|
رد : (مميز) زوجة معدد؟ ...... تفضلي
اقتباس:
الست مهرة ما دخلت تسألكم: شو اسوي؟ الست مهرة لحد الان ما طلبت راي احد. الست مهرة تفضفض .. ولكنها تتصرف حسب ما تراه هي بنفسها .. عاد صح او غلط فهذا وقعه عليها فقط. فالله يرضى عليج ابعدي التخبيب لأن ماله مكان في حالتي. ونعم أيما امرأة طلبت الطلاق من غير بأس. من عاد اللي يحدد هذا البأس؟!!!! أعتقد أنا بس اللي من حقي هذا. |
رد : (مميز) زوجة معدد؟ ...... تفضلي
عاد اليوم.
الغريب أنه عاد مبكراً .. بالعادة يعمل مشاوير روتينية كالبريد والبنك. كنت في المطبخ .. لم أخرج ولم يأتِ. باختصار شديد مر اليوم بالضبط مثل اليومين اللي قبل ما يرجع الدوام. ثم خرج لصلاة العشاء .. ولم يعد حتى الآن. وانا سأنام الآن. |
رد : (مميز) زوجة معدد؟ ...... تفضلي
الله يكتب لك اللي فيه الخير
|
رد : (مميز) زوجة معدد؟ ...... تفضلي
الله يكتب اللي فيه خير لك ولأولادك ويبرد قلبك عزيزتي مهرة
قلوبنا معك ولا نتمنى لك الا كل خير وان الله معك ولن يخيب من لجأ اليه احترامي |
رد : (مميز) زوجة معدد؟ ...... تفضلي
ما دام اتى ولم يكلمك على ماذا يدل هذا اخت مهرة كونك تعرفين زوجك جيدا
لماذا كان يرسل بالرسائل الغرامية وهو بعيد ولما الصمت الان وهو قريب ؟ اتراه يخشى مواجهتك لانه يرى مهرة اليوم تختلف عن مهرة التي كان يعرفها بالامس! |
رد : (مميز) زوجة معدد؟ ...... تفضلي
اقتباس:
|
رد : (مميز) زوجة معدد؟ ...... تفضلي
اقتباس:
الله يفرج همك ويرزقك حسن التصرف والحكمه بالكلام |
رد : (مميز) زوجة معدد؟ ...... تفضلي
اقتباس:
هذا ما كان متوقع الحمدلله على كل حال تصبحين على خير وفرج وسعادة احلام ورديه يا الغالية ghg |
رد : (مميز) زوجة معدد؟ ...... تفضلي
خايف منك
الجنوبي ما بيحب المواجهه |
رد : (مميز) زوجة معدد؟ ...... تفضلي
أصلح ربي أحوالك
وكفاك همك |
رد : (مميز) زوجة معدد؟ ...... تفضلي
الله يسهل امرك ويفرج همك
آمين يا رب العالمين |
رد : (مميز) زوجة معدد؟ ...... تفضلي
اصبحنا واصبح الملك لله
اللهم انا نسالك خير هذا اليوم وفضله صباح الخير حبيبتي ام سلطان بشرينا عساك بخير ddg |
رد : (مميز) زوجة معدد؟ ...... تفضلي
ام سلطان طمنينا عنك
|
رد : (مميز) زوجة معدد؟ ...... تفضلي
احنا ننتظر اخبار طيبه
|
رد : (مميز) زوجة معدد؟ ...... تفضلي
رجع البارحة الساعة 11.30
قام الصبح بدري .. تسبح وصلى .. وجاني في السرير!! بغا يلمني .. وانا ابعده!! قال: لين متى يا ام عيالي؟!! قلت: لين تسوي اللي انا اباه! قال: شو اللي انتي تبينه؟ <------ لاحظوا! قلت: ابا الطلاق. قال: ليش؟ <----------- بعد لاحظوا! قلت: عشان تعيش حياتك مثل ما تبا وترتاح. قال: من قال لج اني باكون مرتاح لو طلقتج .. انتي ام عيالي .. انتي اللي خذتج مب حيالله زواج .. انا خذتج لاني حبيتج. قلت: الكلام هذا خلاص ما منه داعي. قال: تهون عليج عشر سنوات بينا؟ قلت: كفاية علينا عشر سنوات. قال: اهون عليج؟! طالعته بسخرية .. فقال: ترا حتى انا هنت عليك .. مو تبين تقولين جذي؟ بعدين قال: انتي استخرتي؟ قلت: هيه. قال: وحاسة انه جذي بيكون خير؟ قلت: ان شاء الله بيكون خير. ما ادري ليش فهم من جملتي اني مب واثقة فضحك .. وبغا يلمني وانا ابعده. قلت: انت تبا تعيش حياتك مثل ما تبا وانا خلاص هالوضع ما يوز لي .. خلني في حالي وسوي الي انت تباه. قال: طيب انتي شو اللي تبينه؟ قلت: اللي اباه كتبته في الورقة. قال: قولي .. ابا اسمع. <---------- لاحظوا! المهم تكلمت عن اليهال .. وقلت له اني حاضنة وادري ان من حقي يوفر لي سكن .. فاذا ماما بتم في البيت فانا ابا عيالي يتمون عندها .. واذا هي طلع لها البيت الحكومي فخذ لي بيت برا .. قال: عيل باخذلج برا .. انا ابا هالبيت. <----------- حركات لعب بالاعصاب متعودة عليها. في خلال كل الحوار ما قدرت امسك نفسي وبكيت كثير .. و كان يحاول يلمني .. وكل ما بعدته يقول: انا بعدني ريلج شرعاً!!!!!!! وردوده كانت طالعة نازلة! مرة يقول ما راح اطلق .. ومرة يقول خلاص المؤخر بيوصلج وفلوسح اللي عندي بعد .. بعدين يرجع يقول الطلاق هذا تنسينه انا مستحيل اطلقج .. واخر شي قال: متى تبين تسيرين المحكمة!!!!! قلت له: اي وقت. قال: يوم الاحد بنسير. . . . بعدها اليهال قاموا ورحت المطبخ اجهز ريوقهم .. بس حسيت فيني هبوط وريلي مب شايلتني ومسكني الصداع .. فرحت غرفتي خذت حبتين بندول ونمت. ياني عقب شوي يسألني: شو فيج؟ .. فقلت له: صداع وتعبانة. . . . باقي اليوم مر عادي .. كان يحاول يكلمني عن امور تخص البيت .. مثلاً سألني عن الزرع الداخلي متى قصيته؟ ردودي كلها كانت مختصرة ورسمية جداً .. وطول اليوم اما اشتغل في في البيت او يالسة في الصالة .. عقبها دخلت الغرفة اييب شي لبنتي فقال لي: تعالي يلسي في الغرفة وانا باطلع الصالة .. بس انا ما رضيت وطلعت. |
رد : (مميز) زوجة معدد؟ ...... تفضلي
حبيبتي يامهره
عيشي لنفسك وبس كفاية تتعبين نفسك اكثر مافي احد يستاهل حتى زوجك براسه مايستاهل والرجال الي الي يداري زوجته نفس وضعكم قبل شوي معناته حاسس فيك وفاهم انه جارحك بس الله اعلم وش يدور براسه |
رد : (مميز) زوجة معدد؟ ...... تفضلي
تذكرون صورة عقد القران؟
شلتها وخبيتها في مكان. سألني عنها: شما كسرتها؟ قلت له: هيه. قال: وينها؟ قلت: تراها انكسرت شو تبا بها؟ قال: وينها اباها! المشكلة كان يكلمني والبنات موجودات .. وانا ما عرفت احبك الكذبة. قلت: الصورة موجودة وما انكسرت .. خلها لبعدين. |
رد : (مميز) زوجة معدد؟ ...... تفضلي
عفوا تحسين انه مستبيع ولا بس يجاريچ في الكلام؟!؟
مااعرف انتوا ماخذتوا لاحق ولا باطل في الحوار |
رد : (مميز) زوجة معدد؟ ...... تفضلي
ماراح يطلق الأحد
بس يبيك تضعفين لما تشوفين الموضوع بيصير جد أظنه بيحاول يحل الموضوع بطريقة أخرى |
رد : (مميز) زوجة معدد؟ ...... تفضلي
الله ييسر امرك ماتدرين يمكن بيسجل البيت باسمك
مااتوقع يتنازل عنك بسهوله |
رد : (مميز) زوجة معدد؟ ...... تفضلي
زوجك مايبغى يطلقك ويبغى يستمر بحياته مثل اول وهو يحاول يسايرك لين تستسلمي لكل طلباته
|
رد : (مميز) زوجة معدد؟ ...... تفضلي
|
رد : (مميز) زوجة معدد؟ ...... تفضلي
الله يقدملك اللي فيه الخير
بس حاسة انو زوجك لهلئ اخد مسألة الطلاق بشكل مش جدي لانو الزوج بس تطلب زوجته الطلاق بتكون ردة فعله غير بعدو مفكر انها سحابة صيف وبتختفي مع هدوء مهرة بس اذا كان بالفعل بحبك اتأكدي رح يعمل المستحيل ليخليكي بقربه وما رح يفرط فيكي بهالسهولة وهون دورك انو ما ترجع تتكرر الاحداث المؤلمة اللي صبرتي عليها اسأل الله ان يجمعكما بمزيد من الحب والمودة والرحمة احترامي |
رد : (مميز) زوجة معدد؟ ...... تفضلي
ارتفع ضغطي من بروده حاسة كأنه يستعبط وموماخذ موضوع الطلاق بجدية
لازم توضحين له انك جادة في موقفك ولاراح يستهون فيك |
رد : (مميز) زوجة معدد؟ ...... تفضلي
يا ليتك ما بكيتي يا مهرة !!
|
رد : (مميز) زوجة معدد؟ ...... تفضلي
اقتباس:
والرجل ياخذه على ظاهره فتنصدم ان وقع الطلاق انا ما اقصد مهره لكن بناء على هذا الرد و على تفكير المراة بشكل عام انتى هنا تقولى ان كان بالفعل يحبك يفعل المستحيل لاجل قربك طيب وان كان يحبها ولكن لم يفعل المستحيل او لنقل حقق لها رغبتها وراحتها الحل ؟! اختى مهرة ضعى ببالك انه ممكن فعلا يحقق رغبتك و فكرى بمنظورة هو كرجل ليس بتفكير المراة وحددى اهدافك بدقه مالذي تريده مهره بالضبط الطلاق ؟! وماذا بعد او الاستمرار و كيف يكون ولو كنتى تريدى نصيحتى كاختك صادقه معك ولا تتضايقى من كلامى اطلبي حقك كزوجه حقوق شرعية عادلة لك و له و لزوجاته بيت مستقل و نفقه و عدل بالمبيت والمعامله الظاهره اما الاطفال فما عليهم خلاف هم اطفاله سوا منك او من غيرك و مسؤل عنهم امام الله ابتعدى عن مايهيجك من تفكير و انا مابا اكون زوجه معدد و مابا حياة التعدد ووووو و عن النصائح اللاعقلانيه و اللى تقول لك تتعدى على حق غيرك من بيت و غيره كل هذا مالك علاقه فيه وريحى بالك منهم هو وزوجاته المهم مهرة نفسها عندها حقوقها و استقلاليتها و زوجها بيومها والحمدلله اعلم ان الموضوع صعب لكن الطلاق اصعب و الحياة بعامتها هى دار ابتلاء و مجبوله على النقص و مافيه مخلوق يعيش حياة ملائكيه كاملة . دعواتى لك بكل خير عزيزتى . |
رد : (مميز) زوجة معدد؟ ...... تفضلي
كنت بالومها ع البكاء ولكني تراجعت لاني اعرف انها اكيد هي ندمانة وهالأمر
موبيدها الله يعينك لازم تقوين شخصيتك اكثر حتى تقدرين تحصلين ع حقوقك ويحسب الف حساب لك |
رد : (مميز) زوجة معدد؟ ...... تفضلي
الله يفرج عنك ويختارلك الي فيه الخير ويرضيكي فيه
الله يباركلك باطفالك ويجعلهم قرة عين لكي |
رد : (مميز) زوجة معدد؟ ...... تفضلي
الله يفرج همك ويكتب لك الخير
استخيري كل يوم |
رد : (مميز) زوجة معدد؟ ...... تفضلي
مهره
لا تطلقي اطلبي حقوقك وبس واصري عليها كامله مكمله زوجك طيب،، صحيح انه يحب النسوان ولكن دائما عاملك حساب وحاطك بالمقدمه لمصلحة اولادك ابقي معه فهو قدوه جيده لهم وحنون ويحبهم من قلب وما يقصر فيهم ابدا انتي ابدئي اطلعي وارجعي اشتغلي وطالبيه بحقوقك وكثري منها واصري عليها وخلاص مصير الطير يرجع لعشه زوجك ما زنا تزوج بالحلال،، والله صعبه ادري وقليل اللي يتحملها،، ولكن من ناحيه اخرى هو ما يقصر معاكم وطيب معاكي ومع الاولاد وامه واهله ..وعدت سنين وانتي معاه صرتي عارفاه وهو عارفك خابزين بعض انتم الاثنين وامه وخواته يحبوك وبمقام اهلك والمواقف اللي مريتي فيها كانو بصفك وداعمينك لا تخسرينهم فكري ثاني وثالث وعاشر ان ما كان عشانك فعشان خاطر الصغار ... |
رد : (مميز) زوجة معدد؟ ...... تفضلي
مهره ﻻ تخسري كل شي
وازني امورك واﻻيجابيات اكثر من السلبيات تدكري احنا بدار ابتﻻء فيه ابتﻻء ومصيبه اكثر من اللي انا فيه ما فيه والحمد لله رب العالمين |
رد : (مميز) زوجة معدد؟ ...... تفضلي
دخل علي المطبخ من شوي ومعاه الورقة.
قال: هذه هي الورقة اللي تتكلمين عنها؟ .. من قال لج اني باييبها البيت؟ قلت: انت يبتها خلاص! قال: والزيارة حرام؟! سكت وما طالعته حتى. قال: طالعيني يا ام عيالي .. منو قال لج اني باييبها هني؟! مرة ثانية قلت: بس انت يبتها خلاص. قال: والزيارة فيها شي؟! قلت: خلاص ماله داعي الكلام .. سوي اللي يريحك. قال: هذه اخرتها يا ام عيالي؟! .. انا تكتبين لي هالكلام؟! .. هذا رايج فيني عقب عشر سنوات؟!! وخلا الورقة على طاولة المطبخ وطلع!! فينك يا خالو .. مش قلت لك انكو أساتذة!!! |
رد : (مميز) زوجة معدد؟ ...... تفضلي
عفوا مهره عالتدخل
بس ليش انتي مركزه على هالموضوع اللي هو يحس فيه ان ماسوى غلط فيه ومن حقه ومتجاهله تناقشينه في المواضيع النسائيه الثانيه. هو في هالموضوع بيلف وبيدور وبيطلعج مبالغه ....بس انتي الهم اللي في قلبج انه مب طايع يشبع مغامرات نسائيه. |
رد : (مميز) زوجة معدد؟ ...... تفضلي
ما بعرف مهره ... بس بحس انه الكلام صار ضروري . حتى لو راح يراوغ وحتى لو مقتنعه انه عارف كل شي فيظل احتمال انه فعلا مو فاهم ليش كل هاد . زيارتها مو السبب الرئيسي . زيارتها اخر سبب بس
برايي مفروض توصلي له كلللللل جرح بجرحه . لو تحبي تكتبي او تواجهي .. المهم السكوت صار ضرورة حتى ما تتندمي بعدين انك ما وضحتي نفسك فاهمه انك مو ناوية ترجعي فما عاد يهم انه يعرف وللا ﻷ بس عشان كتب التاريخ يمه :).. القصة اللي راح توصل لاولادكم بلاش عشان هيك ... خليه هو يعرف غلطه عشان ما يكرروا مع غيرك .. اكسبي فيه اجر درس مجاني |
رد : (مميز) زوجة معدد؟ ...... تفضلي
اقتباس:
خية مهرة. انت ليش ردة فعلك باردة خليه يعاتبك على التفتيش .ناقشي و عبري و طلعي كل اللي جواتك و قولي له لا تغير الموضوع انا ضغطت على اعصابي في كذا ..وتعبت في كذا ..و انجرحت في كذا و علقي على بعض النقاط بقولك..وهذا رأيك فيني يبوعيالي..في موقف مثلا ..لما كتب لا تذكريني و حط فيس يبكي والخ. تحرر ي من كبت مشاعرك..والله كذا مو زين لك..الافضل الا يطلقك و الانسب ان يعرف مشاعرك |
رد : (مميز) زوجة معدد؟ ...... تفضلي
كلام بيتا صحيح
مهره تكلمي! |
رد : (مميز) زوجة معدد؟ ...... تفضلي
انتي مثل اللي بيغرق ومهتم بتسريحة شعره
حياتج الزوجيه واصله مراحل خطره وانتي مهتمه بس انه مايمسك عليج شي ... ابدا مب وقت هالبرستيج انا لاحظت من قصص العضوات مانفعهن غير المواجهه وساعات الصدمه الكهربائيه هي اللي اثرت مثل موضوع ملكة الاحساس ومواضيع ثانيه. انتي عمود البيت يامهره..ان انهد العمود انهد البيت عيالج بعدهم صغار ومادخلوا سن المراهقه وين هذيل تخلينهم تچلا اهله .. سامحيني اقتحمت حياتج بهالطريقه بس من فتره صاير موضوعج شغلي الشاغل وابغي تنحطله نهايه عادله..... |
رد : (مميز) زوجة معدد؟ ...... تفضلي
مهره حاذري بيقلب عليش وبيطلعش انتي الغلطانه
والسبب ان مهره زعلانه ومو راضيه زيارة زوجتي للوالده وتبي الطلاق عشان سبب تافهه بيني جميع الاسباب له العذر الي حاطه زوجش مو لصالحش |
رد : (مميز) زوجة معدد؟ ...... تفضلي
صباح الخير مهرة
مثل ما كتبتي له ورقة وقت زعلك اكتبي له مواقفه الجارحه وسلميها له قبل لا يسافر خليه يقراها بروحه ويحاسب نفسه ويراجع تصرفاته وانت بعيدة عنك |
رد : (مميز) زوجة معدد؟ ...... تفضلي
مهره تبغين الصدق جيتها مو مقنعة بطلبك منه الطلاق...اكتبي كل موقف جرحك.وقوليله جيتها كانت القشة اللي قصمت ظهر البعير...ع الاقل يفهم ويعرف وين خطأه...الله يرضى عليك مهره كلنا نقولك هالكلام اسمعي مننا واكتبي كل المواقف له..يبغى يعاتب خليه يعاتب المهم يعرف اسباب اصرارك على الطلاق
|
| الساعة الآن 10:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©