|
يسلموووووووووووووووووووووووووو
|
أخي العزيز في البدايه اقو ماشاء الله تبارك الرحمن أذا في زواج بعد 12 سنه بالحب لأن هذا ما ندر واعجبتني كلمتك لما قلت ان احس النساء رجال قدام حبك لها لأني ما كنت أعتقد ان في رجل يحب زوجته وممكن يحس بهالاحساس بعد 12 سنه واربع اطفال الله يتمم عليكم ان شاء الله ويكفيكم شر العين كلنا انعرف ان عين الريال مايترسها شئ
شوف أخوي في شئ عجيب بهالزمن ان الرجال عموما يحبون اللي ماتعطيهم وجه وبالعكس تصير غاليه لو المره اتقط روحححها ما درى عنها وهذا الي حاصل معاك ونفس الشئ للمرأه تحب الريال اللي تركض وراه حاول انك تخفف هالمسجات طبعا انت ماراح تحس اللي المسؤليه اللي اتحس فيها المرأه الا لما تكون مكانها وكان الله في عونها مسكينه اذا انت تعاني من الوحشه والشوق اهي اتعاني من المسؤليه والتربيه وتأمين الراحه لعيالك يعني اهي الحين الام والاب في البيت تخيل وانت كنت اب بس ومقصر حسب ظروفك وعمللك تخيل المسئوليه أضعاف مضاعفه أنت لما تقلل المسجات او توقفها كم يوم اهي راح تسأل عنك وينه ومو عوايده وعسى ماشر واهي راح تبادر وتسأل وتتصل يمكن مو بالرومانسيه اللي انت متصورها عشان المسئوليه اللي فيها بس على الاقل حسستك انك مهم بحياتها وموجود وأخي الكريم انت لو اتحب أكله مثلا وتظل تاكلها كل يوم ودقيقه خلاص بتمل منها وممكن ايكون عندك عادي اذا اكلتها او لأ فهذا اللي حصل مع زوجتك لا تخاف مادام هالحب موجود هالخلافات مالها تاثير واحنا بصراحه مانقدر نسمع المشكله من طرف واحد بس مادام هذا الكلام الرائع صدر منك هذا له معنى واحد أن انت زوج محب وهي تستحق الحب الله يشرح صدرك ويتمم عليك انت وام عيالك ويجمع بينكم بالخير |
اقتباس:
و لأخوي صاحب الموضوع حبيت أقول حاول تعطيها عذر يعني مهما كان 4 أطفال و انت بعيد عنهم مسؤليه كبيره و يبيلها تفرغ حاول تحدد معها موعد معين من كل يوم..مثل ما قالوا الاخوان بعد العيال ما ينامون...كلمها على النت مثلا...صوت و صوره اذا تبون...كذا هي تكون متفرغه لك و مستعده و أخوي لا تنسى ان بعدك عنها اكيد له أثر على نفسيتها علشان كذا ممكن هي تتحسس من بعض المشاكل شي ثاني كمان: لفت نظري قولك في أحد الردود انك تتمنى حياه بدون مشاكل....أنا ما عندي خبره...بس أحس هذا شي ما يحصل :15: يعني أكيد لو انت ما توقعت ولا مشكله و حصلت وحده ولا ثنتين راح تحس انهم كثير....بس لو انت متوقع حصول مشاكل و خلافات...و فهمت انها شي طبيعي و يحصل..ما راح تتضايق من حصولها كثير...........بس عاد أنا أتكلم عن المشاكل و الخلافات الصغيره...اللي يقولون عنها بهارات...أما إذا مشاكل أكبر فعاد هذا شي ثاني تحياتي |
يسلمو
علي المشاركه بس كنت ابي كلمه لها هي مو لي وثانيا اللي طلب مني رايها فيني انا اعترفت لكم اني اخطي وقد اكون مهمل بيتي او مشغول عن بيتي يعني ما نكرت الا يكفي اني مو مقصر في بيتي من كل شي الا وجودي معاهم اعرف واعترف بقصوري بس المفروض ان تغفر لي سيئاتي ولا يدوم الزعل ابي ننسي الزعل واشكركم علي المشاركه |
.................
آني متزوجه ................ و زوجي طيب والحمد لله بس مافي انسان كامل الله يهنيك ويسعدك دووووووم وفرحانه حدي لاني قرات قصتك صدق عجبتني كثيررررررر دووووووووووووووووم الحــــــــــــــب |
بصراحة ما اقول غير الله يوفقكم ويبعد عنكم كل مكروه
ويحمي لكم اطفالكم ويجعلهم قرة عين لكما وبصراحة انا اقول لك شيء بس لاتتضايق انا زوجي لما يسافر ازعل قول ليش ؟ انا اقول لك ليش لانه فعلا لما تترك ماشاء الله اطفالك هي ترعاهم لوحدها وتشوف مسئولياتهم لوحدها صعب عليها انا نفسي اعاني من نفس هالشيء حتى زوجي لمايسافر بالايام نفس الوضع احس نفسي متحملة اكثر من طاقتي خاصة انه في طفلة رضيعة تحتاج مسئولية واطفال في المدارس وغير البيت وتلقاها تفكر فيك يعني حوسة مابعدها حوسة وادري انك ماتقصر معها وحاس فيها بس ايش نعمل نحبكم يا ازواجنا . |
الحمد لله لقيت من اعجبته قصتي
واتمني من الله ان تكونوا مثلي محبين لبعضكم وان تدوم المحبه والعشره بينكم ........................وانا مقدر ما تقوم به المرأة من اعباء وضغوط النفسيه عليها ولولاهم لضاع البيت بعد الله طبعا |
اقتباس:
ياربي... ليت كل الرجال يقدرون مثلك في ظل كل هذه الابناء الله يحفظهم ادم المحبه يارب |
الله يخليكم لأزواجكم وزوجاتكم
ويسلمو علي المشاركه |
ماشاء الله لا إله إلا الله ... الله يخليكم لبعض يا رب
أخوي طيب حاول تكلمها ناقشها يمكن تقول لك سبب حساسيتها أو تشعر فيه أنت |
| الساعة الآن 06:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©