|
رد : تغير زوجي بعد رفضي زواجه
ضعي نفسك مكانه صبرتي عليه 13 سنة ولم تنجبي هل تبقين معاه ام لا ؟
|
رد : تغير زوجي بعد رفضي زواجه
مقدرة ظرفك واحساسك ياغالية ..بس من الافضل للواحد ان يكون مظلوم على انه يكون ظالم لغيره..اللي تسوينه قد يكون انانيه اكثر من كونه حب..انتي اذا تحبينه خليه يحقق حلمه في الابوة واحتسبي الاجر وادعي ربك وبتشوفين كيف ربي بيعوضك..لاتخلين زوجك يصير اطيب منك واحسن منك اكسبيه باخلاقك ودوسي على غيرتك وقلبك على شانه تراه يستاهل انك تضحين على شانه. هو اذا كبر محتاج سند يرعاه وان شاء الله يكونون عياله سند لكي وماتدرين رحمة ربك واسعة كيف ربي بيفتحها عليك ويرزقك .....الله يرزقك من واسع فضله يارب
|
رد : تغير زوجي بعد رفضي زواجه
انا ما الومك كل الناس هاجموني قبلكم واهلي اولهم
الموضوع وما فيه اني فقدت الضنى وما ابغى افقد زوجي الي مصبرني على فقدانهم ما يتركلي فرصة احزن على العقم الا واحتواني والمجتمع ذا الي ما يرحم محسسيني اني معاقة وكل من هب ودب تكلم عني وفوق ذا متغير علي كل مافي الامر ابغى اعيش زيي زي غيري الله المستعان بس |
رد : تغير زوجي بعد رفضي زواجه
حتى هو يبي يعيش زيه زي غيره ..
اللي متزوجين من 13 سنة عندهم 3 و 4 و 5 أيناء .. وهو ماقصر صبر وايد .. وحقه يشوف عياله .. إنتي اشرطي عليه إنه يستمر في علاجك .. وتستمر محاولات عمليات الأنابيب .. لأن إنتي بعد من حقك تشوفين ابناءك .. والله ياربي يشافيك ويرزقك الذرية الصالحة .. |
رد : تغير زوجي بعد رفضي زواجه
فكرتوا بفكرة احتضان طفل يتيم ؟!
|
رد : تغير زوجي بعد رفضي زواجه
اقتباس:
لا تحطي اللوم على المجتمع في زوجات غيرك عندهم أطفال ومع ذلك ازواجهم تزوجو عليهم انت انانية وحب التملك عندك غلب على حبك لزوجك وزعلانة لانه متغير عليك يمكن بينه وبين نفسه كان يتوقع موافقتك على زواجه علشان لا يعيش محروم من الذرية طول عمره واسمحي لي اختي 31 مو صغيرة ما أقول انك عجوز في نساء تحمل بعمر الأربعين ويمكن الله يكتب لك الحمل بعد شهر كله بعلم الغيب اذا فعلا تحبي زوجك لا تحرميه من الابوة الله يرزقك بالذرية الصالحة انت وكل محرومة يا رب |
رد : تغير زوجي بعد رفضي زواجه
فاكهة كلمتو عن الموضوع قريب قلي قفلي الموضوع
ما يبغاني افاتحه بأي موضوع يتعلق بزواج او تبني حتى اذا قلت له قصص عن ناس صبرت 15 - 20 سنة وربي رزقهم يقول الله يهنيهم يقول ابغى حياتنا ترجع زي اول ولا كأنني خطبت ولا شيء خلاص لا تجلسين تبررين اقله طيب انت متغير كيف نرجع مثل اول يقول فترة وتعدي والحين لنا سنة |
رد : تغير زوجي بعد رفضي زواجه
التبني والاحتضان تنفع في حالة الزوجين عقيمين ..
بس اذا طرف سليم صعب يتخلى عن رغبته في رؤية ابن من صلبه ومن دمه ولحمه .. ويكتفي بطفل اخر ليس بإبنه .. |
رد : تغير زوجي بعد رفضي زواجه
الحمدلله على كل حال
الله يعين على الدنيا اصلح الله الللي بينكم والله يقر عيونكم بالذرية الصالحة عاجلا غير آجل اكثري من الدعاء ، والله المعطي |
رد : تغير زوجي بعد رفضي زواجه
اسمعيني انتي منتي معاقة ولاشي انتي خصك الله بابتلاء واختبار ومنزلة بالجنة باذنه تبلغينها بالصبر ووعد الله الصابرين على البلاء بالاجر بلا حساب ..لاتفقدي الامل الامل بالله كبير ...انطرحي بين يديه في جوف الليل وادعي وابكي لربك وتصدقي واكثري من الاستغفار والذكر ودعاء ربي لاتذرني فردا وانت خير الوارثين وانا كلي ثقة بان الله سيشملك وزوجك باذنه تعالى بواسع كرمه ورحمته...وفقك الله ورزقك من حيث لاتحتسبين
|
| الساعة الآن 03:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©