|
رد : أريد كذباً أزرقاً !!
اقتباس:
اممممم ،، زوجي ايضا يكذب فهل يا ترى يغطي نقصه بالكذب؟؟؟ لست ادري بت افكر في امر غاب عن بالي ربما استعليت عليه بدون ان اشعر |
رد : أريد كذباً أزرقاً !!
شكراااا سيدة الموقف .
ماشاء الله تبارك الله .. الله يحفظكم ويخليكم لبعض ويبعد عنكم الكذب بكل ألوانه :) |
رد : أريد كذباً أزرقاً !!
بخصوص زوجتك
لمح لها انك كاشف ..... (( مهايطها )) بطريقة ذربه وصدقني راح تخفف البيب بالاشارة يفهم اما بخصوص الوالدة الله يطول عمرها اغلب الزوجات يسون سواتها لان الزايد من الفلوس ما راح يروح لغريب حافظكم الله ،، * |
رد : أريد كذباً أزرقاً !!
مارد الجنوب
صدقت ، لكن والله لاحياة لمن تنادي !! علمنا بدل المرة ألف بس خلاص صار طبع !! نورة والله طوفت شكثر ، ولمحت أكثر ، لدرجة مرة كنت معاها بالسيارة قالت سالفه مالها لا ظهر ولا بطن!! أصلختها ع الماشي على افاي ، وقفت بالطريق على جمب قعدت أضحك ماقدرت اسوق ، وطوفت ماحبيت ادقق ، أذبحتني يانورة وبيدت حيلي كل شي حطيتة لها وماطابت !! الرياجيل مرتاحين مع حريمهم ومتمتعين بالخصوصية وانا لااا ، طفشت !! جبت لها كتب ، ماتحب تقرأ الأخت !! قلت لها كملي دراستج !! قالت ماحب الدراسة !! والمشكلة يانورة ان الموضوع تطور لأبعد مني ، الناس قامت اتحجي عن كذبها واخاف بكرا يضربون فيها المثل ، والناس ماترحم صغر سنها وقلة خبرتها بالحياة !! وان قالوا بيقولون زوجها المتفائل واكيد هي متطبعة علية عشان كذا تكذب !! احس ان الموضوع بيوصل لسمعتي والله العظيم !! ام محمد هاديت اقسم بالله وعلمت ولمحت وكل شي سويتة !! قامت أتحسسني اني غبي !! Heart225 اللي عندي الكذب قام يمشي حتى بهدومها ، وبالنسبة لي كاشفها ، وطوفت ، ولمحت ، وكشفتها ، بس ماتسنعت !! شسويبها بالله !! قريباً ستمطر أتصدقين أتمنى أن تكون عندي زوجة أبادلها أطراف الحديث وتشاركني اموري وقراراتي لكن اللي عندي ماقمت أثق فيها من هالناحية لسببين !! كذبها الدائم علي وعدم إحترامها للخصوصية ، امها وخواتها يعرفون عني كل شي ، والله قمت اخبي عليها شغلات كثيرة !! RENOL والله صدقتي مافيه شي يطفش بالدنيا إلا الكذب !! والله مافيه شي يخليني افقد اعصابي مثل الكذب يعين الله ياوخيتي !! توفي وفيصل يا اختي الموضوع اكبر من انه يكون رجل او إمرأة !! هالشي موجود بالجنسين ومو حكر على جنس بس ثقي بالله ان هالصفة جداً شنيعة ومستفزة ، وبالنسبة للموف والله انا جربت الكذب الأبيض فإذا حابة اتجربين انا ممكن اوردلك من زوجتي وبالمجان والشحن علينا لانه ابصراحة فااااااااااااايض عندنا ونبي انتخلص منة !! بس موف ماعندنا !! ريفان صدقتي والله العظيم الكذب شي مقرف ، بس شسوي إذا ما اهتدت وهي مقتنعة عمر العنف ماراح يسوي نتيجة ، والله اني قمت اتحاشى الحكي معاها والسوالف !! صرت اخاف اقولها شي ترد علي بكذبة ، والمشكلة ان قلبي مايطاوعني ماسولف معاها لانها تكسر خاطري !! عمران أستاذي العزيز ، والله كل اللي قلته عين العقل ، بس ثق بالله انه مايخفاني أبداً !! والله العظيم ياعمران لو تشوف كثر كذبها الله العالم يبي يطلع براسك قمل ههههههه جاهل ياعمران وصغيرة وذرو دلال ومخربتها امها لأبعد الحدود وأخر العنقود!! يعني الكذب مهو جديد عليها جايني معها من بيتها !! غصة فراق لاتلوميني يختي والله العظيم امصخت ، لمحت وقلت وحجيت وهاديت بس مانفع ، وماني والله ما اطوفلها كذبة بعد كذا ، عشان تزهق من طبعها هذا معاي ويا اتعدل او تنجن ، والله طفشتني شوي واشق اهدومي. قمت احس أن كأنها تقولي انت غبي ، والله زهقت بس خلااااااااص . |
رد : أريد كذباً أزرقاً !!
الله يعينك اخي المتفائل ولكن حاول معاها بالاسلوب الحسن , او حاول يوم تتكلم تحس أنها تكذب , وجه الكلام لأحد أطفالك على انه ما يجوز الكذب بس طريقه لطيفه وغير مباشره . هذا رأي والله أعلم |
رد : أريد كذباً أزرقاً !!
يا رجل وسع صدرك اغلبهم يتفننون في الكذب الابيض
الين ما الواحد مل |
رد : أريد كذباً أزرقاً !!
اقتباس:
المتفائل اذا هي ماتبي تكمل دراستها عطها جوها وانتهينا. |
رد : أريد كذباً أزرقاً !!
اقتباس:
ليش معصبه هدي شوي محد تكلم عنك ياليت يكون في شوي رقي في الردود شكرا:) |
رد : أريد كذباً أزرقاً !!
اذا ما خاب ظني
أخي الفاضل هو انت اللي زوجتك تقول فيني فقر دم ابغى من دمك؟ اذا كانت هي زوجتك :21: هي مليون بالمائة تحبك وتحاول تظهر قدامك انها الكاملة عشان تحبها ممكن تستغل حبها لك وتوضح لها مدى كرهك للكذب وحبك للصدق مثلا لو قالت شيء لأمك قلها مرة مبسوط منك لانك كنتي صريحة مع امي او قل برافو عليك كلامك مع خواتي كله صدق بصدق ماشاء الله وبكذا راح يعرفون انك مو كذابة مثل ماهو منتشر بين الناس ثم انه :d ممكن تستمر زوجتك على الكذب بالرغم من كل المحاولات...لانه ممكن يكون طبع |
رد : أريد كذباً أزرقاً !!
اقتباس:
وردي راقي ما اشوف فيه شي !! :) |
| الساعة الآن 10:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©