|
اقتباس:
صديقاتي الثقات ...على فكره هي على نفسها تغيرمني أتذكرمره جات عندي وقالت لي تصدقي ياروعه إنو زوجي أبوفلانه يموت في طبخك يقول ماشاء الله بدون غرورأحسن وحده تطبخ هي زوجة أخويا فلانه عليها نفس جميل في الطبخ وكررهالشئ عدة مرات تصدقي طرت فيه وقلت له بلاش كلام كتيركإنو محد يطبخ غيرها ..أنا رديت عليها قلت لها الله يجزاه خيروأنا والله طبخي عادي قامت قالت والله ياروعه أنا غرت لما مدحت على طبخك ...ضحكت من كلامها ومن قلة عقلها يعني هي اللي تعملوا مو غلط وكبيره في حق الله ثم حق زوجها وحقي الله يكفينا شرها يارب منوره عيوني |
اقتباس:
وكمان تدخن عادي وتشرب أرجيله وتفتخرودائماً لما كنت أنصحها للصلاه تقولي ياشيخه خلاص إنتي ماعندك كلام غيرالصلاه بطلي طواعه ..أقولها يعني الكلام عن الصلاه طواعه يالله دا ديننا ودائماً أنصحها على لبسها للعبايه واقولها بلاش تلبسي عبايه مطرزه وتكوني فتنه للغير وأتذكرالعام قبل الفايت سافرت هي وزوجها لتايلند تخيلوا إيش عملت بجد شئ يحرق الدم راسله رساله لزوجي وأخوه التاني برقمها في تايلند وزوجي وراني هي وقالي حتى أرسلت لأخويا التاني قلت له وليه الجوال مو بإسم زوجها بإسمها قال مدري وكتبت بالرساله لوتبغوا تكلموني أتصلوا على هالرقم زوجي قالي بجد هي وقحه ومريضه ومجنونه طبعاً زوجي حذف الرساله على طول ولما جات من السفر ورتني صورها هناك سبحان الله ولاكإنها مسلمه أو إسمها مسلمه في لباسها وطريقة حياتهاوبعدها كرتها أكتر وإن شاء الله أعمل كل اللي قلت عليه والله يكفينا شرها وشرأفعالها ياااارب وجزاكم كل خير على الدعاء الطيب |
اقتباس:
يأذوا المسلمين والله بأدعي ربنا ليل ونهار إنو الله يبعدها عنا ويبعد شرها عنها ويشغلها في نفسها للأسف زوجي غير رقم جواله لكنها أخذت الرقم من عند زوجها من جواله عشان تعرفوا مدى وقاحتها والمصيبه لما أتصلت على زوجي وعرفها صك في وجهها السماعه ومايبغى يكلمها وهي تتصل ويطنشها راحت جابت رقم تاني ..وتالت ..ورابع وكل مره زوجي يصك في وجهها ويحكيني عن أفعالها القذره ..المهم بقيت على رقم واحد تدق عليه وترسل منه مره قلت لزوجي إنت ليه محتفظ برقمها ليه ماتحذفوا ..قال لو حذفتوا وأتصلت راح يطلع لي رقم بدون إسم فأضطرأرد عليها لكن لما خليت رقمها يصير لو دقت ماأرد ..تخيلوا إيش مسميها زوجي بجواله من القهر ..الملعونه ..كلو عشان أفعالها فحسبي الله ونعم الوكيل ودائماً يقولي ياروعه وربي جابت لي القرف هالحرمه لو تموت نرتاح منها ترمي نفسها علي بالقوه إيش تبغى ماأدري مره سمعتو يسبها ويقولها ياوزغه لاتتصلي أستحي على وجههك وكلام كتيرعيييب إللي تسويه شويه وصك السماعه بوجهها ...قامت أرسلت له رساله فيها كلام حلويعني زي الإعتذار..كلام فارغ مالو داعي وراني الرساله قالي بالله إيش اسوي حرمه لبشه قلت الله المستعان بس ..الله يكافيها ويرد كيدها بنحرها احس أفعالها كلها أذيه بأذيه ماتبغى أحد يكون مرتاح عساها ماترتاح |
اقتباس:
ولاتحسبوني أنا ساكته عليها ..زمان لما كنت أكلمها مره قلت لها يافلانه لاتتصلي على زوجي وتزعجيه هو موناقص كفايه هموم العمل عندو قامت قالت لي إنتي غيرانه مني قلت لأ بس لو عندك مشكله تعالي قولي لي وأنا أشوف لك حل ..أو ممكن أكلم زوجك عشان يهدئ الموقف معاكي قالت لي وانا مجنونه اخليكي تكلمي زوجي قلت ياسلام مو إنتي بتكلمي زوجي طبعاً انا ماقلت لها كدا إلآعشان اختبرها واشوف ردة فعلها ..قالت أنا غير إنتي ماتكلمي زوجي قالت لي أنا أشرح لزوجك المشكله وهويتكلم مع أخوه لأنو يسمع كلامو ويعمل بكلامو مره من المرات زوجي حكاني وقالي ياروعه تصدقي إنو الحرمه دي تكلمني عن أشياء خاصه بينها وبين زوجها قمت قطعت كلامها وقلت لها عيييب هالشئ ..قالي بالله إيش رأيك قلت هادي الحرمه تتكلم كدا متعمده تثيرك أفهمها وبعدها زوجي كره يكلمها ومايبغى يدخل نفسه في مشاكلهم فهنا صارت ترسل له برسايل غزليه وأشدها على نفسي اللي شفتها يوم التلاتاء الفايت كلام تبع وحده مجنونه ...بعدها جن جنوني حسبي الله ونعم الوكيل فيها وفي بنات الحرام اللي ماتخاف الله |
الله يهدي الجميع لما يحب ويرضى ...ليه تتوترين كوني هادئه لتستطيعي التفكر والتروي بكل شي لا تفكرين بقلبك تاخذك الغيره وتضيعين حياتك على وحده انتي بنفسك تدرين بأسلوبها ..الشيطان اذا دخل قلبك وحاول يشوش عقلك راح تخسرين ,,ولو زوجك فعلا على علاقه معها ليه يترك الرسائل تشوفيهم كان يمسح اول بأول من تجيه رساله ..ارجعي لعقلك ولا تخلين هالمراه تدمر حياتك وتعطينه الدافع بنكدك واوهامك يلجئ لها ..والمراه الذكيه لا توحي للرجل اشياء وهميه مع الايام تتحقق بفضل النكد والاصرار على اتهامه ...دمتي عزيزتي بخير
|
اقتباس:
الله يسعدك حبيبتي أحب زوجي ويوفقك إنتي والجميع الحمدلله احس إني اليوم أحسن من اليومين اللي فاتو...واتفاهمت أنا وزوجي وقالي خلاص ياروعه لودقت أوأرسلت برساله راح أخليكي ترسلي لها وتسبيها ولوشفتيها لوبعدين لاتتركيها..لأني بالشهورماأشوفها ولوهي بمكان ماأجي فيه لاأحد يفكرني إني سلبيه أو ليه ماضربتها من أول ...أنا مطلعه على كل أفعالها وكل رسايلها وزي ماقلت لكم زوجي كلم أخوه ومافي فايده فيمكن لوعملت لها شئ أنا تبطل ويمكن هي على بالها إن مغفله وغبيه وماأدري عن شئ حتى أتذكرمره قلت لوحده من سلفاتي عنها إنها تقول إنها تحب زوجي وهو كمان يحبها ويواسيها بكلامو لما تطلب المشوره قالت أنا قالت لي إنوزوجي كان يبغى يتزوجها وكانت محتاره بينه وبين زوجها الأن لكن ياروعه أنا مافكرت ولاأهتميت بالموضوع عشان ماأوجع قلبي بشئ تافهه مثل كدا وقالت هي كدا تحب أذية الخلق ولاتتوارى عن الإفساد بين الناس وتموت وتخرب عليهم منجد إخواني لولا الله ثم إنتم كان حياتي بجد جحيم الحمدلله كلامكم كتيرريحني وخلاني أرتاح نفسياً حتى مع زوجي الله يسعدكم دنيا وآخره :d ويدخلكم الجنة بغيرحساب ويجعلكم من المرافقين للحبيب محمد صلى الله عليه وسلم |
اقتباس:
كم أخوه ..كلم أخواته عشان تبعد عنه وبرضها ماتبطل وأنا كمان قلت لها لاتزعجي زوجي بإتصالتك ولاتكلميه عن مشاكلم كلاً عندو مشاكل ولاهمها بل زادت علين وصلت فيها إنها ترسل له رسايل غزل وحب وشوق للقاءه ونفسها تكون بحضنه يعني من زمان وأنا أراقب الوضع من بعيد وزوجي الحمدلله مايخبي عني شئ بس زودتها حسبي الله ونعم الوكيل حتى لما كانت تمشي قدامه أوقدام الغيربدون حشمه وأدب كلمتها من باب إنو عيب المسلمه تعمل كدا تقوم تقولي غيرانه مني وتروح تلبس بدون حشمه أكتر وأكتر عشان افعالها المشينه أنا حرمت دخولها لبيتي وقلت لزوجي لوجات مرت أخوك هادي أنا بأطلع فالحمدلله حرم هو دخولها للبيت لأنو كل ماجات عندي تعملي مشكله وتطلع تمشي قدام أولادي بلباس قصيره اوعاريه لاأدب ولاحشمه وضايقني هالشئ حتى قدام عيال أخوات زوجي وأعمارهم كبار ماشاء الله 22 سنه و24 سنه والكل كلمها ومافي فايده والحمدلله أحب أكون حكيمه فالحكيم لا يندفع في تصرفاته. إنما يتروى ويتبصر الله يبعدنا عن شرها ياااارب |
حبيبتي
لو ان مكانك مااتوقع اني ابحط راسي براسها واراسلها !! سوى انا او من صديقاتي الثقات .... لان هلامر يزيد الامر سوء من وجهة نظري ... والسبب.؟ لان زوجة اخوك لم تهتم لرأي زوجها ابدا ولم تلتفت له رغم ان زوجك قال له وضربها وشوفيها مستمره ... ولكن لو كنت مكانك لسلكت كل الطرق ومنها .. أكلم ام زوجي بلموضوع لاجل تتناقش مع ولدها او مع زوجته الاهم يوصل الامر لشخص له كلمه ع اخو زوجك سوى من اخواته او امه ...(طبعا انتي كلمي ام زوجك ووضحي لها الامر ). او زوجك لايعطي اي اهتمام لجواله ولا انتي بعد يعني تطنييييييييييش تاااااااااام ولا كأنها ترسل لاني انا وزوجي جربنا هلطريقه بعد مشاكل مع معاكس للاسف نعرفه لكن لانملك دليل ع انه هو ...وتخيلي طنشناه حول 9 شهوووووور ولا كأنه يتصل او يرسل اقسم بالله مل وطفش وكنا ندعي عليه والحمد لله ربي فكنا منه مع الصبر والدعااااء .. فكري مو معقول بتقعد طوووووووووول العمر ترسل هي عاجبها انها حارقه دمك وسوت بلبله بدليل ان زوجك كلم اخوه ...(تلقينها مسويه عيد ) نصيحه لاتحطين راسك براسها ابدا ابدا لان يمكن تسوي ادهى من ذلك ولا همها لا زوج ولا فلان ولا علان .! خلي الامر بيدك انتي وزوجك بلتطنيييييييييش والدعاء وانتي اذا وصلت رساله لجوال زوجك لاتقرينها بسرعه وصلت دليت حذف . وانتهت المشكله يحتاج منكم صبر فقط . |
والله انها قليلة ادب حتى بعد تغير الرقم تتصل
المفروض زوجك مايعطي الرقم وخلي يزعل اذا ماعندوا رجولة يتعلمها حطوها في البلاك لست او بلغوا انو رقم مزعج صراحه وقحة حسبي الله فيها اقتباس:
|
ماأقول الا الله يعينك
ونصيحه لاتخربي بيتك عشانها وتتمشكلي مع زوجك الحمدلله زوجك واثقه فيه ويقولك كل شي ومثل هالنوعيه تقرف منها النفس لاتكدري خاطرك لعيونها :) واتكلي على الله وادعي انو ربي يكفيكم شرها |
| الساعة الآن 04:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©