|
رد: طرد زوجي لي من منزلي للضغط علي للسكن عند
لا ياقلبي ولا تفكري
رجل اذا فكر يطلق بكل سهولة يطلق لكن المراة اذا زوجها ما طلقها ممكن تضيق عليه الخناق العكس زوجك يحبك الواضح وانت ابخص لكن في موضوع البيت أهله والسكن وطرده لأولاده هذه مخطئ فيها بطرد فقط وسبحان الله تدرين ياقلبي لو احد منا يفعلها بزوجته وأولاده تظل عليه عار العمر كله ابدا ما تخرج الأولاد من بيت أبوهم باي حال من الأحوال لانه أبوهم وهذا بيتهم لكن يمكن زوجك الوضع عندهم عادي لكن انتبهي تفكري بطلاق احذري من الخطوة هذه ولا تصعدي الامور بينكم |
رد: طرد زوجي لي من منزلي للضغط علي للسكن عند
قلبي سر معاناتي
جزاج الله خيييييير الله يسعد قلبج فعلا احتااااااج كلمات مطمئنه وبنفس الوقت احتاج لـ الصراحه والصدق انا صار لي من أمس مارديت على اتصالاته اخر اتصال منه كان اليوم الساعه ثمانيه ونص مساءا مااقدر أرد على الاتصال مابي أرجع نفس الوضع القديم ابي حسم وحزم بالموضوع |
رد: طرد زوجي لي من منزلي للضغط علي للسكن عند
ﻻ حبيبتي ان شالله مافي طلاق
بس ممكن اخذ عالراحه وزي ماقلتي هو عندي شويه فيمكن معند عالنقطة ذي بس ليه وافقتي تبعدي عن بيتك كل المدة هذي مره غلط يتعود الرجل عالبعد وياخذ عالراحه لو رضيتي ببيت اهله افضل من بيت اهلك |
رد: طرد زوجي لي من منزلي للضغط علي للسكن عند
((((((انا ماوافقت انا أجبرت اترك بيتي ))))))
بالبداية كان صعب أوافق تخيلي ام زوجي صاحبة البيت اللي المفروض اسكن فيه حاطه لي حظر بالجوال من سنه وبين فتره وفتره ادخل أتأكد أقول يمكن الله هداها بس ماكو فايده جسور الوصل مقطوعه |
رد: طرد زوجي لي من منزلي للضغط علي للسكن عند
روح ليش متخوفة من سكنك بنفس عمارة اهله
ترى حتى لو كنت بنفس العمارة مو شرط تروحين وتجين عليهم ! حدك شقتك وخلي العلاقة مثل ماهي ! هم ما يبغونك بكيفهم وانت اعتبري الشقة شقة زوجك مو شقة امه! وان جات ع صوته وقت عصبيته طنشيه واعتبريه شخص مريض و الكل اذا سمع صوته بيرحمونك على العيشة معه محد متضرر الا هو ! وما تدرين الخير وين يمكن يعرف اهله على حقيقتهم اذا سكن عندهم |
رد: طرد زوجي لي من منزلي للضغط علي للسكن عند
ما اتوقع يطلق لكن حاب يضغط عليك
لكن زوجك للاسف ارتكب غلطة كبيرة و ما ادري كيف هان عليه يترك عياله في بيت جدانهم 6 شهور و بيت ابوهم موجود و انتي شاركتي زوجك الغلط و المفروض ما كنتي تروحي شقتك الا للضرورة و يكون زوجك في الدوام تاخذين غرضك الضروري و ترجعين |
رد: طرد زوجي لي من منزلي للضغط علي للسكن عند
لا ادري يا اخواتي
لكن ليست المشكلة عند ريحانة في ذهابها الى اهله حيث رسلت له انها موافقة لكنه يريدها ان تعتذر. كذلك تصرفه الخاطئ في ان يناديها لتجلس معه كم ساعة في شقتهم هي و العيال و يرفض مبيتها ليحل مشكلة السكن الاول. ثم نوضح لها كيف تتعامل معه يستبعد الطلاق. و يبدو ان لديك يا اختي مشكلة الحزم و الإصرار لابد ان اهلك يروا ثباتك في انك لا تريدين الطلاق إنما المعاملة بالحسنى و السكن |
رد: طرد زوجي لي من منزلي للضغط علي للسكن عند
روح
ما صارت اي مستجدات؟ طمنينا |
رد: طرد زوجي لي من منزلي للضغط علي للسكن عند
حبيبتي مسز داني قلبك كبير لكل أعضاء هالمنتدي
والله ي غاليتي اهوا مازال يتصل بس انا مابي أرد وكل ماااااألين اتذكر كلامك انها الفرصه الاخيره لي ل تصحيح هالوضع اللي تعبت منه |
رد: طرد زوجي لي من منزلي للضغط علي للسكن عند
آخر اتصال منه كان خمسه مساءا
انا واثقه الحين يقول مااترد على مكالماتي ماتحترمني ماتقدرني والعكس صحيح 😞😞 لاني قرأت مواضيع واجد ل رجال في المنتدي ينعت زوجته بالإهمال والتقصير بحقه بس عشان مااترد على اتصالاته !!!!!!! ليش يفهمونا خطأ |
رد: طرد زوجي لي من منزلي للضغط علي للسكن عند
واصلي ، الله يفرج همك ويسخره لك .. ♥
|
رد: طرد زوجي لي من منزلي للضغط علي للسكن عند
الم يحاول مكالمة اهلك؟
|
رد: طرد زوجي لي من منزلي للضغط علي للسكن عند
مسز داني
اهوا يبي هالشي وبقوه ان يكلم اهلي بس يبي اهما اللي يتصلون عليه لانه يقولي ابيهم يشهدون على موافقتك على شروطي !!!! شنو هالاذلال ؟؟؟! الله يهديه والله منحرجه من اخواني يشوووووفون هذا الزوج موووو صالح لي ويشوووفون اشكثر سامحه له يذلني ويكسرني دايما يردد علي ّ (((((( ابيك مكسورة عندي )))))))) |
رد: طرد زوجي لي من منزلي للضغط علي للسكن عند
قبل يومين بيني وبين نفسي اقتنعت بالطلاق وطلبت اخوي عشان امشي فيه
بس اليوم خذاني الحنين للإستقرار الاسري |
رد: طرد زوجي لي من منزلي للضغط علي للسكن عند
لا طبعا ابعدي فكرة الطلاق
بس ما ادري لحد الآن مش فاهمة وجهة نظرك انك ما تردي عليه يعني ماذا تتوقعي يقول و حتى لو قال ما قال لن يغير الامر موقفك اخبرينا توقعاتك قد ننصحك بالرد عليه |
رد: طرد زوجي لي من منزلي للضغط علي للسكن عند
مسز داني
زوجي ست شهور مافارقني بالتليفون اقصا اقصا تايم مارديت عليه اسبوع ووضحت انه يروح لمكان عملي او يوقفني بالشارع بس عشان يجبرني ارد عليه من باب انتي زوجتي ولا زلتي على ذمتي ماأبي أرد لان اعرفه اسلوبه يسحبني لسوالف وأحاديث جانبيه ويسألني تبين عشا تبين حلو قهوه يعني يلين طرفي وأحس بس يبي يشبع قربه مني وبعدين ولا يفكر يعدل هذا الوضع يبي يعز اهلي يبيهم يملون من وجودي عندهم ويلجأووون له بالنهايه |
رد: طرد زوجي لي من منزلي للضغط علي للسكن عند
يعزر بأهلي *
|
رد: طرد زوجي لي من منزلي للضغط علي للسكن عند
ٱنـِْا شخصيا بديت اقتنع ان الصمت ماينفع معاه
لازم اتخذ موقف |
رد: طرد زوجي لي من منزلي للضغط علي للسكن عند
بس انت بموقف جاد الآن
انت تملكين قرارك و لن تجعليه يلين جانبك و يرجع الوضع لما هو عليه. اعتقد انك خائفة من صراخه ولا تستطعين مواجهة كلامه انت فقط لما تردي. خليه يتكلم و ردي عليه ان الوضع مو عاجب اهلك و لا عاجبك لانك زوجته و هو عزوتك و انت تحت ذمته وعليه و هو الشهم الكريم ان يوفر سكن يليق بزوجته فكرامتك من كرامته عززي جانب الرجولة فيه خليه يحس و يخجل من نفسه و لو قال لك اريد أكسرك و انتقم او غيره قولي له كرامتي من كرامتك و كله ثقي انك ستحافظ علي و تحترمني و مع السلامة |
رد: طرد زوجي لي من منزلي للضغط علي للسكن عند
انا فعلا خايفه من صراخه ومواجهته
وتحقيره لي باني زوجه مو صالحه ومر عارفه اسنع بيتي وأريح زوجي وهذااااااااا كله غير صحيح ولما اقوله اهلي مو راضييين يقولي اهلج لو يفهمون جان قالوا لج يله على بيت زوجج ماعندنا حريم يقعدون جذي بس مايفهمون!! كانوا عقلو ّ عليج وفهموج السنع لانج مو سنعه ولا اهلج سنعين هذي وجهة نظره واعتقاده |
رد: طرد زوجي لي من منزلي للضغط علي للسكن عند
😊 اي عيل السنع ان يخليج بييت اهلج 6 اشهر
|
رد: طرد زوجي لي من منزلي للضغط علي للسكن عند
مثل ما قالت زين
بكل بساطة قولي بهدوء. اهلي يشوفون ان وضعي بدون سكن ثابت مو سنع وضد الشرع و العرف ليش ماخذ عليك هالكثر. بس عشان رفضتي تسكنين بيت اهله ؟؟ |
رد: طرد زوجي لي من منزلي للضغط علي للسكن عند
اهوا يشوف انه اهوا صح وموقفه سليم وان هذي الزوجه انا تعبت منها وماتسمع كلامي وتعاندني
و طردتها بيت اهلها عشان يأدبونها ويسنعونها لي مو عشان يستقبلونها عادي !! ولازم تطيعني طاعه عمياء اقولها بروح بيت اهلي تقول حاضر وتم وعلى امرك مكسورة وذليله ولاتردين بـ حرف مسز داني اهوا شخصيته جذي متحامل حقود ماينساااا الاخطاء ويركز عليها سنه سنتين عاااادي وأي شي يصير انا مو رجل بعينج آْنَـتي ماتقدرين انتي ماتحترمين وهلما جراااااا |
رد: طرد زوجي لي من منزلي للضغط علي للسكن عند
ماادري هل عشان الفارق التعليمي؟؟؟
لانه دايما يقول خل تنفعك شهادتك ومستواج التعليمي!!؟ "اي لانج أحسن منى وأفهم مني " واناااااااا والله عمري ماجبت طاري الشهاده بالعكس دايما اثني على ذكاءه لانه فعلا ذكي بدون مجامله يمكن لان أول شهر زواج قلت له بضحكه انت كل اللي عندك شهادة ثانوي بس والله ضحكه وغشمره لكنه حقد حقد دفين ظليت ادفع الثمن سبع سنين |
رد: طرد زوجي لي من منزلي للضغط علي للسكن عند
انا وضحت أمور كثيره مسز داني وخواتي عشان ألقا حل لـ وضعي
واذا شايفين اي تقصير من جانبي بصروني جزاكم الله خير |
رد: طرد زوجي لي من منزلي للضغط علي للسكن عند
اختي روح
الشخصية هذه اعرفها مزبووط خبرة 25 سنة كل مادنقتي لهم كل مادعسوك اكثر واهانوك ويستغلونك ايما استغلال يحبون العظمة وفيهم كبر وغرور زوجك ياقلبي عنده عقدة نقص وماعنده ثقة بنفسه شهادتك ومستوى تعليمك وكونك افضل منه اقلقه وخلاه يعيش بهذه الشخصية يبي يكسرك يذلك يبيك تحت جناحه حتى لاتشوفي نفسك عليه الشخصية ذي اعرفها وعاشرت مثلها ومالك الا اسلوب واحد الطنااش فقط اعطيه حقوقه اللي اوجبها الله ابراء لذمتك وعيشي حياتك ولاتضحين بشي تحبينه بكرة تندمين عليه لانهم مايعترفون بفضل ولامعروف احد وحتى انتقالك لبيت اهله وانا مستعدة احلف انه مابيثمنه لك ولايشوفه معروف منك ولايشوف لك فيه اي جمييله بالعكس يشوف انه هو اللي جابك وانه هذا اللي كان المفروض انه يصير وانه ادبك مالك حل غير انك ترفضين رفض حازم انك ماتنقلين لبيت اهله وتبقين في شقتك او تنقلين لبيتهم ولاتحاولين تتجملين عليه وتتحملين اللي تسمعينه منه او من اهله زوجك مثل زوجي شمالي شرقي وزوجي شمالي شرقي متطرف كمان غيور حقود زعول نكدي بمعنى الكلمة شكاك مايثق في احد...وزوجك بيظل يحمل هذه الصفات وهذه الشخصية لانه طبعه ولاتقدرين تغيرينه ومايقدر عليه الا الله سواء نقلتي لبيت اهله او مانقلتي. |
رد: طرد زوجي لي من منزلي للضغط علي للسكن عند
اقتباس:
|
رد: طرد زوجي لي من منزلي للضغط علي للسكن عند
بين أولادي"
صح كل ماأضحي اكثر كل مايزيد عنف وصعوبه اكثر شنو سويتي بزواجك شنو افضل الطرق اللي استخدمتيها شنو أسوي الحين بالضيط عطيني خطوات ادخل اخوي بالموضوع ؟؟؟؟؟؟؟؟؟؟؟؟؟؟ اطالبه بالطلاق ؟؟؟؟؟؟؟؟؟ |
رد: طرد زوجي لي من منزلي للضغط علي للسكن عند
اتبعتي أساليب في السابق مانفعت ..
أتبعي اسلوبك هذا .. إذا فاد خير وبركة .. وإذا مافاد .. فالطلاق أصلا مطروح من قبل أهلك .. أحس بتفاؤل إن زوجك بيحس بالندم وإنه فعلا بدا يخسركم بسبب أسلوبه .. وإن شاء الله يراجع نفسه ويتراجع عن موقفه .. بس إنتي اثبتي .. |
رد: طرد زوجي لي من منزلي للضغط علي للسكن عند
اليوم ثالث يوم وانا مارديت على اتصالاته 3⃣
وأحس زهقاااانه وطفشاااانه ليش تصرفات الاطفال هذي انا بعرف اللي تزعل في بيت اهلها شهرين وتسكر تليفونها وماترد على زوجها شنو تفكرين وتشعرين فيه حزتها شنو ألقوه اللي أستندتي عليها ؟؟؟؟؟ أكيد أهي فكره بس شنو هالفكره الباعثه على القوه.؟؟؟؟ ادعو ربي الموضوع ينحل قبل رمضان وباقي بس عشر ايام ادعو لي ارجوكم بظهر الغيب |
رد: طرد زوجي لي من منزلي للضغط علي للسكن عند
خواتي قبل اسبوع طلبته حليب للبنت وراح وشرا كرتون وعطاني بس علبتين ؟ قلت له عطني الكرتون كله ! قال لأ خليه بالشقه وعطاني نظره لها مغزي مع ابتسامه وقال مو صح انتي بترجعين للبيت ؟؟؟؟!!!!!!
😳😳😳😳😳😳😳😳 احس نفسي مره فووووق ومره تحت !!!! مره استقرار مره طلاق؟!!! "بوردينق لاين" والله لو مو ماسكه عقلي والله وصلني للجنون |
رد: طرد زوجي لي من منزلي للضغط علي للسكن عند
قصده بترجعين
تترددين على البيت كعادتك في الست شهور |
رد: طرد زوجي لي من منزلي للضغط علي للسكن عند
وانت ليش ماسكة الخيط من الطرف
وتفكيرك اما طلاق و اما ينزل عليه الملاك ويتغير تريثي. وضعك ما كان يسر الصديق ونحن نرجو لك الاستقرار و المبيت و الطمأنينة |
رد: طرد زوجي لي من منزلي للضغط علي للسكن عند
لا مسز داني
اهوا طول هالست اشهر يعطيني الكرتون كامل وانا أتردد على شقتي وينزله بنفسه ل سيارتي هالمرة غير يقصد ان رجعتج قريبه لكن متى ؟ والوقت؟ ماادري |
رد: طرد زوجي لي من منزلي للضغط علي للسكن عند
مااتوقع مسز داني اني ماسكه الخيط من الطرف
(((انا مو ابيض ولا اسود ))) انا عطيته على هواه وعاملته بالهدوء والمسايس والتحايل طول هالست أشهر وكنت جداا لينه وأبي اكسب قلبه وما أحرمه من عياله ماقلت له اما تصلح او تطلق ولكن قبل ثلاثة ايام قلتها له اما تصلح هذا الوضع او لاتدق |
رد: طرد زوجي لي من منزلي للضغط علي للسكن عند
إذن رآيتك بيضاء و ما قصرتي
واعطيتيه فرررص و الآن وقت الجد فإذا كان له نية. الآن وقت التفيذ لا تنسي الالحاح بالدعاء لله ليفرج همك |
رد: طرد زوجي لي من منزلي للضغط علي للسكن عند
اتصل مرتين ومارديت
أرسل رساله انه راح يأخذ الاطفال حضر واخذهم وساعه ونص واهوا يتصل اخر شي ارسل رسائل توعد وتهديد وانتي حاقره اتصالاتي!! بس ماعندي رغبه ارد وانا اشوف كل يوم اشلون مخلي اطفاله يعيشون بذل وهوان بعيد عن الاستقرار والراحه كافي المشاكل كل يوم بينهم وبين عيال اخوي على الالعاب وقنوات التلفزيون . الله ييسر الأمور. |
رد: طرد زوجي لي من منزلي للضغط علي للسكن عند
هل كانت رسالتك الاخيرة
واضحة المعاني له. اي الرسالة التي قبل ان تطنشي اتصالاته ذكريني بها نصا.. |
رد: طرد زوجي لي من منزلي للضغط علي للسكن عند
لاتكلمنى ولاتطلبني بالتليفون لين تحل هالوضع
ولاتقول انتي زوجتي وعلى ذمتي ،اللي على ذمته زوجته مايطردها ل شارع مع عيالها طيبت خاطرك ابو (...) وترجيتك العيال ينامون بالبيت عشان التكيف خربان في بيت اهلي تقول لي لأ مايردون الشقه انا ماراح ارد على اتصالاتك. ---------------------------------------------------------------- (((((((( هذا نص رسالتي عزيزتي )))))))) |
رد: طرد زوجي لي من منزلي للضغط علي للسكن عند
داخلة عشان اشوف مستجداتك
الله يفرج همك ويريح بالك |
| الساعة الآن 02:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©