|
اقتباس:
يا رجااال ما قلنا لك طلق .. لكن كمان لا ترمي نفسك عليها و تبين لها انك ملهووف .. اعلم يا اخي ان حست زوجتك منك هذه اللهفه فانها سوف يكبر راسها عليك و راح تكرر نفس الغلطه معك .. خليها بيت اهلها فتره و لا تتصل عليها عشان مو بس هي اللي تخاف كمان عشان اهلها يخافون على حياتها و ينصحوها انها تتسنع معك و تصير امرأه عاقله تحترمك و تهتم في بيتها و اولادها .. انتظر اسبوعين او ثلاثه اذا ما جاك خبر منهم انت رح لاهلها و اجلس مع ابوها و امها و اشرح لهم كل شي قل لهم انها مقصره في امور بيتها و ان الاولاد على طووول مع الخادمه ..( يا اخي ما تعرف مساوئ الخادمات على كثر ما نقرأ من مشاكلهم مع الاولاد ؟؟ ) واذا اعتذرت منك و تأسفت و رجعت للبيت لازم يا اخي تغير من اسلوب حياتكم .. لازم تحسسها انك زعلان و ماخذ على خاطرك منها خلها هي اللي تلاحقك ملاحق عشان تراضيك .. مو من تدخل البيت على طوول تدللها و كأنك انت الغلطان .. خلها تحس بخطأها الكبير اللي ارتكبته في حقك .. اذا هي ما تحترمك اعرف ان حتى عيالك ما راح يحترمونك لان تصرفها ينعكس على تربيتها للأولاد لازم تحاسبها على اي غلط اول بأول .. لا تخلي الامور تتراكم بينكم لحد الانفجار .. كلنا ازواجنا يحبونا و يدللونا لكن مو لهذه الدرجه .. عالج يا اخي الخلل اللي في حياتكم او راح تكرر نفس المشكله .. |
الله يسعدكم
آممم عندي لك طريقة رايقة أحجز ليلتين بالفورسيزون ولا الفيصلية وخليهم يجهزون لك الغرفة من ورد منثور وشموع وقاتوة وعصير ورح وخذ زوجتك من بيت أهلها على أنك عازمها على العشاء عشان تتفاهموو وروحو مطعم وتعشوو وسولف معها عااااااادي كأن مافية شي بينكم وقول لها كلام حلوووو ولما تحاول تكابر عليك ولا تقلب الموضوع جدي سكتها أنت بطريقتك مرة حط يدك على فمها وقول لها بس أبي أتأملك الليلة لا تحرميني ,,, او بوس يدها وقل لها ممكن تستمتعي بس وتبطلي دلع ,,,,,,,, حركات مثل كذا اممم و تكون أنت شاري لها هدية وبعد ماتجلسو على الطاولة تقوم وتروح السيارة وتجيبها وتعطيها قرسون وتتفق معة أنة هو الي يخدمكم وياخذ الطلبات وبعد الأكل تنادية عشان تطلبو الفاتورة يجيب لكم بهالوقت الهدية وأكيد هي بتتفاجئ لما يدخل القرسون ببوكية ورد وعلبة مغلفة امممم والهدية موبايل جديد او دبلة جديدة <<< أحس أحلى الدبلة عشان تلبسها اياه مع كم أمنية منك لها أنو ترجعو مثل أيام زواجكم وبلاش نكد وطوالة لسان وبعدها تطلعو من المطعم للأوتيل وتجلس تتغزل فيها وبعد ساعة او ساعتين غزل ومصارحات أطلب كل الي تبية منها وصدقني بتوافق على كل شي وهي ماتشوف الدرب ههههه وبتتأسف منك بعد على الي سوتة معاك قضو لكم ليلتين حلوين وأرجعو بعدها لبيتكم وكأن شيء لم يكن " واذا تبغى مطاعم رايقة وخدمتهم ممتازة عندك بالرياض مطعم الريف اللبناني أو الريف الأيطالي ’ مطعم أمووري ’ مطعم كوبر شندني الهندي كلها بالتحلية وأنصحك بالريف اللبناني لأن أكلهم حلوو والقرسون الي فية كلهم لبنانية وبيفهمو عليك " وبرضووو فية شغلة أنت من كلامك تقول أنو زوجتك عنيدة ممكن ماترضى تطلع معك او تقابلك عاد أنت أعرف بزوجتك تقدر مثلا تتفق مع أخوها يجيبها لك في المطعم وهي ماتعرف اوأتفق مع أمها أنك تطلع لها الغرفة تتفاهم معها وبأسلوبك وخبرتك تعرف نقاط ضعفها والي تسطلها وماعاد تقدر تركز لما أنت تسويها يالله بالتوفيق يارب وان شاء الله ماعاد فية نكد بعد اليوم :) |
[QUOTE=~✿{ hή0ŏҒŷ;2112946][size="4"][color="magenta"][align=center]آممم عندي لك طريقة رايقة
أحجز ليلتين بالفورسيزون ولا الفيصلية وخليهم يجهزون لك الغرفة من ورد منثور وشموع وقاتوة وعصير ..... لا أتفق معك .. طريقتك فيها نوع من الدلال لا تستحقه هذه الزوجة وقد تفهمه على أنه نوع من التنازل أنت أخطأت بدلالك لزوجتك والتنازل عن حقوقك كل هذه الفترة وهي أخطأت بالتمادي لتساهلك والفهم الخاطيء للحياة الزوجية لن ينصلح حالكم ما لم توضع نقاط وحدود وفهم صحيح للعلاقة الزوجية ما لها وما عليها (جلسة مصارحة) تساهلت فتحمل ردة الفعل .. ورغم أنك صحيت متأخراً .. هذا أفضل من أن لا تصحى أبداً زوجتك حلالك ولا حواجز بينكم في أن تأدبها بالطريقة التي تراها سليمة ولا تنافيء الشرع والذوق وان حدث وبادرت بالضرب فقد بادرت هي بالشتم دعها عند اهلها والتزم الصمت حتى تراجع نفسها وحساباتها |
اقتباس:
|
سؤ فهم :(
أنا مندهش أتفق معاك في كلامك وأنا برضو أشوف أنة يخليها فترة عند أهلها لحد ماتهدى نفسيتها وبعدين يتفاهمووو سوى بس كلامي الي فوووق وأنت أقتبستة كان طريقة لأرجاعها مثل ماهو طلب هنا " بجد حنيت لها وانا امووووووت فيها والله البيت بدونها ما يسوى صح غلطت علي غلطه كبيره بس وش اسوي اعشقها لدرجه الجنون كنت اكابر واقول بطلقها بس لما اجلس البيت وحدي واذكرها ما اتحمل حياتي بدونها والله فكرت لو اني طلقتها ولا اقدر ارجعها الحين كأن بنجن لأني ما اقدر اتزوجها مره ثانيه الا لما تتزوج هي وتتطلق ( بجد حسيت بشعوركم يالبنات لما تفكرون ان ازواجكم يتزوجون عليكم) والحمدلله على ما صار واني ما تهورت لأني كنت مصمم اني ما اكمل حياتي معها . الحين هي عند اهلها وش افضل طريقه اني اصالحها وفي نفس الوقت هي تحس انها غلطانة لأنها اول مره يصير منها هالسالفه وبسامحها بس والله اهم شيء عندي انها ما تسوي ما سوته لأني ما اتحمل هالشيء وفرقاها اهون علي " : واضح أن الأخ يحب زوجتة ومتعلق فيها ومسألة أنو ألفاضها كانت جارحة خلال يومين مو مشكلة كلنا نمر بضرووف ويمكن هي أحد مسمعها كلام من هنا ولا هنا هو الي قالب نفسيتها أنا حبيت أخدمة وأعطية على طلبة طريقة لأرضائها فقط وأصلا بعد هالي بيسوية بيكون هو المتحكم ومثل ماقلت فووق أنو لو يطلب مدري أيش ساعتها هي بتوافق وتستحي على دمها لأنة ماقصر عليها بشي وتكون رضاوة وجلست مصارحة وترتيب ورق بنفس الوقت |
اقتباس:
يا اختي الواحد مننا احيانا يغضب لكن المفروض يتحكم في اعصابه و ما يغلط على شريك حياته و يقلل من احترامه .. الا الزوج مكانتة كبيره لازم الزوجه تحترمه .. هنا تأتي دور قوامة الرجل .. ولا اقصد الضرب .. لا .. لكن التأديب .. مثل النصيحه .. الهجر .. يتركها في بيت اهلها فتره خاصه انها سبته و شتمته ... وحتى تشعر الزوجه بفداحة غلطها و حتى تعرف مدى غضب زوجها عليها .. وبعد ما يتصالحون و يتفااهمون و يتصارحون (ليس بالطريقه التي ذكرتيها فهذه الطريقه لا تصلح لهذا الموقف) لازم الزوج يتعامل مع زوجته بنوع من الحزم حتى الزوجه الدلووووعه ما تتعدى حدودها و تقل ادبها على زوجها .. الى ان يتأكد بانها اعتدلت .. ولا يرجع يدلعها مثل السابق لان هذا النوع من الدلال يفسد الزوجه .. انما يكافأها اذا احسنت معاملتها معه و ادت واجبها تجاهه و تجاه بيته و اولاده على اكمل وجه .. |
اقتباس:
|
اقتباس:
شيء مضحك حقاً !! :d اعذرني اخي اذا ضحكت ليس سخرية بكم ولكن أضحك على عقول الرجال بصراحة !! الآن صدّقت أن الرجل فعلاً ماهو إلا طفل كبير !! هكذا يقول علماء النفس .. كلمة توديه وكلمة تجيبه ... والحريماااااات ياشطنهم :18: يأخذون عقول الرجال إذا حبوهم حتى لو هو مكفخها :d شوفوا شلون أخونا المحب للحقيقة كيف حنّ لزوجته ؟؟ مع أنه مكفخها لين ماقالت بس !! و كما ذُكر في كتابه العزيز ( إِنَّ كَيْدَكُنَّ عَظِيمٌ) يوسف اية 28 لكن فعلاً الآن تأكدت ماينفع مع الرجال إلا العين الحمراء !! :18: والله شكل ماعرف لك إلا زوجتك قوية ماشاء الله عليها :22: ليتها معنا نسمع القصة من طرف آخر ..... أرجوا أنك تجلس معها جلسة مصارحة ولوحدكم وناقشوا المشكلة بهدوء وبدون تدخّل أحد وبالنسبة للمصاريف والفشخرة الزايدة قرر معها أنك تصرف لها مصروف معين نهاية كل شهر ماتزيد ولا تنقص عنه وخلها ماتسألك غيره لو وش ماصار !!! ترى الدلع والفشخرة حرام وكل شيء بحدود المعقول بكرى تجينا حرب وبلاوي وتجلسون على بساط الفقر .. ترى الدنيا دواره .... والله يسألنا عن أموالنا ( وعن ماله من أين اكتسبه وفيما أنفقه ) أو كما قال صلى الله عليه وسلم وترى الكشخه مو بالماركات وغيره العبرة بالذوق نفسه ياما وياما شفنا ناس تلبس ماركات ولبسهم قبيح وناس تلبس من أبو 10 ولبسهم قمة بالذوق والأناقة .. الله يصلح مابينكم .... ننتظر تبشرنا برجوعها . . . الإشراف[/warning] |
اقتباس:
اتفق مع هذا الرأي الله يصلح أحوالكم بس أثقل شوي وانشر اشاعات انك راح تخطب و الله تجي تركض |
عزيزي
لازم تضحي باشتياقك الحالي من أجل باقي حياتك رجوعك لها بالبساطة هذي دليل إنك أنت اللي طلعت الغلطان ولا أعطيتها وقت تفكر إن الغلط منها فجلوسها عند أهلها لفترة طويله راح يعطيك نتائج تريحك طول حياتك وانت إنسان مش فاضي للمشاكل وعلشان تقاوم الاشتياق اللي تمر فيه أنصحك تسافر برى دولتك علشان تحس إنها ما عاد تشكل لك شيء وإنك مسافر للاستجمام والوناسة والفرفشة والله يوفقكم |
| الساعة الآن 08:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©