|
اخوي رجل الرجال
ماعندي احد اقوله صارت مجنونه ياناس ماشفت في وجهي الا عيادتك ودخلت هنا ماابقي وصفات ولا علاج ابقي اتكلم وابقي اصيح والله متضايقة وزعلانه على نفسي حظي زفت كل سنه احط الامل اني اتوظف وتتغير حياتي الى الافضل واعيش مثل الناس ليش مااحد يسمعنا نموت من القهر كل يوم آآآآآآآآآآآآآآآآآآآآآآآآآآآآآآآآآآآآآآآآآآه والله قهروني اليوم ظهرت اسماء الدفعه الاولى في الديوان وماظهر اسمى ماعليهم وانا من نوع الي ماياخذ في خاطره عليهم لاني متوقعه كل سنه هالشي .. بس مع قرارت الملك عبدالله الله يحفظه كبر الامل عندي بس اليوم تحطمت ودي انتحر حلفت اني انتحر ليش انا كذا مادون كل البنات ليش الدنيا ماتضحك في وجهي والله فيزياء مجال صعب واجتهدت فيه ماعمري حملت ماده حتى بديله ماصارت ........... مش قادره اتكلم خلاص سكرت الدنيا ابوابها في وجهي:24: .. |
مستشارنا الفاضل ,, أنا عندي تجربة مع أخوي اللي أصغر عني بـ سنة حبيت آخذ رايك فيه واحتاج لـ توجيهك الكريم وأعتذر عن عدم ترتيب وتنسيق الكلام لأن اللي اكتبه عصف ذهني ونبذه بسيطة عن التجربة أول شي نحن اربع { ولدين وبنتين } الاثنين الكبار تزوجوا واستقروا وضلينا انا واخوي اللي اصغر عني {صاحب التجربة} بإختصار هو الآن عمره 24 سنة وعلى رأس العمل وأموره زينة الحمدلله أبرز السمآت الشخصية فيه : كتوم جداً , هادئ , لا يبوح أبداً بما يجول في باله , شخصية عصبية قليلاً , حسااااااااااااااس لأبعد حد ممكن , يتأثر بنص كلمة , آخر العنقود عطوف ورحيم جداً .. بقول موقف من مواقفه اللي أدهشتني كان في الداوم ورجع البيت بدري وايد وفي إيده طير صغير توه فقص من البيض ووقع من على الشجرة خاف عليه من الحر والبرد وأستأذن من المدير أخذه ورجع الى البيت وجلس في الصالة وله خبرة كبيييييييييييرة في تربية { عزكم الله } الحيوانات من كثر ما يشوف قنوات ثقافية وناشنال جيوغرافيك واهتم في هالطير لين ما طلع له جناح وعلمه كيف يطير وبعدين افرج عنه ..! وهو في قمممممممممة السعآدة مشكلة أخي { لا يُصلي } اذا بقول حق أي حد من العائلة انه ما يصلي لا يمكن يصدقوني لأن مثل ما ذكرت فوق هو كيف شخصيته كل شي فيه فوق الممتاز لكن هالولد ما يصلي إلا بالزور ...! حاولت معاه وايد طرق اللي استخدمته 1- اهديت له سي دي للسيارة عن هالموضوع 2- وقت الصلاة سكرت التلفزيون وكل شي ووقفت وكبرت وصليت جدامه 3- خوفته وايد من اللي يسويه 4- راويته قصص وصور لسوء الخاتمة 5- زعلت وما كلمته ويرجع يراضيني 6- امي معاي من الجنود المجندة ما نكلمة وما نعطيه ريج حلو ونخوفه يا مستشار اي شي يخطر في بالك وبأي اسلوب يخطر عندك جربته مع أخوي بس الأثر يكون لحظي ووقتي ويرجع لحالته الأولية :( مستشارنا الفاضل هل تعتقد أبوي هو السبب ؟ لو كان أبوي ليش احنا الثلاثة اللي أكبر منه ما تأثرنا سلبي وخذنا هالموقف اللي أخذه هو ؟ هل شخصيته وحساسيته الزايدة {أكثر من أي واحد مننا } جعلته ياخذ هالموقف الصعب ؟ محد فوق الدين حتى ابوي الله يرحمه مو رب يعني شو ما كان سلبي لازم يفكر وهذا مو ياهل وبعد أمر ثاني : ما عنده أي طموح ,, أحسه خلاص ما يبي يتطور أكثر اللي وصل له كافي عليه وما يبي يزيد أكثر يا مستشار هو طاغي عليه الحزن بشكل مو طبيعي أنا رغم اني موجودة في مركز استشارات تربوية ولي باع طويل في هالأمور ما قدرت أفهمه وأنا يمكن أقرب وحده له وهو يحب يفضفض لي لكن مرة في اربع سنوات يمكن ! تعبت ....! |
لا تنساني والدنا الله يجزاك خير : )
وكمان الأسئلة .. |
ابنتي الكريمة Bushra إجابة الرد 471
وعليكم السلام ورحمة الله وبركاته: 1- ارك الله في جهودك فيما ذكرت واحتسبي لتؤجرى ولا بأس من الاحتساب مع تناول الأجر المادي إن وجد فكل عمل المسلم عبادة. 2- بارك الله فيك لعنايتك بأخيك مع وجود من هو أولى بذلك. 3- ما ذكرتيه من سمات شخصية أخيكِ تدل على أنه مر بمواقف في طفولته أثرت عليه وشكلت مجموعة من القناعات السلبية كردود أفعال لا إرادية ولا يشترط حضورك لتعرفي هذه المواقف فقد تكون كلمة أو حادثة بسيطة مرت بحياته لمدة دقائق تركت أثرها وأصبحت توجهه من العقل الباطن دون أن يعي سبب ما يفعل ومنها السلبيات التي ذكرتيها من أنه كتوم وعاطفي جداًوغيرها. 4- كونك أخته وأنثى وهو ذكر لا يرى أنه ينسجم مع منطق القبول والاستيعاب مع حبك له وحنانك ولكن بعض الأمور مع الشباب تحتاج إلى رهبة ليتم قبول بعض المواضيع أو على الأقل يخشى من فوات مصالح معهم بالرفض وأتوقع أن عمره دون العشرين وهذا السن يحتاج إلى حساسية شديدة في التعامل وأوها رفضه للوصاية بأي شكل. النصيحة: إذا رأيتي مناسبة أن يتواصل معي هنا كرجل لرجل ولعلي أفعل معه ما تريدين وبنفس كلامك ولكن لصدوره من رجل ويقبله برغبته خير من الفرض عليه ممن هي متساوية معه في درجة القرابة. فإن لم تجدي سبيلاً لذلك فسنتحدث لاحقاً عن الحل. أسأل الله له الهداية والتوفيق وأن يملأ الله قلبه بحب الله وما يقربه إليه وانتِ وجميع المسلمين. |
ابنتي الكريمة المستقبل لنا: إجابة الرد 472
فضلاً ضعي أرقام موضوعك وردودك ليتم قراءتها وتحليلها بشكل منتظم ومتكامل ـــــــــــــــــــــــــــ ابنتي الإبنة الصغرى والإبنة المستقبل لنا إجابة الردين رقم 439 و472 بالنسبة للأسئلة ما زلت بانتظار أسئلة البقية حيث أتلقى بعضها في مواقع أخرى. ولعل الأفضل إفراد المقابلة معي بموضوع مستقل ليتم تتابع الأسئلة والإجابات منعاً لتداخلها مع مواضيع العيادة التي لا ينقصها التشويش بتداخل ردودها. لذلك أقترح على إحداكما فتح موضوع بالمقابلة وفتح المجال للأسئلة لأتمكن من الإجابة عليها حسب تتابعها. |
للأسف ما في حد قاعد يفكر بجدية في موضوع الصلاة عنده لكن أنا اخاف من النهاية دايما عندي اشوف النهاية أقيسه على تصرفات الشخص في الحياة رب العالمين يمهل كثير لكن البني آدم في ابسط الأمور ما يتحمل المصائب فكيف بالصلاة ! أعتقد ان هو أخذ الدور السلبي من الوالد الله يغفر له ويرحمه لأن هو كان يغرس فينا كل شي ما عدا الدين ! يعني الدين تعلمناه من أمي ومن الكتب اللي نقراهم فقط يمكن الأمر غريب بس فعلاً نحن بيتنا كان جذي هو ماخذ الأمر بسلبية كثيييييييرة وما يحب يقبل نصايح من أخونا الكبير لأن يحس هو دوره مجرد توبيخ ما في إرشاد أنا استغرب من شي واحد معقولة حساسية الذكر تكون اكثر من حساسية الأنثى ؟ يعني أنا وهو تربينا في نفس البيئة ونفس الدلال ونفس الحياة يمكن أنا أكثر منه لكني ما خذيت موقف مثل موقفة ... في عندي سلبيات في امور أخرى لكن الدين لا ما أحب اكون سلبية فيه وايد قريت وايد سألت ووايد شفت احس هو اللي لازم ياخذ القرار يا مستشار انا انقهر يوم اشوف حالات عندنا في العيادة تتحول للإيجاب خلال شهور وانا لي سنين أحاول معاه وايد تأخر أخاف يتأخر زيادة والعمر مو في ايدينا أخاف ينتهي على هالنمط أنا هذا كل خوفي آسفة جداً ع الإطالة ما قصرت اذا صار بخليه يتواصل معآك ما تقصر |
ربي يسخر لك عبادة فيما يحبه ويرضاه ياعم
خجلتني كثير بكلمتك اني عروس وبوقت صباحيه ناظرت في بطني وانا اضحك احلى عروس حامل بشهورها الاخيره هههه. امس ضعفت كثير ماقدرت امسك الدفتر. حاولت اقرب للطاولة اللي فيها الدفتر بس كان فيه شي يمنعني. جلست على فراشي ابي احس براحة ماقدرت. زوجي نفر مني وقال لي لاتحاولي تطلبي وانتي مو مستعدة. المتعة ما ابغاها لي انا بس ابغاك تحسي بلذة المتعة معاي. بعدين قال ما ابغى اسمع صراخ تمثيل ابغى احس انك معاي بكل لحظة وطلع برا الغرفة وسكر الباب. بكيت وقمت اتكلم بصوت خفيف عن حال المتحرش وحال زوجي . كنت اخلي المتحرش بجهة الشمال وزوجي بجهة اليمين. التفت لجهة الشمال واصيح واقول انت حقير وواطي دمرتني ودمرت حياتي وانهار من البكي . وبعدها التفت لجهة اليمين وكني اخاطب زوجي كنت اقول له وانا مبتسمة وعيوني مليانه دموع سامحني انا ما اقدر اسوي اللي تبغاه انا احبك عطني فرصة ثانيه.وبعدها ارجع للشمال واقول لو يصير في اهلك كذا ووصلك خبر وش كان ردة فعلك ووش بتسوي مع اهلك.وارجع لليمين اقول انا في بداية محاولتي للتغيير. حسيت بهذي الحركة اني مجنونة رسمي. قمت بعدها رحت للمرايه وكتبت في المرايه ( انا احب زوجي وحياتي ملك له بس) (ابي اعيش حياة ممتعة مع زوجي) (ربي يخليك لي ياتاج راسي). والتفت لبنتي الا حظرتها ماسكة قلم تكتب بالجدار هههه. ماقدرت اطلع للصالة واجلس مع زوجي . رجعت للفراش وجلست وانا حاضنه المخدة وكنت ابكي بحرقة وكنت اردد لاتتركني لحالي . دخل زوجي وشافني في ذي الحالة. قال لي وش فيك قلت له بصير مجنونه . ضحك بصوته وقال ليش. رديت عليه لاني مو عارفة اسعدك واريحك بحياتي .قال يكفيني هذا الشعور وقال نامي قلت له خايفة رد شلون تخافي ورجال البيت جنبك نامي واتركي الوساوس عنك.وطلع من الغرفة وبعدها سمعت صوت قران رحت ابي اشوف من وين مصدر هالصوت طلعت من الغرفة الا زوجي حاط على قناة المجد وكانت عيونة حمرا عرفت انه بكى. رجعت الغرفة وعلى صوت القران نمت . احس ياعم مافي فايدة معاي؟؟ |
ان شاء الله أعمل موضوع خاص
كتبت رد رقم 446 في صفحة 45 |
ابنتي الكريمة حزن النفس إجابة الرد 476
بالعكس النتائج ممتازه وتبشر بالخير وراح أحلل النص في ردك قريباًوسترين تابعيى التمارين وتابعي إيصال رسائل حبك لزوجك دون إيصال فكرة المتحرش له فقط زوجك وأنت. |
ظح
اقتباس:
|
| الساعة الآن 07:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©