|
رد : ندمانة....الله ياخذ غبائي
مع المس داني ما شاء الله عليج يا زهور ويا قو قلبج الحين الرجال توه بده يعاتب وما كمل الجملة الا بديتي تهاجمينه وقلبتي الموضوع عليه مرة ثانية :24: فعلا أنت مو حاسة باللي سويتيه أو أنك ممن يقدسون ذواتهم بشكل يصعب عليك الاعتراف بالغلط :25: ليس الزاما على والديك الاعتذار لان اللي واجب عليه أن يعتذر هو أنت وليس هم , هم مساكين كبرتي السالفة بطلعتج من بيتج والبجي والصراخ وصدقوج ودافعوا عنج :29: فاللي عليك يا حلوة الحين أنك تبلغين والدك أنك بالغت في ردة فعلك وتحملي عاد الكلام اللي يجيك علشان بعدها توبين من الشطحات اللي قاعدة تشطحينها لانج عارفة شو وراها من مواقف محرجة :d |
رد : ندمانة....الله ياخذ غبائي
موضوعك ذكرني بجاره مااحبهااااا والسبب غيرتها على زوجها مني :29:
ولاتزعلين مني .. الغيره المبالغ فيها .. اشوفها قلة ثقه بالنفس وبالشريك الاخر .. وطبيعي مايقوم ابوك لانك انتي اللي شوهتي صورة زوجك بعينه وردة الفعل نتيجة كلامك .. ارى انك توضحي الصوره بشكلها الصحيح لاهلك ... مو ضروري اعتذارهم .. لكن يرجع ابوك يقدر زوجك هذه تكفي لايصال الاعتذار ... وياليت تعتذري له قدام اهلك ... ولاتخلي الغيره تدمر بيتك وتنفر اللي حولك منك .. |
رد : ندمانة....الله ياخذ غبائي
للاسف ..
كيف تجين تعتذرين ..وتقلبين الطاوله ضده .. اختي لما تعتذرين ..خليه يحيكي ..خليه يتشره ..وانتي ابكي له ..بيني ندمك .. |
رد : ندمانة....الله ياخذ غبائي
تحملي صراحتي حتئ لا تتكرر هذه التصرفات المدمره بسبب الغيره السخيفه
اولا تشاجرتي معاه ونكدتي عليه لسبب تافه وانتي لست متاكده انه يقزززز او يريد شي ثانيا طردتيه من الغرفه وجرحتيه لسبب اتفه من التافه ثالثا اصبحت الضحيه عند اهلك وخربتي العلاقه بين زوجك وابوك والمفروض اتحافظين اكثر شي بحياتك علئ هذه العلاقه رابعا عندما اعتذرتي منه فتحتي نفس الموضوع وان الصح معك بالتالي في نفسه سيقول هذه لن تتغير وستظل بهذا التفكير اما رايي اتركي هذه الغيره لانها تسبب لك انتي مشاكل وحبي نفسك اكثر وتغلبي علئ هذا الشي واعلمي ان غيرتك لن تغير اي شي ان اراد ان يفعل شي لن تكوني ظله ابدا او السبب في منعه ان لا يخاف الله فريحي نفسك نصيحه مني لك مصارحة والدك لابد منها مهما حصل من توبيخ تحملي كلها ساعات بتعدي موقف امك للاسف سلبي عليها ان تهدئك وتتصحك ولكن قلب الام انتي كنت تبكين احترق قلبها لذلك واخير زوج مثل هذا نصيحه من كل قلبي تمسكي به وثقي به وادعي واطلبي من الله ان ينزع هذه الغيره من قلبك التي تجعلك تخسرينه بلا شك واتقي شر الحليم اذا غضب وارجوا ان تتقبلي رايي وانتي قلتي عادي هاوشوني واسمحيلي اعتبرك اختي |
رد : ندمانة....الله ياخذ غبائي
ياحبيتي تحملي ردة فعل اهلك لما يعرفون ان انتي الي متبليه على الرجال
ولاتخافين هم اهلك يعني مارح يذبحونك واذا كان أبوك عصبي شويه وخايفه من ردة فعله قبل ماتفاتحين الوالد بالموضوع قولي هذا الدعاء(اللهم الجم فاه بألف من لاإله الا الله واسكن غضبه بلا حول والا قوة الا بالله) وتركي عنك الخوف والتردد لأنو مارح يفيدونك |
رد : ندمانة....الله ياخذ غبائي
الجرح لايعالجه الا تطهيره وخياطته
حبيبتى انتى غلطتى على زوجك بينك وبينه وبينك وبين اهلك الاولى حلها بينكم والاخر حلها امام اهلك حتى لايبقى بقلب زوجك هانتك لكرامته اعملي عزومه واعزمى اهلك فقط وزوجك (بدون لايعرف احد منهم سببها ) واتمنى قبل العيد واعمليها بمناسبة العيد وبقوة الشخصيه التى لاتعوزك ماشالله حلي امورك وضعي الجميع امام الامر الواقع حتى لايغضب ابيك من امك وامك لاتغضب منك قومى قبلي راس زوجك واعتذري وقبلي راس ابيك وامك واعتذري تحدثي بهدو بدون دخول بتفاصيل اعتذر من فلان لان غيرتي صورة لي مالم يحدث ولولاقدره وقيمته عندى لما غرت عليه وهو عازنى ومدللنى وحاشمنى من دخلت بيته وابيه يسامحني وسلمى على راس ابوك وقولي سامحنى يبا غلطت وتسرعت ودخلتكم كلكم بمشكله انا المتسبب فيها بتسرعي لاكن الحياه تعطى دروس نتعلم منها ابيكم كلكم تسامحونى واعتبره درس عشان اترك التسرع وكثري من الاستغفار |
رد : ندمانة....الله ياخذ غبائي
سبحان الله انقلب الموضوع وصار ما ينحل الا باعتذار الاب ؟؟؟؟؟؟؟
لان الغلطان لازم يعتذر ؟؟؟؟؟؟؟؟؟؟؟؟؟؟؟ حتى لو اعتذر الاب والام وكل الاسرة هذا لن يغير شيء؟؟؟؟ الحل الحقيقي بالتغيير الداخلي والمشكلة والغلطة تنحل والعيد ع الابواب وان شاء الله تتصافى النفوس...... |
رد : ندمانة....الله ياخذ غبائي
اقتباس:
وتتحمل خطائها بدون مايتحمل احد نتيجة غلطها |
رد : ندمانة....الله ياخذ غبائي
الله يصلحك وربي انك سخيفه مرررررررره .. شنو الغيره الي تجيب المرض وربي كله ماله داعي وبعدين اذ طلعت في السوق انتي شكو فيني تبغيني ثور بس منزل اعيوني في الارض لا والله اجل لبسين برقع وبعدين شو دخلك فيه ... لويبغى بنات رح من خلفك ... بس وربي انك ظلمتيه ... وكمان من الاسواء رحتي قلتي لهلك اي شي بينك وبين زوووجك مايطلع لحد يعني اسكتي افضل لك .. وبعدين ابوك الله يصلحه مع الخيل ياشقرا معهم معهم عليهم عليهم تبغون تعمون ارجال ... اذا جيت المره الثانيه تبغين تروحي لسوق حطي على اعيونه زوجك شطرطون وربي قمت التخلف ............ اسمحيلي اخطيتي مليون بـ % يوم رحتي كلمتي اهلك وربي شي سخيف ... 1-الحين طاحت كرامة زوجك عند اهلك . ( انتي الي نزلتي كرامة زوجك عند اهلك وربي انك غبيه مع مرتبة شرف ) 2- زوجك اخذ موقف منك . 3- الحين زوجك ماله اهميه عند اهلك .. الله يهديك .. ........ حلو خليت زوجك ينام خارج الغرفه وربي لو انا منه لافقع وجهك شنو الغيره التافه هاذي ... المفروض هو الي يزعل على الحركات السخيفه ........... انا اذا بغيت اودي زوجتي للسوق احب اشوف الناس .. ( ابغى ابحث لك عن اعتذار ماحصلت لك ) ( ويمكن الزوج مسكت يبغى يادبك والصراحه بعذره ) ( مافيه الى تروحي تعتذري منه .. وتخبرين اهلك في الغيره الزايده وخاصه ( ابيك ) مافي الا كذا ) ( الله يخليكم يابنات لاتطلعون المشاكل لهلكم او لاي احداً كان )( يعني بينك وبين زوجك ) وربي ان تمشي الحياه) بالتوفيق الله يكتب الي فيه الخير يمكن اكون قسيت عليك مو يمكن لا والله قسيت عليك بس وربي شي يقهرني |
رد : ندمانة....الله ياخذ غبائي
اقتباس:
اسمعيني مرة ثانية كثر الدق يفل الحديد قلت لك قبل يمكن اول مرة تعتذرين ماياثر فيه لكن ثاني ثالث رابع مرة ! يتاثر هالمرة يوم اعتذرتي غلطتي جبتي سيرة الغيرة والحريم .. انتي كان المفروض مخليه كل وقتك وجهدك تطيبين خاطره .. مو تشرهين يوم قال لك هنت عليك كان قلتي : اكبر غلطة لحد الان سويتيها بحياتي استهنت بطيب قلبك .. وهذا الي منكد عيشتي لين ترضى علي ..! غلاتي عبيق ماحاولتي ما يكفي واصلي المحاولات لانها حياتك وسعادتك وهالرجل الي تحبينه واصله واخلاقه .. كلهم يستاهلون تعيدين محاولات .. زي ما قلت لك ارجعي مرة ثانية وثالثة ورابعة وكل مرة باسلوب .. وتقولين مدن قالت .. دعواتي لك بالتيسير .. |
| الساعة الآن 12:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©