|
الله يعصمه و لا يشوف من النساء غيرك.. لكن خليه يغير البي بي حقه .. خليه طلع جهاز ثاني.. لأنها بتحاول تضيفه كثيير واستفدنا من كلام الأخت العزيزه سيده موقف و ابو حكيم و بيتا و ليه الغرور و غيرهم من الأخوه والأخوات في هذا المنتدى .. سيده موقف .. فعلا انتي سيده موقف .. و لا اخفيك اني اتابع ردودك دائما مع بعض الأعضاء في المنتدى أيضاً وايضا ابو حكيم ..لدوردك من اسمك نصيب دائما .. ..فعلا كلامك صحيح ..خصوصا بنات الحرام تجرأوا في السنوات الأخيره بزيااااده على الرجال ..ومن باب اولى ان تكون العلاقه الزوجيه هي الأمتن و اللتي تعف مجتمع الرجال والنساء عن الحرام .... |
|
هلا فيكم كلكم
للحياة الوان ما اعرف ايش اقلك انت معي من اول المشكله واكيد مايهونون باقي الاعضاء طبعا مو بس طلبت تغيير جهازه بل انا شريت له واحد جديد ارسلت اخوي وجابلي وغيره على طول ما اعترض وريحني كثير وايضا سيدة الموقف اللي اليوم اسعدتني باخر سطر كتبته هههههههههه انه رجل يحبني جدا نعم انا اعرف انه يحبني وانا احبه يمكن اضعاف حبه لي لكن بيني وبينه حواجز انا احاول اكسرها بطريقه وهو يحاول بطريقه ثانيه ليه الغرور انا ما اتخيله يخون او يتزوج مو بسبب رجله والله اي بنت تتمناه ورجله ترا اعاقتها خفيفه لكن ما اتخيله لاني اعرفه مايحب العلاقات ولا الخرابيط ومداوم على صلاته حتى وهو مريض ويحاول الان يقنعني يروح المسجد مع السواق لكن انا رافضه قلت بعدين الحين ما ينفع والحين خرج مع اصحابه اثنين يتمشى معاهم والله ما اخفيكم مازلت مو مطمنه كثير لكن عالاقل فهمت السالفه لكن وش اسوي؟ اللي فيه يكفيه والزوجه هي اللي توقف مع زوجها بأعز الظروف وبعدين نتفاهم يعني يكفي احساسه بعجزه وقلة حيلته والالم اللي يعانيه ولا تنسون اني احس ان انا سبب عمليته فلازم اضبط نفسي وهو بالعام رجل طيب والله ماقد جرحني ولا قصر علي بشي ولا منعني من شي انا اللي دايم اعصب واقول كلام اندم عليه وهو يسامح ما ينتقم او ويردها لي ابو حكيم شكرا لك وفهمتك نعم فهمتك ويارب يقدرني واتغير بيتا مرره شكرا اخجلتيني والله والاخ سيف ايضا والكل مابي احد يزعل مني واحب بالنهايه اوجه رساله لكل بنت يتقدم لها شخص من ذوي الاحتاياجات الخاصه انا اهلي رفضوا بالبدايه الفكره وهو عارف ومع الايام تقبلوا الموضوع والان هو الاقرب لاخواني والله يجيك رجل طيب وحنون يحاول يعوض مافقده فيك وانتي بالنهايه لمن تلاقيه موظف ومتعلم ليه ترفضين؟ والله هو شايل البيت ومصاريفه انا اساهم من نفسي بشي بسيط هم بشر مثلنا لكنهم حساسين زياده وعادة كثرة حساسيتهم والله تقوي احساسك انا سرت مثله احس بالناس واعطف عليهم هو علمني ولقيت تأثيرها على حياتنا لان هو يعمل اعمال خير لناس انا احيان اعرفها بالصدفه فالاحظ زياده بالرزق والراحه وحتى صحته تتحسن والله العظيم احكيلكم الحقيقه وهذا سبب تمسكي فيه هو انسان رائع بمعنى الكلمه واصل لرحمه حتى اللي بمدن ثانيه فلا تتوقعون انه معاق خلاص بيجي حزين ومكتئب ومعقد لا صدقوني ولو كان فيه حاجه سلبيه انتي بيدك تغيريها مع الوقت اهم شي معدنه بربرت كثير ادري يمكن لانه برا البيت المهم اتمنى لكم وللمنتدى اجمل الامنيات واي استفسار او اي سؤال سواء يخصني او يخص الزواج من هذه الفئه انا حاضره؟ وافكر اكتب موضوع كامل لكن لمن اموري تترتب وتتنظم اكثر |
اختي الله يقوم زوجك بالسلامه ويسعدكم ويرزقكم الذريه الصالحه
احيي فيك وقفتك مع زوجك ومدام زوجك ذكر لكي سبب العلاقه الي بينهم فلا تشغلين نفسك بها بل اشتغلي على نفسك اهتمي بزوجك وطبقي ماذكره الاخ الفاضل ابوحكيم فهو رجل ويعرف مايريد الرجال من المراءه اسأل الله ان يسهل امورك |
اقتباس:
اقتباس:
بل لابد من التعبير العملي الملموس عن الحب . اقتباس:
وقد تحاولي أن تفعلي كل شيء فتفشلي في كل شيء ولكن بالتدريج وخطوة خطوه بإمكانك أن تتغيري تدريجيا ليكن لديك كل اسبوعين مثلاً فكرة واحده فقط تركزي عليها وتطبقينها وبعدها فكرة أخرى على مدى اسبوعين آخرين , وهكذا أبشرك هناك من نجح فعلا بالتغير التدريجي . __________________ الأخت الفاضله للحياة ألوان والأخت الفاضلة جراح الماضي شكر الله لكما ثنائكما وثقتكما بي . |
السلام عليكم
للأسف رجعت اضافته او اضافها قبل نص ساعه اكتشفت فتحت جواله وهو نايم ولقيتها وبينهم كلام وصور ومقاطع رجعت جواله مثل ماكان ورحت بكيت الين ارتحت وجيت عالنت لعلمكم انا امس كنت بالجامعه كل المشوار ثلاث ساعات ورجعت قسمت وقتي مابينه وبين تصحيح الاوراق ومراجعتها واليوم برصدها بالله عليكم اي اعصاب تتحمل اللي قاعد يسير؟ يعني هو الثلاث وجبات لازم انا اعملها وانا اقدمها واحيانا انا اكله بيدي من باب الدلع وكل يوم تعقيم لرجله ويوم بعد يوم ترويش والحمام طبعا انا اوديه طوال الوقت غير علاجاته مهتمه بأوقاتها وطريقة اخذها بالحرف ماشيه عليها واخيرا وليس اخر تمارين لازم نعملها سوا يوميا بالله انا كيف اتحمل وهو مو مقدر؟ انا ما اتفضل عليه هو زوجي وهذا واجبي ومافيه شك لكن انا مجروحه منه ومن طريقته معي وكأني طفله عنده وانا قررت اقول لأخته وقبل ما اتخذ هذي الخطوه قلت استشيركم؟ لان انا لو كلمته لحالي ممكن اترك البيت ومازلت مصممه اني اوقف معها لاخر لحضه وبكل طيبه وحب وود بينا مابي اخدمه وانا لاويه بوزي ابي اخدمه بحب وابتسامه واحترام لكن هو شكله مايبي والله اعلم؟ انا على وشك الانفجار كفايه من امس مانمت زين بسبب العمل وسببه انا بالنهايه بشر لي احاسيس واعصابي مو ملكي بصراحه والله بغيت اصحيه وانكد عليه عيشته اليوم لكن تراجعت باخر لحضه حرام اللي قاعد يسير انا تعبانه والله0000 |
وعليكم السلام ورحمة الله
يا حبيبتي يا هيا المسألة أكيد راح تاخذ وقت ... أي علاقة ما تنتهي بكن فيكون ... وما أقصد العلاقة العاطفية .. حتى علاقة طفل بصديقه تاخذ وقت الى أن تنتهي اذا والده طلب منه انهاءها . بداية ما أنصحك تقولي لأخته .. أولا فيها جرح لكرامته وفيها تصغير منك له ... وهذا ما راح تحسي فيه الحين وممكن يساعدك بإنهاء مشكلتك الحالية لكن بيترك أثر على علاقتكم على المدى البعيد ... حطي ببالك واستعدي لمعركة طويلة ... المسألة أخذت معي حوالي 8 شهور .. وما يحتاج يكون عاشق حتى يلاقي صعوبة بترك شيء تعود عليه وارتاح له .. مجرد انها غطت أو تغطي ناحية نفسية معينة يحتاجها . ولا تنسي دورها بالتواصل معاه ... دورها كبير وإلحاحها قوي .. ما يقدر يتخلى عن شخص وقف معاه بوقت هو كان محتاجه فيه .. كيف يكون جاف وقاسي معها بدون ذنب أذنبته ؟؟؟ ينحرج منها المسألة مو لأنك غبتي شوي .. هذي كانت فرصة لاحت له وبس واكيد ما راح تقدري تظلي تراقبيه طول الوقت وأكيد لما يتعافى بيطلع خارج البيت وتصير فرص أكثر .. الحل بأنه 1-هو يقتنع بأنه ما عاد يحتاجها وانها صارت عبء ثقيل بحياته .. 2-وصلي له بطريقتك حجم الذنب اللي قاعد يسويه 3-وبنفس الوقت حاولي تجددي وتغيري من نفسك للأحسن حتى تنصلح علاقتكم .. مجرد ما تنصلح علاقتكم راح يقدر يستغني عنها . برأيي أنك ما تواجهيه بشكل مباشر .. لكن ما تتركي الأمر يمر بدون ردة فعل ... لو إني بمكانك ألمح له اني عرفت لكن ما أقولها صريحة يعني أقول له حاسه انه عندك شيء ... أو حلمت فيك بكذا أو أشوفك متغير وماني مرتاحه .. وقصص عن عقوبة مثل هذا التصرف وكيف فلان خسر ماله ونفسه بسبب معصية ووووو وأظل كل ما صار فرصة أتكلم عنها ... مو بسبب الموقف الجديد لكن هذي سياسة من اليوم ورايح إلى أن يقتنع بسيئاتها .. ظلي تكلمي عنها وبسيرتها الى أن يمل يسمعها .. أشوف النقاط اللي ممكن يكرهها فيها وأركز عليها .. أساله عن زوجها السابق وأحاول أرسم له صورتها وهي مع زوجها ... هي تكلم زوجك عن علاقتكم الخاصة وهذي فرصتك .. قولي دام انها جريئة وتكلمك عن علاقتنا أكيد كلمتك عن علاقتها بزوجها ... كيف كان زوجها معها ؟؟ أتوقع كان هو كمان جريء حتى تطلع زوجته جريئة بهذي الطريقة ... كلام عادي ونقاش بين ناس كبار وما تقصدين فيها شي لكن شخصيتها أثارت فضولك وهذا الظاهر من قصدك بالكلام بينما قصدك انه كلماتك تخليه يتخيلها مع زوجها ... طبعا راح تكون كل أجوبته لا ما قالت ولا ما أعرف لكن خليكي مصرة وكملي كلامك وكأنك تكلمي نفسك .. وصلي فكرتك مو تناقشيه ... تجاهلي إنكاره وقولي معقول .. ما قالت لك عن كذا ؟؟ أتوقع شخصية مثلها أكيد كانت تحب وضعية كذا مع زوجها لأنها قيادية ... بتقولي لي بأنه يعرف هذي المعلومات لأنها بديهية وراح أجاوبك بأنه يعرفها بشكل عابر لفظي .. يدخل بعقله ويطلع بسرعة بدون ما يفكر فيها ويشوفها كواقع ... هو يعرف انها أرملة لكن اللي ثابت بعقله عنها كلامها المريح وفهمها له ولمشاعره ومعلومة انها أرملة وكانت مع زوج مو ثابته بعقله .. اللي واضح وبارز بعقله عنها جزء منها أحبه وعجبه واحنا نبي نبرز أجزاء أخرى ما يحبها ولا تعجبه . اسفه مو قادرة أعبر وأوصل لك الفكرة ... عسى تكوني فهمتي علي :) يا ليت نقدر نعرف عنها أكثر ... كل ما عرفتي عنها معلومات تقدري تستعمليها ضدها خلال كلامك .. إسألي عن أولادها ..إسألي عن وضعها المادي .. حاولي تشوفيها من بعيد وأي معلومة فيها إساءة لها لا تقصري ولوحيها بوجهه ... أشوف فلانه مسوية كذا .. سمعت انه فلانه صار معها كذا .. معقول في سيدة محترمة تسوي كذا .. انت بحرب بااااااااااااردة فخلي أعصابك باردة والعبيها بهدوء ... أعرف أولها تحسي بأنك راح تنهاري لكن مع الوقت بتهدا أعصابك لا تكوني عنيدة واسمعي لكلام جرين بخصوص علاقتكم الخاصة .. أكثر شيء يجذب الرجل ويقوي العلاقة بين الزوجين هي العلاقة الخاصة فخليكي مرنة وطوعي الظرف مو الظرف اللي يحكمك ولا تنسي الدعاء يا هيا ... وربي الدعاء مثل السحر |
اقتباس:
|
اقتباس:
أختي الكريمة صاحبة الموضوع عليكي بهذه النصحية اقرئيها وكرريها مرارا وتكرارا حتى تتشربيها وتتحول لسلوك .. وستجدي زوجك كما تحبين وأكثر أخي الكريم ابو حكيم جزاك الله خير الجزاء نصائح من ذهب لكل متزوجة ومقبله على الزواج |
يأختي مانصحك بإخبار اخته ولا بتهديده عند اي مشكله بترك البيت
بل اخبريه انك عرفتي انه رجع اضافها لكن ناقشيه بهدوء وبعيداً عن العصبيه |
| الساعة الآن 04:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©