|
اختي اعتقد ما يسوى تسوين مشكله عشان آيفون
وبالعكس شي حلو انه يعينك على الطاعه بأنه رفض انه يدخل دش وقنوات في المنزل ليه ما تسخرين هالشي في طاعة ربك ليه ما تكتفين بجوال نوكيا مثلاً والواضح انه لديك انترنت ولاب توب طيب حلو لاتكونين طماعه ما فيها شي لو كان الآيفون مشترك بينكم تاخذينه وتلعبين فيه |
وينك ياورد ساهر ؟
تحمست مع مشكلتك ورحتي وخليتينا !!؟ اش المستجدات بوضعك ؟ رجع زوجك ولا لا ؟ طمنيناااا |
كل الي قالول لك انك الموضوع مايستاهل ...لانهم ماجربوا الحرمان ..
وانا اكره الزوج الي يحرم زوجته من كل شي حلو بالحياه...زوجه تطبخله وتغسله وتكويله ليش يحرمها من اتفه شي.. وراح بيت ابوه طبعا معاه الايفون يتسلى فيه.. وانتي لانك عطيتيه وجهه من البدايه...المفروض من البدايه دام الشي الي مو محرم في القران والسنه يكون عندك وين عايشين انتوا ...حتى جوال حارمك ماكان معك..وصابره طيب كيف كنتي تتواصلين معه اذا احتجتي شي.. .انتي زوجته وام بنته اذا موواثق فيك ليش تزوجك من الاساس كلمي اهلك واهله وقولي انا بعيش مثلي مثل غيري ..وخذي الجوال الي تبين وحطي القناه الي تبين..هذا لو يروح يتزوج ثانيه بيدللها وبيجيب لها الي تبي.. وانتبهي تروحين له لبيت ابوه او تتصلي عليه هذا الي ناقص...لو رحتي له ترى بيحطك تحت المداس لانك اهنتي نفسك ورحتيله بينفش ريشه عليك و بيهينك |
وصاحب السوابق دايما هو الي يمنع زوجته ويحرمها من كل شي ظنا منه ان كل بنات العالم مثل بعض
|
بس اتركيه مصيره يرضى ويرجع-واذا رجع حسسيه بزعلك وقللي الكلام معه وبنفس الوقت قومي بكل واجباته -اجلسي كم يوم كذا واكيد بيحن ويسوي لك اللي تبين
|
أختي لا تعصبين مره : )
حاوريه كثيراً وقت الصفاء بينكم بكل قوانين ونظام بيتكم على أي أساس بناه وما هي إيجابياته وسلبياته ؟! ما هدفه ؟ هل يفرق بين المنع والمراقبة الذاتية ؟ وبما أنه سمح لك بمشاركة جهازه وقت ما يكون في البيت استعمليه كأنه لكِ : ) الأن ارسلي لزوجك واستفسري عن سبب غيابه وهل يستاهل ؟ الله يوفقكم ويسعدكم يارب ^ ^ |
انتم في بيت عادي والا في ثكنة عسكرية..؟؟ بصراحة احس الوضع مو عادي ابد.. ولكن اقول: انه عندما يفرض الرجل علاقته مع زوجته متمثلاً دور الوصاية وليس المشاركة في الحياة تبدأ حينها الادوار في الاختلال.. خليه الين يطيح اللي براسه ويرجع لك... عشان ايفون تنحاس حياتكم هذا وانتم متفقين..!!
|
صراحة الموضوع مايستاهل ابدا
انا قلت لاقدر الله خانك ولا خرج مع احد ولا شئ طلع عشان اي فون ....................... يااختي من البدايو ماكان عندك جوال نطيتي على الاي فون على طول طيب شوية شوية واحس الموضوع كبر وهو مايستاهل الله يعينكم الشيطان قاعد يشوف يشغله فلا تعطوه فرصة |
تعبت / ليه الغرور / المستقبل لنا / أنيسة الروح / مشكلتي زوجتي
صعبة المنال / تهاني ... شكراً لمداخلتكم ..! صعبة المنال : أنا حالياً عند اهلي ،، امس طلعت من بيتي لأني لا يمكن اجلس و انتظر الاخ يروق و يرجع .. ما بينا اي اتصال و لا يمكن برضوا اكمله او ارسل له .. و بشوف نهايتها معه .. شكراً لكم .. |
اقتباس:
لا تريدين المبادرة .. لكِ ذلك .... ولكن ترككِ بيتكِ ليس تصرفاً حكيماً. |
| الساعة الآن 01:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©