منتدى عالم الأسرة والمجتمع - صار دقيق ويحاسب على كل شيء حلت الرد296

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

- - صار دقيق ويحاسب على كل شيء حلت الرد296 (http://www.66n.com/forums/showthread.php?t=265592)

رد: صار دقيق ويحاسب على كل شيء..

احبه انتي حاطه ببالك انه متمسك فيه للماده
وانه انسان يستغلك

اذا شلتي هالنظره بتتحسن حياتك معه

رد: صار دقيق ويحاسب على كل شيء..

جاي يقولي إنه مسافر لاهله حتى بدون مايسألني كيف صرتي .. قلت روح .. ودقيت على أخوي يجي يوديني المستشفى ويرجعني بيت أهلي..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة أحبه حبيبي (المشاركة 3376717)

هل استأذنتيه الذهاب الى المستشفى يا أحبه ؟

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة أحبه حبيبي (المشاركة 3376664)

برأيي إنه تغير كثير عن قبل لأن ماصرت أعطيه شيء .. وصرت أجمع فلوسي لي ومايشوف شيء .. قبل كان حنون وطيب ويحتويني عشان كان راتبه ضعيف وكنت أساعده .. ألحين أنقلب حاله180درجة مع إني أنا نفسي أنا بل بالعكس صرت أطنش وماأزعل من كلامه مثل قبل .. هذي هي الحقيقة المرة اللي بان عليها زوجي .. وهذا إللي خلاه البارح يقول ماعاد في دوام .. وأنا قلت إلا في لانه شرط عليه ومكتوب في العقد وكل شيء ممكن أتنازل عنه إلا وظيفتي لأن الزوج ماله أمان..

وبالنسبة لتعبي أنا البارح طول الليل وأنا تعبانة واثرته علي صبرت عشان ماأصحيه وأخليه نايم ويرتاح وماصدقت صحي عشان أطلب المستشفى وهو بكل عصبية يقول مو رفضتي المستشفى البارح .. هذا بدل مايجي يطمن علي يشوفني كيف صرت.. لا وابشركم مرمية في البيت وهو لحد الان ماهو فيه ولا فكر يتصل يسأل عني ويشوفني حية ولا ميته..

كلنا كذا مو بس زوجك وتصير معنا اقول لام عيالي مشينا اوديك المستشفى تقول مابي موب لازم خلاص باخذ العلاج وبصير احسن لما اجي انام وتعبان تقول ودني المستشفى طيب وينك اليوم كله ؟؟ وانا موجود او الصبح بروح للشغل تقولي ودني المستشفى عندي شغل ودوام ومصالح ناس اخلصها اتركهم واوديك مو انا قلت اوديك قلتي لا مابي
كنتي تعبانه شوي احسن روحي قبل ينهد حيلك لاتتوقعين زوجك حاله خاصه ومايحبك علشان كذا ماوداك لا كلنا نفس الشي انا مثله انقهر لما اقول لام عيالي شي تقول لا ولما انشغل تقول ابي عقبها اطنش

رد: صار دقيق ويحاسب على كل شيء..

احبه ترى الواحد مع السخونه يهوجس زياده

لا تفكرين في شي الآن وارتاحي وخليه يروح عند اهله بعض البعد راحه ولا تنشحنون على

بعض أكثر .. كلها يومين وبيرجع ونفسيته تغيرت وانتِ تشافيتي ان شاء الله

لا تناقشينه ولا تجادلينه في مسألة الدوام ما دام انها مشروطه في العقد ولو رجع فتح

السيرة قوليله كلمتين بهدوء وثقة ،،المؤمنون على شروطهم وانتبهي تجيبين سيرة

الفلوس او تلمحين انك عشان ما صرتي تعطينه بيمنعك من الوظيفة..

فلوسك من حقك تجمعينها او حتى تحرقينها .. لكن لا تذكرينه ولا تمنين عليه باللي سبق

اعطيتيه وساعدتيه من قبل.. ولو في نيتك تعطينه مستقبلا احتسبيه لوجه الله فقط

الله يصلح احوالكم ان شاء الله ازمة وتعدي..

رد: صار دقيق ويحاسب على كل شيء..

الموضوع كله صار عند أهلي .. ياما غلط علي وانسى وأراضيه ولا فكر فيني..

عشان تعرفون وين وصلت حقارته أرسل لي رسالة قبل أطلع مع أخوي يقول نظفي البيت قبل تطلعين..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة أحبه حبيبي (المشاركة 3376749)

اختي احبه !

إن لم يتنازل احد الطرفين ، قُطِعَ الخيطُ لا محالة ! ..

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة أحبه حبيبي (المشاركة 3376749)

انا مستغربه هالنوعيه من الرجال
يستفزون زوجاتهم بتصرفاتهم
يدورون المشاكل من تحت الارض
طيب ليه
مو يقولون الرجال يبي بيته جنه
يبي هدوء وراحه واستقرار
طيب كيف وهو يقلب البيت نيران

للمعلوميه
المرأه وقت المرض والتعب تكون بقمه احتياجها
للعاطفه والاهتمام والكلمة الطيبه
هالشي انا مريت فيه من اسبوعين تقريبا
وقسوه زوجي معي وقت مرضي للان ندفع ضريبتها

احبه حبيبي
طنشيه وبس

رد: صار دقيق ويحاسب على كل شيء..

انا كنت استغرب من مواضيعك
لكن مره كنت ادور موضوع قديم بالمنتدى
ولقيت لك موضوع من ايام الخطبة
وقبل الزواج !!!
يعني هو كان واضح جدا
من قبل الزواج
لكن مادري ليش نعيش دائما على امل التغيير
والقناعات لاتتغير

رد: صار دقيق ويحاسب على كل شيء..

اقتباس:

المشاركة الأصلية كتبت بواسطة كنافة بالجبن (المشاركة 3376763)

عرفتي ليش قلت زوجي يشبه زوجك..ترى زوجي يبني دايم أبادر للعلاقة .. ودايم يقول عني ماني أنثى .. بالضبط مثل زوجك..