|
رد : هل اقبل بمطلق لديه طفل
................
.................... وأعيد واكررر ماقلت قاسية بمعنى قاسية قلت لو بعاملم كإخوان بكون قاسية لان مشاعر الأمومة تختلف مستحيل اذا الولد صار مراهق أحطه ف حضني او أقوله تعال ياقلبي ايش فيك متضايق ! انا اخاف الظلم لا اقل ولا اكثر يا جماعه انا آدمية مطلقة ونفسيا تعبانة وجاية اطلب الشور والنقاش اذا شايفين ايجابيات قولوها واذا سلبيات وضحوا لي إياها ........................ ................... |
رد : هل اقبل بمطلق لديه طفل
اقتباس:
هل الولد عايش معكم؟ وكيف شعوره تجاهك هل متقبلك كأم له ؟ وهل زوجك حساس تجاهك من ناحية ولده؟ وزوجته هل يبغى يراجعها ؟ او يذكرها كثير ؟ |
رد : هل اقبل بمطلق لديه طفل
اقتباس:
واخاف لانه امانة ف عنقي اختي انا اعرف ان فرصي قليل وأقول امشي الموضوع ع اساس أتخلص من لقب مطلقة وحساسيتي من ترقب الناس لنصيبي وف نفس الوقت اقول لا اصبري ولا تظلمي احد بقرارك واولها اطفال وثانيها نفسك |
رد : هل اقبل بمطلق لديه طفل
اقتباس:
|
رد : هل اقبل بمطلق لديه طفل
اتمنى يقفل الموضوع او يحذف .......
|
رد : هل اقبل بمطلق لديه طفل
اقتباس:
يغلق ،،،،،، أعيد فتحه لإضافة المستجدات في الموضوع نفسه .. |
تعقيب -- مستجدات موضوعي
اسعدكم الله تعالى واسعد المشرفة الغالي للقسم رائحة البخور
إليكم ما استجد سبب الطلاق تمت اعادة السؤال وقال سيئة واهلها ماديين طيب ايش ليش ماقال مع انه أوضحنا له انه لازم تكون حياتنا ع وضوح لحصول الإيجاب والقبول لكن الظاهر الرجال ظلم زوجته لان لفظ سيئة محور ممكن يودي فكري لبعيد واظلم بنت الناس وانا عارفة انه اسهل شي يقول سيئة الطلاق حصل وهيا حامل طلاق بائن بينونة كبرى ثلاث طلقات الطفل حزنت عليه ماقد عاش معه من ولادته خلاه عند أمه صراحة حسيته قاسي كيف يطلق زوجة حامل ومايلين قلبه للطفل المولود يعني ممكن أكون مكانها ولازم أكون حذرة عموما ممكن يكون عنده اذا وافقت اخبروه اهلي اني صغيرة وماقد جربت الأمومة ودراستي تاخذ وقت كبير مني وارجع المسا من كليتي و صعب كذا حتظلمه وتظلمك فقال خلاص الى ان تخلص دراسه وتشيله بالنسبة له هو منتسب ف الجامعه وعمله سامحيله يعني يحتاج 4سنين ع اساس يخلص حاولت أحط الف سبب يمكن تكون خيرة وينصرف منها ان عملي ودراستي اختلاط ورجال ودوام طويل فقال انا عارف ان الطب عمله اختيار مو اجبار ممكن تدخل تخصصات مافيها اختلاط وممكن تعمل ف مكان دوامه بسيط مافيه اختلاط ومع ذلك مؤمن انه المحترمة فأي مكان محترمة وانا سمعت وسألت عن البنت ان أخلاقياتها جدا سليمة ونظيفة ومالها في اللف والدوران والطب فخر للي يدخله وفخر لي كزوج مو عائق المهم كل شي يجاوب عليه بطريقة محورة وذكية وكل العلل اللي حطيتها مع ذلك راضي لانه تم رفضه كثير وجلس سنة بعد طلاقه يبحث عن زوجة بالنسبة لاهلي عاجبهم الوضع ليش لان اهلي اهم شي عندهم الدراسة وان اولادهم صاروا ع نهجهم وصاروا استشاريين ف تخصص مرموق ومنصب أمي وأبوي للأسف هذا همهم يقولوا لي وافقي عشان دراستك اهم شي تكوني نفسك واسمك متزوجة مو مهم مين متزوجة اهم شي انك تصيري استشارية ف تخصص جميل وراتب كبير ومافي احد يعيقك عن طموحك بالنسبالي صراحة مو مهم الطب ع قد مو مهم الشخص يعني لو لقيت إنسان كفؤ ونفس الشخص اللي فيه مواصفات أتمناها فممكن مااكمل بعد البكلوريوس اتخرج واجلس ف البيت واذا الظروف المالية عنده صعبة ممكن اشتغل في جامعه أستاذة عشان أساعده ماديا او اسوي مستوصفات باسمي وانا جالسة في البيت لكن اهلي عكس كذا ودهم عجزت افهمهم اني تعبت في حياتي وابي الراحة اذا تزوجت مو الشقا والدراسة عشان شهرة آر عوائد مالية ضخمة بصراحة عندي خوف من عدة اشياء اولا اني ممكن أكون مطلقة وانا حامل مثل طليقته وارجع بمأساة ثانية وكذا أكون قضيت ع نفسي ثانيا احس قلبه مافيه رحمة معقول مافكر ف مصير ابنه ومافكر في إعطاء زوجته فرصة عشان ولدها وولده اللي ف بطنها يعني تعبت 9 شهور وهم ونكد وولادة ومع ذلك ما حرك شي في قلبه ثالث شي خوفي من شخصيته ليش رفضوه كل اللي تقدم لهم حتى قريباته وخايفة يكون ظلم زوجته حنيت عليها صراحة الله يسعدها وغير كذا ماعنده دخل يعول أسرة ولا مزايا ولا وظيفة حكومية ثابتة يشتغل مجال خاص مزاياه فقط بيكون زوج رابع شي اللي سمعته انه يشتغل في مكان مختلط جدا معقول ماشاف بنت محترمة هناك وتزوجها ؟! ولا يمكن تقدم وايضاً رفضته الفرق العمري بيني وبينه 10 سنين راتبه بسيط وديون ولازم اصبر معه 4 سنين لحتى يخلص دراسة يعني مايكون نفسه الا وهو قريب الأربعين سنة خامس شي بجلس طول عمري بعيدة عن اهلي في مدينة اخرى جلست احسبها وقلت أحط اهلي ع جنب واخليهم يزعلوا كم يوم مقابل سعادتي وإني مااقدم ع شي غير لما أكون مطمئنة له قلت لو انا تخرجت راح يكون عمري 25 داخله 26 يعني مو كبير واكيد ان شاء الله مثل هذا العريس فيه كثير لاسيما انه المطلقين بأطفال يكون خارج الواحد من تجربته بعمر كبير اقل شي 30 يعني بكون ايضا مرغوبة بالنسبة لواحد عمره30 ثاني شي أكون طبيبة و ممكن احصل ع فرص اكبر وممكن اتزوج شخص اعزب او أرمل او مطلق دون اطفال ياخذني لان دخله بسيط وأكون معينه له ماديا والألفة تجي مع الاطفال والعشرة ثالث شي يمكن ربي يبعث لي الافضل بعيد عن خوض تجربة غامضة ،،خصوصا ان زواجي مدته بالضبط 20 يوم و3 شهور في بيت اهلي والكل عارف رابع شي عندنا اللي تتزوج من خارج مدينتنا دائماً يقولوا فيها عيب مافي احد اخذها من عندنا ماودي هالشي يصير عارفة ان اهلي ودهم كلام الناس يكف وأتزوج وودهم يقهروا أهل طليقي وودهم زوج اسم مو مهم قد ماهو مهم اني ارفع رأسهم ويقولوا أسرتنا كلها أطباء بنتنا استشارية ف كذا الغريب ان اهلي رفضوا اللي افضل من هذا بالرغم من موافقتي الا انهم طنشوني والآن ندموا وصاروا يبغوا اي احد ويجرحوني بالتعليق ع اني تطلقت والعمر يمضي وبعجز بكثرة هذي الأيام وحصار شديد عليه الكل مايكلمني عشان الموضع هذا ع اساس يضغطوا عليه أوافق قررت اذا الموضوع تم بإصرار من اهلي وعدم راحتي اسوي التالي اكل ليل نهار لمدة أسبوع وأسمن اقل شي 5 ك واصبغ شعري صبغه سودا واحط في شعري رغوة واجعده واقص شعري من قدام وأغطي ع نص وجهي بخصل مجعدة والبس عدسات سودا كبيرة بؤبؤتها واحط بودرة برونزي وروج بني واضحك زي المجنونة لما يسألني اي شي طبعا هما ماراح يشوفوني الا وقت ماينادوني ادخل وأحطهم امام الامر الواقع ماني ناقصة أجبار ثاني من اهلي لواحد غامض الله واعلم به وأجي مطلقة مرة ثانية ومعايه اولاد رأيكم ؟ |
رد : تعقيب -- مستجدات موضوعي
الموضوع راجع لك انتي لاتتركي احد يقرر عنك
مقتنعه بالرجال وعندك رغبة تكملي توكلي على الله اكبر غلطه تتزوجينه بناء على رغبة اهلك اهلك حتى لو رفضتي ماراح يزعلون بيتضايقون عليك فترة وخلاص اما ذكرة ان طليقته سيئة وانهم ماديين انا بصراحة حسيت ان الرجال مايبي يذم طليقته امام احد فمهما كان هي ام ولده وتأكدي مايطلع عيوب طليقته الا شخص ناقص ويحاول يطلع نفسه ملاك وهذا الشئ مو صحيح اما انك بتتزوجين واحد بعدين وضعه المادي متوسط وتساعدينه بهالحياة تفضلي شوفي موضوع لأحدى الاخوات اكثر النساء لاتحبذ مساعدة الزوج في مصاريف البيت مساعدات عابرة ممكن اما على طول نادر ماتصير فكري وقرري حتى لو سألتي عنه عند طليقته تأكدي ماراح تمدحه وماتدرين هل فعلا تم رفضة خلال هالسنة او ممكن يكون هو اللي كان يبحث بتأني وصبر بالنسبة لي لو انا متقدم لخطبة وسألوني عن سبب الطلاق مادري ايش راح اقول بس ماراح اذكر تفاصيل سيئة بمعنى انها تفعل كذا وكذا وكذا وكذا لا والله بسكت حتى لو رفضوني ماراح احاول ابرر لهم شئ انا اشوف الرجال من ناحية الطلاق وانه مارضي يرجع طليقته هذه امور مايعلمها الا هو وهي حتى اهلها واهله قد يخفى عليهم امور ركزي على باقي الامور الحاله المادية وطباعه وصلاته ومدى استقراره بالبيت ومدى قربه من ولده هل هو يهتم فيه ولا راميه على امه ولاتقرري الا بقناعة نفسك والله يوفقك |
رد : تعقيب -- مستجدات موضوعي
للتوضيح كلامي فقط توضيح او تعقيب ع الشخص المتقدم
ولا اقصد به تعييب ع المطلقين لأَنِّي عارفة فيه ناس صبروا مدة وانظلموا زي ما فيه حريم مظلومات |
رد : تعقيب -- مستجدات موضوعي
يامطلقه صغيره.....
الزواج يتم برضا الزوجين إنتي مو مقتنعه لاتسوي اكشن اعطيهم كاش وكرري ع مسامعهم انه جاني الي أفضل ورديتوهم وانا ماني مستعده اجيكم مطلقه .... انتي لسى صغيره وبيجيك نصيبك بإذن الله اذا مو مرتاحه نصيحه لا تغامري ...ركزي ع مستقبلك واذا جاء الي ترتاحي له الله يوفقك .... |
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©