رد: هل زوجي يخونني
 

يا أختي ولاتتعبين نفسك ولا شيء .. ترى اللي يخون يخون نفسه .. وله رب يحاسبه .. طيب فرضا تأكدتي إنه خائن وش بيدك تسوين!! بتمنعينه ؟؟ بيخون من وراك.. الشيء الوحيد اللي يمنعه من الخيانة خوفه من الله.. ودام زوجك يصلي وفي المسجد بعد فأذكري الله وتعوذي من الشيطان وأزيلي هالفكرة من رأسك.. ومثل ماقالوا لك الأعضاء إذا فعلا خائن ربه بيكشفه وبتلاقي أدلة واضحة ودامغة وتجيك لحد عندك .. استودعي زوجك وادعي إن ربه يحفظه من شر كل ذي شر..

رد: هل زوجي يخونني
 

واجهته قبل شوي وقلت له على اللي شفته امس بس تكلمت معاه بأسلوب وهدوء

قال لي كنت ناوي اليوم اجلس وما اطلع بس انتي مثل كونان كل يوم تحقيق ونكد في نكد

والحين رايح الاستراحه

كلمت زوجة اخوه وسألتها اذا زوجها اخذ السياره قالت ايه وسألتها عالبكلات تقول ماتدري

رد: هل زوجي يخونني
 

يكفي يا سمورة يكفي ....

ليش بس تسألين زوجة اخوه ...ترى بتكبر السالفة اذا وصل له الكلام !

رد: هل زوجي يخونني
 

معليش لا تلومها اذا شكت انا لو بمكانها بجلس اوسوس

رد: هل زوجي يخونني
 

اختي العزيزة ، اتركي الامر لصاحب الامر فقط !
موضوع الصور والمقاطع المخلة ،، كان بإمكانك رؤويتها ومسحها مباشرة ! ببساطة وسهولة وبدون تعليق او نكد من جانبك ومشاكل متواصلة لزوجك وكأنه طفل !

موضوع الشلة والاستراحة ،، مع تخفيفك لنسبة الاسئلة والبحث والتقصي و زيادة التطنيش كنت قادرة على تشجعيه للمكوث بالمنزل اكثر وهو عطاها لك كاش !

موضوع البكلة ،، ماكان له داعي توصل لزوجة اخو زوجك ( لاتنسي راح تنجاب السيرة لاخو زوجك وشوفي من بعد) عشان بس تتاكدي تبع من ! و بالنهاية ممكن تكون لبنت صديق زوجك ؟ احد اصدقاءه حاب يعمل مقلب ؟ بنتك ماخذتها او صارت عندها بالغلط وناسيه ؟ واللي يبين ان زوجك مو مسوي شي انه شافها وتركها ! لو فعلا فيه شي جان خاف ورماها ورمى باقي الامور اللي شفتيها،،

كما قال لك احد الاخوان اذا كان فيه شي بيطلع فلا تشغلين تفكيرج وتتعبين عقلج !

رد: هل زوجي يخونني
 

اهم شيء اختي لا تتكلمي عن هذا الموضوع مع زوجك مجددا ابدا
راح تدفعيه للخيانة دفع
عندك وساوس وشكوك تتبعي الموضوع بصمت وهدوء
حتى لو لا قدر الله مسكتي دليل قطعي لا تواجهيه حتى تدرسي المشكلة وابعادها واسبابها
لما يرجع اعتذري ولطفي الجو ونسيه في الموضوع
الله يطمن بالك ويبعد عنك هذه الوساوس

رد: هل زوجي يخونني
 

الله يهديك
بتدفعينه للخيانه دفع
لا تلاحقينه ولا تحاسبينه له رب يحاسبه
مايجوز شرعا التجسس على المسلمين واتباع عوراتهم بمن فيهم زوجك
بيدك تدعين ربي يصرف عنه كل شر ويديم زواجكم والألفة والمحبة بينكم
بيدك تجذبينه لبيته بشطارتك بعد توفيق الله
لكن اللي تسوينه هذا غلط غلط لازم توقفين هالأسلوب

رد: هل زوجي يخونني
 

خلاص دامهم اخذين السياره معناته الاغراض لهم..يعني تبين الام تتذكر شباصات وبكلات بناتها وينهم ووين طايحين!!!!! خليك واقعيه شوي

رد: هل زوجي يخونني
 

كبرتيها مره الله يصلحك
خلاص لاتشردي الرجال ولاتتجسسي
وياخبر اليوم بفلوس بكره ببلاش
ريحي دماغك
اغلب اللي تكتشف خيانه زوجها تكون بالصدفه لان ربي أراد يفضحه باليوم ذَا مو بالتفتيش .

رد: هل زوجي يخونني
 

فعلا صدق زوجك يوم قال نكد في نكد
وشي الحياة الزوجية بدون حب وثقة حرام اللي جالسه تسوينه في الشعيف عشانه طيب معك!!

كل الجوالات اللحين والقروبات للاسف تجي مثل هالرسائل الله يتوب علينا .

لكن من اعطاك الحق تفتحين جواله وتشوفين قروباته والله واحد اعرفه طلق زوجته عشان فتحت جواله مع انه كان يخون.

خافي ربك زوجك يعاملك بالحسنى شافك فتحتي جواله غير الرقم بس ما طلقك او سوى لك تصرف اخر مع انه ماله سوابق خيانه.

احمدي ربك ان الامور وقفت كذا وما تطورت واشغلي نفسك بحب زوجك وكيف تخلين البيت مكان لراحته وسعادته مهب نكد وتحقيق وشك وغيرة!!