رد: بعد مرور اكثر من سنه طلاق....بانت الحقيقه
 

الف شكر يا اخواني يا اخواتي عل دعائكم وكلامكم الطيب.
لاحظت في الفتره الاخيره ان الاولاد ابتدوا يميلون لي بشكل كبير وواضح لدرجة انهم طلبوا مني يباتون عندي نص عطلة الصيف وانتوا عارفين ان هالشي قانون ما يجوز. ما اخفي عليكم ان فرحت واب نفس الوقت حز في خاطري امهم. من يوم ما قالتلي اني اقصد احرجها وإني ابي ابين اني احسن منها لما كنت أحث الاولاد للتواصل الدائم مع امهم واهما معاي قلت خلاص ماني متدخل خير شر لكن واضح ان العيال قاعدين يبتعدون تدريجيا عن امهم. حقيقه هذي كانت مشكله موجوده قبل الطلاق وللاسف ما قدرت اتحلها والسبه الاعصاب. طليقتي اعرفها زين اذا مشكله صعبه شوي خلاص اتوقف واتحبط وتكبت مثال مشكلتها معاي قبل الطلاق و مشكلتها مع ابوها والحين مع عيالها واعتقد هذا راجع لحالتها النفسيه.

بعثت لها مسج مختصر وقلت لها كلمي كل الاولاد مو بس الكبير وحاولي تاخذين وتعطين معاهم مو بس كيف حالكم واتسكرين الخط. اعتقد اني محتاج احاورها بخصوص الاولاد وعلاقتهم معاها خصوصا ولدي الثاني الي عنده مشاكل كثيره معاها.

في رأي ثاني اني اخليها لغاية ما تنصدم بالواقع واتغير من نفسها بس أشك ان هذا بيصير لان اذا انصدمت ما راح تقدر اتحل المشكله لانها اصلا تعبانه نفسيا.

رايكم ؟ اكلمها ولا اخليها ؟

رد: بعد مرور اكثر من سنه طلاق....بانت الحقيقه
 

انت لسه ماكلمتها وﻻ فاتحتها
الله يعوضك عليك وعليها
حياتكم تمشي ببطء شديد والزمن ماراح يستناكم كله من اعماركم
عطيها فرصة هالسنة وحاول معها تتعالج و تستمر واذا مالقيت تجاوب شوف حياتك
انت راح تمرض ان لم تكن فعلا كذلك بسبب كل ماحصل وكل ماتمر به
انتبهوا لاولادكم مشغولين في بعض وناسينهم
يعني كفاية عليهم ام متعبه وتحتاج عناية
ﻻتخلي بليتهم منكم اثنينكم
هم اعتقد ع وجه مراهقة وكل ماحصل من مشكل بينك وبين زوجتك وطﻻق راح يخرجونه وقتها وممكن تكون فترة صعبة عليكم كلكم
الله يختارلكم اللي فيه الخيرة

رد: بعد مرور اكثر من سنه طلاق....بانت الحقيقه
 

اعانك الله اخوي عبدالله
من رأي كلمها بما أن الموضوع يخص الاولاد لا تتأخر لأنه هالشي لا فمصلحتها ولا فمصلحة الاولاد انهم يميلون لطرف دون الاخر

رد: بعد مرور اكثر من سنه طلاق....بانت الحقيقه
 

هلا اختي موضوعنا اصعب بس موضوع الاطفال اهم في الوقت الحالي
صحتي حاليا ما اتساعد وحددولي موعد عمليه وحاليا ماخذ كورس علاج استعداد العمليه. موضوع الاطفال اسهل واهم في الوقت الحالي.

بعد العمليه ارتب اموري ولكل حادث حديث
الموضوع حييل حساس ويحتاج تنسيق من الجميع

رد: بعد مرور اكثر من سنه طلاق....بانت الحقيقه
 

من بعد الطلاق وأخيرا حصلت موعد مع الاستشاري النفسي بعد سنه ونصف الي عنده تفاصيل حالة طليقتي قبل الطلاق وأكد انها أتعاني من الاكتئاب. الموعد بعد كم يوم وصراحه مليون سؤال و سؤال في راسي اهمها هل صحيح وممكن الاكتئاب الشديد اهو الي خلى طليقتي اتسوي كل الي سوته وقاعده اتسويه ؟
نكران - جحود - نسيان - تبلي - استفزاز - اسئله عني وعن اهلي - تمثيل - إهمال جزئي بالاطفال - هجران اَهلها والمقربين لها - عصبيه عل اتفه الأسباب - مره تبي ترجع و مره لا مواقف وتناقضات كثيره احنا بالمنتدى احترنا في تفسيرها.

أتمنى آخذ الاجابه الشافيه من الدكتور واذا اكدلي شكوكنا والأفضل اني اصبر عليها واساعدها سواءا مباشره او عن طريق احد ف راح أتبع نصيحته والله يكتب الي فيه الخير

دعواتكم يا جماعه

رد: بعد مرور اكثر من سنه طلاق....بانت الحقيقه
 

الله يفرج همك ويصلح زوجتك ويشفيها

رد: بعد مرور اكثر من سنه طلاق....بانت الحقيقه
 

الله يكون معك اخي ويشفي طليقتك ويجعل وقفتك معها في ميزان حسناتك
وربي يشفيك ويعافيك
وبارك الله فيك كأب هدفه الاول والاخير اولاده الله يخليك فوق راسهن
اسأل الله ان تتعالج طليقتك وتشفى وان يجمع الله شملكم لما فيه خير وصلاح لكم ولاطفالكم
احترامي

رد: بعد مرور اكثر من سنه طلاق....بانت الحقيقه
 

نعم

الاكتئاب الشديد يسبب كل ذلك

واذا مو كله.. فهو يسبب نصفه على الاقل

راجع طبيبها واساله عن هذا لانه مرتبط بحالتها

تفكير مرضى الاكتئاب يكون اكثر سلبية من الناس العاديين


ذكرتني بمريضة عندنا جاها اكتئاب مابعد الولادة وعندها 4 اطفال

زوجها تمشكل معاها لم يفهم هذه الاعراض ولم يصبر وطلقها وانتكست حالتها زيادة

مع العلاج صارت بافضل حال الحمدلله

حاول محاولة اخيرة اخ عبدالله

رد: بعد مرور اكثر من سنه طلاق....بانت الحقيقه
 

الله بعينك
واهتم باطفالك من ناحيتك انت
بنظري خفف تواصل معاها

رد: بعد مرور اكثر من سنه طلاق....بانت الحقيقه
 

مشكورين وما قصرتوا يا جماعه
للعلم...التواصل مقطوع تماما معاها من كم شهر