المشاركة 2146871)

حبيبتي ليش هاليأس هادا كلو؟؟؟

المشكلة انو رغبتك بالتغيير و التحسن هية الي حتساعدك نحو حياة مشرقة واحلا من كل جوانبها

بس المشكلة انك مابدك هيك مابعرف ليش

انت ليش زعلانة ؟؟؟؟ليش مابدك تتغيري طيب؟؟؟

وازا عالدكتور الي بدايقك لما يقرب مع انو هاي مهنته واكيد مش قصدو يتحرش فيكي

دوري على دكتورة

بعدين عقدتك الي بسبب التحرشات لازم لازم لازم تتغلبي عليها

ليش متشوفي اخصائية نفسية واجتماعية تساعدك وتفضفضي الها

حاليا خلي تعاملك مع الطب نسائي عشان ماتتدايقي اكتر
وحطي في بالك مش كل الرجال زي بعض

في رجال لو حطيتيه في غرفة مع وحدة والعياذ بالله من اياهم

ايمانه و تقواه يمنعوه من عمل شي ولو هية اقبلت عليه

وفي رجال بيدور عصورة من مجلة المهم اي اشي الو علاقة بالنساء

في رجال كويسين ومنهم زوجك الي بحبك وبموت فيكي صح؟؟؟


بعدين بدي اقلك سر لما شفت موضوعك الي عنوانه زوجي العزيز انا احبك

مش هيك كان عنوانه
والله لما قراته اتاثرت فيكي كتير

وكنت بفكر وبقول ماشاءالله عليها توتة نوت تتغير

لاني كنت بمر بفترة عصيبة انا كمان كنت نكدية جدا ومشاكل دايما تافهة مع زوجي ومدايقة من حالي كتير

وكنت بدي ارد عليكي واسالك كيف خطوتي نحو التغيير وشو عملتي وهيك

كنت بدي اقتدي فيكي

بعدين قلت خلص انا حتغيررررررر من كل قلبي عشان ازواجنا يستاهلو

والله بقول هالكلام من قلبي مش تشجيع او اشي

يعني اعجبت فيكي يومها ماشاءالله تبارك الله عليكي

فليش هلأ تحبطيني وتزعليني منك؟؟؟


ياحياتي لازم تنوي تتغيري

كل حياتك حتتغير

الانسان لو شال اليأس وقرر يتحسن بتحسن

بس مشكلتك انك يأسانة


ليش بدل متزوجي زوجك بوحدة جديدة
زوجيه حالك مرة تانية بس كوني انسانة جديدة


عندي اقتراح

دوري عدكتورة نفسية ممتازة و فاهمة ومتفهمة وقريبة للقلب

وروحي الها مرة مقدمة يعني تشوفي لو عجبتك او لا

ولو ماعجبتك دوري غيرها

ولو عجبتك خلص اتفقي معها عالجلسات العلاجية

وزوجك احكيلو قرار انك بدك تروحي بيت اهلك طوال فترة العلاج

وكوني بهالفترة قريبة من الله واستغفري كتير كتير

واقبلي عالحياة والدنيا والله الحياة حلوة ازا عشناها بالحلال بما لا يغضب الله

اتفسحي اتمشي في الحدائق في البحر بتحسن النفسية كتير

مع العلاج النفسي والقران والرقية الشرعية

ولما الله يتمم عليكي العلاج

اشتري كتب كيف فن العلاقة الزوجية بين الازواج وخاصة في السرير

وشوفي عالنت مواقع كتير تشرح هالامور بطريقة محترمة ومؤدبة بدون اخلال بالادب

ويعني ارجعي انسانة تانية

بعدين اخر فترة اعملي نيو لوك نقصي وزنك لو محتاجة طبعا نقصان الوزن بياخد وقت لهيك ابديه من الاول

واهم شي التغذية الجيدة والاطعمة الغنية بفيتامين ب هادا خليه طول حياتك إن شاء الله

عشان اهم اسباب الكابة النفسية و ضيق النفس

نقص فيتامين ب المركب لانو في ب5 و ب6 و كتير

لهيك ركزي وخدي مكملات لو لزم بعد استشارة الطبيبة

واستخدمي التلبينة فهي من الطب النبوي والرسول عليه الصلاة والسلام كان يوصي بيها لما يصير حزن او عزاء في احد البيوت

(عليكم بالتلبينة فانها تجم الفؤاد) يعني بتساعد على تقليل الحزن وتهدية البال والاعصاب

لانها تحتوي على دقيق الشعير الي مليان مليان مليان فيتامين ب

وهية طريقة عملها بسيطة

وعفكرة بوصو بيها للوالدة عشان كابة بعد الولادة


المهم عملها بسيط انا هيك بعملها
لانها كمان بتدر الحليب


المهم بتحطي عالنار كوب حليب قليل او كامل الدسم براحتك

وبتحطي عليه ملعقة كبيرة دقيق الشعير او ملعقتين انا نسيت زمان ماعملتها بس مش فرق عادي
وبتحطي عسل للتحلية او سكر

وممكن تحطي ملعقتين كبار دقيق شعير عكوب ماء وبس يغلي تضيفي الهم كوب حليب وملعقة عسل


وبتقلبي

عنار هادية جداااااا لغاية متغلي عنار هادية جدا وتتكثف وتصير كثيفة يعني بدها ربع ساعة بس انا عالسريع بتخلص معي خمسة او عشرة بتخلص

واشربيها بالملعقة وزاكية شبه السيرلاك هههه او المهلبية حتى

ومفيدة جدا للصحة مش بس الاعصاب والنفسية

فيها كل الفيتامينات والمعادن

ومافي احسن من وصفة نبوية عن خير الانام

الها عدة طرق اخر ردي حوردلك مقالات عنها لتشوفي مدى جمالها وروعتها

وازا حابة اعتمدي طريقتي انا بعملها هيك ولزيزة كتير

الله يخليكي فكري بالي قلتو الك


اه واكملك بالاخر بعد العلاج وكل الامور هاي بتروحي كوافيرة بتعملي قصة حلوة وصبغة وبتزبطي حالك وجسمك وازالة الشعر

و بتعمل مينيكير وبديكير (عشان ماحد يفهمني غلط ويقلي والصلاة والوضوء) مش شرط تعملي مناكير فوقو هادا مختلف ازالة الجلد الميت وتقليم الاظافر و تنظيفها و بردها وقصها بالطول الي بتحبيه ممكن قصير عشان السنة احسن

و يعني كمان هيك رجليكي بشيلو الجلد الميت وبنعموها الك وبرجعو ايديكي ورجليكي زي الفل
ومالو علاقة بالصلاة ولا بعيقها ابدا اكيد فهمتي الي قصدي عليه

واشتري كم لبسة جديدة خاصة ملابس غرفة النوم

وزبطي نفسك وجيبي لزوجك هدية و روحي عالبيت لما يكون مش موجود وزبطي مفاجاة رومانسية واستقبال حلو

وحياة جديدة عليكو انتو الاتنين

و اكتبي جمل تدل على بداية جديدة لحياة حلوة إن شاء الله

زي مثلا مرحبا بك في زواجك الجديد

وعروسك الجديدة

نبارك لك زواجك

وهيك انو دليل الحياة الي راحت ماكانت زواج وانو بعد التغيير والتحسن الي حيصير معك حتصير الكو زواج عنجد وحياة جديدة كلها هنا وحب وسعادة

انا ارجوكي تنوي انك تتغيري وتتحسني

والله حفرح كتير لو تغيريتي بجد وتغلبتي على حزنك وهمك

واتقربي لله ومافي احسن منو وانت لما تعرضتي للتحرشات انظلمتي ودعوة المظلوم سهم لا يرد

فادعي الله وقولي يارب اانا انظلمت ومالي ذنب ويارب انت عالم بكل اشي

يارب هون وخفف عليه يارب دعوة المظلوم لاترد ماتردلي دعوتي وحسنلي حياتي ونسيني كل الي راح يارب

واجعلني سعيدة مع زوجي

باختصار ادعي لانك مظلومة انو الله يغير كل الي مزعلك وينسيكي ويشفيكي من همك


الله يفرحنا فيكي يا توتة

والله انا صرت اتزكرك كتير الايام هاي عشان مرات بدلع ابني توتي هههه

بتزكر توتة الي هية انتي:)


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ



معلش لو طولت عليكي وبس اقريهم وادعيلي

وبالنسبة لبنتك هية طفلة وبتحب اللعب والمرح و البسط والضحك

لما تلاقيكي مكتئبة وحزينة

وتلاقي جدتها مرحة بتلاعبها وبتبسطها وبتعيش معها طفولتها اكيد حتحب تكون معها اكتر منك

الطفل بحب السعادة حرام مابحب الحزن والضيق

لهيك عالجي نفسك عشان ترجعلك بنتك وتكوني سعيدة وتسعديها

لانو هاي بنتك حرام حد غيرك يربيها وحد غيرك تتعلق فيه

:) الله يوفقك

وبلاش فكرة الزواج التاني

خليه بتزوجك من جديد زي مقلنا

المشاركة الأصلية كتبت بواسطة ملَك شادي (المشاركة 2146895)

هلأ شفت قصة الانتحار !!! مش معقول وين ايمانك ولا مابتعرفي جزاء الانتحار في الاخرة

؟؟؟


ان ماكنتي عارفة اتفضلي اقري هون

والله يخليكي كلو الا الانتحار حرام علييكي تحرمي بنتك منك

بلاش بنتك انسي

بس فكري بالعقوبة الاخروية يعني انت هلأ بتتعزبي بالدنيا وكلو ماجورة عليه

وبالاخرة بإذن الله رب العالمين مابنساكي وبعوضك اياه بالحسنات والجنة إن شاء الله

فما في داعي تخسري حياتك واخرتك






عقوبة الانتحار


إن الله هو الذي وهب الحياة فيجب أن ندع سلب الحياة إلى من وهبها .
يقول الله عز وجل في حديثه القدسي "بادرني عبدي بنفسه فتحرم عليه جنتي" .
وعن أبي هريرة رضي الله عنه ‏‏عن النبي صلى الله عليه وسلم قال (من تردَّى من جبل فقتل نفسه فهو في نار جهنم يتردَّى فيه خالداً مخلَّداً فيها أبداً ومن تحسَّى سماً فقتل نفسه فسمه في يده يتحسَّاه في نار جهنم خالداً مخلَّداً فيها أبداً، ومن قتل نفسه بحديدة فحديدته في يده يجأ بها في بطنه في نار جهنم خالداً مخلَّداً فيها أبداً) ............ (رواه البخاري).
لأن هذا الإنسان أخذ الحياة التي وهبها الله له ثم سلب هو الحياة بنفسه وهذا ليس من حقه وإن الذي ينتحر لا يفعل ذلك إلا لوجود أسباب ضاق عن احتمالها وفي هذا نقص للإيمان فإن تعرض المؤمن لأحداث مكدرة أو لظروف قاسية يرجع إلى ربه فيكون له أنساً وقوة وملاذاً فيقوى على مجابهة الأحداث والظروف التي يمر بها ، ولذلك قال الله تعالى { ألا بذكر الله تطمئن القلوب } ...... (الرعد 28) .
وقال عليه السلام "عجباً لأمر المؤمن إن أمره كله خير وليس ذلك لأحد إلا المؤمن إن أصابته سراء شكر فكان خيراً له وإن أصابته ضراء صبر فكان خيراً له" (رواه مسلم وأحمد)

المشاركة الأصلية كتبت بواسطة زوج عتيق (المشاركة 2146918)

المشاركة الأصلية كتبت بواسطة ملَك شادي (المشاركة 2146930)

الله يخليكي تشجعي اكتر واكتر واكتر
بعدين حد قلك انا بعرف لوصفات الجدات القديمة هههه بس هاي سهلة كتير
خلي ام زوجك تعملها مافي مشكلة
بس المهم نفرح فيكي يارب
احكي التطورات كل يوم والله يخليكي خليني انبسط فيكي

المشاركة الأصلية كتبت بواسطة noora (المشاركة 2146933)

المشاركة الأصلية كتبت بواسطة & نور دبي& (المشاركة 2146943)

الله يشفيك ويشرح لك صدرك

اطلبي العون الشفاء من رب العالمين