|
الحمد الله والشكر على نعمه التي لا تعد ولا تحصى
|
زوجي الحين بيجي قولولي وش اسوي عشان يحس ان الي يسويه غلط
|
حسبي الله على الحريم أمووووووووت وأدري وش تبغون بالظبط يعني وش اللي يرضيكم جننتونا صدق من قال إن المرأة شر لابد منه . والله يا أختي إنك بكلامك هذا تجعليننا نخاف من الزواج. وبعدين شكل أهلك مدلعينك ... أشوفها طنت راسك تبي تروحين لهم على طول ... والشرهه عليهم إذا كانوا يبي يستقبلونك من دون يسألونك . على العموم أبسألك سؤال لو زوجك عنده حرمه ثانيه على طول تبي تطلعين من البيت وإلا تخافين تتشمت فيك الضرة؟؟؟!!! |
والله اهلي لا دلعوني ولا شي معاملتهم حلوه
الله يخلي لي ماما بس انتم ماتشوفون الي مسويه غلط طيب يعني انا حساسه زياده عن اللزوم معقوله؟ والا افهم غلط طيب هو جنني كل ما اطلب منه شي يطلع روحي وخاصه اذا شي في البيت وبعدين اهو في نعمه والله انا مو مغروره ولا شي بس انا حاطته بعيوني ومدلعته واحترمه واقدره وطيبه جدا ولساني مو طويل ولا اعرف المشاكل بس انا صبرت وتعبت حتى زعلي يضحك ازعل واول ما اشوفه اضحك عمركم شفتو وحده زعلانه وتضحك عشان كذا انا اقول انه مايهتم يلبي طلباتي لانه عارفني مانيب راعيه زعل ومشاكل |
تاكدي ان مو قصده بخل او مستسخر فلوس في الغرفة السبب كله كسل رجال ومعروفين يحبون يؤجلون كل شي مو زينا يا الحريم حارات
قوليلة وش رايك اروح مع امي واختار غرفة واقولك عنها وتجيبها لان شكله من النوع اللي يزمل من الروحة معك للمحلات وما يحب السوق ابدا لكن تزعلين وتخربطين عليه المسكين وتستغلين حبابته ترى والله تندمين بالاخير ترى الرجال يسكت ويشيل بصدرة وفجاه ينفجر مقدرك ومقدر اهلك ومحترمط وش تبين اكثر من كذا الغرفة وبتجي بس السلف لا عاد تتعودينه اهانه لك وله انك تتسلفين من اهلك تعطونهم وتروحين تاخذين منهم انتبهي ونصيحة مني لا تتسلفين ترى احفظ لكرامتك وكرامة زوجك |
والله إني لأخشى ما أخشى ويكون تفكيرك سامج مثل بعض الحريم تنفضون الزوج بالطلبات علشان تخلص فلوسه ولا يتزوج عليكم . يا أختي عليك بزوجك وأولادك فهم أهم من أهلك لإني قلت في مشاركة لي سابقة أن والداك لن يبقوا في الدنيا على كيفك وبالتالي سوف تحلين ضيفة ثقيلة على بيت أحد إخوانك في المستقبل إذا ما تعدلتي . وأنا في موضوعك كله أرى إن أمورك تمام مع زوجك إلا إن كان زوجك يتمتع بصفة البخل عندئذٍ لا ألومك إذا حطيتي في خاطرك ... بس هذا لا يعني أنك تقشقشين عفشك وتروحين لبيت الماما ... لأن الماما مو دايمة لك ... يعني يجب أن تواجهيه وتجلسي معه جلسة خاصة وتشعريه بأن هذا الموضوع يجلب لك الأرق فلا بد من حل وسط ... لعله يبين لك أمور كان يخفيها عنك ... لأن الديون الأن طالت التجار فما بالك في موظف عنده محل بسيط . والله إن راتبي فوق الستة ألاف وعندي محل وعزوبي وإلى الأن لم أوفر ريالاً واحداً ... عجزت مصاريف الحياة بالهبل . |
ماعاد فيه بنات يتحملون الزواج ... دلع في دلع
|
يا اخوان وش فيكم علي اولا انا مو وحده متطلبه والمفروض انكم تعرفون الشيء هذا من خلال التمعن في المشكله
انا لي 3 سنوات ماعمري رحت بيت اهلي وزعلت الا لما فاض قيني الكيل صح هو طيب وانا بعد اطيب منه ومنناحيه الطلبات انا ما طلبت سفره ولا فلوس على شي مايستاهل انا طلبت انه يهتم في بيته مو حلوه في حقه حالته الماديه زينه وبيته فاضي من الاثاث وكل هذا من العجز ولانه اصلا مايحب يصلح شي في البيت الله يهديه ممكن يصرف فلوس في اي شي بس البيت ما يهتم ياريت تساعدوني في كيفيه اقناعه وتغيير ه للافضل احسن من الكلام الي ماله داعي |
عندي فكره سويتها لما جيت اشتري غرفة نوم
بما انو زوجي عجاز وكسول ومايحب الأسواق وكل يوم بكره بكره لفلفت السوق مع اخواتي ومع اخويه الله يحفظهم الين استقريت على غرفه وراح اشتراها لي انتي اقترحي عليه واسأذني منه تسمحلي ادور مع اهلي وبعدين انت تشتريها لي ؟؟ جسي نبضه |
اللحين كل هذا عشان غرفة نوم وفرشة ..
والله حرام ماتسوى الزعل وروحة لبيت الأهل عشان كذا .. لايسمعك احد بس!!! ياأختي في ناس ينامون بالعراء !!!! فكري بغيرك ومشاكل غيرك .. خذي لفة على المنتدى وشوفي المشاكل والله ان تسجدين طول عمرك شكراً لله .. حتى بعض مصاريف اهلك ماشاء الله مو مقصر .. شوفي أمك لأنها مرت بتجارب الحياة دايم توصيك عليه .. انتبهي لبيتك وزوجك .. وخذي حاجاتك بالهدوء والأسلوب .. والوقت المناسب .. وقبل كل شيء شوفي وقت زوجك وراحته .. حتى يقدر يلبي طلبك .. آآآسفة ان قسيت عليك ... وماذاك إلا لأني اتمنى لك الخير .. تحياتي.. || |
| الساعة الآن 04:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©