منتدى عالم الأسرة والمجتمع - شخصياتنا وعالم النت ..

وعليكم السلام ورحمة الله وبركاته اختي الفاضلة
شخصيتي بالنت هيي نفسها شخصيتي في الواقع
اجمالا شخصيتي مبنية انو ما في شي خاف منو بحب الوضوح يعني ان حكيت شي عن حالي او حياتي ان كان بالعالم الافتراضي او الواقع بكون هالشي واضح للجميع وما في اسرار لتتخبى
وحتى تصرفاتنا بالواقع ما بتخلى من الأخطاء وفيها السلبي والايجابي
وممكن اي حدا ما يشوف الجانب السلبي الا الجانب الايجابي
مثلا تعاملي مع اصحابي او اقربائي او اهلي او حدا غريب بكون بقمة البشاشة والفكاهة وهالشي بعبر عن طبيعة شخصيتي وهيدا بيخليهن يشوفوا الجانب الايجابي فقط
كما يراني الاشخاص في العالم الافتراضيي
اما السلبي ما بيظهر الا قدام زوجي واطفالي لانو ما بحب نفس عن الضغط اللي عايشته الا ضمن بيتي بحسو المتنفس الوحيد اللي ما فيه حدود وظوابط يعني اذا كنت معصبة بظهر عصبيتي ان كنت زعلانة ان كنت مهمومة او مضغوطة واكيد رح يكون في اسباب لهالشي

اما مع اصحابي اومجرد خروجي من المنزل لا شعوريا بتغير كليا من دون سبب ولا عن قصد
حتى زوجي لاحظ اوقات بكون متضايقة وبكون عم بعبر عن حالتي مجرد ما احكي مع حدا تاني او اخرج انا واياه بصير بضحك وفريش عالاخر بفصل طبيعة تصرفاتي وحالتي المزاجية داخل المنزل عن خارجه
كتير بيسألني زوجي شو السر بتتغيري بسرعة من هالناحية
ممكن السبب ما بحب اشكي لاي شخص بعيد عن بيتي او ممكن طبعي بحب المرح فبستغله باي فرصة بتجي
ونفس الشي بالعالم الافتراضي وقت نكون عم نعطي ارائنا والناس بتشوفنا كتير ايجابيين هالشي بيكون بشخصيتنا بس مش معناتها انو ما عنا جانب سلبي
وما حدا كامل والكمال لله
اما انو اتقمص شخصية مش شخصيتي ما بتخايل حالي اقدر كمل فيها لانو بتخنقني
حلو الصراحة ما دام ما بتأذي طرف اخر وما دام حياتي واضحة وانا اول وحدة بقول عن نفسي متل ما عندي ايجابيات من بخلى من السلييات ان كان بطباعي او تصرفاتي
وبالنسبة للاشخاص اللي بتعامل معها العالم الافتراضي بحبهم حسب اسلوبهن وروحهن الكيبة اللي بتظهر بكتاباتهن وبحب ظن دائما الظن الحسن
ان كان عم يخدعني او يخدع اي شخص هالشي ما يأثر فيني لانو عم يخدع نفسه قبل العالم الا اذا في شي بحب يحتفظ فيها لاسباب خاصة فيه بحترم هالشي كل شخص والو ظروفه
ونفس الشي بالعالم الواقعي الحمدلله لعمر 33بعمري ما اختلفت مع حدا
الا في كم شخص اقل من عدد اصابع اليد الواحدة هني اللي كان سبب الاختلاف واللي غلطوا معي ومن جهة اهل زوجي وبشهادة زوجي
وباقي كل اللي بعرفهن ما حدا خاب ظني فيه بحس نفسي نفسهن وما في شي مخبى او من ورا الكواليس
بعتذر ردي كتير طويل
احترامي