المشاركة الأصلية كتبت بواسطة مسز داني (المشاركة 3018098)

ماهو الامر..هل هي معارضة له
او مصيري بحيث ترى ان اهلها يجب ان يعرفوا

المشاركة الأصلية كتبت بواسطة المتفائل بالله (المشاركة 3017225)

السلام عليكم ورحمة الله تعالى وبركاته

أخي في الله
انا لي وجهة نظر اخرى وأتمنى أنك تتحملني!! ووالله مابقولها إلا لأني أبيلك الخير
ولو أعرفك شخصياً كان قلتة لك بالسر لكن وبما اننا مجرد معرفات مبهمة ف بقولك هنا

كل بنت تبي تعيش بأمان ، وكونك أنت اتلمح او تهدد بالفراق هالشي يحسسها بعدم الأمان وأنك بايعها!!
ركز معي شوي!! اي بنت تبغى تتزوج تبغى تعيش تحت ظل رجل يكون حنون وأمين عليها ويعيشها بأمان
أسلوبك معها كان يخوفها ولأنها خايفة سوت معك كل هالحركات!! البنت جداً خوافة وتخاف حتى من عواقب الامور!!
يعني من حست أنها رخيصة عندك او انك بايعها قامت تصور وتوري اللي حوالينها عشان لاصار ماصار محد يحملها مسؤولية!!

طريقتها معاك بالحوار هي من صناعتك انت!! لأن كل بنت نفسها تطلع بأحسن صورة مع خطيبها
وحط في بالك أن أفضل مرحلة يمرون فيها اي مخطوبين هي مرحلة الخطبة!!
بس لأنك انت يبدولي تبي تسيطر عليها!! وهي من جهتها رفضت هالشي لأن لها شخصيتها اللي تحترمها واللي المفروض انت تحترمها بعد صارت بينكم هالامور!!

إخراجها لأسراركم تقدر تعالجة في أنك ماتقولها أسرارك!! وانت اذا شاريها فعلاً خلاص سامحها وبطل تقولها اسرارك!!

تبي نصيحتي؟؟ هي وحدة من ثنتين يا
1- أنك تفهم شخصية خطيبتك وتتعرف عليها من جديد وتعطيها كل الأمان وتغير من شخصيتك شوي!!
2- او انك خلاص تبطل تكلمها إلى مايحين زواجكم ووقتها راح تكون قريبة منك (وعطها الأمان) وبتتغير

اما الطلاق ف حرام عليك ماسوت شي عظيم هي!! انها ما اعتذرت يعني؟؟ ياسيدي انا اسف بالنيابة عنها
أحمد ربك أنها بنت عفيفة ومحترمة وبنت ناس غيرك مو محصل هالشي واذا ياخوي كرهت منها خلق بترضى بأخلاق ثانية

الله يهدي سرك يارب

المشاركة الأصلية كتبت بواسطة أمري لله 111 (المشاركة 3018120)

لكل من سأل عن العمر .......... باقي 4 شهور وتكمل 19

المشاركة الأصلية كتبت بواسطة أمري لله 111 (المشاركة 3018293)

والله انت ردك ممتاز بس بوضح لك
يوم صورت كانت توثق يعني بدأت التصوير من الساعة 10:11 والساعة 10:18 تقولي انا بتعشى وبذاكر ومع السلامة وتصور والساعة 10:25 تقولي الله يسامحك واستودعتك الله وتصور والساعة 10:38 تسألني ع ايش اعتذر قلت انتي عارفة قالت بالله تقولي ع ايش وجاوبتها وصورت وطلعت ع طول

الكلام السئ حقها والكلام الكويس حقي ما صورتها ... صورت مختارات من عندها .. المهم ان حتى المختارات عدت سلامات

تتوقع انها خوافة ؟

ما فهمت وش تقصد من صناعتك انت !

من ناحية تسيطر عليها والله يالاشياء اخليها بمزاجها اكثر من اللي بمزاجي وغالبا انا اجبرها انه يكون بمزاجها لانه استشيرها و ما تعطي مشورة دايما تقول بكيفك براحتك في اي حاجة حتى الزواج !! الا ان كان تقصد اني اسيطر عليها بشي ثاني فما ادري