رد : أمي وزوجتي والهوشة ، وسياستي القمعية!!
 

اخ متفائل نصيحة من اخت لاخوها , تصرفك غير مناسب ابد...
بالطريقه هذي تكره زوجتك بامك .. وتوغر في قلبها حقد لامك مع الزمن
اقولك هذ من منطلق كوني امراه وافهم اثر هذا التصرف على النفس ..

وبعدين انت اللي تراضي امك وتعتذر منها لوهي الغلطانه عليك ..وتبوس راسها ورجلينها ..
هذا الدين وهو اللي وصانا بوالدينا ...

بس هي موب امها ولا فيه توصيه دينيه بالبر بامهات الزوج ..انت ملزوم بامك وتدفن راسك تحت رجليها ..وهي ملزومه بامها وتدفن راسها تحت رجليها ...

رد : أمي وزوجتي والهوشة ، وسياستي القمعية!!
 

المساله موب مسأله حق اعظم وحق ادنى ..
مسألة احساااااس ,, مسألة شعوووووور

يعني لو جاء ابو زوجته ولعن خيره وهاوشه وخلاه مايسوى قدام اعمام زوجته ..
ودخل البيت وهو حز خاطره من تصرف هالابو ,,ويروح يذكر الموقف لزوجته تجي هي بدل ماتطبطب عليه وتواسيه بكلمتين
تقوم تصارخ عليه , ولو سمحت ابوي خط احمر لاتعداه , وتراي ماراح اسمع لك
ويالله روح لابوي بوس راسه ...
وترا الجنه برضا امي وابوي ...

المتفائل انت متحمس واجد لبر امك ..بليز لاتخلي حماسك يمشي خط سريع وبالنهاية يصدم بالحيطه..

رد : أمي وزوجتي والهوشة ، وسياستي القمعية!!
 

رد : أمي وزوجتي والهوشة ، وسياستي القمعية!!
 

كلام سليم أصيلة
وعلى راسي
...
يمكن لأني حكمت على طريقة شكوتها
انها تقول تعال شوف امك..
افضل ان يكون بطريقة أخرى
...ايضا
علقت اختي
انه الزوجة تقول لو كان امر كايد فعلا
وليس هوشة بسيطة كما بدى في القصة
..
ايضا انا لن اسمح لزوجي ان يشتكي او يتذمر من والدتي
اذا..واقول اذا كما في الموقف الاول
لم يكن الأمر..كبيرا..انما غضب ام على ابنتها
..
هو اسلوبه جاف
الله يهديه
وايانا...

رد : أمي وزوجتي والهوشة ، وسياستي القمعية!!
 

ياهلا ومرحبا بالجميع دون استثناء

يا خواتي ويا اخواني
والله العظيم أني مو شديد أبداً مع زوجتي وبالعكس رحيم ورؤوف فيها وودود لأبعد الحدود ، لكن ردة فعلي الأخيرة سويتها لأني أعرف أن مالها علاج إلا بالطريقة القمعية هاذي وعندي أسبابي وراح اوضحها الآن واعرفكم ليه انا سويت كذا.

1- عدم سماعي للموضوع كان سببة أني ما ابغى اعرف السبب عشان مايزعجني انا شخصياً ويسوي مشكلة بيني وبين زوجتي !! لأني متأكد أن أمي ماتهاوش خواتي وزوجتي إلا أمام خطأ واضح ، وأنا أعرف أمي عدل ، ف رحمتاً بزوجتي ماحبيت اسمع المشكلة!!

وغير كذا أنا أمامي مشكلة حساسة جداً ويهمني أخلصها بسرعة عشان ماتكبر وخصوصاً ان زوجتي "صغيرة" وماتفقة الأمور وحتى ردود افعالها ماتجمل.

2- انا احب اسمع لزوجتي كثير ودايماً اذا بغتني تلقاني سواء برخا او بشدة ، لكن ما ابغى اعَود زوجتي أنها تشتكي من أمي لأن لو عطيتها مجال وطبطبت عليها وقلت لها ماعلية امي كبيرة وكذا!! هالشي بيعطيها الذريعة بعدين أنها ممكن تتجرأ على أمي خصوصاً انها حاطة أبالها أني مطبطب عليها (والطبطة هاذي عند بعض الحريم معناتها ان الحق معاج مو مع امي) وبتعتبرها اشارة خضراء مني انها تتمادى وتاخذ راحتها مع أمي بدون ماتعمل لأمي حساب ولا تعملي انا!!

لأني بالطبطبة هاذي سلمتها تصريخ تقل أدبها بكيفها وهذا اللي ارفضة بتاتاً انه يصير ، ناهيكم أن حريم اخواني اربعة عايشين معانا بنفس البيت ، ف إذا وحدة منهن شافت الثانية تتمادى على أمي بتصير امي طوفة هبيطة قدام حريم اعيالها والسبب هو كثرة التطبطب!!

3- أمي عمرها 63 سنة الله يطول بعمرها ويطول اعمار امهاتكم ويرحم موتاكم ، وزوجتي 21 سنة ، ف ماتجي ورع أمس وتفكر مجرد تفكير انها تشتكي من امي اللي هي بمثابة جدتها!! وهذا سوء تصرف منها لان المفروض تبلعها وتسكت (في حال امي غلطت) وتحترم شيباتها وكبر سنها او على الاقل تسكت عشاني وهذا من الأدب.

4- زوجتي من النوع اللي ماتخبي شي على امها وخواتها ، وامها من النوع الحار والمتسلط احياناً لدرجة ان اعدلاي كلهم يشتكون من تدخل ام زوجتي في حياتهم ، وانا ولله الحمد مبعد هالشي هذا عن حياتي لأني ما أحتك مع أهل زوجتي ، ولأن أهلي كذلك مالهم تدخل مع اهلها بالرغم من اننا البيت الواحد ، ف تخيلوا لو ان المشكلة كبرانة ومتدخله امها في هالمشكلة أيش بيكون دوري أنا ؟؟ وايش بيكون موقفي؟؟؟ ماكان عندي حل إلا كذا !!

5- امي ما هاوشتها مع خواتي إلا أنها عادتها مثل بنتها واكثر ، وماهاوشتهن إلا تبي مصلحتهن ، وحتى خالاتي حاشهم كلام من أمي (على قولة أختي) ف ليش ما احسنت النية وقالت بالعكس تمون ودامها اجمعتني مع بناتها هذا يعني انها عادتني بنتها ولولا غلاي ماهاوشتني!! ليه تقدم سوء الظن على حسن الظن!!

والله ان امي تغليها من غلاي وتحبها من محبتي وتحترمها من إحترامي وأمي إنسانة طيبة جداً وغير متسلطة وتحترم زوجات أعيالها وازواج بناتها بشكل مبالغ فيه ، وتستحي منهم مستحى مو طبيعي ، وبعمرها ماتدخلت بحيات أحد فينا ، وبالعكس اذا شافت اعيوبنا تسترنا سواء كنا اعيالها او زوجات اعيالها ، ف اللي يحط أباله أن امي من الحموات المتسلطات فهو غلطان ، أمي جداً فقيرة حال وعلى نياتها.

ف عشان كذا انا قمعت ، ولاتلوموني والله انه مو طبعي الشدة ، لكن بعض الظروف تحتاج للشدة مثل الظرف هذا.

رد : أمي وزوجتي والهوشة ، وسياستي القمعية!!
 

بأخي حرام عليك وش هالاسلوب وألمعامله إلقاسيه لزوجتك
بنت الناس اتصلت عليك تفضفض افهم الموضوع بالأول وقول الحمد لله كلمتك انت أحسن من أتكلم اهلها وتشتكيلهم عن امك
وبعدين انت كذا ظلمت بنت الناس أجبرتها تعتذر من امك مع انها مش غلطانه
بس كوسي انها كبرت عقلها وأنزلت تعتذر لأنو وحده غيرها مارح تنزل وتكبر للمشكله وبتوصل اهلها
انت حليت للمشكله بس بطريقه غلط غلط غلط
وأخي اسمع السالفة من امك وزوجتك بالأول وطيب خاطرهم ثنتين هم
سبحان الله دائم أشوف ردودك وتعجبني آرائك في حل مشاكل الاعضاء
بس بعد هالموقف انصدمت من ردة فعلك مع بنات الناس
استغفر الله
الله يهديك

رد : أمي وزوجتي والهوشة ، وسياستي القمعية!!
 

معاك حق مو من الذوق تتشكى من امك
خاصة وهي مهاوشتها مع بناتها

رد : أمي وزوجتي والهوشة ، وسياستي القمعية!!
 

خلاص اخي اقنعتني ههههه

بالاول حسبت ان امك هاوشتها مع اخواتها هي يعني اخوات زوجتك بعدين فهمت انك تقصد اخواتك انت

رد : أمي وزوجتي والهوشة ، وسياستي القمعية!!
 

يمكن يكون معك حق في تصرفك يالمتفاءل بس هم معليش المرة الجاية اللة لايجيب مشكل بينكم بس اسمعها عالاقل اسمعها ترى احيانا الحريم ماعندهم الا بس تحلطم خلها تتكلم وتطلع اللي بخاطها وبعدين تروح تعتذر لامك واللة يخلي لك امك يارب بس تدري كلامك اقنعني كل واحد ادرى بزوجتة وبالطريقة اللي ينفع يتعامل معها فية

رد : أمي وزوجتي والهوشة ، وسياستي القمعية!!
 

معاك حق اسلوبها في الشكوى وقولها تعال شوف امك
ينرفز صراحه ...

لو جابتها بغير هالاسلوب يكون احسن