|
من حقك ترفض اذا ماتبيها تروح والموضوع مو داخل مزاجك
وعلى تعاملهم عاملهم بالمثل هم ماعندهم ذوق لاتنتظر منهم شي |
يا خوي المرة طالعة من الاربعين وتبي اخت زوجها تساعدها في ترتيب غرفة بالغندق
تلتقي فيها مع زوجها اللقاء الاول حكاية انه يدق عليك ويقول خل اختي تروح ترتب لقائي الاول مع زوجتي بالفندق عيب يا اخي عيييييييييييب وش هالكلام هذا شيء دار بين الحريم وزين ان زوجتك قالتلك كذا ترى تقدر تعطيك نصبة محترمة وانت تصدق بس هي المسكينة قالتلك تفاصيل المفروض ماتطلع عليها فلذلك زوجتك ماغلطت وتصرفها صحيح مية المية اما حكاية انسابك ماقدروك وكذا هذا موضوع ثاني تحله معهم بغير هالموقف اما اذا كنت تشك بزوجتك وتضن ان وراها شيء فقلنا من الاول واش هو سبب الشك هل شفت عليها شيء مثلاً؟ ولا انت بطبعك رجل شكاك |
وهالشايب بعد موب عيب عليه
يدخل طرف ثالث بليلته هو وزوجته وش هالوقاحه قسم بالله لو انه اخوي كان قلت لحرمته اسفه اعتذر باي شي مادري الحيا وين راح |
الوووو متوررررط من زماااان عنك... حسيت ان امورك ضبطت ونسيتنا... بس طلعت وفي ولا يهون الاخرين اولا احسن الله عزاك ع موت جدك والله يرحمه ويغمد روحه الجنة ثانيا الحمد لله ع سلامة الصغيرون ومايشوف شر والله يلبسه لباس العافيه ويخليه لكم ثالثا اللي مايشوفك راس لا تشوفه حتى مداس ولا يهمك احد ... انت لك اعتبارك شاؤا او عيوا.. اهتم بنفسك رابعاً رفضك من حقك ترفض وتجعل لك وزن عندها وعند ابو50 اخوزوجتك بس ترى المسألة عادي انها تساعد زوجة اخوها في ليلة حمراء عقبال ماهي تساعد زوجتك في ليالي حمراء قادمة تكون انت بطلها خامساً رووووق انت الان امورك اكثر توازن فلا تحاول تخلط الامور ابداً ... هم اذا فيهم طيب وعاملوك زين عاملهم بالمثل وازود لانك كريم اصل.. واذا ما عاملوك زين ولا عزموك فخلك طبيعي ولا تزعل بس لا تكره نفسك فيهم وعاملهم ببساطة مفرطة تخليهم ينجنون منك طمنا عليك يا عسل ولا تقطعنا في المنتدى فوالله اني احب هذا المنتدى لانه عرفني عليك وعلى المجموعة الطيبة اللي هنا اعضاء وعضوات وفقك الله |
اقتباس:
النقطة هاذي اشك فيها بصراحه من ناحيتها اتوقع انها تقول شي رغم اني سئلتها كذا مره بس تقول لا ولله والله اني ماتكلم فيك وانا ماأظمنها مادري ليه احس انها طرف في الموضوع،،، بالنسبة هل التعامل مختص فيك او لا وهل عندها خوات متزوجات طبعاً هي خواتها كلهن متزوجات من عيال عمهم يعني شغل بدو البنت ماتاخذ الا ولد عمها بس هي كانت اخر وحدة وعيال العم خلصو وكلهم هم وعيال عمهم جيران ساكنين جنب بعض وانا الي جيت من برى شاطح وتزوجت عندهم وعزايمهم كلها بينهم يعني في اليوم يتقابلون مليوووووووون مره واي مناسبة عندهم ابد بينهم اعزمني واعزمك، بمعنى انهم يعزمون بعض ويعزمون عيال عمهم الي هم ازواج خواتهم طبعاً انا ساكن في الرياض وهم في مدينة قريبة من الرياض حتى اخر مره امها لاحظت اني ماعاد اجي كثير لهم وقالت تعالو انتو صرتو ماتجون قلت لاصارت مناسبة خلي العيال يتصلون ونجي على الاصول اما نجي بدون عزيمة ولا عزيمة لبنتك معصي حست اني كرشتها وصارت مكالماتها لي سطحية مره بعد ماشافت تغير جذري اول كنت كل اسبوع وانا محضر بست الحسن والجمال لاقالت مشينا قلت مشينا بس الحين صار الوضع غير وبعدين تشتكي من ايش هي وجهها تحمد ربها والله لو انها غيرها كان تبوس الارض الي تمشي عليها بس هي فيها شوفة نفس وتعتقد انها جميلة والمفروض انها تتدلع وهي في الواقع عادية ولو انها ماخذه غيري كان ممكن يحط لها القمر في كف والنجوم في كف وامها مصدقة انها حلوه ومثل ماقال القرد في عين امه غزال وهم كلهم تربية حريم اهم شي الحرمة عندهم يعني بالعربي رجالهم تمشي بأوامر الحريم عموماً انا حاط في بالي انهم اخر اهتماماتي هي واهلها بعد لاني بصراحهة ندمت وماتشرفت بالنسب هذا بعد تعاملهم من اول ماتزوجتها والانسان يحب يفتخر بأنسابه ويبيهم يشرفونه في اي مناسبة لكن مع النوعيات هاذي ماتوقع لان الموضوع بالنسبة لي مسئلة وقت وادور لي وحدة ثانية ماهو مدح فيني ولا في ابوي بس الشهادة لله لنا مكانتنا والكل يتمنى نسبنا ويعرفوني الرجال زين ويعرفون تعاملي معهم للدرجة ان واحد من قرايبنا قال لابوي ترى لكم بنتين من بناتي لولدك يختار فيهم ماني مجبور على مره مادري تعتدل ولا تبقى على وضعها ولا على هالنسب الي مادري وين عايشين فيه فمن الطبيعي اروح للناس الي تقدرني وتعرفني زين وان شاء الله بعد ماتزين الامور |
اقتباس:
الموضوع موضوع اصول مافيه تجي تاخذ اختك من البيت بدون ماتستأذن من زوجها البيوت لها ابواب وهو اصلاً بعد قلة الحيا هاذي يبي اخته تسوي له ليلة حمراء والله انه مايستحي وقليل ادب انا مادري شلون رجولته هانت عليه ويخلي اخته تسوي ليلة حمراء وترتب مع زوجته يعني بيقول ترا عندي ليلة حمراء مع زوجتي خير وين حنا عايشين فيه بس اذا لم تستح فافعل ماتشاء ورغم هذا ماكان عندي معارضة لو انه اتصل بس كذا اقول لها خليه يتصل تقول ولله ماني مخليته يتصل عليك ليه وش اخوك هذا الي مايتصل على راسه ريشة يعني!! وتقول ياخي رح شف اهلك يروحون مع ازواج خواتك قلت اهلي يدقون يستاذنون من ابوي وهذا الي رفع ضغطي زيادة تقارن اهلي وتدخلهم في الموضوع لابد تدخل اهلي ولابد تدخل اهلها قلت ياآدمية انتو ناس هاي كلاس انتو ناس متحررين انتو ناس ديمقراطيين انا عن نفسي انسان متحجر من عصر ماقبل الاسلام ارتحتي يبي ياخذك يدق علي الله لايهينه ويستأذن مثل الناس لو يصير عليك شي ولا حادث ولا مصيبة انا المسئول عنك في الاخير اتصل واستئذن وقلت خذها ورجعها بعد. بغيت اقول له ماتبي نرسل لك طقاقة في الفندق عشان تنبسط:d |
اقتباس:
الله يسلمك هذا من ذوقك والموقع مامنوره الا مثلك والله مادري وش اقولك انتي تحسيها عادية بس حنا يامعشر الرجال نشوفها شينة ان الرجال يقول لاخته ساعدي زوجتي عشان عندنا ليلة حمراء تراها عيب يعني وش بتسوي بالله بتختار اللبس لزوجته ولا بتكتب على جدران الفندق ياحياتي وياعمري وترسم له صور وقلة ادب!:( والبساطة المفرطة ابشرك بتجيهم بزود الحمد الله واثق من نفسي وابوي يفتخر فيني واهلي وربعي كلهم سمعتي عندهم زينه ومثل ماقلتي الي مايشوفنا راس مانشوفه مداس |
اقتباس:
عساك سالمة ودق بعد بس الشكوى مابغيت اقول له والله ماني مخلي مرتي تضبط لك الجو انت ومرتك خل ام مرتك تضبط لكم الجو وش دخل اختك في الموضوع،،، متعدي الخمسين ولا فيه وجهه حيا انا انصدمت منه اول قدام الناس مسوي فيها انه رجال ومهايط ومادري ايش وفي الاخير يطلع منه كذا اللهم لاشماته |
والله ياخوي أنا قرأت ردك عليا واستغربت طريقتك في الكلام عن زوجتك وفهمت من معرفك ومن كلامك عنها انك شايل في قلبك كثير عليها فرحت وبحثت عن مواضيعك في المنتدى وقرأتها والحين فهمت وضعك معها اكثر الواضح ان زوجتك بتصرفاتها واهمالها لك ولبيتها ماخلت لها رصيد حسنات في نظرك يساعدك أنك تغفر لها هفواتها او هفوات اهلها او حتى يدفعك للتغاضي والصبر عليها وعليهم لكن الله يهديها ويسخرها لك على فكرة انا بعد قرأتي لموضوعك السابق زاد احساسي بان زوجتك لها يد في الموضوع الغريب انها بنت بنت خالتك يعني اقارب وامك على علاقة طيبة فيهم يعني المفروض إن اخوانها يراعوا صلة القرابة معاك قبل صلة النسب ويكونوا اكثر حرص على توطيد العلاقة معاك واذا ماكان عشانك فيكون عشان امك والله غريب امرهم على العموم أنا شايفه انك احسنت التصرف لما وافقت ان زوجتك تروح تساعد زوجة اخوها وربما تصرفك هذا يكون فاتحة خير وبداية لعلاقة طيبة مع اخوها الكبير اللي ربما يعتبر كبير العيلة وله تأثير على بقية اخوانه وكلمته مسموعه وهذا أكيد بيرفع من رصيدك عندهم وربما يقربكم اكثر وأكثر في المستقبل والله يهدي النفوس |
1) عظم الله أجركم..وأحسن الله عزاءكم..وغفر الله لميتكم.
2) الحمد لله على سلامة ابنك..ولا بأس طهور إن شاء الله. 3) من الطبيعي يا رجل أن الشخص يريد أن يفتخر بإخوان زوجته الرجال أمام مجالس الرجال فهؤلاء أخوال أبنائه..ويريد منهم المشاركة والتواصل وإظهار نفسهم أمام الناس كي يقولون: "والنعم بفلان وأنسابه..رجال يشرفون". 4) بخصوص أهل زوجتك من حيث التواصل معك فهذا إما يعود إلى تركيبتهم الشخصية والاجتماعية من حيث محبتهم ورغبتهم في التواصل مع الآخرين من عدمها..أو بسبب أن صورتك لديهم مشوهة. 5) بما أنك حاولت التواصل معهم قديماً ولم تجد تجاوباً فيمكنك التواصل فقط مع والديها إما هاتفياً وإما بالسلام عليهما وقت ذهابك لبيتهما..أو تواصل معهما في أوقات المناسبات..ومع إخوانها فيمكن الاكتفاء بالرسائل فقط إن أحببت ذلك أو تتعامل معهم بالمثل. 6) بما أن الرجل قد اتصل عليك وطلب إذنك فالحمد لله حصل ما تريد، وعرف الرجلُ الدرس جيداً، وفهم كلامك وردة فعلك. 7) سؤال أخير: هل زوجتك تغيرت للأفضل معك في البيت؟ |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©