رد : خدامتي الشغيلة واحساسي
 

فيه مجال ان امك تجي الصباح وتاخذ بنتك وفالرجعه يرجعها زوجك ؟

لأن كذا بيكون مشوار بنتك سهل نسبيا على امك وزوجك
وبنفس الوقت تكونين عند زوجك

رد : خدامتي الشغيلة واحساسي
 

وش جنسيتها ..

انا ابي اقدم ومحتاره وناويه هالمره فلبينيه ان شاء الله
الله ييسر امرنا جميعا

خاله جرين
الحياه عندنا صعبه بدون خدامه .. جربت سنتين تقريبا بدون خدامه .. تجربه سيئه ولله الحمد على كل حال
ضيعت نفسي وعيالي وزوجي ..

ليش اضغط على نفسي
وبعدين مجتمعنا الحين غير .. اجواءنا متعبه ..

قريباتي الييعيشون برا .. مايحتاجون خدامات الا نادر .. ولما يجون هنا يطلبون ثنتين ..

وبعدين احنا اجتماعاتنا فيها قسمين نساءورجال ..
واطفالي لو يروحون قسم الرجال .. ماحد يدري وش يسوون .. كل طفل وراه خدامه عينها عليه

واجلس انا على اعصابي ولا اكسر جوال زوجي مكالمات عشان ينتبه للطفل

رد : خدامتي الشغيلة واحساسي
 

و انا رايحه الدوام كل يوم... اشوف سيارات معينه تكون مخصصه للشركات اللي اتيب الخدم بالساعه... شكلي باجر و انا اسوق بركز عدل في السياره علشان احفظ لج الرقم... ليش ما اتيبين وحده منهم؟ تساعدج بكم ساعه تنظف البيت... و بالنسبه لبنتج؟ انتي وين ساكنه؟ إذا في بوظبي فيها حضانات ممتازه... و في دبي بعد.... اما في الشارجه فعندج حضانة بساتين اللي في نادي سيدات الشارقه... لو تبين في العين بعد بسألج...

رد : خدامتي الشغيلة واحساسي
 

الله يخليك ويرضى عليك





ياروح مشكلتي مو فقط بالتنظيف
مشكلتي وين أترك بنتي ؟!

الخادمة ترددت كثير قبل ما ارجعها
وبيتا الغالية فهمت أسباب ترددي جيدا ..

عدم وجودها يعني شتات أسرتي من جديد



لا يالغالية مافي مجال
مافي غير سائق وخادمة يجون ياخذونها فقط

تخيلي الوضع الأخلاقي المأساوي

ما أدراني ماذا يفعلون في السيارة ؟
كيف أضمن أخلاقها وأخلاق السائق ؟
لو هربوا فيها ؟

الخادمة لوحدها في المنزل وعلى تواصل دائم مني على الموبايل أرحم بكثير من هذا الوضع..

والحل الثاني الآخر
انها تخرج معي بسيارة الأجرة أوصلها بيت أهلي وأرجع على جامعتي
وهذه مكلفة جدا لان بيت أهلي بعيد وجامعتي قريبة من منزلي ولا اعتقد ان زوجي سيتشجع , وسيضع بديل عن هذا الحل بقائي في بيت أهلي 4 أيام
وعودتي عنده آخر الأسبوع من الاربعاء الى السبت


حياك الله يا توفي

رد : خدامتي الشغيلة واحساسي
 

المكتب رجعلك فلوسك ؟؟ ما تقدري تطلبي غيرها ؟؟ وكم تحتاجي حتى توصل الجديدة وتسلميها المهمة ؟

كيف وضع خادمة أمك ؟؟؟ اذا لها عندهم مدة وواثقين فيها ومجربينها اطلبي من أمك تاخذ هي الجديدة وأنتي تاخذين اللي عندها .

المدة أقل من سنة وتتخللها عطل .. ان شاء الله تمر

رد : خدامتي الشغيلة واحساسي
 

أعرف امرأة تؤجر خدامات بالساعات في منطقتنا
وجربناها فيما سبق

ولكن مشكلتي ليست في التنظيف فقط ..

تحياتي

رد : خدامتي الشغيلة واحساسي
 

غاليتي بيتا
زوجي للان مدمن لعب :d
يعني لي فترة خلاص تأقلمت عليه
وأنا أطبخ وأقوم بشؤون المنزل
وهو يلعب
يعني تقريبا 70 - 80% من وقته للعب ..
والباقي موزع على النوم والعمل والجلوس البسيط معانا

تأقلمت عليه وصرت أتقبل لعبه
بالمقابل هو يعوضني بأشياء أخرى
منها هدوءه - يلبي طلباتي وغيره

فموضوع انه يجي يجلس في بيت أهلي في النهار
راح يكون مثل سمكة وطلعتيها من البحر هههههه
كيف بتعيش ؟
بيرفض طبعا نهاره كله لعب

مافهمت غاليتي قصدك المدة أقل من سنة ؟

رد : خدامتي الشغيلة واحساسي
 

بصراحه دراستك لازم تكملينها لا تتركيها أبدا .. والحمدلله مو باقي لك كثير ..

الكاميرات فائدتها انه الخدامه تعرف إنها مراقبه فما راح تتجرأ وتضر الأطفال . .

حتى لو ما شغلتي شاشة المراقبة هي ما راح تعرف ... واذإ بتركبينها سويها قبل ما تجيبين الخدامه الجديده عشان ما تأخذ الموضوع بشكل شخصي ..


فيه مجال تجيبين خدامه من جنسية أخرى ؟؟

أحس الفلبينيات يحبون الأطفال ويهتمون فيهم أكثر من غيرهم .. ونظيفات بعد .. ويتعلمون بسرعه..

طبعا في استثناءات لكن بشكل عام زينين ..

إنتي استخيري قبل ما تختارين .. وادعي في قيام الليل صدقيني الله بيحله من عنده ..


فكرة انك تخلين إبنك عند أختك .. لا .. ما اشوفها مناسبة. .واضرارها أكثر من فوائدها .... بالعكس انك تكونين في بيت اهلك وزوجك في بيت أهله أحسن واسهل بكثير .. واكيد بعد الدوام يجيكم وتشوفون بعض صح؟ وتروحون بيتكم نهاية الأسبوع .. اهون والله والوضع هذا مؤقت ..

انتي ما تسوقين؟ إذا تسوقين ممكن تطلعين من وقت وتوصلين الخدامه وعيالك بيت اهلك وتروحين الدوام ..

لكن بما انك ما تغيبين أكثر من 3 ساعات و بيتك قريب من الجامعه .. اشوف فكرة الكاميرا كمان مناسبة ..

وعادة الخدامه ما تأذي حد بدون سبب .. أما تكون مريضة نفسيا أو من المعامله السيئة .. فانتي استودعيهم الله ولا تخافي ..

رد : خدامتي الشغيلة واحساسي
 

الله يعينك .. جربت مشكلة الشغالة و الاطفال ..
ادعي يافاكهة ..و ربي يسهلها لك

رد : خدامتي الشغيلة واحساسي
 

هههههههه الله يسعدك حبيبتي ... خلاص .. ما دام عنده شي يشغله خليه متلهي بلعبته ... سبحان الله شايفه كيف عسى أن تكرهوا شييئا وهو خير لكم :) ... ترى لعبته مو غلط ما دامت بريئة .. اعتبريه مدمن على منتدانا مثلي ... هههههه

قصدت أن باقي لك أقل من سنة وتخلصي دراسه .... وما دام مو باقي كثير على ولادتك وما راح تجلسي كثير عند أهلك بعد الولادة يعني بتغيبي عنه مثلك مثل اللي تقضي فترة نفاسها كامله عند أهلها ..

ربي يسر أمرك وتلاقي اللي تريحك .. أول ما تحصلي واحده تعجبك أطلبيها واخذيها معك عند أهلك تتدرب هناك قبل ترجعوا بيتك .

حزنت على خطيب شغالتك :) أعطيتوه عنوان المكتب ؟ الله يجمعهم بالحلال