|
رد : زوجتي لاتهتم فيني
اقتباس:
وبعدين الامان يكون بالبيت يعني يعني اذا صار البيت باسمها تكون متطمنه |
رد : زوجتي لاتهتم فيني
اقتباس:
فعلا كلمك صح 100% الخطأ يصير من كلا الجنسين والواحد يشوف القضيه بتجرد هذاالمفروض فـ حنا ماحنا بحالة حرب وكل واحد يفزع مع جنسه لا المراءه تستغني عن الرجال ولا الرجال يستغني عن المراءه |
رد : زوجتي لاتهتم فيني
يااخي احنا مو مع زوجتك بس نبغى نفهم عقليتها
كانه في حلقه مفقوده الحين تكلمها بعلاقتكم تتكلم بالبيت حسيت ان فيه شي بالبيت المراه ماتطالب البيت باسمها الا اذا كانت خايفه او مشاركه بشي نصيحتي روح معاها لمستشار زواج زوجتك في بالها شي مانعرفه ليه قالت عنك متكبر وليه جابت طاري البيت يمكن تلقى طرف خيط يحل مشاكلهم قبلماتقفز للزواج الثاني ترى الزواج الثاني مودايم حل خاصه اذا الزوج داخل بنفسيه مشحونه نصيحه حاول مع زوجتك وادبها كما بالشرع اهجرها وشوف يمكن يرجع لها عقلها وترجعوا سمن على عسل الله يوفقك اخوي |
رد : زوجتي لاتهتم فيني
طلبها بحث عن الامان تدور عليه
يمكن مو شايفه فيك هذا الامر حاول تعوضها بشكل ثاني مو تنسحب من اول طلب طلبته لك وتتقبل طلبها حتى لو مش عاجبك انت الي سألتها وهي ردت بمكنونها لا تشوفه طمع وانانيه عبر لها عمليا ومعنويا واحتويها وغير نظرتها فيك اعتقد ان زوجتك تشوف نفسها انها ضحت وعطت وتعبت لشخص ما يستاهل وانها لازم تتجرد من جميع عواطف الانثى لانها تعتبرها ضعف وان الامان الوحيد هو الماده فقط اعتقد زوجتك ايضا احد يعبي راسها بمفاهيم خطأ |
رد : زوجتي لاتهتم فيني
اقتباس:
اقتباس:
هذا هو ^^ .. |
رد : زوجتي لاتهتم فيني
اقتباس:
الحياة مره واحده لاتضيعها بعلاج النفسيات المريضه والاستغلال انا بس ودي اعرف مايطفشن من الحياة كذا كلها بعد وجفاء ايش الفطره الي يحملنها داخلهن المراه فطرتها حساسه رقيقه بحاجه للزوج من حب واشباع للمشاعره والله لو اني رجال ماضيع حياتي اشكي ياخي احسم امرك وتوكل ع ربك لاتمرض نفسك |
رد : زوجتي لاتهتم فيني
اقتباس:
http://www.66n.com/forums/showthread...=254016&page=3 وأتمنى لو انك ترجع للرد رقم 50 كمان .. لو أنها حست بالاستقلالية ومستغنية عنك لطلبت الطلاق بدل تصرفاتها هذي .. أخي هي لما طلبت تسجل لها البيت ما اتوقع قصدها مادي .. لو أنها انسانه مادية لما أقرضت زميلاتها وبالشهور كما تقول . هي بخاطرها شي تجاهك .. حاسه الحب اللي بينكم مات ففقدت الصلة والرابط اللي بينها وبينك .. حتى عيالكم فقدت رابطها معاهم وتخلي الخادمة تقوم باستحمامهم . كنت طلبت منك برد سابق تكلمها بطريقة عتاب المحبين... والحوار اللي صار بينكم أبعد ما يكون عنه . انت طالبت بحقوق واستعملت أسلوب عملي جدا ... اسلوب سبق واستعملته وما فاد ... ولهذا اقترحت عليك تستعمل اسلوب عتاب المحبين ... كنت أقصد انك فعلا يكون عتابك عليها بخصوص الحب اللي بينكم وين راح ؟؟؟ ومعقوله 4 سنين بعد الطلاق ولسه شايله بقلبها عليك؟ كيف كان موقفها منك وقت تطلقتوا ؟؟؟ وهل رجعت بضغط من أهلها وللا هي كانت تطلب الرجوع .. وتكلمتوا بموضوع اتهامها لك ومن وين جابته وللا انت توقعت من عندك ؟ على فكره معاها حق تكون غامضة معاك ... النقاش معاك يخوف .... اعطيتها الامان وطول الوقت تقول لها راح اتقبل منك اي نقد ولما قالت لك على جزء من الي ببالها زعلت وقلت لها بتزوج عليك. |
رد : زوجتي لاتهتم فيني
اتفق مع والدتك ان تتصل بها وتخبرها
انك طلبت منها ان تخطب لك وانها تحبها ولا تريد لها الضرر وان لانت زوجتك وطلبت من امك التريث فلتخبرها انها تمهلها شهر وعليها ان تجعلك بحسن تصرفها تخبر امك انك لم تعد تريد الزواج |
رد : زوجتي لاتهتم فيني
تهديدك لها بالزواج الثاني هو السبب
|
رد : زوجتي لاتهتم فيني
اقتباس:
اما قولتك ان نفسيتي مشحونه فـ بالعكس انا احس ان عندي كميه مهوله من الحنان اللي ابي اعطيه للطرف الثاني لكن للاسف الطرف الاخر مسكر الباب او بالاصح واضع شروط لفتح الباب وهو اني لازم اجي وانا صاغر ذليل واسمع اي امر منها عشان تفتح لي الباب فـ هذا صعب علي |
رد : زوجتي لاتهتم فيني
اقتباس:
|
رد : زوجتي لاتهتم فيني
اقتباس:
|
رد : زوجتي لاتهتم فيني
اقتباس:
انا قلت لعل وعسى |
رد : زوجتي لاتهتم فيني
سو مثل ماقال ابو حكيم
اشيع انك بتززوج وان السالفه جد وشوف رده فعلها |
رد : زوجتي لاتهتم فيني
اقتباس:
اختي الكريمة انا قبل الورقه والقلم تكلمت معها بمنتهى الهدوء وبينت لها ان العلاقه الزوجيه مو بس حقوق وواجبات وقلت لها ممكن اعطيك حقك ولكن يكون ماله طعم المهم كلام كثير وبعدين جبت الورقه والقلم اما عن قولتك اني عصبت لما طلبت مني البيت لاني لا انا ولا اي انسان يتوقع ان طلبها راح يكون هذا خاصه وحنا جالسين نتفاهم على امور حياتنا المعنويه والعاطفيه مو معقول تربط رجوعها بمثل هذاالطلب اللي اكيد راح ارفضه |
رد : زوجتي لاتهتم فيني
اقتباس:
واخواتي ماتطيق تسمع اساميهم |
رد : زوجتي لاتهتم فيني
اقتباس:
بالعكس اظن بيزيد الوضع للأسوء وبيزيد العناد والجفا |
رد : زوجتي لاتهتم فيني
اقتباس:
أخي ضروري تنقل لنا كلامها عنك ورأيها حتى نفهم اللي براسها وأرجو ان تشرح لي أكثر عن قصة طلاقكم .. كيف كان موقفها أسبوع طلاقكم وكيف رجعت ؟ |
رد : زوجتي لاتهتم فيني
بتحاولو تحلو المشكلة اوكيه افهم ذا الشي بس ليه نازلين اتهامات في زوجها سوبت لها كذا قلت لها كذا حسستها بكصا انحزتو لطرفها
تبون تساعدونها حلو مشكلتها مع زوجها |
رد : زوجتي لاتهتم فيني
اها انت مطلقها قبل هالمره ومهددها بالزواج الثاني
طبيعي ماتحس بامانً |
رد : زوجتي لاتهتم فيني
اقتباس:
الأخ طلقها لأنها اتهمته بالزنا اتهام صريح. وهددها بالزواج الثاني بسبب حالها المعوّج معه منذ أربع سنوات. يعني الطلاق والتهديد بالزواج رد فعل .. وليس رغبة ومزاج منه! |
رد : زوجتي لاتهتم فيني
اقتباس:
هذه واقعة الطلاق. |
رد : زوجتي لاتهتم فيني
شكلها مريضه والله اعلم
هل عندها وسواس او اي مرض نفسي..؟ والله انت اعرف بحالك يا اخي اذا تعرف زوجتك تجي بالحيل والخطط خطط وفكر وتحايل عليها لين تتغير واذا هي من صنف الحريم اللي راسها ايبس من الصخر ف ماعليك عتب لو تزوجت عليها ما الله حاوجني اتحمل نفسيه وعندي حلول!! واذا انت من النوع اللي ما يقدر على التعدد ورح تظلم او تتعب نفسيتك بين الحريم<< اذا وحده جابتلك المرض كيف ب ثنتين ف مالك الا الصبر واحتساب ان هذي المرأة سبب لنيلك الفردوس الأعلى من الجنة:) |
رد : زوجتي لاتهتم فيني
اقتباس:
وهل كانت قبل الطلاق أم بعده؟ |
رد : زوجتي لاتهتم فيني
.
.................................................. ........... لذا : - ابدأ بنفسك وأصلحه وأكثر م التوبة والاستغفار فالله يقول: ( فبما كسبت أيديكم ويعفوا عن كثير) . - اعمل هزة في مركزها الاجتماعي مثل ما ذكر الأخ (الرسمي) لأن مثل هذا التصرف يجعلها تعيد التفكير في حياتها. لإنها كونت مركز اجتماعي أو ما يسمى (بريستيج) من: (الزوج - العمل- الأولاد ). لكن إذا عادت من عملها أو ذهبت من بيت أهلها فسيتغير عليها الوضع وتختلف كثير من الأمور. - ابدأ بعدها بالتفكير بشكل جدي في الزواج وتذكر أنك لست ملزماً بإخبار الناس عن سبب الزواج . واحرص أن يكون تفكيرك واقعياً وليس من قبيل الأحلام . الله يوفقك .. ويرزقك بمن يقدرك ويحترمك |
رد : زوجتي لاتهتم فيني
سبحان الله المرأه عدوة نفسها الكل نصح يأدبها ويهددها بالزواج
ما شاء الله اعتقد في سبب لتغيرها وهو ادرى بنفسه ، فما له داعي تنصحونه بحلول قديمه وغير صالحه |
رد : زوجتي لاتهتم فيني
اقتباس:
هل تقصدي اختي الكريمه أن يكتب البيت بإسمها ؟ |
رد : زوجتي لاتهتم فيني
لو كتب البيت باسمها غالبا ستطلب الطلاق
هي قالت تزوج ذا حقك , معني انه يتزوج هي تظل في البيت مع عيالها الي عندها تجاوز الشك و عدم الثقة الي النفور و عدم الرغبة بزوجها ما جاوبت علي سؤال مهرة عشان نفهم اماذا كانت بحاجة لاتثبات انك مو حق خرابيط |
رد : زوجتي لاتهتم فيني
اقتباس:
قصدي ان ما يزعل ويشيل عليها ويعتبر طلبها طمع واستغلال |
رد : زوجتي لاتهتم فيني
حقيقي انا مرا انصعقت من الطلب يعني لو كان بغير وقت ممكن صح يكون مقبول نوعا ما
.. وماتوقع انها جادة فيه بس يمكن تختبر ردة فعلك او انها حابه توصلك شعورها معك بعدم الامان ! بس بسألك وين المشكله لو كتبت نص البيت باسمها ماهيا كمان ام عيالك ؟ يعني انا ماشفت انو استغلال قد ماهوا ضمان لها عموما انتا ما عطيت نفسك وقت لتفهم ايش اللي زوجتك حابه توصل له من طلبها هذا اتسرعت بخروجك وعصبيتك مع انو المفروض انك تضبط اعصابك .. وتكون متوقع منها أي شي مدام نويت انك تتناقش وتفهم تفكيرهاا وكل اللي يقولك الزواج الثاني عطاك اقوى بنج ، بعدين حتى لو اتزوجت ايش اللي يضمن لك ماتطلب منك الزوجه الثانيه انك تسجل لها البيت او نصو باسمها او تشتري لها شقه مثلا ؟؟؟؟ يا اخي لو انتا فعلا حاب تصلح وضعك مع زوجتك انصحك في عدم التسرع باتخاذ اي قرار ولازم تصبر .. ولما تحس انك سويت كل شي عليك وخلص ماعاد في حل غير انك تتزوج ف اتزوج وبالتوفيق lk |
رد : زوجتي لاتهتم فيني
السلام عليكم
انا مع الاخت مبتعثة وبيتا في ردها الاخير صدقني اخوي انا ما اعرفك ولا اعرفك لكن اعرف حالة مشابهة تماما لحالتك ولحالة زوجتك مع الاختلاف البسيط ونفس فكرة الطلب ( سفرة ... بيت ) .. سبحان الله احنا الحريم نفس الشي انا ما اقول اهي مب غلطانة بس قعد اعطيك الاسباب ... الموضوع كله عدم ثقة... .تراكمات . ... عدم الامان انت بنفسك قلت ان زوجتك كانت نعم الزوجة قبل 4 سنين وانها ما تغيرت الا عقب الطلاق وانك ما رجعتها الا بعد تدخل اهلها وشكلها شالت عليك كل هالفترة ويمكن وصلت لمرحلة انها بايعتك اعذرني اقول هالكلام بس هاي الحقيقة وفي اشياء انت ما تكلمت فيها مثل كيف رجعتها ؟ بعد الطلاق مباشرة كيف تعاملك معها ؟ حاول تصلح الوضع مب عشانها عشااان عيالك .................... اما بالنسبة للاعضاء اللي يتهمونا بانه احنا نوقف مع المراة في كل الحالات اذكركم بموضوع اختنا معالي الوزيرة في قسم المطلقات اتمنى الكل يرجع للموضوع ويشوف راي اختنا مبتعثة وملكة الاحساس ...الخ وردهم على اختنا الوزيرة وردهم في هذا الموضوع الغرض هو * الاصلااااح** لو كانت زوجته اهي اللي تكتب لتغيرت ردودنا وعاتبناها ............... نقطة اخيرة : بالنسبة لاتهامها لزوجها بالزنا ... زوجها قال انها من النوع اللي توسوس (بهالمعنى) ربما تكون مصابة بالوسواس القهري ارجوكم اللي ما يعرف المرض لا يتكلم ( انا مريضة سابقا) المصاب بالوسواس تغلب عليها الافكار المريضة رغم سخافتها وتقهر المريض مثل الشك .... على كل حال : نسب الخطا في تحليلي واردة .... ولكن بما ان زوجتك كانت زوجة رائعة .. فالاكيد انها ممكن ان تعود كما كانت الله يوفقكم .... |
رد : زوجتي لاتهتم فيني
السؤال ..ليش هاجرها شهرين ؟
وهي عاجبها الوضع ؟ ليش ماستنكرت الشئ الثاني ... هي حاطه ببالها انك تخونها وعلشان كذا قننت اهتمامها بك واصبحت معك جسد بلا روح ان صح التعبير |
رد : زوجتي لاتهتم فيني
اقتباس:
بالعكس كانت تتكلم وتقاطعني وتحاول تطلع عن الموضوع يعني مثلا قالت خواتك مايبوني كذا بدون مقدمات ولاجبنا سيرة خواتي اصلا وجلست تتكلم فـ حسيت انها راح تتجاوز وقطعتها وطلبت اننا نركز في الموضوع لان خواتي كل وحده ببيتها ماهن ساكنات عندنا وطبعا كلامي كان لها بهدوء بدون انفعال وبعدين برضو بدون مقدمات قالت لي اصلا لو يرجع الزمن ماكان تزوجتك انا استعجلت قلت ليه قالت لان صارت مشاكل قبل الزواج واعتقد انه كانت رساله لكن ماانتبهت لها هذا كلامها وتقصد بالمشاكل اللي قبل الزواج هي اني لما تقدمت لها وافقوا وبعدين جتهم عجوز من جمعتنا وقالت لهم مايجوز هالزواج لان خالتها راضعه مع فلان وتقصدني المهم شغله طويله بخصوص الرضاعه ومن هالسوالف واتضح انه فعلا فيه رضاعه لكن رضعه وحده فـ الشيخ قال لا هذي ماتحرم المهم لما راح السبب اللي يمنع اتصل علي اخوها وقالي بكره تعال بعد المغرب عشان نملك وفعلا جيت وحصل الزواج. المهم بخصوص كلامها هي مثل ماقلت لك تحاول تشتت المواضيع بكلمه من هنا وهناك الين قدرت اني اخليها تركز على موضوعنا الحالي وبس ووضعنا الحالي وجلست اتكلم وهي تسمع الين جبت الورقه والقلم اما عن طلاقنا انا ذكرت القصه لكم ووضعها انه جا اخوها من بكره وقال ابي اخذها لفندق قلت له لا تطلعها من بيتها انا اطلع لفندق وهي خله انا رجال ادبر نفسي واصر انه ياخذها ويوديها فندق واخذها وحطها بفندق ودفع الفلوس وجاب لها اغراض وسافر للمنطقه اللي يعمل فيها ومن نفس الليله اخوانها يتصلون لمحاولة الاصلاح المهم قالوا الاسبوع الجاي حنا ضيوفك قلت حياكم الله وفعلا جو بعد اسبوع وقالوا فلانه تبي ترجع وندري انها غلطانه وحنا غلطناها ومن هالكلام ونبيك ترجعون لبعض المهم قالوا كلام كثير ماني ذاكر بالضبط ايش قالوا قلت اوك قال اخوها الكبير ابي منك طلب وحنا ضيوفك قلت ابشر قال انك تروح معنا الحين للفندق وتجلسون وتتفاهمون وفعلا رحت معهم ولما دخلت لقيتها كاتبه ورقه طويله عريضه بطلبات عشان ترجع قالت انا عشان ارجع عندي شروط فـ على طول قمت انا ابي اطلع قلت غلطانه وتتشرط بعد المهم هدو الوضع اخوانها وقالوا اسمعها قلت قولي المهم صارت تقول شروطها والله يااخوان ثلاث ارباع شروطها ماديه يعني مثلا تعطيني مصروف شهريا وتعطيني مصروف لعيالي شهريا وطبعا محدده المبالغ وابي سواق وشغاله وبالنسبه للشغالات كنت اجيب شغاله تجلس كم شهر وتجيني وتقول ماابيها سفرها وتعرفون وضع التقديم انتم وشلون مايحتاج اشرح لكم مابقى جنسيه الا جبتها كم شهر وتقول ماابيها المهم نرجع للموضوع فـ رفضت بالاول واخوانها خاصه اخوها الكبير رجال رزين وتكلم معي ووافقت على الشروط ورجعت هذي قصة الطلاق والرجعه |
رد : زوجتي لاتهتم فيني
سؤال اخي الوحيد :
قبل الطلاق : زوجتك كانت موظفة ؟ زوجتك كيف كانت متتطلباتها *قبل حادثة الطلاق*؟ هل هناك شروط مادية غير المصروف والشغالة والسواق؟؟؟ |
رد : زوجتي لاتهتم فيني
خلها تقول الي تبي خواتك مايبوني والخ يمكن هالشي هو اللي رادها عنك
وانت ماشاء الله عليك تقاطعها وتبيها بس تتكلم عن ماتبي انت وهو ليش ماتتزينين لي خلها تقول اللي بقلبها حلوه ذي قاطعتها خواتك ببيوتهم طيب اسمع لها يمكن احد رامي عليها كلمه ! |
رد : زوجتي لاتهتم فيني
اقتباس:
مااحب اذكرها بصراحه لانها بعض تمس الجيران وبعضهن تمس زميلاتها بمدرسه كانت فيها سابقا غير اللي بالاسواق اسمحيلي عدم ذكرها بالتفصيل كانت قبل الطلاق وبعده |
رد : زوجتي لاتهتم فيني
اقتباس:
لكن كيف ازعزع ثقتها فيهم؟ |
رد : زوجتي لاتهتم فيني
اقتباس:
ليه بعض الحريم عندهم معتقد ان دائما الرجل هو الخائن الكذاب الخ من هالصفات وان الحريم هن الحساسات والحنونات الخ ترى كل الصفات الحلوه والشينه ممكن تكون بالجنسين وحتى الرجل ترى عنده احساس مو حجر هو انسان مثله مثلها |
رد : زوجتي لاتهتم فيني
اقتباس:
الأخوات في حالة فقدان الوالدين يشدون عضدهم بإخوانهم الشباب ، وليس لهم بعد الله عون غيرهم . فإياك أن تجعل أي قوة في الأرض تقطعك عن أخواتك ، ونصيحة تواصل معهن بمفردك ولا يفقدن وجودك في حياتهن. أما البيت فلا تسجله باسم غير اسمك ما حييت ، أنت لم تعمر البيت بمشاركتها ودعمها المالي حتى يقال لها الحق في ذلك . وأنا نصيحتي لك بعيدا عن حياتكما أخبرها أن منزلك خارج حياتكما ، ولا تقبل في ذلك المساومة وإن كنت في قمة الرضا . أنت رجل والبيت عندما يكون باسمك فأنت تستطيع التصرف فيه ما شئت ، وإن تعرضت إحدى أخواتك لموقف لا قدر الله فأنت تستطيع مساعدتها ، أما عندما يكون بغير اسمك فليس لديك صلاحية في ذلك ، ثم ما الضمان لك إن سجلت لها البيت وخلعتك ؟! أنا لا أقدم الشر على الخير ولكن هذا واقع ، وما قلته لك أقوله لأخي ابن أمي وأبي . أسأل الله أن يعوضك خيرا |
رد : زوجتي لاتهتم فيني
اقتباس:
كانت عاديه ماني متذكر والله اذا فيه شروط ماديه ثانيه والا لا لان الموضوع قديم |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©