|
رد: راتبي وزوجي!
اقتباس:
مااقدر اواجهه واكلمه لاني سبق وجربت وماجابت نتيجه وانقلبت الطاولة علي لكن ان شاء الله مع الوقت يفهمها وبالتدريج , لعله يتعدل الوضع والحمدلله على كل حال |
رد: راتبي وزوجي!
انتي الله يهديكي عودتيه انك تدفعي وتدفعي وتدفعي .. المشاركه حلوه ماقلتا شي وكنت مثلك اعاني من موضوع الراتب الي يطير على خرابيط ..
بس بصراحه انت المفروض تحطي حد لبعض الحاجات مثلا بنتك مو انتي الي تشيلي اغراضها ومتطلباتها هدا على زوجك هو المتكفل فيه اساسا وغلط غلط تعوديه انك انت تشيلي عنه اغراض بنتك يعني انا مثلا لو عندي بنت خلاص مستلزماته على ابوها لكن لما اروح السوق واشوف حاجه عجبتني لها اجيبو لها ملابس عجبتني شفتها ف السوق وانا لوحدي اخدها لعبه عجبتني اخدها لكن انا اكسيها واجيبلها كل شي طبعا لاااا .. ملابسي وكسوتي على زوجي لكن ان صادف وضعه المادي متأزم انا هنا اشيل نفسي بنفسي الين تفرج ازمته ..لكن ان ماعنده ازمه ولا التزامات كبيره هو عليه الكسوه واحتياجاتي واوقات انا اشتري لنفسي ان شفت شي عاجبني وهو مو معايا .. السفر مع بعض نقط وهدا عادي بالعكس .. يعني في حاجات لازم هو يتكفل فيها كماليات البيت مرا انا اجيب شي ومرا هو بس الاساس هو يجيبها بس لو احتجت شي للبيت وهو ماعنده انا اجيبها .. لإن على قولك لازم نحوش من راتبنا للمستقبل المجهول😊 |
رد: راتبي وزوجي!
اقتباس:
بس الى الان محد عطاني حل الى الــــــآآآآآآآن انا جالسه اقولكم زوجي ملول وعجاز وكسول مايجيب الشي بسررررررعه لازم يا اجلس اززززن فوق راسه لين يهديه ربي ويطاوعني وحتى لو طاوعني مايجي من خاطره مدري كيف اوصل لكم اووو اني اجلس بحاجه ومزنوقه وش الحل معه وكيف اتعامل مع الموضوع بذكاء واعوده ماينفع المواجهه ولا الكلام لانه رح يفهمه غلط لاني اعرف طبيعه شخصيته |
رد: راتبي وزوجي!
تبغالها نمسك يدنا شويه
تخيلي بعد سبع سنوات وماكان عندي ذيك الالتزامات اكتشفت ان رصيدي فالبنك صفر وقتها انقهرت على نفسي حاليا بدأت اجمع مباغ شهري حطيته فحساب ثاني وان شاءالله ما اسحبها واستمر وسويلك خطة للشراء لا تحرمي نفسك بس رتتبي امورك وخططك |
رد: راتبي وزوجي!
مافي حل الا الزّن مع هالنوع
و اما تلحي على اشياء لكل حق فيها و من صميم نفقته. ما أظن بيزعل او ياخذ موقف لو اتخذ موقف ازعلي انت و فضفضي له بشعورك بالضيق من المسؤلية |
رد: راتبي وزوجي!
اقتباس:
بس بصراحه ماعرف شخصية زوجك يعني المواجهه ماتنفع معاه زي ماتقولي .. والله يا انك تصبري على شخصيته وتفضلي تزني ع الشي الين يجيبه .. او تقوليله يخصص مبلغ شهري في حساب معين وتكون للكماليات واحتياجات بنتك .. وانت تصرفي منه .. زوجي يعمل كدا مخصص حساب يخلي فيه مبلغ كل شهر او الزايد من الراتب لكل شهر .. واذا طلبت شي يديني البطاقه ويقولي مثلا اصرفي منه بحدود كدا .. واصرف على قد المبلغ الي يحدده عشان مايقول خلاص مافي وجربتك مرا ومانفع معاكي dg فجربي اقترحي عليه دي الطريقه بدل ماتقوليله قوم واشتري الشي الفلاني وادفع خلاص يديكي البطاقه ويحددلك المبلغ الي تصرفيه |
رد: راتبي وزوجي!
ffbوان قالك من راتبك كل شهر قولي مرا فلانه محتااجه مرررا وسلفتها مبلغ
راتبي مخصوم منه كدبات بيضا يعني |
رد: راتبي وزوجي!
حبيبتي من الاخر لاتستحي منو
اذا ما استحى منك انتي لاتستحي انتي بتطلبي حقك ولا على ايش له القوامة !! وادخلي في عينو وانتي تطلبي بدون تردد او خوف مابينفع اُسلوب التلميح اذا مافي ضمير عنده ولا احساس الله يسلمك خذي من جيبه الفلوس اللي انتي صرفتيها لمقاضي البيت حتى ريال لاتوفريه واذا جاء كلمك ورعد وزعق لاتستحي خليكي قوية واستهبلي انا كنت زيك ما اخد من زوجي فلوس مع اني مو موظفة كنت استحي اطلب واكتفي باللي يعطيني هو وراضية الحمدلله وكل ما اروح عند اهلي اشتري من فلوسي وأجيب لولدي وأشتري هدايا له ولأهله حتى بعض الاحيان اجيب اغراض للبيت من عندي واشياء الدلع والقمصان واللانجريات برضو من عندي لحد ما أتعود وعرف اني موفرة له وما اصرف كثير في الفترة الاخيرة تزاعلنا وعرفت انه يصرف فلوسه على شي غلط صارحته وانكر طبعا كعادة الرجال وقلت له بترقية انا أولى بصرفك عليا اعتبرها صدقة ومأجور عليها غلط عليا بكلام كبيييير وعيرني بمستواي ومستوى اهلي المتواضع وانو متكرم عليا وماشفت خير الا معاه بس مافي احساس قالي انتي ماطلبتي ومحد قالك تعتمدي على فلوس اهلك بس وانا وقتها والبطاقة معايا وهو سافر وما اخلي على قلبي ونفسي شي كل ما اتذكر كلامه وعرفت انه فلوسه يصرفها على حرام أحط حري في بطاقته ومايهديني الا وانا صارفة فلوسه ويلا خليني اشوف ايش بيسوي اتغيرت من هالناحية سرت اقوله ابغى فلوس اعطيني ، احب الفلوس >> اكتب لك وانا اضحك اتذكر كلامي ترى نحن نحسب انه بيقدرونا ويفتكرولنا هيا لقدام ، ونكبر في عينهم بس كله كذب وعباطه وترى هم ماشاءالله مايغلبوا يقدروا يدبروا نفسهم ، ويدلعوا ومايقصروا على نفسهم وبالنسبة لكسله وانه يماطل اذا هو يستحي ويخاف على سمعته ومبين عمره مثالي احرجيه مثلا لمن تكوني عند اهله او اهلك وهو موجود اتكلمي عادي مو شكوى والله فلان كسلان الغساله لها شهر خربانه وهو ماتحرك يصلحها او صديقتي ، اخوي او ابوي جاء لبيتي وشاف الشي عطلان وانتقد كيف كذا مايسير وقال بيصلحها بس انا رفضت وقلت له لو دري زوجي راح يزعل كيف اخليك تصلحه مابيرضى ان شاءالله تكوني فهمتيني والله يعينك ويعيننا ويعين الجميع |
رد: راتبي وزوجي!
براي الحل تطلبين منه مبلغ شهريا يحوله على حسابك ،، هذا ما يحتاج لا يطلع ولا يرتبط بمشاوير معك ،، صحيح تعب عليك انه تكون مسووليتك تقضي للبيت لكن اهون من ولا شيء
مبدئيا طالبي انه هو يقضي واصري واصري وزني وحني عليه بعدين قولي تنازلت مو لازم تقضي لكن حول لي مصروف الليت الشهري ،، جمعي فواتير شهر او شهرين اللي تقضيها للبيت ووريه كل شيء وتكاليف المشريات وان الدنيا غالية بعض الرجال اصلا على بالهم مصاريف البقالة شيء بسيط وخلي عنك الحياء ،، تسلف اطلبي الى ما يرجع قضيتي للبيت جيبي الفاتورة واطلبي المبلغ ،، خلي الدفع من بطاقة البنك وهدديه انه بتشتكين عليه سواء عند اهلك اهله او محكمة اللي يخاف منهم وانه عندك اثباتات انه انت تدفعين على البيت ،، طالبي بحقوقك ،، وما ضاع حق وراه مطاليب ابحثي عن الطرق القانونية وقولي ترا باسوي افعل وكلمت محامي ،، خليه ياخذ الموضوع بجدية ويعرف انك تتكلمين بجد وانه فيه عواقب للموضوع وصبرك ما عاد حل |
رد: راتبي وزوجي!
اختلف مع ام سهيل في مسألة التهديد الا اذا كان غرضك الطلاق في النهاية. الحياة الزوجية السعيدة لا تاتي بالتهديد وانما بالمصارحة والتفاهم باحترام.
|
| الساعة الآن 10:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©