|
حياك اختي ALSHBH .. مشكووره عالرد واتمنى تصرفي يكون صحيح .. لانه الى الحين ماني عارفه او فاهمه ردة فعل زوجي .. العاده لما ارسله مسج يرد لي على طول بمسج بس المره هذي ماارد .. تتوقعوون حس اني عارفه شي !!! او ممكن يفكر في كلامي و يأنبه ضميره !! والله ماجاني النوم من راح الدوام وانا افكر في الموضوع وكيف باتصرف معاه اليوم لما يرجع ؟؟ انا راح اكون طبيعيه وكانه مافي شي صاار ؟؟ بس خوفي انه يستمر على تصرفاته عشان يثبت برائته وانو وانا اللي اتوهم اشياء مالها وجوود ؟؟ هنا احس فعلا مااراح اعرف كيف اتصرف ؟؟ |
اقتباس:
تصرفك صحيح ورسالتك في محلها ووقتها , خصوصاً إذا لم تكوني معتادة على إرسال رسائل لزوجك من هذا النوع , أو في هذا الوقت من اليوم . إذا كان زوجك من النوع الذي يشعر بتأنيب الضمير , سيكفيه التلميح عن التصريح . أما التصرف القادم فيما لو زوجك استمر بتصرفاته , عندما تكوني معه بلحظة حيمية خاصة جداً , وهو منسجم وسعيد معك فاجئي زوجك بهذه الجملة " ما أجمل الحلال يتمتع به الإنسان وهو مرتاح نفسياً " ولا تطلبي منه رأيه , ولا تعقبي على كلامك بعد ذلك إذا لم يفد معه التلميح ولم يعدل تصرفاته ... صارحيه . |
اهلا بك اخي ابو حكيم .. اتمنى ان تكون رسالتي اتت ثمارها في نفس زوجي .. وفعلا انا مو متعوده ارسله رسائل من هذا النوع .. بس في نفس الوقت متخووفه جداااااا جدا من القادم .. وعبارتك جدا اعجبتني ولكن اريد ان اعرف مدى وقعها على زوجي من رايك انت كرجل لو قلتها له ؟؟؟ على فكره زوجي من النووع الحساااس جدا وعاطفي جداااا وحنون ويتأثر كثير ويجب الجنس النااعم .. وهذا اللي متعبني معاه كنت احسبها نعمه اول الزواج ولكن الان صرت احس ان رومانسيته الزائده اصبحت نقمه علي !! هداه الله واصلح باله |
اقتباس:
وهو المتخوف من القادم أكثر منك . نحن البشر عموماً , إذا رأينا شيء غير معتاد نسأل عن السبب زوجك استلم رسالة غير معتادة وبالتأكيد هو يتساءل عن السبب , وأفكاره الآن متضاربه إذا سألك عن السبب , فأنت لم تفعلي أمر خاطئ لتبرري , إنما هي رسالة طيبة وأما إذا لم يسألك , فهو بالتأكيد يشعر بشيء ومحرج منك وفي كل الأحوال سواءً سأل أم لم يسأل , تأكدي أن زوجك يشعر أن الوضع غير طبيعي وخصوصاً أنك غير معتادة على هذه الرسائل . العبارة التي ذكرتها هي وسيلة من وسائل التلميح , ووقعها كبير لدى أصحاب الضمائر الحيه أسأل الله أن تؤتي ثمارها , وإذا لم تفد ... صارحيه . |
معليش انتبهي لا تكوني انتي اللي تصرفاتك مريبة
ان بعض الظن اثم دام ما شفتي بعينك ولا سمعتي بإذنك لا تتركين للوساوس طريق عليك |
اقتباس:
|
حبيبتي ريانه! لا تجيبي عوار القلب لنفسك ومثل ما قالوا الخوات يمكن مجرد ظن ما في محله.
وصدقيني اذا في شي مو طبيعي ف زوجك او انه لا سمح الله يخونك ترا راح تكتشفي اذا مو اليوم بكره ويا رب تطلع كلها ظنون ! |
طمنينا ويش صار معك
|
هلا اختي ALSHBH .. والله تمنيت انقل لكم اخبار مفرحه لكن اللي حصل العكس .. رجع زوجي من الدوام امس وكان مبسووط عالاخر ويضحك غير العاده وانا قابلته وانا على طبيعتي وسوالف معاه .. وتغدينا وبعد الغدا رحت الغرفه شوي وجا عندي وقالي : اجل انا متغير عليك وهو يضحك قلت ايه متغير وانا هااديه معاه واسولف بدلع قام قال : يعني كله من هالجوال !! قلت ايه من يوم طلعته تحب تستخدمه لحالك قال ليه يعني تتوقعي فيه شي !! قلت ما ادري عنك !! قال اهااا يعني الموضوع صار شك انتي تشكين فيني وجالسه في الصبااح لفيتي لفه طويله واني متغير عليك اثاريك تشكين فيني !! قلت لا ماشك فيك بس تصرفاتك تخليني غصب كذا !! وقام وقلب الموضوع علي انا وصار هو الزعلان ويتكلم بصووت عالي قال خلاص انا ماراح استخدم الجوال الا وانتي جالسه قداامي عشاان تتاكدي مني !! قلت طيب ليه تنرفزت الحين انا ماقلت شي يستحق الزعل !! لو انت صحيح ماعندك شي كان عادي كان عطيتني الجوال بيدي عشان اتاكد !! قال لاا ماراح اعطيك اياه !! (( طبعا هو يحاول يقلب الطاوله علي ويصير هو البريء المسكين وانا الزوجه الشكاكه اللي اتبلا عليه يعني يكذب ويمثل ببراعه لان مو اول مره اشوف شي عليه )) قمت انا تعوذت من الشيطان وسكت عنه .. شوي قام وطلع طبعا ترددت اني اسوي هالخطووه بس عشاان مايطلعني شكاكه من فرااغ ويصير هو اللي معاه الحق قمت وفتحت صفحته ي موقع التعارف طبعا مفتوحه وفيها اسمه وخليت اللاب توب مفتووح . رجع بعد الصلاه واخذ اللاب توب وانا ساكته طبعا شاف الصفحه وكانت وااضحه الصدمه على وجهه , قمت من جنبه وقلت له : بس عشاان ماتقول عني شكاكه ولا اتبلى عليك وعلى فكره ما تاكدت الا من رقم جوالك !!! طبعا هو توتر وقال طيب وش اللي فيه الحين وش فيها الصفحه برنامج ابغى اجربه وبس !! قلت حاط رقم جوالك فيه وكل المضافات بنات وتقول تبغى تجربه !! انا بصرااحه تعبت معااك خلاص ماصدقت انسى سالفتك العام ترجع الحين مره ثانيه وطلعت من الغرفه !! جا وراي وقال شووفي هالجوال ويتكلم بصووت عالي شوووفيه انا التفت الا ماسك جواله ورماااه بقووه عالجداار وتكسر وجا عندي وقال عشان بس ترتاحي !! واخذ جواله القديم حط شريحته فيه وطلع من الغرفه وانا !! والى اليوم ماافيه كلام بينا متزاعلين .... واحس المووضوع طلع من يدي .. امس الليل ارسلي رساله وهو في المجلس وانا في الغرفه كنت نايمه كاتب فيها (( اعوذ بالله من الشيطان الرجيم ، حسبي الله ونعم الوكيل فيما حصل بينا )) ماشفتها الا متاخر ولا رديت .. |
الحين حتى هو زعلاان ولا يتكلم وطالع برى البيت من العصر توه رجع وانا بصرااحه اغلب الوقت اتظاهر بالنووم وفي الغرفه احس ابغى اجلس لحالي افكر .. افكر اذا جا اروح عنده واتكلم معاه وقوول كل اللي في خاطري .. بس حتى ما اعرف وش اقوول له احس ما ينفع الكلام خلااص .. وفي نفس الوقت احس انه جرحني مررررره وتعبانه نفسيتي منه !! يوم الاربعاء الجاي ابوي بيجي مع اخوي عندهم موعد "اهلي في مدينه ثانيه "افكر ارجع معاهم طبعا بعد ما اقول لزوجي اني ودي اروح اجلس اسبووع عند اهلي ابغى ارتااح !!!! محتاااااااااره |
| الساعة الآن 03:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©