رد: صار دقيق ويحاسب على كل شيء..
 

لست كغيري
اجيبها لك على بلاطه
الزوج الي ببالك امريكي ماهو موجود هنا
اقبلي زوجك كماهو
واذا انتي متضايقه لانك تقومين به وهو مريض وهو العكس
احتسبي الاجر انك قايمه بمريض
او حطي عنده علاجه وهو رجال كبير يداري نفسه وبس
عشان بعدين ماتزعلين اذا مارد لك المثل
عيشي لنفسك وونسي عمرك
بلا سنينك الي راحت ماقال لي ماسوى لي
مايدلعني ما يحتويني
لا تتوسلين اهتمام
لو تتطلقي وتتزوجي ثاني مابتحصلي الي ببالك
مو موجود هالصنف عندها ابد
فعطي عمرك العافيه والراحه وروقي وعيشي لعمرك
وانبسطي ومتعي نفسك والبسي واكشخي وتصدقي واقري

رد: صار دقيق ويحاسب على كل شيء..
 

تدرين إذا رجعت بيتي من نفسي وش بيقول زوجي .. بيقول ها طردوك أهلك مايبونك ومابيتحملونك،،

هذا إللي بسمعه منه إذا رجعت من نفسي..

رد: صار دقيق ويحاسب على كل شيء..
 

تصرفات زوجك العادية اللي بتصدر من معظم الأزواج وبتحصل في معظم البيوت أنت تفسرينها عدم تقدير وعدم احساس بالأمان!!!!!

يابنتي زوجك طيب بمافيه من عيوب،

اهدئي واجلسي مع نفسك وتعوذي بالله من ابليس واتذكري حسناته وإيجابيات الحياة معه،،إذا اقتنعتِ الحياة معه سيئة ووصلتِ لقناعة تامة الطلاق أفضل لك،،تطلقي،،وتزوجي غيره..والله يوفقك.

رد: صار دقيق ويحاسب على كل شيء..
 

هذا هو الواقع
زواج بس علشان يكون عندنا اطفال ونشبع غريزة الامومة ...

اما زواج علشان اشبع نفسي عاطفيا وجنسيا من الرجل فهذا غير موجود الا بالسنوات الاولى من الزواج ...

رد: صار دقيق ويحاسب على كل شيء..
 

خلاص مليتي ما تبينه ومتضايقه منه اجلسي عند اهلك خليه يطلقك هذا اذا تدخلو اهلك

اذا تبينه وتحبينه لا دخلين اهلك المشكله كلها منك انتي فيك تصرفات تخرب على كل شي سويته
زوج اذا عطيته ريق حلو واهتميتي فيه وهو يعطيك ازود من اللي انتي عطيته

بس خلاص كفايه زعل متضايقه منه اروحي افرشي سجادتك اذا عاد ما تغير الله يعينك مافيه الا الفراق

رد: صار دقيق ويحاسب على كل شيء..
 

التقلبات اللي إنت عايشتها اسمها بهارات الحياة الزوجية،يعني مواقف وخلافات طبيعية ماتعتبر مشاكل.


أبي أسألك
إذا اكتشفتِ بيوم زوجك يكلم غيرك
أو
متزوج واحدة غيرك
أو
فلوسك اللي أخذها منك استثمرها لصالحه
أو أو أو ....... الخ

هذه مشاكل حقيقية في الحياة الزوجية
اكتبيلي كيف راح تتصرفين اذا اتعرضتِ لأي منها

رد: صار دقيق ويحاسب على كل شيء..
 

الاعضاء يبون يقولون لك زوجك ماراح يتغير
تقبليه زي ماهو
هذا الصنف الوحيد الموجود عندنا
ولا ترفعي سقف توقعاتك

رد: صار دقيق ويحاسب على كل شيء..
 

طيب ماردتو علي إذا رجعت بيتي من نفسي وش بيقول زوجي .. بيقول ها طردوك أهلك مايبونك ومابيتحملونك.. وقتها وش أقول!! وقتها تبوني اسكت وأصبر!!

رد: صار دقيق ويحاسب على كل شيء..
 

هذا هو ياكنافة .. الرجال يبي الزوجة كذا وكذا وكذا وإذا ماصارت زي مايبي الكل يوقف معه وينصحونه يروح يتزوج .. والزوجة المفروض إنها تقبل زوجها مثل ماهو وتحمد ربها على هالنعمة..

رد: صار دقيق ويحاسب على كل شيء..
 

زمان تعرضت لنفس المشكله
واخذت رأي استشاري
كنت خايفه ارجع ويقول عرفتي مالك غيري!
طبعا شي مستفز
بس الاستشاري قال قولي ايه مالي غيرك
انت زوجي وحبيبي مهما صار بينا الخ
عادي ارضي غروره.. بينبسط
بس بعدها بيومين عاتبيه بجلسه هدوء

انا طبقت هالشي ونتيجته كانت ممتازه
بس ياختي صعبه الوحده تمسك اعصابها دايما
احيانا تنفلت المشاعر غصبا عنك
ويتوتر كل شي


مالك الا الدعاء ياقلبي

رد: صار دقيق ويحاسب على كل شيء..
 

لست كغيري اتوقع زوجك انعدى من حساسيتك قبل وصار يزعل على اتفه شي ..
انتي تحمليه مثل ماتحملك وترى حمدلله مشكلتك ماهي كبيرة عشان توصل للطلاق
ارجعي بيتك وعادي عيشي حياتك ولاكأن صار شي
انا كنت زيك حساسه وازعل على اتفه شي حتى زوجي مل قال انتي مايمر شهر الا قالبه وجهك ومبرطمه .. وماكان يهتم لزعلي عشان خلاص تعوود ومل .. والله اخذتها درس صرت استحمل اي كلمة ماتعجبني وعادي ولا كاأني سمعت شي بالعكس اتكلم واضحك ..
اللي بقوله خلي لزعلك قييمه ازعلي عالشي الكاايد عشان يفقدك ويفقد حسك بالبيت ويعرف انه غلط ويجي يبادر ويعتذر منك ..
ولاتتنظرين من زوجك الكمال مافيه احد كامل .. انتي بس شوفي مشاكل القسسم وبتحمدين ربك على زوجك ومشاكلة ...
الله يحنن قلبه عليك يارب ...

رد: صار دقيق ويحاسب على كل شيء..
 

الله يرضى عنك يارب .. واللهم آمين .. خلاص بكرة بخلي أخوي يرجعني البيت .. وإذا كلمني على أساس يمرني أرجع بقوله إني في البيت .. وإذا ماكلمني ورجع بيلقاني في البيت .. وراح استفيد من هالدرس بعون الله ..

رد: صار دقيق ويحاسب على كل شيء..
 

بتستفيدين؟
ما اظن
قابليني ان ما رجعتي بموضوع بعد كم يوم
بنفس المضمون بعنوان اخر.

وتستمر حلقات المسلسل التركي!! "اللي عايشته من طرفك انتي فقط "

رد: صار دقيق ويحاسب على كل شيء..
 

أقصد بستفيد من هالدرس من ناحية إني بعيش لنفسي فقط .. ولا عاد بفكر الا في نفسي فقط .. كنا نخطط نسافر الاردن نقابل دكتور شاطر لاني كلمت زوجي نسوي عملية حقن مجهري إن شاءالله بعد رمضان .. بعمل كل جهدي وبحط كل اللي جمعته في إن ربي يكرمني بطفل وهذا اللي بهتم فيه وبس..

رد: صار دقيق ويحاسب على كل شيء..
 

سبحان الله
إنت شخصيتك يا أسود ياأبيض
تعلمي تكوني واقعية وتعيشين الوسطية.

رد: صار دقيق ويحاسب على كل شيء..
 

اسأل الله لكِ في هذه الساعه المباركه ان يرزقك الذرية الصالحه اللي تقر عينكم يارب
وان يسخر لك زوجك و يسخرك لزوجك .. امين

اهتمي في موضوع الإنجاب وبأذن الله تنحل مشاكلكم

رد: صار دقيق ويحاسب على كل شيء..
 

بعيش الوسطية ياأم دان بس أيضا ماراح أفكر فيه وفي مشاكله اللي مايحلها إلا أنا .. لكن من بعد الان خلاص ماعاد لي علاقة في شيء بهتم بنفسي وبموضوع الانجاب وبس..

رد: صار دقيق ويحاسب على كل شيء..
 

امين يارب .. اسأل الله أن يرزقني طفلا يملأ علي دنيتي .. ويمنحني صبرا وقوة وإيمانا صادقا وقلبا خاشعا ولسانا ذاكرا يارب ياأرحم الراحمين..

رد: صار دقيق ويحاسب على كل شيء..
 

تعلمي عدم المبالغة والتضخيم،،ولا تقولي مالك علاقة في شيء.
فكري فيه وفي نفسك واعملي لأجل سعادتكم..

وتراك أنت آخذة فكرة عن نفسك إنك المنقذ الوحيد لزوجك ،، ومن غيرك بيغرق..
الحقيقة مو كدة اطلاقاً..

رد: صار دقيق ويحاسب على كل شيء..
 

إلا ماأحب أشوفه متضايق وشايل هم .. هذا عيبي .. عموما الانسان بهالدنيا ياخذ دروس ويتعلم..

رد: صار دقيق ويحاسب على كل شيء..
 

اقلبيها مزحة و اجلسي اضحكي معاه ..

.
.

رد: صار دقيق ويحاسب على كل شيء..
 

ماعندك مشكله يااحبه وجالس تدورين المشاكل دواره...
مشاكل عاديه جدااا تحصل بكل بيت
وانتي تضخميييييييييييييينها جداااااااا
تبغين ع قد ماتعطين تأخذين
انا ادرايه لازم يداريني
انا اعطيه لازم يعطيني
انا ادلعه لازم يدلعني
احبه ابو عيالي كنت اعطييييه واعطييييه وعمره ماابادلني وبالرغم من كذا للان مااقوب اعطيت وهو لا
اعطيت بمحبه ماكنت انتظر مقابل عشان كذا للان ماعندي مشكله في نفسي
احبه بطلي تدلعيه بطلي تعطيه بطلي كل شي اذا تتنظرين منو مقابل...
مدري وش مفهوم عن الحياه الزوجيه
ومدري اي فلم حابه تعشيه
كل مشاكلك مشاكل اعتياديه تمر بكل بيت
وتمشي الحياه فيها
الا عندك لازم تتضخم وتكبر وتعتبريها نهاية حياه...
عيوبه اللي صابره عليها انتي اخترتي تصبري عليها فلا تتمنني بصبرك عليها
اعذريني اذا قسوت عليك بس اتمنى تراجعي حساباتك وتبطلي مشاكل..

رد: صار دقيق ويحاسب على كل شيء..
 

حبيبتي بسألك
لو قلبنا الادوار
زوجك حس بسخونة
عرضتي عليه تسوين له شوربة ساخنة رفض
اخذ مسكن وتنشط..
وقت نشط كنتي تنتظرينه ع السرير تتفاجأين فيه راح يجهز ملابسه لسفرته لاهله بكرا..
اخذ بطانيته بيكمل سهرته ع المباراة وبينام بالصالة..
كيف بيكون خاطرك ؟!
صحيتوا حصلتيه رجع تعبان وكنسل السفرة..
انتي اكيد بتتذكرين كيف رفض شوربتك امس ورفض ينام معك ومتحمس لاهله بتروحين للدوام اولا لانك مخذولة منه امس ثانيا علشان تغيرين جو النكد بالبيت..
مو هذا اللي بيصير بكل صدق فكري فيها..

وبرضو ياعسل بسألك
من ناحية عملية هل سويتي خطوة للأمام بخصوص وزنك!!
هل قريتي اكثر عن الرجل وتفكيره!!
اشتريتي الكتب اللي كتبتها لك بالموضوع السابق!!

تطور جميل انكم اتفقتوا بخصوص الحقن الحمدلله ربي يرزقكم توأم يملون عليكم حياتكم فرح وسعادة..
بس مازلتي بحاااااجة ماسة للتقدم اكثر...

شفتي كيف التدقيق نكادة وازعاج..
خلاص ياعسل مثل مااكسبتيه التدقيق اكسبيه التغافل وحياة الفلة والبساطة..
ترا صدقيني لو دققتي بمشاكلكم كلها على توااافه
لذلك كنت متحمسة لقرائتك كتاب لاتهتم بصغائر الأمور..

رد: صار دقيق ويحاسب على كل شيء..
 

بالنسبة للمثال اللي حطيتيه أي والله لو صحي وهو تعبان لاقعد عند رأسه وأنسى كل شيء لمجرد إنه مريض وكل همي يصير أحسن ويتعافى..

بالنسبة للوزن نعم ياأختي لي فترة قاعدة أعمل رياضة وبرنامج غذائي عشان أنزل وزني ..

رد: صار دقيق ويحاسب على كل شيء..
 

اجل افحمتيني يالست كغيري😂
بس هذا يثبت انك أما تقبلين اقبال تام واما تبيعين مافيه منطقة وسط..
ارجووووك اقري الكتب اللي كتبتها لك
احيانا نحتاج نضوج من نوع اخر غير نضوج السنوات وغير نضوج التجارب..
برضو محتاجة تغيرين اسلوبك بالتعامل مع الموقف
ساعات نحتاج نشقلب الموقف من متشنج لنكتة مثلا
طبعا تحتاج ممارسة ومجالسة ناس من هالنوع
وتذكري الاية قبل ماتردين على زوجك اي رد
وقل لعبادي يقولوا التي هي أحسن إن الشيطان ينزغ بينهم إن الشيطان كان للإنسان عدوا مبينا

رد: صار دقيق ويحاسب على كل شيء..
 

الشيء اللي نفسي أفهمه ليش حاضرني في الواتس!!!

هل تعبير عن زعله!! أو رغبه في البعد ومايبي أي رسائل مني مع إني مستحيل أرسله شيء!! أو بيوصل لي رسالة معينه!!! ماأعرف

أفكر أسوي مثله حتى مايعرف إذا متصله ومتى آخر ظهور .. بس بعدين أقول مافرقت معي خليه يحظرني ..

رد: صار دقيق ويحاسب على كل شيء..
 

عموما كلمت أمي واختي يقفلو على الموضوع وماأحد يعرف فيه لا من قريب ولا من بعيد حتى أخواني .. وبكرة بخلي اخوي يرجعني البيت .. بنظفه وأجهز اموري للدوام .. مع إني ماني عارفة بيجي بكرة ولا بيطول عند أهله..

رد: صار دقيق ويحاسب على كل شيء..
 

لاحبيبتي مو كذا تتعاملين مع زوجك .. وغلط اسلوبك .. عيشي لنفسك صح انا معك لكن حتى اسعاد زوجك فيها راحه لنفسسك لانك لو اسعدتيه راح تفتكين من نكده ومشاكله وبكذا حققتي السعاده لنفسسسك مثل ماتبغين .. اسعديه بحدود المعقول بحيث ماتتعددين على حقوقك ولاتضيعينها ..

الله يسسعدك دنيا واخرة ياربddg

رد: صار دقيق ويحاسب على كل شيء..
 

طيب هو يعرف انك كلمتي اهلك على موضوعك .. او كذا حضرك بدون سبب??

رد: صار دقيق ويحاسب على كل شيء..
 

لا عزيزتي مايعرف شيء .. كل اللي يعرفه اني كلمت أخوي وجاء أخذني لانه مسافر..طبعا هو قالي أنا مسافر تبين أوديك لاهلك قلت لا .. قام دخل يجمع أغراضه فشيء طبيعي أكلم أخوي عشان يجي يوديني المستشفى لأني كنت تعبانة وماقدرة أقوم من مكاني .. وطلع هو قبل ماأطلع وشوي وجاء أخوي وطلعت معه..

رد: صار دقيق ويحاسب على كل شيء..
 

اجل لازم وضروري اذا جاا زوجك تفتحين الملفات القديمه وتشوفين ايش بقلبه عليك .. اتوقع والعلم عند الله بقلبه تراكماات مانحلت وهذا سبب تصرفاته معك واللي قطع الشك باليقين حاضرك بالواتس .. لازم حبيبتي تتفاهمين معه مو حلو تكونون شايلين على بعض لابد من المصارحه .. حتى انتي اذا انتي بنفسك شي عليه كلمييه وصارحيه .. لاتخبون على بعضكم ابداا ..

هذي حياه وعشره عمرر مو عند محطه عابرة راح توقفون ...

رد: صار دقيق ويحاسب على كل شيء..
 

للآن نقطة زوجك ( عدم الثقة ) ونقطتك ( الامان والمحبة )
نعم زوجك يشوف نفسه عمل اللازم لما اقترح موضوع المشفى فرده فعلك تعتبر بقاموسه ( نكد وبس)
موضوع اخذ اخيك لك للمشفى وبعدها البيت دون علمه ( وهو يعتبر نفسه ماعمل شي غلط اللي عليه سواه وانتي اللي قررتي ماتروحي) .. كان بإمكانك اذا جا وصارخ وعاتب ليش ماوافقتي من الليل يوديك تبكي بحضنه وتقولي بس انا الحين تعبانه وتبيني انك طول الليل تعبانه وماحبيتي تقعديه وتخربي نومته ومحتاجته معاك ( بدلع وحنية) وبما ان زوجك مايرضى عليك فراح يتغير من العصبيى للحنية ..

زوجك متحسس من وضع مشكلته ويحس انك بايعه مثل ما انتي بالضبط .. يحس نفسه هو اللي محتاج الان التطبييب ومو انتي ! هو من يحتاج للتطمين انك ماراح تتخلي عنه وبنفس الوقت حاسس بالذنب ( يفسر عصبيته وكلامه الجارح بعض الاحيان ) .. نعم هو اخطأ ببعض الامور ومانحط اللوم كله عليك لكن بمثل ماهو تحملك وتحمل وضعك بعد وفاة والدك فيتوجب عليك تحمله ، التقرب منه ، ان ازعجك بكلامه لاتصمتي ولا تعطيه نفس كلامه بل امتصي عصبيته وانتقاده وابتسمي ! او احضنيه او قبليه ...

زوجظ لايقارن بزوج كنافة ،، فزوجظ لايرخي سمعه للاخرين واما زوجها للاسف كما ارى ان سبب ماهم فيه هووارخاء سمعه للقيل والقال ومحاولة تطبيق تجارب الاخرين على حياته ( اعتذر عن طرح الكلام هنا للاخت كنافة ولكن رايت رد لها بموضوع الاخت العزيزة )

رد: صار دقيق ويحاسب على كل شيء..
 

مشكلتك تركزين ع الاحداث الصغيرة اليومية و ماتنتبهين للصورة العامة لحياتك معاه

رد: صار دقيق ويحاسب على كل شيء..
 

ام مريمي
جبتي المفيد
فعلا زوجي يرخي سمعه بزياااااده
ويتشاور هو واصحابه بحالات زوجاتهم
ومعظم اصحابه يعانون مشاكل جسيمه
ولما كانت علاقتي معه سمن عالعسل
كان يصور طبخاتي ومفاجآتي له
وينزلها سناب.. ويقول: بقهرهم!
وكان دايما يمدحني
ويقول اذا سمعت مشاكل اصحابي حمدت ربي عليك
الحين صرت ما اعجبه ابدا ابدا


اسفه يا احبه
بس مداخله ام مريمي اثارت شجوني
الله يصلح الحال

رد: صار دقيق ويحاسب على كل شيء..
 

وش رأيكم هل قراري أرجع البيت من لحالي قرار صائب؟ ولا أنتظر أشوف وش ناوي عليه هل بيمرني ويرجعني معه أو بيطنش؟؟

ماني عارفة .. طيب لو رجعت ماتقبل وجودي في البيت،، أو إنه بيتأخر عند أهله أظل في البيت لحالي.. أش رأيكم؟؟؟

رد: صار دقيق ويحاسب على كل شيء..
 

عشان كذا الوحدة تتركد في طلعتها وماتطلع الا على الشديد القوي وشي يستاهل فعلا. . عشان ماتطيح في هالمواقف ..
عادي ارجعي و لا كأنك طلعتي مو هو بيتك .و اعزمي صديقاتك و تونسي معاهم وانشغلي باشياء اخرى غير الدوام واستقبليه بنفسية حلوة .

رد: صار دقيق ويحاسب على كل شيء..
 

لو ماهو مسافر ماطلعت .. أخوي قال بوديك المستشفى وبرجعك البيت قلت لا زوجي مسافر مابظل في البيت لحالي وديني بعد المستشفى لأهلي.. لو زوجي جالس في البيت ماطلعت منه..

رد: صار دقيق ويحاسب على كل شيء..
 

ايه عادي هذا بيتك ارجعي بأي وقت
اصلا الرجال ماطردك ولا قال ما ابيك
يعني الموضوع بسيط
اخذتي بخاطرك
رحتي بيت اهلك روقتي.. ورجعتي


على فكرة
اذا رجعتي بسرعه احسن
لو مرت ايام وطالت السالفه بتقلب شي ثاني
وزوجك شكله هاليومين مو في المود
خذيها من قاصرها وارجعي
عندك ألف حجه:
ملابس الدوام واغراضك
مافي شي يستاهل البعد
الويك اند خلص
انه رجع من السفر

اختاري اي حجه وخلاص

رد: صار دقيق ويحاسب على كل شيء..
 

قبل ترجعي بيتك اعملي تمارين الاسترخاء
شوفي طريقتها في يوتيوب


واذا تحاتي نظرته لك.. تطمني
شخصيه زوجك النوع اللي بيكابر
ويغتر شوي
بينما هو بداخله مبسوط
وبيحس انك متمسكه فيه ومالك الا هو وبيتك
اوكي ليش لا.. خليه يعيش الجو
بالنهاية بتظهري بصورة: الزوجة العاقلة
احسن ما يشوفك طايشه ومتهوره
ارجعي اليوم
عشانك مو عشانه

رد: صار دقيق ويحاسب على كل شيء..
 

وانتي بينتي له انك طالعة و لا انتي راجعة ؟ خلاص ارجعي وانتهت السالفة تحسبا مانعرف الى ماذا تؤول اليه الامور.