|
اقتباس:
وبالنهاية هذي بنتي ...ولا يهمني كلام الناس وأنا بنتي ما أستخدمها لتصفية حساباتي ويا زوجتي .. بنتي أغلى ماعندي في هالدنيا .... |
أخوي الأخلاق ..
أسألتي كانت فقط ، حتى لا نظلم زوجتك لا سمح الله .. لكن إنت وضحت بردك إنه أهلك ماشاء الله ما قصروا معها و لا تدخلوا في حياتكم و لا قراراتكم .. و النصايح تبع أمك ، عادي جدا .. أي أم راح تنصح من باب الخوف و كذا .. ----------------------------------------------------- و الموقف السابق تبع رسالة أختك لزوجتك ،، فموضوعك السابق قريته من زمان .. يوم جيت بأحط ردي لقيته مقفل للأسف .. ردي بإختصار ، عن الموقف السابق .. زوجتك هي اللي كانت غلطانة .. تفتقد ( للذوق و الأدب ) اسمح لي .. و أمك معها حق كان ، و أختك لو أنا مكانها راح اعمل نفس الشئ لإني ما أرضى إنه زوجة أخوي تغلط على أمي حتى لو برسالة ( أنا الغلطانة ) لإنها تخفي تحتها ( دق بالكلام ) .. و زوجتك لو كنت مكانها فراح اتصل على حماتي و أسألها ليييه سلامات ؟ معليه تعبتكم بنتي ؟ خلاص أنا أرسل أخوي ياخدها و ما كنت أدري إنها متعلقة فيا قد كذا .. وو إلخ يعني أطيب بخاطرها بكم كلمة .. ----------------------------------------------------- و الله إذا كذا ،، فأهلك ما قصروا و الله ، و لا حتى إنت .. أما مشكلة الفتن اللي حصلت بين أختك و زوجها .. فهناك أحد من أفراد عيلة زوج أختك بيسعى لتفريقهم عن بعض .. و ما أبغى اسيئ الظن ،، لكن قلت لك من قبل لا تقول الحكاية هذه .. إنه زوجتك عملت مشكلة بين أختك و زوجها علشان تفرق بينهم و بعدين قالت لك ، نحن مالنا دخل بمشاكلهم .. و هي اللي كانت السبب فيها ،، و ماصار اللي في بالها فانقهرت .. و انقلب السحر على الساحر على قولتهم .. يعني انقلب عليها .. و المايكرويف .. معليه كنت احسبهم استخدموا اغراضها .. لإن هناك عوايل زي كذا و ماكانت الصورة واضحة تماما .. لإنه صار لي موقف مشابه تقريبا من قبل ،، كل شوي اغراض من بيتي تنقص و اسكت ؟؟؟؟؟ أشياء أنا اشتريها و تكون كبيرة مثل دولاب و لا .. إلخ و ألاقيها في بيت أهل زوجي أو هدايا جتني و راحت لهم من غير إذن و لاشئ ؟؟؟ نفس الشئ خلينا اشياء لنا عندهم علشان النقل .. استحلوها لنفسهم و زوجي ساكت و معطيهم هو .. مو مرة أو 2 .. كم مرة و في الأخير انفجرت على زوجي و أصرييييت يرجعها .. لإنهم متعودين عالشئ هذا مع سلفتي .. بس الفرق إنه سلفتي أصلا ما تشتغل و زوجها هو اللي شاري كل شئ ، لكن أشيائي أنا مشتريتها بنفسي فقهر من جد ماني شايفة غير إنه زوجتك تبغى تعيش على هواها .. بإختصار ، هي تبغى ( زوج طرطور ) .. هذا اللي حسيته .. و ردك على ابوك ،، امممم قول له خليها هناك كم يوم أنا ما أبغاها دحين ترجع و أبغى أريح شوي .. بين له إنك إنت اللي ما تبغاها دحين ترجع لك ، علشان لا يتدخل و يكلم أهل زوجتك و يعمل لهم مشاكل .. |
اقتباس:
أختي بالنسبة للإيميلات اللى كانت تجي أختي وزوجها ...أنا مالي علاقة فيها إلا من جهة أن زوجتي من ضمن الخيارات المطروحة ..... أنا لما طلبت أختي وزوجها نصوص الإيميلات قلت لهم قبل ....هل أنتوا نسيتوا الموضوع أو إنكم مستعدين تنسووه ولا شايلن همه ؟؟ قااااااالت أختي ....مستحيل أنساااااه ...وما أبي شيء فقط أبي أعرف من هو هالشخص ...وجزاؤه عند الله . فالآن : لو أختي وزوجها قالوا مستعدين أنهم ينسوا الموضوع ...كان خلاص ماله داعي نتبحث ونعرف هالشخص .... ولكن للموضوع بعدان : 1- أختي وزوجها ما راح ينسوا هالشيء ....فشكهم في الأشخاص راح يخليهم يحقدوا علييهم ويمكن تصير شرارة بسيطة تشعل النيران من جد وجديد ..فمعرفة الفاعل رايح يريحهم والفاعل راح ينفضح بينه وبين نفسه ... 2- أن زوجتي علمت أن أختي تشك فيها ....فالآن إذا حاولنا ابعاد زوجتي من الخيارات المطروحة يلزم على أختي الاعتذار لزوجتي على هالتهمة الكبيرة ...ولا راح نضل في مشاكل طول عمرنا . وعلى فكرة أختي تقول لي : أنا أدعو من كل قلبي ان هالشخص ما يكون زوجتك ....ولو عرفناه ولا طلع زوجتك أنا لازم أعتذر لها وانا مستعده لذلك ... طبعاً أنا فكرت في هذه ملياً ...ومع الأخ اللي كان يتحرك معي ...وكلانا متفق على ضرورة معرفة هذا الشخص درءًا للفتن المستقبلية ....وكنا متفقين على أن هذا الموضوع قابل للتأجيل ...وشغلنا كله كان على حل المشكلة العالقة الحالية ....وموضوع الإيميلات في المستقبل يمكن يحل لما تعود المياه إلى مجاريها .... |
اقتباس:
(10) " زوجي الغالي .... بعد مضي سنة من زواجنا أدركت كم هو جميل ذلك الشعور الذي يجمعني بك " الحب " .... جميل ان تعيش مع شخص تشاركه أفكاره ...أراءه ...همومه وآلامه ..وبالطبع أفراحه . لا أستطيع تخيل حياتي من دونك ....بعد الآن ....لقد ملأتها علي بكل ما هو جميل .. أحمد ربي أن رزقني إياك ... لقد غمرتني سعادة لا توصف ليلة أمس عندما رأيت اهتمامك بهذه المناسبة ...وهداياك التى اشعرتني بحبك لي ... أتمنى أن تعم السعادة حياتنا ... وأن نبقى معاً إلى الأبد ... زوجتك المحبه فلانه .. ذكرى أول سنة من زواجنا ...." |
ليه متعب حالك و تفكر ليل و نهار ..؟؟؟ لمتى ؟؟؟ من جد كذا بتمرض و تخسر فرصتك في رمضان ..
ارسل أحد يجيب بنتك و خذ بنتك عند أمك تشوفها ،، روح صلي التراويح .. جلوسك على الأطلال ما راح يفيدك بشئ ،، و حكاية الإيميلات اللي اترسلت لأختك و زوجها ، إنت لا تدخل حالك فيه .. و لا ترمي كل هموم الدنيا فوق راسك .. تعلم إنك ( تطننننننننننننننننننش ) .. أصحابك تزوجوا ، سافروا ،، إلخ فيه ناس غيرهم ، روح المسجد تعرف على صحبة تانية ،، روح أبحث عن وظيفة ، زور أخواتك و شوف أولادهم و خذهم معاك للملاهي .. غير جو .. جلوسك كذا ما راح ينفعك ، بالعكس بيمرضك و يتعبك .. إذا زوجتك ما تفكر في مصلحة بيتها ،، إيش بيدك تعمل ؟؟؟؟ يا ترجعها دحين ، و تتكلم معها و تتغير معاملتك معها مثل ما قالت الأخت الغربة مرة .. و إذا كررت أي موقف اخر .. فتاخد موقف صارم يا تصبرررررررر و تتركهم هم يتصرفوا و تشوف مشاغلك إنت أو ترجع لك و ترجعوا لحياتكم الطبيعية و تعيش بنفس الدوامة من جدييييييد و كلام أبوك نفس كلام الأخت أميرات .. أهل زوجتك حريمهم يمشووهم و يتحكموا فيهم ؟؟؟؟؟؟ على قولة أبوك ، فين رجالهم ..؟؟؟؟ |
اقتباس:
بلغ السيل الزبى ....كلمت زوج أختي ....كلم أمك بروح أخذ بنتي ...قال أوكي ...كلمهم ...رحت انلطعت ربع ساعة في الشمس وأنا أطق الباب ما فتحوا ...اتصلت عليه ما يفتحوا ...يقول لي كلمتني أختي ( يعني زوجتي ) وقالت لي وش دخلك أنت ...وليش تتدخل في الموضوع ....هو إذا جاء يأخذها يكلم فلان ( أخوها اللي كان يصلح ) ...وبعدين يجي يأخذها ....قال لها مافي مشكلة .. الآن أنا طفح الكيل ..... وأدخلت المستشار اللي كلمتكم عنه في البداية يقول خلاص لازم تحال القضية إلى لجنة إصلاح ذات البين .... وعندي معاه جلسة الليلة .....خلاص بلغ السيل الزبي عندي ....واللي يجيبه الزمن يجيبه .. وبنتي آخذها ولا أكبر شنب يوقف في وجهي .....وأنا أقدر أقوووم بأمورها ولا ني محتاج لأحد . |
الله يعينك من جد ..
|
ياخوي الاخلاق
لاتصعد الموقف ولا تكبر الموضووووووع قلتلك قبل كذا لاتعطي اهل زوجتك مواقف انت اتصل على اخو زوجتك الي يصلح بينكم واتفق انت وياه على ان البنت تقعد عندك يومين بالاسبوع يعني يكون نظام معيين واضح ومتفق من الطرفيين عشان مايصير الوضع كذا مثلا الخميس والجمعه عندك والباقي عند امها وقلنا لك الف مره لاتروح لبيتهم يا اخي خل زوجتك ماتسمع عنك لفتره خلها تحس انك مشغول عنها ياخووي |
زوجتك كلمتها هي اللي تمشى على اخوانها .. يعني اغسل يدك من اخوانها ما يقدرون يفيدونك ...
|
آخر المستجدات :
أرسلت لي رسالة تبارك لي دخول حلول شهر رمضان المبارك ...وذلك قبل ذهابي للمستشار .. نص الرسالة : رفع الله قدرك ...وفرج همك ...وبلغك شهر رمضان ....ودمت لمن أحبك ...وكل عام وأنت بخير . |
| الساعة الآن 03:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©