|
رد: زوجي والهدية
تدرين ليه تصالحتوا
لأنك مقتنعه بداخلك إن أسلوبك غلط واللي سويتيه برضه غلط. اسمعي مننا ترى نشوف البقعة العمياء اللي بشخصيتك واللي ما تشوفينها. هدي اللعب وبلاش الإنتقام للذات. |
رد: زوجي والهدية
حبيبتي الف مبروك
ممكن تسردين لنا كيف تم الصلح |
رد: زوجي والهدية
اقتباس:
|
رد: زوجي والهدية
جاريه يااختي ترى مافي اجمل من الحياه الزوجيه المستقره...خلي طموحك تستقري ويزرع الحب من بينكم
|
رد: زوجي والهدية تم الصلح الرد 119
حسب ما قرأت عن الأنماط إن الجنوبي الشرقي يميل للتعدد مثنى وثلاث ورباع فإنتبهي لنفسك ياحلوه ، تحسبين حساب لكرامتك وكبريائك وعزة نفسك خليها تنفعك إذا تزوج .
|
رد: زوجي والهدية
اقتباس:
|
رد: زوجي والهدية تم الصلح الرد 119
انا تصالحت معه لاني اكره النكد والمشاكل
بداخلي مقتنعه انه اخطأ كثير بحقي بس استهديت بالله وكظمت غيظي وقلت اتنازل عشان المركب يمشي طبعا عاتبني وسلكت له مع دمعتين شاكره لكم نصايحكم واول قرار بتخذه ان شاء الله البحث عن وظيفة بعد العيد دعواتكم |
رد: زوجي والهدية تم الصلح الرد 119
افضل قرار تتخذيه
لعده أسباب من أهمها واضح انك تُحبين القياده وتمشين الأمور بيدك لذلك يطلق عليك زوجك (بالقويه) ملذلك العمل يشبع لديك حب القياده وهذا يندرج تحت الدوافع الدنيويه وكل شخص فينا عنده دافع دنيوي يبي يحققه زي مثلا المراهقين حب الاصدقاء تلاقي اكثر مرحله عمريه لديها أصدقاء هم المراهقين وبالتالي يكون زوجك هو الذي يملك زمام السلطه ويشعر بقوامته ومنها يشبع حاجته وانت قد اشبعتي ذَا الجانب بالعمل فتعطيه جوه بالتسليك وتهدأ حياتك غير ان بيئه العمل بها ازعاج وتوتر وأحيان سوالف ضحك مع الاصحاب يعني ترجعي البيت حيلك منهد مو فائقه ترادديه وتقعدي عالحبه ومع الأيام لما يشوفك فعلا هاديه هو بيهدأ وبيبتعد بالتدريج عن الصراخ والعصبيه وتهدأ حياتكم والله يسخركم لبعض |
رد: زوجي والهدية تم الصلح الرد 119
الله يسعدك يا سكر على هالتحليل
صراحة كلامك صحيح ويارب ييسرها من عنده |
رد: زوجي والهدية تم الصلح الرد 119
يعني انت بادرتي للصلح
الله يكتب لك الاجر ويجعلها اخر الخلافات يارب |
رد: زوجي والهدية
اقتباس:
انت غلطانة هنا .. الرجال بيمزح معاك ، و يتغلى عليك .. كان ممكن وقتها تتصرفي بطريقة ( تكون لصالحك ) شيلي موضوع الكرامة بينك و بين زوجك ، و بترتاحي و يرتاح .. , , مشكور اخوي محب السنة على رأيك .. اول مرة اعرف اني كذا fgf |
رد: زوجي والهدية
اقتباس:
لكن ما تكتبي النص الأول .. و ما تقولي انت ايش عملتي ، و خلاه يقول و يعمل و يفعل كذا ؟ مثل موقف الفطور ، كتبتي فوق اليوم سويت الفطور كالمعتاد .. و ما أكل و لا لقمة مع انك ما سويتي الفطور كالمعتاد .. تركتيه يفطر لوحده كأنه ( سواق و لا عامل و لا شغالة ) و رحتي تفطري انت و بنتك مع بعض ؟ |
رد: زوجي والهدية تم الصلح الرد 119
كنافة حبيبتي
زوجك مو طاهر ولا بريء بس لازم تعترفين أن أغلب نقاشاتكم الحادة تبدأ بتلطيشة منه وتردين ويتصاعد الموقف.. مع أنه لو أنك من البداية ململمة السالفة كان ماامتدت بهالشكل.. شوفي انا من سمعت حديث 2من الصحابة كانت بينهم خصومة واحد يتكلم والثاني ساكت اللي هو أبو بكر.. وكان الرسول صلى الله عليه وسلم يسمعهم ويتبسم فلما تكلم أبو بكر تغير وجه الرسول ففسرها انه لما كان ساكت كان الملك يدافع عنه لما تكلم صار يدافع عن نفسه.. من سمعتها واذا عصب زوجي أسكت والله العظيم ماياخذ الموقف اكثر من 10د بعدين هو يحاول يغطي على كلامه.. المشكلة ياكنافة مثل ماقالت وحدة من العضوات ان الميانة طايحة بينكم وبكل نقاش بتطيح أكثر وأكثر وهذا مو من صالحك.. كنافة زوجك بحبك بس حبيبتي من انفجاراتك وكلامك له يحسسه أنك فعلا مغرورة وشايفة نفسك.. شفتي اعتزازك بنفسك جداا جميل ولو هو بعيد نظر شوي حلو أم العيال تكون بمستوى ثقة عالي.. بس مثل ماقلتي مو هذا مفتاحه.. أقسم ياكنافة لو تجيه ثعبان تلحس مخه ماراح يتضرر الا أنت وعيالك.. مو دائما مفهوم القوة بالوضوح والتلقائية ومو دائما الذكاء بردود الأفعال المباشرة.. ماأقولك خليك ساذجة والا انهزمي قدامه بس خليك واثقة وقوية وكله تحت جناحه.. ولاتتضاقين ترا عمر زواجكم فترة الاهتزازات مجرد مايثق زوجك أنك تحبينه وتقدرينه وتشوفينه رقم 1 بيخف كثير ويهدأ إن شاء الله.. |
رد: زوجي والهدية تم الصلح الرد 119
انا كنت اسايره وهو يتمادى
باخر يومين انفجرت بوجهه بعدها بنفسي لميت الموضوع ادري الحكمة بالتجاهل بس كانت تصرفاته فوق طاقتي بعضكم فهمني غلط والبعض انصفني بالحالتين انا شاكرة كلامكم مره كنت اتناقش مع اختي قلت لها لماكنا صغار انا اتأثر بكلام اهلي وانتي عادي يهاوشونك وتكملين لعب وانا اقفل باب الغرفه وابكي طول اليوم قالت: انتي تصدقين بزياده وتعطينهم وجه هذا كلام اكثر وحده عاشرتني وترى ما اكون كذا الا مع اللي احبهم اللي مايعنون لي لو يسبوني من هنا لبكرا عادي بس مو معنى كذا اني حساسه لا ابدا انا مو حساسه.. صبوره بس يبدا يشتغل العداد ومحد داري 1 2 3 4 بالتدريج لما اوصل 10 انفجر فجأه بحاول اضبط ردات فعلي الله ينزل السكينه على قلبي |
رد: زوجي والهدية تم الصلح الرد 119
كنافة
كنت مثلك و تعجبني شخصية الرجل العملي و الوقور و الثقيل ووو الخ بس خلاص زوجك كذا ( تقبليييييه كذا ) مرة شفت فيلم اجنبي و وحدة تنصح وحدة .. لو تبغى الرجال يحبها : - ابتسمي دايما - لا تنتقدني ابدا و لا تنصحي - اضحكي له دائماً على اي تعليق حتى ( لو بايخ ) |
رد: زوجي والهدية تم الصلح الرد 119
اقتباس:
افتحي المنبه بدلاً من الصامت اللي قدامك مهو شايف الا 1 وبعدها انفجاااااااار من 2-10 كانت مخفيه عليه وهو لايلام ( اللي قدامك ) لانه واضع لنفسه استراتيجيات عند كل مرحلة لكنه لم يستخدمها لانه شايفك على مرحلة رقم 1 |
رد: زوجي والهدية تم الصلح الرد 119
مبروك الصلح وان شاء الله اخر المشاكل
كنافة الحلوة ارى انك على اطلاع بانماط الشخصيات لو تساعديني في تحديد نمط زوجي اكون شاكرة |
رد: زوجي والهدية تم الصلح الرد 119
بس حبيت اضيف نقطة لا تنسيها ابد مستقبلا...
لا تغلطي على زوجك ولو غلط عليك.. لا تجرحي رجولته وكرامته.. لان الرجال ما ينسوها ابد ابد.. صح بنفكر هو قالي انتي مو مرأة.. وانا قلتلو انت مو رجال.. نفس الشي... المشكلة انه في الواقع حبينا ام كرهنا مو نفس الشي..المرأة بتنسى وتسامح.. ولا كأنها سمعت هالكلمة. الرجل لااااا.. يتسكر الموضوع وتمر ايام وشهور وسنين وهو لسه الكلمة بقلبو.. وراح يفتعل مشاكل عالفاضي اذا تذكرها.. ماراح يصلرحلك انو بيعذبك بسبب كلمة قلتيها زماان انتبهي .. الله اعلم زوجك لسه كل فترة بيضايقك لانو ما نسى كلام انو مو رجال.. وهلا كمان حكيتي كم شغلة غلط في وقت الغضب... راح يعذبك بعد وانتي راح تفتكري انو بيختلق المشاكل من ولا شي... بس هو انتقام.. الله يسخركم لبعض |
رد: زوجي والهدية تم الصلح الرد 119
نصايحكم على عيني وراسي
ربي لا يحرمكم الاجر وفاء حبيبتي انا لو خبيره ماكثرت مشاكلي احلل واقرا وافهم بس مصيبتي ما انفذ وتامري امري يا الغالية دامكم شجعتوني امثل حسيت نفسي انجلينا جولي هههه اليوم قلت لزوجي لاتنسى صواني الحلا راح ورجع ما معه شي وانا فهمت انه شرى الحلا ونزله بيت اهله بس تغيبيت وقلت بهباله: حبيبي ماشريت حلا؟ قال الا بس نزلته بيت اهلي عطيته نظره حزن وتفاجئ وقلت: يستاهلون عليهم بألف عافيه قال: تبين اشتري لاهلك صينيه شوكلاته؟ قلت لا ياقلبي لاتتعب نفسك قال: اسف والله نسيت مع الزحمه قلت: ادري حبيبي مومشكله قال: لا لا بقوم الحين اخذ المفتاح ورجع لباتشي وجاب صينيه فخمه وشكرته لو اني ماتغيبيت وتمسكنت ماجاني شي بس بحاول امشي الحياه معه كذا ولا ودي اشغلكم اكثر عشان مايصير الموضوع يوميات :) بس فعلا الجنوبي الشرقي يبي له صبررررر |
رد: زوجي والهدية تم الصلح الرد 119
وش صبررررره وهو خاتم باصباعك
تستهبلين على العيد ياكنافة!!!!!! الله اعطاكي قدرة وفرت عليكي سنين ضوئية وتقولين لا ماااابي! |
رد: زوجي والهدية تم الصلح الرد 119
زوجك جنوبي شرقي ؟
الجنوبي الشرقي سهل جداااا أجل لو شمالي !! |
رد: زوجي والهدية تم الصلح الرد 119
لماذا نتزوج
يعني زوجي خاتم باصبعي؟ الله يسعدك بس تراه مايسوي لي شي الا اذا كسرت خاطره وانا مشكلتي اكره اكون مثيره للشفقه لكن الله كريم وتتيسر البركة بتشجيعك وتشجيع بقية الاعضاء الله يحفظكم |
رد: زوجي والهدية تم الصلح الرد 119
راح ركض يجيب لاهلك صحن شوكلاته وهو توي جاي من برا والدنيا عيد وكنا صايمين
هذا يعني ايه؟ خاتم بيدك تقدري تخليه ينفذ اي طلب من طلباتك عارفه مفتاحه بس المشكلة عندك في فهمك لهذا المفتاح انتي تعتقدي باستخدامك له فانتي مراوغه ومخادعة وتلفين وتدورين طيب خلينا نفندهم واحد واحد المراوغه = مادامها في شي حلال فلا اعتقد انها فيها شي، لأن اللي امامك اظطرك انك تراوغيه عشان تصلي لحقوقك مخادعه = لم تخدعيه تلفين وتدورين = اللي يلف ويدور يلف ويدور في الخطأ وانتي ماطلبتي خطأ بل اصلاً ماطلبتي شي هو اللي راح جابها بطيب خاطر منه |
رد: زوجي والهدية تم الصلح الرد 119
اقتباس:
هذا إللي أقصده في طريقة تعاملك مع زوجك .. خذيه على عقله .. أنتي ماتغابيتي أنتي جاريتي زوجك .. أو بالاحرى عرفتي مفتاحه واستخدمتيه بمهارة .. خليك كذا ياكنافة .. يعني وش بتخسري!! بالعكس ماراح تخسري راح تكسبي .. وإللي تبيه راح يمشي.. وبكذا بيكون زوجك خاتم في اصبعك مثل ماقال لماذا نتزوج .. وهذي الانثى اللي يبيها زوجك .. صدقيني هذا مفتاحه .. الله يسخره لك .. على فكرة أذكى رجل بالعالم تقدر تحطه أغبى امراة في العالم في أصبعها بهالمفتاح..hhر |
رد: زوجي والهدية تم الصلح الرد 119
اقتباس:
|
رد: زوجي والهدية تم الصلح الرد 119
اقتباس:
ما اشوف تغابيتي ولا مثلتي ولا شي.. انت كذا عادية ومثل ما المفروض الزوجة بتكون.. تصرفاتك الثانية هي الي مو طبيعية.. عيدكم ملارك سعيد |
رد: زوجي والهدية تم الصلح الرد 119
لماذا نتزوج
ردودك تشجعني الله يعطيك العافيه ولايحرمك الاجر لست كغيري كلامك يريح.. انا ماتعودت امثل عشان كذا اللي الناس تشوفه سهل صعب علي بس بكرر المحاولات والعلم بالتعلم يارب يتحسن مستواي بالتمثيل :) مسك الليل عيدك مبارك يا الغالية |
رد: زوجي والهدية تم الصلح الرد 119
اذا تحبي زوجك وعنده مكانة بقابك وهو بعد يحبك وبشكل عام مايقصر ويحب هالأسلوب.. كل "التمثيل" والانكسار والبكبكة والخضوع بشكل أنثوي، ما راح يصعب عليك، مو ثقيل على قلبك ،
مابتحسي نفسك ذليلة وكرامتك بالأرض أبد.. الأمر بيصعب اذا زوجك سيئ معاك وانتي كرهتيه من كثر ما ظلمك و غصبا عنك عايشة معو... هاد الي بتحسي بالمهانة والانكسار وقت تخضعي و تتبكبكي من اجل ابسط حقوقك.. هذا هو الفرق الجوهري... زوجك مو شايف كل هالشغلات السلبية ( التنازل ، التمثيل، اللف والدوران،،) هو بس شايف زوجة حبوبة ويموت فيها كذا.. الباقي كلو براسك كإنك موظفة تتعامل مع مدير.. |
رد: زوجي والهدية تم الصلح الرد 119
ماهي الحركات اللي تخليه خاتم باصبعك و تشعرين انها مثيرة للشفقة
|
رد: زوجي والهدية تم الصلح الرد 119
هذا مو تمثيل يا كنافة
هذا تصرف الناس الرايقة اللي ماتحب النكدية و مدة البوز .. وتاخذ الامور بسلاسة اقول لك شي؟ والله زوجك ذهب و رائع ويحبك ويدور رضاك لولا تلطيشاته بس حاولي تفهمينه وتحبينه و (ترحمينه) لو اللي عندك شمالي كان عرفتي معنى عيشة العناد والاستفزاز والأنانية والانتقام طووول الوقت الله يسخركم لبعض |
رد: زوجي والهدية تم الصلح الرد 119
عيد مبارك كنوفه
ما اشوف ردة فعلش تمثيل ! اعتبرها ليونه ومرونه في التعامل ... تعاملش مع البشر المفروض يتغير مع طباع الشخص ,,, عشان الحياه تكون سهله من غير تصادم يعني يا كنافه قاعده تدورين للحل الصعب والطويل ورافضه تتنازلين عن شوية كبرياء على العموم لا تعتبرين تصرفاتش تمثيل ابدا .... هل بريستيجج يسمح بذلك ! زوجش يناسبه نظام وخز الضمير |
رد: زوجي والهدية تم الصلح الرد 119
كل عام وانتم بخير
ومشكورين على نصايحكم وتفاعلكم الله يسعدكم ويبعد المشاكل عنكم |
رد: زوجي والهدية تم الصلح الرد 119
كيف التمثيل معك الى الان؟
|
رد: زوجي والهدية تم الصلح الرد 119
زوجي سافر يا لماذا نتزوج
اذا رجع بالسلامة برجع لدور العبيطه المسكينه |
رد: زوجي والهدية تم الصلح الرد 119
اقتباس:
يعني عندنا وقت نتناقش او بالأحرى نسولف بهدوء ايوه يااختي كنافة اوصفي لي لماذا تشعرين عندما تصلين لما تريدين من زوجك باستخدام طرق مشروعة ( بل قد تكون محمودة او واجبة مثلاً) بأنك عبيطة ومسكينة ؟ |
رد: زوجي والهدية تم الصلح الرد 119
بالله مين العبيط والمسكين :
1- احطي راسي براسه + نكد ومراددة + كلمات جارحة + التذكير بجروح الماضي والحاضر = لاينفذ طلبي 2- احطي راسي براسي + مرونة في جعل الموجة تعدي واركز في تحقيق هدفي + اظهار المشاعر الحقيقية ( نعم انا حزينة (بدلع) لانك ماتذكرت طلبي بخصوص صينية الحلاوة + عدم الضغط عليه = نفذ طلبي |
رد: زوجي والهدية تم الصلح الرد 119
انا عارف انك تبغي تكوني على طبيعتك العاديه ( تبغي تمشي على هواكي (مو شرط خطأ) بدون ماتفكري او تتكلفي او تتعبي، وتبغي زوجك هو اللي يمشي على مااتعودتي عليه واتربيتي عليه
صح؟ ان كان صح فايش اللي يمنع ان هو كمان يبي نفس الشي! طيب هو يبي وانتي تبين اجل مين اللي ينفّذ؟ انا اشوف انك انتي احسن منه في حكاية انجاح حياتكم الزوجيه لذا اكملي جميلك انتي تمتلكين المهارة لكن لاتمتلكين القناعه فخلينا نشوف ايش قناعاتك ماهي قناعاتك الداخليه حيال مايجري بينك وبين زوجك والعباطة والمسكنة؟ |
رد: زوجي والهدية تم الصلح الرد 119
كلامك صحيح ومنطقي ومقنع جدا
لكن المسأله بالنسبه لي: تكلف وتمثيل والعيش مع انسان يشاركك حياتك وتنام معه وتاكل معه وتجلس معه وانت مقيد بالتكلف والتصنع.. شي صعب لكن هذا ابدا مو حجه المفروض اقدم المصلحة العامه واجبر نفسي عالتغيير انا معك تماما على سبيل المثال انا تعلمت وتربيت 26 سنه (قبل زواجي) اذا بغيت شي.. اقول ابغى كذا بوضوح وصراحه وابتسامه ثقه زوجي ماينفع معه هالاسلوب لازم احط عيني على الشي وامدحه واتغزل فيه وكيف لو هو عندي بكون سعيده بعدين اصير حزينه ومكسوره واقول: حبيبي اذا ماتقدر عاذرتك مو مشكله اهم شي انت بالدنيا الخ يقوم ينقز يسوي هالشي عشاني لفه طويله عريضه مثال ثاني اهله عازميني وانا مرتبطه تتصل امه علي بطبيعتي بقول: اسفه ياخاله اعذريني لكن زوجي يبغى اقول طيب ابشري واذا قفلت السماعه اتبكبك وكيف ما ابغى ازعل خالتي حبيبتي بس بلغي ارتباطي لعيون اهله يقوم هو يقول لا لاتضغطي نفسك انا بكلمهم واتعذر لك او اقول ماسمحت لها انا جربت مع زوجي الطريقتين دايما الخطه الثانيه تمشي زي العسل بس يبي لها تخطيط وتمطيط وتمثيل دور البراءه.. يعني اسوق العبط حياه من هالنوع ماتعجبني وهالدراما كله مالي فيه بدليل اني اذا خرجت عن النص قلب علي ويالله هاتك طبطبه وترقيع ومدارة انا اتكلم عن تجربه 5 سنين وهذا اللي وصلت له من عشرتي معه عشان كذا عقلي الباطن مقتنع اني صح وان اسلوبي فيه نوع من احترام لشخصيته بس هو يبي لسان الحيه والكيد استغرب انسان بنفسه يفضل هالشي طبعا ماصرح ابدا بهالشي لكن ردات فعله تنطق انا ارد على استفساراتك اخوي لماذا نتزوج لاني مقتنعه بكلامك لكن حبيت اوضح وجهك نظري |
رد: زوجي والهدية تم الصلح الرد 119
الله يكون بعونك كنافه
|
رد: زوجي والهدية تم الصلح الرد 119
كنافه ياعسل ... اسلوب التمثيل ... هدا اسلوبي مع زوجي ... وصدقيني كل شي ابغاه ماشي زي العسل ... اخر مرا كان رافض بشكل متعصب اني افتح محل واتعامل مع عماله ... لكن بالاخر هوا فتحه باسمي وعلى حسابه وبكل رضا 😍😍
طبعا انا مااحس بالضعف والتمثيل لان هذا اسلوبي من وانا صغيره مع اخواني 😔 |
| الساعة الآن 05:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©