|
انا من متابعين موضوعك من بعيد. فرحت لما قلتي انو ارسل لك مسج وبيكامك في اليل معناته ما طنشك.
اهم شي كلمي زين في اليل ولو تقدرين قوليله الاولاد يسألون عليك ونفسهم يكلمونك كمان وخليهم يكلمونه اكيد الاولاد وحشوه كل هذ المده ويمكن يحن اذا سمع اصواتهم. اتمنى لك التوفيق |
اقتباس:
الحمدلله ..بداية خير ان شاء الله ..وبعدها تجينا البشارة بانكم متصاافيين...اختي اللي قبلي ..اظن قاالواا وشرحوا وكفوا ووفووا .. حاولي تكونين سلسة .مررنة..امتصي كل موجات الغضب..خلج ايجابية..هادية ..ابتعدي عن العتااب الاذع ..والاموور بتكون طيبة باذن الله تعالى..تقبلي مروري ..دمتي بوود.. |
اقتباس:
ان شاء الله بحاول امسك اعصابي وما انفلت بس ودي اعرف سبب زعله ونشوف اليوم ان شاء الله |
اقتباس:
|
بانتظار بشائر الخير
|
خير ان شاء الله
اختي خلي هذي المشكلة فرصة للتغيير واعتبريها نقطة تغير ومنه عرفتي قيمة زوجك وبيتك حبيبتي ادخلي قسم الارامل والمطلقات واحمدي ربك على النعمه الي انتي فيها حبيبتي تقربي من الله وشوفي كيف تسير حياتك المراءة الذكيه هي الي تعرف كيف تسعد نفسها وزوجها الله يفرج همك وهم كل مكروب ربنا يالف بين قلوبكم ويرزقكم الصبر وطولت البال |
اقتباس:
الله يسمع منك وان شاءالله بوافيكم باخر الاخبار |
اقتباس:
ان شاء الله وبحاول قدر الامكان اطور من نفسي واحسن علاقتي فيه للافضل |
ألف حمد وشكر لله
يارب ترجعى بيتك ونتمنا منك أنك تصالحى زوجك وتكلمى بشكل جميل واظهرى أشتياقك وعتاب بسيط وبدلع وباأختى الدنيا ماتستاهل زعلك عمرنا قصير أفرحى واتهنى ربنا يسعدك يارب أحبك فى الله لأنك طيبه بس اتحكمى بس فى عصبيتك وان شاء الله كل أمورك تتحل |
رجعت لكم بي اخر الاخبار الي ما تسر
اتصل علي ولقيته شاحن علي من قلب وطفشان من علاقتنا دار كلام كثير وانه ما يقدر يستمر معي كذا لانه مو عارف لي وومو فاهمني وبدوري قلت له على الاشياء الي مضايقتني فيه بس احسه ها المره مره مقفله معه ويفكر جديا با الموضوع ياا الانضباط او ما نقدر نستمر مع بعض واول مره يكلمني كذا قلت وش الاشياء الي مضايقتك طيب قلي قال اسلوبك معي وعدم احترامك لي واني الرجل ولازم تتعاملين معي معامله خاصه والثاني اعيالي لا تعصبين عليهم وعامليهم كويس الي يسمعه يقول وش ها المجرمه وانابدوري قلت له اني محتاجه كذا وكذا وكذا بس حسيته من جد متضايق مني وقال لي فكري بكلامي وانا بفكر في كلامك واكلمك بكرا ان شاء الله وانو في امور لازم تتناقش وجها لوجه والمشكله انه قال لي اشياء والله اني ماقصدت الي فهمه منها قصدي في الشرق وهو في الغرب ويفسر الاشياء بمنظوه الخاص ويقول انا الي وصلني كذا والله اني تعبت احس مالي حظ وش رايكم اخليه بروحه ها الاسبوع والا احجز وارجع ونتفاهم هناك دلوني |
الحمدلله والله يتمم لك على خير ياااارب .. اهم شي يا اختي لاتنسين تبردين اعصابك ولما زوجك يتكلم سمعيه وركزي معاه وحاولي انج تستفدين من الكلام اللي بقوله ..
وتحملي وحاسبي وديري بالج وبي كيرفل :d .. لمايتكلم زوجج تقعدين تفكرين اش بتردين عليه واش بتقول لين .. لا اسمعيه ووعديه خير وبعدين فكري في الكلام الي قاله لج .. ولماتردين بيتج .. طوووووووووووولي بالج .. ومب كل ماصار شي قلت ها قلت بعطيه فرصه واش سوا ؟ اصبري عليه مره ومرتين والف وغيري معاملتج وشوفي كيف بيكون لج أختك .. ام فطومه :) |
حاملة الهم اقري ردي وانصحيني
|
اسمحي لي اختي توني شايفة ردك ..الحمدلله انه زوجك اتصل وقال لك اللي في خاطره .. اللي عليك الحين يا الغاليه انك تبدين حياة الجد ..
وتوعدين زوجك انك راح تتغيرين .. وتوعدينه انه عيالك راح يكونون في عيونكم .. وماظن انه هاي صعب عليك .. اختي الغاليه .. تعلمي اذا صار اي موقف ينرفزك .. خاصه هالفتره .. انسحبي .. واخذي نفس عميق واذكري الله .. ثم تصرفي بحكمه ... اذا قابلتيي زوجك وجها لوجه ان شاء اله ماوصيك اول شي بمقابلته بشياككه .. واخر اناقه .. واول ماتشوفينه .. انسي كل العتاااب اول شي .. و قولي له انه صح كان بينكم مشااكل وزعل .. لكن شوفته الحين ريحتكككككك كثييييييير وقولي له انه هالفتره صح كنتي توصلينه وهو زعلان ومتضااايق لكن شوفتك له الحين مسحت كل الزعل اللي في قلبك .. تفااهموا بهدووووء والله يصلح الاحوال يااااارب .. اختك .. ام فطومه :) |
بس تضايقت لما جا طاري الانفصال با العاده انا الي اذا عصبت اقولها اثاري وقعها قوي طيب وش رايك اجلس لحد مايقول تعالو والا احجز ها اليومين وارجع
|
االله يصلحك صدقيني انتي الغلطانه
مهما كان يبقى زوجك مايصير تطولي لسانك عليه فيه الف طريقة تعبرين فيها عن رأيك ويعرف انه غلطان اما طولة اللسان والكلمة بعشر اسمحي لي هذا مو تصرف زوجه هدي نفسك وتعلمي تستغلين الوقت اللي يكون فيه رايق حتى تاخذين منه اللي تبين اما كذا بتشوفين اكثر..... |
اقتباس:
طيب انا قلت عندي استعداد للتغيير بس انصدمت من كلامه لي |
خلاص ان شاء الله الامور انحلت
دام انتي مستعده للتغيير حاولي تتناقشين معه لوحدكم (ياحبذا تودين العيال لأهلك او اهله) واهم شئ تكوني هااااااااااااااااااااااادية الى اقصى درجة يمكن يحاول يستفزك توقعي هالشئ بيختبرك لكن مثل ماقلت كوني راايقة والله يهديكم ويحنن قلوبكم على بعض وترجعون سمن وعسل ان شاء الله وطمنينا عنك.. |
اقتباس:
الله يسمع منك ان شاء الله من جد تضايقت مره بعد ها المكالمه لهدرجه انا انسانه صعبه |
كلنا نتعرض لضغوط تجبرنا احيانا على تصرفات مو من طبيعتنا
حتى احيانا مانقدر نشوف الصح صح لذا لابد نراجع انفسنا بين كل فترة ونحاسبها الله يصلح الحال |
اقتباس:
صح نتعرض لضغوط بس كلامه عني مره زعلني والله اني صررت مو طايقه نفسي على كثر خلافتنا هذي اول مره احس اني متاثره با الشكل هذا |
نصيحه حبيبتي تغيرين من نفسك لأني كنت مثلك ببداية زواجي والله ماأدري كيف تحملني زوجي كان كل مايقول لي كلمه أرد عليه بعشر وأتحداه واعانده والحمد لله بعد ماسجلت بالمنتدى والله العظيم تغيرت 180 درجه الحمد لله
مستحيل أتكلم معاه وقت ماأكون زعلانه أو معصبه كنت أمسك نفسي بالقوه والحمد لله تعودت على الأسلوب هذا فوقت الزعل ماأتكلم ولا أقول شي حتى نروق فأتكلم معاه بالموضوع وتنحل مشاكلنا الحمدلله عكس لما كنت أتكلم وانا معصبه والله كانت تكبر المشكله ويزعل مني حتى حسيته بدى يتغير لكن الحمد لله لحقت على نفسي وسبحان الله حتى هو تغير معايه صار يهتم أذا شافني متضايقه ويحاول يتخطى أي شي يضايقني والحين كملنا ثلاث سنوات من يوم تزوجنا والمشاكل صارت نادره في حياتنا ماشاء الله تبارك الله عكس أول غيري من نفسك وأحترمي زوجك حتى لو هو غلط عليك بالكلام لاتردين عليه أنسحبي منعنده بكل هدوء واذا هدت أعصابكم تقدرين تعاتبينه بطريقه محترمه وبتشوفين أذا ماأعتذر وتحسف على هالكلمه ألحقي على نفسك نصيحه ماشاء الله عليه زوجك أحسه صبر عليك كثير كم لك سنه متزوجه وكم عندك أطفال؟؟؟؟ |
اقتباس:
شكرا لك وهذاني اقرا وادورمن موقع لموقع في سبيل التغيرر بس انا متضايقه من المكالمه وابي اعرف وش تشورون علي اسوي الحين وانا لي 5 سنوات متزوجه |
حبيبتى والله والله قلبى وقع لما قريت كلامه
والله بخاف عليكى والكلام اللى هكتبه من قلبى عشان بخاف عليكى بصى ياغاليه أحجزى طيارتك واذهبى لبيتك ووهو لما يتكلم اسمعيه وأياكى يحبيبتى تتنرفزى لأن الراجل لما بيتعصب تأكدى أنه هيسمعك عيوب يمكن لا توجد فيكى اصلا لذلك اسمعى الكلام بصمت شديد وأشعريه انك بالفعل نادمه وأخذى بالفعل قرارات تغير جذريه معاه هو شخصيا وأبداى من جديد واكتبى فى ورقه عيوبه وكل مايزعلك اجرى امسكى الورقه واول كلمه عصبيه لأن ممكن هو يغلط تردى انتى بغلط اكبر بسبب عصبيتك وضيعى حقك كالعاده يعنى لذلك اهم شيئ تذهبى بيتك وتحافظى على زوجك الطيب ياست الستات وبلاش العصبيه وخلى النفسيه تمااااااااااااااااااام (فهمانى) وألبسى واتذوقى ويلا عيدى من جديد مع بو الشباب وبيتك نظفيه وكام حلو على عصير يرجع بكرا من شغله يلاقى ست البيت منوراه بوجودها وصوت العيال يرجع ينور البيت أختى الراجل لما بتبعد عنه زوجته وهو اصلا متنرفز وزعلان منها ( ممكن ياخد موقف صعب تصديقه لقدر الله) لذلك انصحك ترجعى وتحسسيه بحبك ليه واشتياقك وايضا ندمك وانك بالفعل هتتغيرى وياريت تتغيرى اسلوبك غللللللللللللللللللللللللللللللللللللط ماتزعليش منى والله خايفه عليكى قوى |
اقتباس:
اجل تنصحيني احجز وارجع بعد يومين ونتفاهم وجه لوجه لاني ما ابيه يستمر شايل علي كذا |
انا اكتفيت بدعواتي لك واتحريت اوقات الاستجابة فقط ومن بعيد
ولكن الان اقول لك يا حبيبتي الغالية انقطعي قليلا عن العالم الخارجي وعنه هو ايضا لمدة لا تقل عن يومين او 3 ايام حسب ماترينه مناسبا لكي تحددي قرارتك مثل ماقالت اختي مصرية اكتبي كلللل الي يدور في بالك ثم حللي الكلام الي كتبتيه كمثلا مواقفكم الي مرت شلون كنتي راح تتصرفين التصرف الصحيح بدل التصرف الخاطئ مثلا في لحظة الصفاء الي تمر عليكم من نكد على الثاني من الي طول لسانه من الي استفز ومن ومن ..... اكتبي ايجابياتك وسلبياتك وايجابياته وسلبياته ولاحظي فيما تتوفقون مع بعضكم البعض ومايلزمكِ ويلزمه لكي تتفقون من جديد وتنصهروا بداوخل انفسكم وحاول تتأقلمين مع العبارة التالية التي تقول : رحم الله من اهدى اليا عيوبي وقبل لا يفوت الفوت وبعدها ماينفع الصوت عاهدي نفسك امام الله بأن ترضين الله تعالى في امور حياتك الدينية والدنيوية ومنها طاعة زوجك واليام بواجباته ..... ألخ حطي لنفسك انتي بعض الضوابط التي تتقيدين بها في حال رجوعك اليه بما انه طفشان وزعلان صراحة مادري شلون انتي شلون تتعاملين مع زوجك في هذه الاوقات مثلا يعني هو قالك يبي وجها لوجه يتفاهم معك فهل مثلا ترسلين له مسج تقولين له متى يكون الموعد ؟ او هل يفضل رجوعك اليه لكي تتم المناقشة وجها لوجه؟ على كل حال نتمنى رجوعك اليه باي شكل انتي ترينه ماسبا المهم انك تستعدين جيدا لهذه المناقشة لانها راج تكون حاسمة والفيصل في حياتكم وهي الي راح تقرر مصيرك وبعدين حاول تقفين على كل النقاط الي انتي ترينها والتي تريدينها منه وتريدنها من نفسك ولكن ليس قبل ان تسمعي وتصغي جيدا له كما قالت اختي ام فطومة ومثلا لو خلص كلامه قولي له انج تبين تعطيه جواب لكن بعد تفكير في كلامه علشان مايطلع منج الغلط هالمرة ولا تتهورين وتردين ابدا خليه يفضفض واسمعية للاخر بعدها انتي سريعا دوني كل ملاحظاتك من مناقشته لانك راح تنسين بعض الاشياء الي يقولها وشوفي هو شنو كرر في من كلامه واوقفي عليه جيدا بحيث يعني في النهاية تهيأن وتلخصين كلامه في نقاط منها انتي تضعين لكل نقطه اجابه وليس اجابه فقط هكذا خاليه الاجبة راح تكون مفاتيح حل لحياتك القادمة ولا تنسين العهد امام الله بمحاولة تغيير نفسك واعلمي انك بشر وهو بشر تخطئون وتصيبون فليس عليكِ كامل الذنب كما هو ليس عليه كامل الذنب بعد ماتتصافى النفوس قليلا من هذه المشاحنات اقترحي مجرد اقتراح انكم تقسمون وتعاهدون الله على التغيير لحياة افضل ولغد مشرق وافضل لابنائكم امام الله مباشرة في بيته العتيق ذلك باخذ عمره انتي وهو وازيلوا كل هذه الاضغان عنكما وافتحوا صفحة جديدة اتمنى لك الموفقية من الاعماق حبيبتي والقلب داعي لج ^.^ لا تنسين التوضأ كل ماغضبك لكي تتغلبي على شيطانك اكثري من الاستغفار والتسبيح " لا اله الا الله سبحانك اني كنت من الظالمين" وايد تهدأني لما اغضب اكثر من تعفير جبهتك في حالة السجود للتخلصي من الشحنات المخزونة في نفسك انطلقي بتفاؤل وكلك امل والقادم اجمل بإذن الله اجعلي له دائما من دعائك نصيب وابتدأيه بالدعاء اولا واقبلي على الله في كل حالاتك وبكل حالاتك في الرخاء والشدة انصحك بقراءة سورة البقرة من اليوم واستمري عليها يوميا لكي يحدث الله لك امرا واخيرا سامحيني طولت عليج اللهم احفظ عليها نفسها ودينها ومالها وجميع جوارحها واحفظ لها زوجها من كل سوء واكفها المهم كله واكسر عنهم سلطان الهم بحولك اللهم ورده اليها ردا جميلا وصلها به صلة قوية لا تنقطع ابدا وارددها عليه معززة مكرمة وألن قلبه نحوها كما ألنت الحديد لداود وسخره لها كما سخرت الطير لسليمان اللهم وسخرها له والن قلبها نحوه وافرق لهم طريقهم بالخير والتيسير واجعل لهم مخرجا من كل ضيق كما فلقت البحر لموسى اللهم واجمع شملهم عاجلا غير اجل كما جمعلت شمل يوسف بيعقوب والحمدلله تلاحقتي نفسك وقررتي التغيير فهي اولى الخطوات الايجابية ولكن لا تنظرين بسلبية للموضوع طيب ^.^ حاطفي على حياتك قدر استطاعتك واكثر من استطاعتك في امان الرحمن |
اقتباس:
والله يا اختي ان كلامك درر ومن القلب جزاك الله خير والله اني متضايقه با الحيل من بعد المكالمه وبحاول اسمع ومااتكلم لاني ما اصبر بس بحاول وهذاني جالسه من بعد المكالمه افكر في الي قاله لي والاشياء الي مضايقته مني حتى هو قال لي انا با الفتره الاخيره تشوفيني اسكت واسكت واسكت لدرجه اني وصلت المرحله ما ابي اكلمك ولا اسمع صوتك من زعلك وصراخك واستغرب انه طالع منك لذالك ما رديت عليك وكنت افكر بوضعنا مع بعض لاني ما اقدر استحمل اكثر من كذا لانك ماتتنازلين وتبي تفرضين سيطرتك علي وانك قويه ومنتي مهتمه يعني با العربي صدمني بكلامه كل هذا انا يا كافي |
اقتباس:
اتعوذي من الشيطان الي وصلج ووصله لهالمرحلة وخلاص اطرديه من حياتك واجعلي الله معك اينما وحيثما تتوجهين ايوااا الصبر ياقلبووو وادا جيتي تحسي ماعاد تصبري اتعوذي من الشيطان توضي او استغفري من داخلك وتعودي الصبر " انما يوفى الصابرون اجورهم بغير حساب" طيب حبيبتي زين انه صارحك بعيوبك ولا تستغربي الرجال عليهم ردات فعل احيانا غريبة عجيبة :25: طبعا لا ينفي ذلك ان لك حقوق وعليك واجبات وله حقوق وعليه واجبات ولكن تعلمي تأخذينها بالمسايسة والكلمة الطيبة ذلك طبعا بعد التغيير الذي وعدتي فيه وكلي تفاؤل وامل بالتغيير لكم الى الافضل طيب وخلاص نبي نسمع اخبار طيبة وحلوة ماعاد ابي هالتشاؤم طيبووو :22: |
اقتباس:
تسلمين يا عمري ما قصرتي والف شكر لك |
الحمدلله كلمك وفضفض عن الي بخاطره وهاذي خطوه ايجابيه,رغم قسوة الكلام الي قاله وصعوبة تحمله الا ان المهم انه عبر وبدا يتكلم عن الي مضايقه,,انا في حياتي مع زوجي أمور كثير تشبه حياتك مع زوجك,للامانه مابدت حياتي تهدأوتستقر نسبيا الا من بدأت أطبق مبدأ التجاوز عن توافه الامور وعدم التدقيق,بالعربي بديت أفوت بحدود طبعا,وقد مااقدر اكتم غيظي وما أتكلم وانا معصبه,,بصراحه ارتحت وريحت والحياه صارت اكثر سلاسه ومرونه بينا,نصيحتي لك ارجعي بيتك بأسرع مايكمن لاتخلين زوجك لحاله بعد هالكلام ((أعتقد خذ وقت أكثر من كافي يفكر فيه طول مدة غيابكم عنه))عشان مايفكر بأمور اكبر من الي ذكرها لك,,وماتدرين يمكن يستنى منك رد فعل يحسسه بأنك عازمه عالتغيير وقادره توفرين له الحياه الي هو يتمناها,,اذا رجعتي بيتك نصيحه عاهديه عالتغير ولا تتكلمين بتفاصيل المشاكل بينكم حاليا عشان مايتطور النقاش وتصير مشكله من وراه,,تناقشو على اساس تصحيح الوضع العام وان كل واحد فيكم فيه عيوب وان في نيه جديه للتغيير ,,الله يسهلها عليكم
|
اقتباس:
مشكوره اختي ما قصرتي اجل تنصحيني احجز وارجع والا اخليه لحدما يقول لي يالله تعالو مع اني ودي ارجع بعد الكلام الي سمعته وهو الله يهديه كتوم ويتكلم عن مواقف مثلا قالي انا اتنرفز من الصوت العالي وتتذكرين سفرتنا كانت حلوه بس اخر يومين خربيتها وصرت ما اتذكر الا ها اليومين السيئات قهرني كني انا الي متسببه با الي صار يبيني اشوف الغلط واسكت |
توكلي على الله وروحي لبيتك
ومثل ماقالوا لك الاعضاء الكرام .. الله يصلح مابينكم ان شاء الله |
اقتباس:
ارجعي بدون اي تفكيييييير وبدون تردد,,واذا تذكرين انا كتبت رد عليك قبل كذا وقلت لك ارجعي بيتك ,,قبل ماتصير كل هالتطورات,عموما احسبي الي قاله قاله ساعة غضب ولا تركزيين كثير على هالامور وفكري بالي وصله لهالمرحله وعلى الي حده على التفكير بالانفصال وتشتيت أولاده والابتعاد عنك وعن الحياه الي تربطه فيك,,وفي مسأله مهمه زوجك ماهوسيء ولا انتي سيئه بس الزواج صبرررررررر وتفاهم,,حسسيه بالندم وراجعي حساباتك بعيد عن ((قالي وقلت له))وأمورك بتمشي باءذن الله, |
اقتباس:
|
اقتباس:
|
اختي قهر كل كلمه قالها لك زوجك حطيها حلقة في اذنك و قدام عيونك .. وخذيها بعين الاعتبار و حفظيها عن ظهر قلب و ردديها على طووول عشان ما تنسينها .. فهو قال لك كل عيوبك و اذا عرفتي عيوبك راح تعرفي كيف تصلحيها و تتوصلي الي حل وسط.. كلام زوجك مؤشر خطير جدا .. انتبهي على حالك .. انا قلت لك بصوتك العالي و طووولة لسانك راح تطلعي زوجك من طوووره .. زوجك جنوبي و الهدوء من طبعه لكن انت الله خير طفشتيه بقوووه .. ليش متردده .. رجعي لبيتك و اعتذري من زوجك .. فالرجل الجنوبي بطئ الغضب سريع الرضا .. الرجل الجنوبي رجل حنون و عاطفي و ودود .. و يحب عياله بجنون .. اختي انزعي النظاره السوداء اللي لابستها وانظري الى زوجك و الي محاسنه .. اتركي عنك القياده و التسلط والعصبيه فهذه راح تدمر لك حياتك .. اكثري اختي من الاستغفار .. وابحثي عن دورات تساعدك على السيطره على اعصابك .. ابحثي في المكتبات عن كتب في تطوير الذات .. اختي لن تتغيري في يوم و ليله المسأله محتاجه الى قوة اراده و عزيمه .. بالتوفيق .. |
الله يكون بعونك وصدقين مكالمته لك دليل انه يحبك ولا كان ما اتصل يعاتب ويوضح حياتك تشبه الكثير من حياتي انا مثلك تمام بالعربي حاره وما اصبر لدرجه لو ولدي الي عمره اربع سنوات جاب ملعقه بياكل مع ابوه تنرفزت وعصبت وطلع صوتي بالمقابل ابوه جالس يجمع لي واول موقف تافه بيناتنا يزعل ويعصب ولا يرضى بسهوله وبعد محاولاتي لصلح كاعادتي انا المبادره دائم يجيب القديم والجديد مع ان الموضوع ما يستاهل الزوج بوجه عام يحب الهدوء وهذا ما فهمته من زوجي يحب الراحه ويحب ان تبتسمي في وجهه في كل زمان ومكان حتى لو كنتي غاضبه منه تعلمت لأطباعه وحاولت جاهده لانه حبيب جدا ولكن عندما يغضب يصبح وحش وقد يطول زعله لاسابيع من تجربتي اصبحت لا اريد ان اضع نفسي بهذه المواقف عندما يغضب ولا يرضى بسهوله فاصبحت لا احتك مع الابناء في وقت جلوسه او ابعدهم عني اصبحت احاول ان اكون هادئه لان الزوجه تدقق على كل شي لو يتاخر بنوم غضبنا وبينما هم لا ويغضب عندما تغضبين اطلت عليك عزيزتي ولكن حاولي تعودين لمنزلك وتغيرين من مظهرك ولكن يكون تغير جوهرك اولا وتحاولين ان تتعرفين على طباع زوجك وتسايرينه
|
اقتباس:
شكرا لك يا اختي وانا عارفه ان كلامه مؤشر خطير وقوي لاني اول مره احسه يتكلم معي برسميه وبجد اول ما تكلم خفت لاني حسيت اني اكلم شخص ثاني وان شاء الله بغير من نفسي علشان ارتاح واريح يعني اكلم واقوله انا برجع با اليوم الفلاني بس اخاف يقولي لاء اصبري وفكري |
اقتباس:
والله هذا الظاهر الي بسويه لما يجي ما راح احتك في عيالي وبخليله الدفه ومثل ما قلت فوق ودي ارجع علشان نتقابل ونتفاهم بس اخاف يقول لاء اصبري وما احب احد يفشلني |
اقتباس:
وصبوووور عشان جذي اتنازلي شوي عن كبريائك وارجعي له_ لأني مااشوف أي فايده من قعدتج في بيت أهلج غير تجيبين لنفسج كلام الناس حتى اذا تفشلتي على قولتج هذا ابو عيالج ويمووون عالاقل تكونين بادرتي بالصلح وهذا اللي زوجج ناطره!!! |
بسم الله الرحمن الرحيم
بعد الي صار احجزي وارجعي واذا قال لا قولي ما اقدر اصبر بدونك والي تامر عليه بيصير وعلى شوي شوي غيري من نفسك وساعديه يغير من نفسه بعد الله يسخركم لبعض ويهديكم ويوفقكم لما يحب ويرضى |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©