منتدى عالم الأسرة والمجتمع - آخر أخباري ..خيرني بين الرضا بواقعه وبين الطلاق ..إنا لله وإنا إليه راجعون

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

اقتباس:

المشاركة الأصلية كتبت بواسطة توتـ..وتين

أنا من يوم أشوف زوجي منعزل اعرف أن عنده مشكله على طول انسى نفسي ومشاكلي (هذي طبيعة الرجل) وأكبر دليل على إحساس زوجك بحجم المشكله هو شدة انعزاليته بس للأسف مافهمتيه
حبيبتي والله اني احاول احتوي زوجي بس هو ما يسمح لي بفرصة
وبعدين انا اعرف ان الرجال قد ينعزلون كم ساعة...لكن زوجي ينعزل اسبووووع واكثررررررررر
وليته على الانعزال..يكون عادي...لا ...معصب علي ..ما يتحمل كلمة..يقول لي اولي..ما ابغى منك شيء..
تكشيييييييييرة عريضة مخيفة..لا نظرة لي ..لا سلام اذا دخل..لا كلمة وحدة
لييييييييييييييييييييييييييييش ...مو كذا المعاشرة بالمعروف
بعدين عادي رح اخليه يسوي كل هذا..بس بشرطين ان لا تطول اكثر من عشرة ايام
ثانيا ان يكون لسبب خطأ انا ارتكبته ..
لكن هو يزعل من دون سببببببببببببببببب ..
ولما تناقشنا المرة االاخيرة وبعد كل هواشة...يقول انتي ما تراعييني..اقول له كيف
قال طلباتك كثيييييييييييرة واقسم بالله ..الذي رفع السماء بلاعمد ان طلباتي قليييييييييييييلة واصلا من تعوده على الراحة...انه صار يطفش لما اطلبه اي شيء ..يقعد يقول اووووووووووف..اللبن احيانا ما يدخل بيتنا إلا بعد شهر ...اللحم واقسم بالله ما يدخل بيتنا إلا عيد الاضحى..الطلعات ما اطلبه طلعات للسوق إلا في مناسباتنا العائلة زي الزواج..ملابسي اكثرها من خواتي..ما عندي قطعة ذهب وحدة..اثاث بيتي قديم جدا...من شدة مراعاتي له (مع ان سيارته اخر موديل 2006 ..شراها من سنة..جواله اخر موديل )..
والناس زعلوا ومنهم اخوه الكبير ..قال ليش يشترون سيارة ولا يروحون يتعالجون عشان يجبون اطفال...

انا ما قلت لزوجي اني ما عندي كل هذا وان اثاثي قديم..وان وان إلا لما قال لي انتي كثثثثثيرة طلبات فحبيت اداقع عن نفسي واوريه كيف طلباتي

ثم واقسم بالله..كل هذه عااااااااااااااااااااااااااااااااااااادي ما فكرت فيها ..بس اهم شيءيعاملني بالحسنـــــــــى ...ثم ثم ثم يسعى معي للاطفال ما يستخف بحقي ويقول مو من حقك تتعالجين وانتي تتعبين عشان مشاوريك هذه (مع مواعيد الحكومي مرة كل اربع او ثلاث شهور)

انا مراعيته ويشهد الله ..بس هو الله يهديه مصررررررر انه يخليني اخليه ينعزل كل هالايام ويقول لما اطلبه يسلم علي وان هذا من حق المسلم على المسلم...اني انا اطفشه..اصلا حتى لو اطفشه..ما يصلح ما يسلم اذا دخل (سلم على اهلك تكن بكرة عليـــــــــــــــــــــك وعلى اهل بيتك ..معنى حديث شريف )

سعادتك بيدك بس انتي تحبين تعيشين دور الضحيه، لاتزعلين مني بس الين متى بتقعدين تبكين؟؟
برأيي انا مطالبة بحقوقي و لا اعيش دور الضحية..وانا ما طلبت حاجة مستحيل تحقيقها (وانا قلت له هالكلام قلت سعادتنا مرهونة بتقوى الله ومن تقوى الله التزام اوامره ..ومنها القاء التحية عند دخول المنزل ..الدعاء ..كثرة الاستغعفار..البسمة ...الكلمة الطيبة )..
وانا صح ابكي ..بس شسوي..وانا ما ابكي إلا لما احس بحررررررقة من داخلي و لا اقدر اقول لاحد غيركم
لولا الله ثم انتم ..كان من جد تعبت ورحت فيها لكن رحمة الله كبييييييييييرة ببني ادام ..سبحانه وتعالى
بعدين حبيبتي..انا ما اظهر دموعي لزوجي ابداااااااااااا ..حتى لما توفيي اخوي الحبيب رحمه الله ..وهو نفسه اللي قال لي الخبر ..فضلت اروح غرفة لحالي وابكي..اللهم الا المرة الاخيرة لما خيررررررررني بين الطلاق والرضا بواقعه المنعزل (قال لي انا كذا اما تقبلين بانعزالي (بما فيييييييه من اللي قلت لكم عليه) او الطلاق )..ما اذكر اني بكيت قدامه إلا هالمرة ..لآني من جد انصدممممممت وما توقعته يخون العشرة البي بينا

ساعدي زوجك أسألي نفسك متى آخر مره ضميتيه
ابشرك ما يخليني ..ولو سويتها فلمدة ثواااااني ثم يبعدني عنه ويقول انه تعباااااان ومو فاضي لي

حاولي تكونين هاديه معه وتجنبي أسلوب النصيحه والوعظ زوجك محتاج يحس برجولته وانتي مصره تحسسينه بالتقصير. .
صح مشكلتي اني احيانا أنصحه بشكل مباشر..وهو اصلا لا يسمع من ابوه ..كيف يسمع مني انا..بالنسبة لتحسيسه بالتقصير فهذا ..بعد ان يتهمني بأني كثيرة الطلبات واني متعبته وان ون ..ابغاه يعرف فأقول له عن هالاشياء ..لكن ما احسسه بالتقصير ان شاء الله

سؤال: متى شريتي ملابس العيد؟ ومع مين طلعتي؟
مع اني مو عارفة مغزى السؤال..لكن رح اجاوب على حسن نية..شريتها ليلة 28 ..طلعت معه هو ..بس نزلني السوق ورااااااااااااااااااااح على البيت ولما خلصت بعد اكثر من ساعتين ( من سوق للاخر) دقيت عليه يجي يااخذني

ملاحظه: شرائك لملابس الأطفال يدل على أنانيتك، فكري في مشاعر زوجك والله إني بدأت اتعاطف معه
شريتها وما وريته ..كل قطعة كانت ب5 ريال
ثم اني شريها لعدة اسباب..منها اني ابغاه يحس ان عريزة الامومة مركبة فيني تركيب..
ثاني شيء اني اريد ان ادعو الله وانا موقنة بالاجاااااابة انه رح يعطيني عيال و يارب توأم
وهو ما قال شيء على شرائي لهم

بالنسبه للأثاث المستعمل في مشاكل أهم منه
قلت لك لا تهمني الدنيا كلللللللللها دامه راضي عني ويعاملني بالحسى ثممممممممممممم يسعي او لا يستخف بحقي في السعي للاطفال

الله يهديكم لبعض. .

امييييييييييييييين الله يتقبل منك ويهدينا لبعض ويوفق كل زوجين ويبعد الشيطان عنهم ياااااااااارب

لي عودة..ان شاء الله..ويااااااااارب ما تخرب الاتصال

لاحول ولاقوه الا بالله العلي العظيم

والله عورني قلبي ياغلا ووصلت الغصه لحقي ... ماقريت ردود الأعضاء اللي بأذن الله ماقصروا ... وماعندي والله اي نصيحه اقدمها لك لكني دخلت ابي اقول لك اني بأذن الله ماراح انساك من دعائي .. الله يفرج همك وكربتك ياحي ياقيوم عاجلا غير اجل .. دعواتك لي ربي يرزقني ذريه صالحه

ابو سند..بارك الله فيك..صح هو قرار الانفصال والبقاء يحتاج له قرار حاسم وغير متردد

لكني لا ارغب في الانفصال ابدا..والحمد له ما ذكر طاريه ابدااااااااا

والله لا يفرقنا..

الاميرة النائمة + امرأة من المريخ = جزاكم الله خيرا..اسأل الله العظيم رب العرش الكريم ان يهدينا لما فيه صلاحنا في الدنيا واالاخرة

حبيبتي كوت بيبي...جزاك الله خيرا ولا حرمك الاجر..دعواتك لي واله يوفقك

ابو مريم جزاك الله خيرا...ردي على اسئلتك كالتالي

زوجي ظاهره انه متدين..يعني مع لحية وثوبه قصير..الصلوات ليست كلها بالمسجد وكثير تفوته صلاة الفجر أو وقت النوم لكن الحمد لله في رمضان نادرا ما تفوته صلاة والحمد لله
واكتشفت ان زوجي يفهم الدين على انه صلاة وصوم ..ونسى ان الدين المعااااااااااملة (بدليل اني احس انه جاهل بحقوق المسلم على اخيه المسلم وحقوق الزوجة مثلا يعتبرها خرابيط ما لها داعي ولا يؤجر عليها لاانسان )

2ــ نعم يا اخي يؤسفني ان اقول لك ان له علاقات مع بنات اجنبيات على المنسجر

3ـ نعم لي جهاز وله جهاز خاص (كمبيوتر)

4ـ هل يقوم بواجباته الزوجية (الجماع) على فترات متباعدة ام طبيعية

على فتراات متباعدة لو تستمر لشهور..لكني اطلبه أو ألمح له ..وكل الاوقات اكون انا المبادرة

5ـ(( واذا كان يقوم بها فكيف يطلبها منك فى هذه الحالة اقصد هل يحسن المعاملة عند حاجته لك

ام يكون بنفس الاسلوب))

الجواب نعم يحسن المعاملة كثيرا..اثناء العلاقة..لكن واضح عليه انه غير مرتاح كما لو كنا في اجواء صفاء

6ـ ..((وهل يقوم بهذه الاشياء بحب او يقضى وترة فقط دون الالتفات الى مشاعرك واحتياجاتك

ربما هذه الاجابات توضح جزء من شخصية)))

لا ..هو في اثناءه يهتم بمشاعري واحتياجاتي

نعم يا اخي بدأت بما قلته لي من استغفار ودعاء وقراة البقرة والله يقويني ويجزيك كل خير وكل الاعضاء

الواثق..بارك الله فيك اظن اني رديت عليك..جزيت خيرا

اخواني ليعذرني الاعضاء اللي ما اقدر ارد عليهم

لسببين ان الاتصال عندي بطييييييييييييييييء جدا

ثانيا اني قد رديت عليهم من خلال ردي على البعض الاخر

جزى الله كل عضو كل خير

أطلب منكم طلب (اليوم جمعة وساعة الاجابة الارجى هي ان شاء الله من صلاة العصر حتى صلاة المغرب )

اطلب منكم

أن تدعووووووو لنا

بأن يصلح الله زوجي ويهديه

+

أن يرزقني الله العيال الصالحين ويعيني على تربيتهم تربية اسلامية

+

يزوج اختي الصغرى بالزوج الخلوق المتفهم الحنون (معليش خرجت عن موضوعي بس والله اختي تهمني كثيييييييييييير ونفسي تعيش حياة حلوة مع واحد يحترمها )

هاااااااااااه توفون بطلبي

انا كمان رح ادعي لكم جمييييييييييعا ان الله يجمع بين قلوبكم على الخير ويهدي الازواج ويزوج من يريد الزواج ويرزق الذية من يريد الذرية والله يتقبل منا

تكفوووووووووون طلبتكم

انا احس بنتيجة دعواتكم في حياتي..وما توقعت ان زوجي ينسى سالفة الخيـــــــــــارين بسهولة

ولا يرجع يرضى ويتكلم معي بهالوقت

عارفة انكم ما تقصرووووووووووووووون

بس لا تنسووووووووووووا ادعوا لي

ما لي غيركم احكي له معاناتي

ساااااااااااامحووووووووووووووووني

اعتقد فيه من بالمنتدى هذا اليوم صائم فا انا اطلبهم بعد أذنهم ان يدعوا لجميع من بالمنتدى ومن له حاجة

وان يصدق الدعاء بينه وبين الله عند اخر ساعه من هذا اليوم - يوم الجمعه وعند فطرة

اللهم اصلح قلبي وعملي

اللهم اني اسالك ياذ الجلال والاكرام في هذا اليوم المبارك

ان تزيل همي وغمي وحزني انا واخاوني واخاوتي اللي بهذ المنتدى وجميع المسلمين كافة

اللهم اني اسالك ان ياحليم يارحيم ان ترحمنا بحمتك وان تقبل مني ومن جميع المسلمين دعواتهم ياحي ياقيوم

الله يوفقك يااختي غلا
وثقي بأنه بعد العسر يسرا إن شاء الله تعالى..

ماعندي كلام اكثر من اللي اضافه الاخوة
لكن انا ادعوا لك بالغيب وربي شاهد ومطلع

حبيبتي غلا .. ما اظنني راح اضيف شئ مهم لكلام من سبقني لكن ابغى اقول لك شئ ..

وصفك لطباع زوجك نستشف من خلاله ..

انحراف مزاجه وتقلبه من وقت لاخر .. انعزاليته وانطوائه ..

كرهه الشديد لعمله .. شعوره بالطفش والملل لايام طويله ..

هروبه من مماحوله ببقائه الطويل امام التلفزيون والنت .. كبته لمشاعره عنكي وصمته الطويل ..

تشاؤمه الشديد ونظرته السوداويه للامور .. ورغبته بالبقاء وحيد اغلب الاحيان ..

لامبالاته وعدم اهتمامه بعلاج نفسه وعلاجك ..

هل فكرتي مسبقا بأن زوجك وبكل بساطه يعاني من اكتئاب نفسي منذ سنوات وهو لايعلم ???

حبيبتي .. اغلب مرضى الاكتئاب لايدركون ابدا ما يمرون به ..

حتى الاطباء أنفسهم من الصعب عليهم اكتشاف اعراض الاكتئاب بسرعه ..

أنا سألتك عن ما اذا كانت هناك اعراض جسديه تظهر عليه ..

وماسألتك عنه هي الاعراض الجسديه التي تظهر على مرضى الاكتئاب ..

خموله وقلة نشاطه .. نومه وشهيته المضطربين والكوابيس التي تأتيه .. وعدم رغبته في الجنس ..

تطابقت بعض الاعراض عليه والبعض الاخر لا ..

الظروف المحيطه به كلها تساعد على الاكتئاب .. غربته .. ضغوط عمله .. ديونه وقلة ذات يده ..

مشاكله الصحيه .. الضغوط النفسيه التي تمارسيها انتي عليه بسبب موضوع الأنجاب ..

اظن ياغلا ان هنا هو مربط الفرس لجميع مشاكلك الزوجيه ..

الشئ الوحيد اللي انا متأكده منه هو ان زوجك يحبك ..

لأن مافي شئ يجبره على البقاء معكي لو ماكان يحبك ..

لكنه كما اتصور لايدرك حقيقة وضعه النفسي ..

أنا انصحك يالغاليه إنك ماتصدقي كل من قالك اهجري زوجك واطلبي الطلاق ..

او عامليه بالمثل ولاّ عرفيه حدوده ..

مافي وحده عاقله في الدنيا في مثل وضعك تطلب الطلاق بعد عشرة ثلاثة عشر سنه ..

انتي ماشاء الله عليكي عاقله ورزينه وبنت اصول ..

وحسبتيها صح فعلا .. بقاءك معاه افضل من تركه ..

ومشاعرك وحبك له رغم كل شئ شئ طبيعي لأنه ماينكر العشره الا قليل الاصل ..

حبيبتي .. لو كان توقعي في محله فزوجك يعاني مثله مثلك .. لكن الاختلاف بينكما انك ادركتي المشكله وهو لا ..

او انه ادركها لكنه فضل الهروب والاستسلام ..

غلا حبيبتي .. تبغي زوجك يحسن معاملتك ويرضى بعلاجك ???

إذن اتركي التفكير في نفسك مؤقتا وفكري بزوجك .. وحاولي تساعديه اول إنه يخرج مما هو فيه ..

لو تحسنت حالة زوجك النفسيه ستتحسن حالك انتي ايضا .. وراح يتقبل علاج مشاكلكم الصحيه كلها ..

حبيبتي لاتوقفي تتفرجي بصمت على حالك وحاله .. لازم تمسكي زمام الامور كلها ..

وبالنسبه لموضوع تأخر الانجاب فالامور كلها بيد الله ..

ولو لا قدر الله لم يكتب لكي الانجاب رغم العلاج ..

فأكيد ان في الامر حكمه الهيه لاندركها نحن البشر ..

فكري مثلا بأن الله قد يكون اراد بكي خيرا بهذا لأنك قد تنجبين و يعذبك ولدك على كبر ..

او تنجبينه وتفقدينه صغيرا .. الم تجربي صعوبة فقدان اخاك فما بالك بالأبن !

حبيبتي مهما اجتهدتي في إيجاد الحلول فلا راد لقضاء الله ..

لكن انتي لا تنسي نفسك من الدعاء فهو سبحانه رحيم بعباده ..

وتأكدي ان احنا دايم ندعي لك وربي يشهد ..

اقتباس:

المشاركة الأصلية كتبت بواسطة مشاعر مرهفه

مع احترامي اش تبغي في واحد زي كدا يلي يبيعك بيعيه
وبكره يعض اصابعه ندم عليكي
عيشي حياتك الواحد بيعيش وحده مره لي نعيشها بهم وبكا وقرف
لما حيجيكي مرض من الهم والبكا محد حيفكر فيكي ولا حيطالع فيكي
خلاص سيبيه
هادا راي ولكي الخيار فهادي حياتك

كان الله في عونك اختي غلا و ليس لدي ما اضيفه سوى الدعاء لك و اساءل الله ان يفرج همك و يحنن قلب زوجك لك

اقتباس:

المشاركة الأصلية كتبت بواسطة twister

الصبر زين واتخاذ قرار سريع ندم سريع

يا اخي الكريم صبرت 13 سنة يعني خلينا صريحين لو كان الوضع معكوس كان صبر عليها لا مااعتقد الواحد لازم يتكلم بصراحة تصبر الين يضيع عمرها لازم يبينلها انوا يستحقها ويكون جدير بيها ولا انا غلطانة؟

اقتباس:

المشاركة الأصلية كتبت بواسطة مشاعر مرهفه

هل فكرتي مسبقا بأن زوجك وبكل بساطه يعاني من اكتئاب نفسي منذ سنوات وهو لايعلم ???
نعم قد فكرت في هذا ...الله يشفيه ويهديه
ولكن ما جعلني أجن اكثر ...ان عمله سهلللللللللللل على عكس عمل اخواني (اخواني عسكريين زيه) لكن هو عمله سكرتاري مدير الفرع المالي (يعني كأنه مدني ) بس هو شكله يكره اللبس لآنه احسه افضل لما يلبس الثوب الابيض والشماغ اكثر من البدلة العسكرية ... ثانيا اغلب وقته مرتاااااااااااااح وقاعد على عكس اخوانه اللي شغينلين لدرجة كبيرة واحوالهم المادية فوق الممتازة (ولكل مجتهد نصيب فقد اجتهدوا وشدوا حيلهم وهاهم ما شاء الله يجنون نتيجة تعبهم واجتهادهم.. ) لكن زوجي مرتااااااح ..ولما اتكلم معه عن النجاح والهمة و و ..يقول اللي معاه فلوس بينجح..وتصير الحياة حلوة معه..واللي معاه شهادة وتعلم زين بيصير سعيد...انا تزوجته وعنده ابتدائي فقط وشجعته وعلمته ووقفت بجانبه حتى اخد الاعدادي والثانوي (ليلي)..يعني شهادته الحين حلوة ..ثم ان احوالنا المادية لا بأس بها غير اننا لا نستطيع ان نوفر برغم اننا لا نشتري ونصرف كثيييييييرا وهذا ما جننا (تصدقيني احيانا اقول يمكن عقوبة من الله لآن امه غير راضية عليه تمام الرضا لآنه ما يزورها او يزورهم إلا كل حوالي سنتين ولمدة اسبوع فقط )
ثم انه اشترى قبل حوالي سنة ..سيارة اخر موديل 2006 كامري..واشترى جوال اخر موديل قبل كم شهر..واشترى لابتوب..يعني لا بأس احوالنا زينة والحمد لله..غير اننا لا نستطيع التوفير..وليس لدينا بيت ملك..والحمد لله (مع العلم ان الناس لا يصدقون ..يقولوا انتم اثنين اكيد رصيد زوجك فوق ال 100 الف )
بس مشكلة زوجي ما هو راااااااااااااااااااااااضي عن الحياة ولا عن نفسه ولا حتى عني ..
وينظر لنجاح الناس أو اللي مناصبهم زينة ومرتاحين ..يقول حظهم عندهم فلوس ..قدروا يبنوا نفسهم منها..

حبيبتي .. اغلب مرضى الاكتئاب لايدركون ابدا ما يمرون به ..
صحيح والمشكلة ان يعتبر نفسه صح 100% وأني انا غلطانة داااااايما..بل وقد يسبني وانتي وانتي
انتم ما تفهمي ..انتي ما تراعيني..انتي ما تفكري..انتي وانتي..يعني كل شيء يرميه علي و هو يعتبر نفسه كامل مكمممممممممل ..وانا والله ما طلبته شيء مستحيل تنفيذه. لا مال ولا دفع فلوس عشان علاج...و لا طلبات خاصة ..ولا حتى عامة للبيت واظن اني ضربت لكم امثلة ..وانا لست ساخطة بل راضية تمام الرضا اهم شيء ان يكون راضي هو لا يتسخط من اي شيء او يزعل بدون سبب

وماسألتك عنه هي الاعراض الجسديه التي تظهر على مرضى الاكتئاب ..
خموله وقلة نشاطه .. نومه وشهيته المضطربين والكوابيس التي تأتيه .. وعدم رغبته في الجنس ..
تطابقت بعض الاعراض عليه والبعض الاخر لا ..

الظروف المحيطه به كلها تساعد على الاكتئاب .. غربته (بالعكس يا قلبي هو يحب المدينة اللي عايشين فيها لآن عمله فيها سهل + انها بعيدة عن اهلنا (هو لا يحب يجتمع بالقرابة كثير وقلت لك حتى مناسبات اهله من زواج ومناسبات فرح كتخرج مثلا لا يحضرها وهذا من زمان مو الحين )
.. ضغوط عمله ..(حبيبتي هو يعتربها ضغوط وياما حاولت اخفف عنه واذكر له نماذج للي شغلهم صح تعب مثل اخواني ..يقوموا لاعمالهم قبل صلاة الفجر برغم تقلبات الجو عند اهلي ..(يعني مرات برد شديد وامطار ..لكنه اقول له انه مرتاح وانه هو اللي يهول الامور واذكر له اخواني عشان يقتنع..يقول ايه بس انا اكره العسكرية و ما تصدقين انه يستن الوقت اللي يجي خدمته 18 سنة لآن يبي يتقااااااعد ..تخيلي يتقاعد وما عندنا لا بيت ولا فلوس ولا شيء ..واتمنى ان اعلى الاقل يكون عندنا اطفال يمكنن يحلونه يحب الشغل عشانهم ..بس للاسف هو ما يعتبر ان لي حق العلاج وانه خرابيط وضياع وقت

ديونه وقلة ذات يده .. (احوالنا المادية تكفينا وتوفينا غير اننا لا نستطيع التوفير والحمد لله ..والقناعة كنز لا يفنى ..بس هو مسويها سالفة الله يهديه )

مشاكله الصحيه .. الضغوط النفسيه التي تمارسيها انتي عليه بسبب موضوع الأنجاب ..
أؤكد لكي اني ناااااااااااااااااااااااااااااااااادرا ما اذكر له طاري العلاج ..بس يمكن لأني اقول احيانا اختي حملت واختي ولدت..احيانا اوريه صور عيال اخواني ما شاء الله..بس لكن ما ازن عليه بسالفة العلاج (اصلا لو ازن عليه زي بعض الحريم كان خليته يعالجني بفلووس في خاص واسوي الفحوصات بسررعة ..لكن قلت خليني مع الحكومي اللي يومهم بسنة اهم شي ما يكون بينا مشاكل ..وحتى الحكومي ما يوديني لهم إلا بعد هواشة ..حيث يقول اني فاضية وابغى وجع راس وش ابغى بالعلاج..خليني كذا افضل..ويتهمني اني ما اريحه واطفشه ..مع العلم انه يوديني للمستشفى وجرييان على البيت بالسيارة واقعد هناك بالساعات احيانا توصل ه ساعات ..لحالي من مبنى لمبنى..وهو ما فكر حتى يشاركني وجدانيا والله اني احيااااانا ارجع وانا ابكي وابكي هناك ..خاصة لما يقولوا وين زوجك نبغى نناقشه في اشياء ..بس هو يرفض يروح معي او حتى يسوي تحليلات عندهم ..الله يهديه بصراحة والله تعبني ..لكن الاجر على الله )

الشئ الوحيد اللي انا متأكده منه هو ان زوجك يحبك ..
لأن مافي شئ يجبره على البقاء معكي لو ماكان يحبك ..
ياااااااااااااااااااااااااااااارب يكون صدق يحبني ولا يستغني عني..تصدقين امس لما كنت احكي له عن رجال يحبون حريمهم موووووت وما يستغنوا عنهم ..يقول يا بنت الناس انتي مصدقتهم..خرابيط هذا
بس يبغون الناس تشوفهم إلا هم اصلا كذابين والله اني انصدمت بس سكتت
واحيانا احس انه ما يصدق اني احبه واموت فيه
وعلى فكرة هو شكله ترك موضوع الطلاق ولا ذكر طاريه ..لآني انا لما خيرني ..كنت اقول له ..ايه انت تعتبرني عندك كمالية بس انا انت الاساس في حياتي وما اتخيل نفسي مع واحد ثاني وكان مصر انه يتركني عشان اتزوج غيره ويعطيني على قولته حقوقي ومنها اني اجيب منه عيال..
وبصراحة انصدمت انه استخف بالعشرة الطويلة اللي بينا بس يمكن لآنه ما عنده صبر وقال هالكلام ..بس اللي انا متأكدة منه انه ما رح يلقى وحدة تتحمله زيي وح يذكرني بعيدين لو صار الطلاق والعياذ بالله والسبب ان 13 سنة لن تمحى ابدا بسهولة إلا اذا كان زي ما قلت قليل الاصل ومنكر (وعلى فكرة هو يعتبر ان الحب والتعبير عنه بين الزوجين خرابيط وانه حق الغرب عشان عندهم حرية وانفتاحية الخ الخ )
بس ياااااااااااااااااااااااارب يصدق احساس بعص الاعضاء ويكون زوجي فعلا يحبني وانه ما خيرني الا لآنه يحبني
على فكرة..لما خيرني ..قال لي ..مو انتي تبغي حقوقك..خلاص بأطلقك وروحي مع واحد يعطيك حقوقك

قلت له بعد ما بكيت لآني من جد انصدمت...حقوقي سهلة انا ما طلبت منك غير انك تحسسني اني ادمية مكرمة (ولقد كرمنا بني ادم )
تسلم علي اذا دخلت وتطالع في وجهي و تتكلم معي وخلاص الكلام مو مهم بس اقل شيء ترد علي لما اكلمك مو تطنشني وتحسسني اني باقي قي حياتك ون معي احد بالبيت ..ولما ذكر طاري العلاج قلت له وجهة نظري ..الله يهديه ويشفيه

لكنه كما اتصور لايدرك حقيقة وضعه النفسي ..
صح وانا نفسي نروح كلنا عند ..استشارين علاقة اسرية بس للاسف ما اتوقع ان في مدينتتنا زي كذا..ثم انه رح يرفض ..يقول خرابيط وكلام فاضي زي ما يقول عن اغلب الناس.ونفسي يروح هو وانا عند اخصائي نفسي عشان يطلع الي جوت نفسه (وعلى فكرة زوجي شكله يحسب ان علاجه من الطفش اللي هو فيه والملل هو اني اخليه برووووووحة ما اتكلم معه ولا بشيء..انا رح اخليه يوم او كم ساعة ...لكن عشرة ايام لا كلام ولا سلام ولا نظرة ولا كأن معك احد ..صعبة صراحة على نفسي )

أنا انصحك يالغاليه إنك ماتصدقي كل من قالك اهجري زوجك واطلبي الطلاق ..
او عامليه بالمثل ولاّ عرفيه حدوده ..
مافي وحده عاقله في الدنيا في مثل وضعك تطلب الطلاق بعد عشرة ثلاثة عشر سنه ..
انتي ماشاء الله عليكي عاقله ورزينه وبنت اصول ..
وحسبتيها صح فعلا .. بقاءك معاه افضل من تركه ..
ومشاعرك وحبك له رغم كل شئ شئ طبيعي لأنه ماينكر العشره الا قليل الاصل ..
فعلا حبيبتي ..انا حسبتها وفكرت فيها وانصدمت لما خيرني..لكن لن اطلب الطلاق وان شاء الله ما اتطلق والله يهديه لي ويهديني له ويحببنا في بعض ويرزقنا العيال ..يمكن يغيرونه شوي ويخرجونه من عزلته وطفشه الغير مبرر ..

حبيبتي .. لو كان توقعي في محله فزوجك يعاني مثله مثلك .. لكن الاختلاف بينكما انك ادركتي المشكله وهو لا .. قد يكون والله اعلم لكن من ناحية الاطفال لا اتوقع..لآنه كثيييير يحاول يصرفني عن العلاج ومرات يتهمني اني ابغى اغثه فيه وان الاطفال نكد..وكم مرة قال ان جارنا (غبي ) استغفر الله لآن عياله ورى بعض ومسببين لهم ازعاج على قولته ..ودايم يقول ..مساكين والله لا ليلهم ليل ولا نهارهم نهار بسبب عيالم...شوفي كيف احنا مرتاحين والحمد لله..(طبعا يقول هالكلام في اوقات الصفاء للي بينا )

او انه ادركها لكنه فضل الهروب والاستسلام ..
يمكن هذا..لآن هذه طبيعته في كل الامور ..الهرب والاستسلام

غلا حبيبتي .. تبغي زوجك يحسن معاملتك ويرضى بعلاجك ???
إذن اتركي التفكير في نفسك مؤقتا وفكري بزوجك .. وحاولي تساعديه اول إنه يخرج مما هو فيه ..
لو تحسنت حالة زوجك النفسيه ستتحسن حالك انتي ايضا .. وراح يتقبل علاج مشاكلكم الصحيه كلها ..
يا لييييييت..بس تراه من زماااااااااااااان كذا..وحتى في لحظات الصفاء لما نكون مبسوطين ..يقول شوفي فلانة وفلان لهم 20 سنة عايشين بدون اطفال ومرتاحين ومعاهم بيت فخم ومعهم ومعهم ...شوفي فلانة وفلان صاروا عجزان (كبار في السن) ومع هذا حياتهم حلوة..وكم مرة حاول يقنعني ان الاطفال مالهم داعي وانهم خسارة فلوس وانهم نكد وانه تعب (طبعا من زماااان يقول كذها ولماا نكون مبسوطين مو متزاعلين )..انا لا انكر زوجي يحب البنات الصغار..بس لما كنت اقول له زمان..تخيل معنا بنت ..تجري في الصالحة وتركض وتنطط..وتفتح الادراج ..و و ..قال رح اضربها ..ليش ملقوفة..اقول له حرام عليك بس هي صغيرة لازم تشتكشف العالم من حولها و تخرب و و ..يقول لا لازم تكون مؤدبة
معلييييييش عارفة اني طولت كثير عليك
جزيت خيرا ..لكن كما قلت لك انا لست من النوع الزنان..فقط طلبت انه يعاملني بحسنى ولما تجي مشكلة يذكرني اني اطفشه بالعلاج والطلبات وهذه غير حقيقة

حبيبتي مهما اجتهدتي في إيجاد الحلول فلا راد لقضاء الله ..

لكن انتي لا تنسي نفسك من الدعاء فهو سبحانه رحيم بعباده ..

وتأكدي ان احنا دايم ندعي لك وربي يشهد ..

صدقت بارك الله فيك..لا راااااااد لقضاء الله..ونسأل الله العظيم ان يعيننا على انفسنا وعلى هذه الدنيا المتعبة وان يقدر لنا الخير حيث كان ويهدي زوجي ويهديني ويهدي الجميييييع

إيه والله اختي انا جد محتاااااااااااجة لدعواتكم ..

هو صح ما ذكر طاري الطلاق من هذيك اللحظة اللي خيرني فيها

لكنه باقي على حاله من الطفش و عدم الكلام إلا اذا سألته و النفخ والعصبية والزعل لمجرد اني سألته سؤال بسيط لا علاقة له بالموضوع اصلا

هدانا الله جميييييييييعا وشفاه واعانني والجميع

والله يااختي كل ماتذكرت لك دعيت لك

دعواتي لك بالتوفيق ياغاليه...
ونشكر الاخت مشاعر مرهفه على المساعده والتوضيح لامور تخفى على بعض الناس ...

وياغلا ..
الاخوه الاعضاء كانوا يستشعرون بشعورك ولان شخصياتنا مختلفه وطريقة تناولنا للامور تختلف تماما نصحك البعض بالطلاق ...والبعض نصحك بالصبر ...

وفي النهايه هو قرار يعود لتقديرك انت وانت التي بيدك قرار الاستمرار اوالانفصال بعد التفكير
ولكل قرار تبعاته التي تتطلبا الصبر والمصابره ..وكما يقال الحياة كلها جهاد... والاصرار على الفرح والرضا هو اصرار على الحياة ..

ادعوا لك الله من الاعماق ان يصلح لك زوجك ويجعله قرة عين لك...وليس بشيء معجز على الله سبحانه ادعي الله ان يفتح مسامع قلب زوجك لك وان يسخره لك وسترين الجوائز باذن الله...ومتى ما شعرت بمشاعر الضيق فلاتنسي دعاء الهم والحزن فغذي روحك بالذكر الطيب لتصمدي وربك كريم....

سبحان الله يأسه من رحمة الله وراميه نفسك تحت رحمة هالرجل ..
مايبغاك ومايستاهلك ليش متمسكه فيه..
لها الدرجه ماعندك ثقه بأن ربك بيعوضك احسن منه.. لها الدرجه ماعندك ثقه في ربك انه يرزقك بزوج اخر واولاد وحياة هنيئه..

السلام عليكم ...

صعقتيني يا غلا ......................

ألجمت لما قرأت أسمك صاحبة الموضوع ...........

لا حول ولا قوة إلا بالله ...

يا الله قد ايش افكر فيك وادعيلك يا حبيبتي ....

الله يفرج همك يا رب ........

والله من تزاحم الأفكار في راسي مدري وش اقول غير الله معك يا قلبي .........

وطمنينا عنك ...

أم حمزة

اصبري وانا اخوك وربنا يعوضك خير

السلام عليكم ورحمة الله تعالى وبركاته,
الاخت الغالية غلا صبحش الله بالخير انا ادرك مدى حبش واخلاصش لزوجش وارجوا من الله الجليل ان زوجش يبادلش نفس الشعور.على العموم ممكن تستعيني بطرف ثالث ممكن ياثر على زوجش ويخليه يرجع لش مثل ما تريدين.وشي ثاني لازم زوجش يعرفه وهو ان يتقي الله فيش لانش امانه في عنقه الى يوم الدين ويبطل علاقته المحرمة مع الاجنبيات واذا كان زواجه من ثانيه بخليه يرجع لطبيعته ويحسسش انش زوجته الي تحبينه وتقدرنينه اظن يكون افضل من الحاله الي هو فيها.

يالله يا سميع يا عليم اعد زوج غلا الى غلا ردا جميلا واسعدهم في الدنيا والآخرةز

ياربي شو اقول لج ياغلااا غير ان الله يفرج همج وكربتج باسرع وقت

حياتي تذكري دائما ان هذا كله اختبار من ربك وانجحي باختبارك واصبري ان الله مع الصابرين

ومابعد الصبر الا الفرج

انتي الحين حاولي تتغيرين شوي وااذا طاري العيال هو يكرهه اما تصمتين عنه واما تلجئين لشخص يحبه زوجك لينصحه

والله يهديه يااااااااااااااااارب

حبيبتي واختي الغاليه غلا

والله مااملك سوء الدعوة في ظهر الغيب عسى ان توافق ساعه استجابه ان الله يهديلك زوجك ويرزقك الذريه الصالحه عاجلا غير اجلا

ويسر امرك ويقدملك الخير وين ماكنتي والله يعينك

ولاتنسين ياحبيبتي كل هالحياااااااااة مشاكل وكلها بيد الله ومالنا غير الله والدعاااااااء له

عسى ان يرحم ضعفنااااااا وقله حيلتنا

مع اني اشوف لو تستخيرين ياحبيبتي مرات كثيرة ماتدرين وين الخيرة اعرف ناس بعد سنين طويله تطلقوا رزقهم الله الذريه الصالحه

والله يختارلك الخيرة الزينه وين ماكنتي وكيف القرار الى اتخذتيهاااااااااااااااااا

وبعدين لو تطلقت لا زوج ولا عيال ولا غيره

سبحان الله لها الدرجه ثقتك بالله ضعيفه لها الدرجه ماعندك حسن ظن يالله ..

انتي خوفك بس من كلام الناس ومن بقائك بدون زوج واطفال هو الي مسكتك عليه ..

اختي استخيري استخيري دائما .. وادعي ربك ان يعجل بطلاقك اذا كان فيه راحه لك ..

احباااااابي بارك الله فيكم جميييييييييييييييييعا

اللي تقول لي اني اصبر على زوجي عشان (كلام الناس)

لا اااااااااااااااااااااااااا

يا قلبي ابدا

اذا فهمتي من كلامي كذا فاعذريني قد يكون خانني التعبير

حبيبتي انا باختصااااااااااااار ما اتخيل نفسي بدون زوجي

ما اتخيل نفسي مع واحد ثاني

ما اتخيل نفسي ان عندي عيال من غيره

ما اتخيل نفسي مطلقة منه

الله يجمع بين قلبي وقلبه

هو للحين ما تعدل بس الحمد لله صار يسلم اذا دخل ولو كلام بسييييييط وصار يتكلم معي (يعني هو اللي احيانا يبدأ بالكلام ) والبسمة والنظرة ان شاء الله تجي بعدين

الله يهديه

الله لا يغلبه شيء

تكفووووووووووووووووون لا تنسووووووووووني من دعواتكم ان الله يؤلف بين قلوبنا ويحببنا في بعض

ويرزقنا الذرية الصالحة

اللهم اني اشكو إليك ضعف قوتي وقلة حيلتي وهوااااااااااااني على الناس انت رب المستضعفين وأنت ربي لا إله إلا انت

لا إله الا انت سبحانك إني كنت من الظالمين

اشكركم وجزااااااااااااكم الله خيرا فررررردا فـــــــــــــــــردا

الله يهديه ويسخره ويحنن قلبه عليك

ويرزقك بالذريه الصالحه يارب

اغلاق